اللون الافضل اسود & فضي النترا 2013

[ahmed asem]

ان شاء الله خلال ساعات
هستلم النترا 2013
فل لوديد
178000
لا يوجد اللون الابيض رغم انه الاجمل والافضل عليها
يوجد عده الوان
اسود فضي نبيتي سماوي فيراني
وكم لون تاني

اي الالوان افضل

[د.محمدعبدالعال]

السماوي فيها حلو قوي وبعده الفيراني

وربنا يباركلك فيها ويكفيك شرها وشر الطريق

[BUNSH]

تستلم على خير بأذن الله ..
والالوان ديـــة بتبقى اذواق بس بنسبـــالى *ابيض_اسود_فضى*
وملقتش ولا لون من دول وأنا بستلم واللى لقيتة كان الفيرانى .

[Walid_M]

الاسود جامد ... بس مزعج في نظافته !!!

والفيراني كمان مجرم !!!

إعمل استخارة وتوكل على الله .... ومبروك مقدماً

تحياتي

[S O P H O S]

راي فيراني
بعده الفضي ..

[M.Elgergawy]

نبيتي
فضي

[windofchange]

الفضي حلو وبيحافظ علي العربية من وهج الشمس وبيخلي حرارة الكابينة من جوه اقل فبيخلي الكومبريسور التكييف يفصل اسرع فتوفر بنزين(وصهد جوه الكابينه بيبهدل الفرش والمكونات الداخلية للعربية) غير انه لون جميل في نظري وبحسه بيكبر حجم العربية ويفخمها وفي شركة بحثية المانية نصحت باللونين الابيض والفضي علشان كده

[Ghosts]

الفضي حلو وبيحافظ علي العربية من وهج الشمس وبيخلي حرارة الكابينة من جوه اقل فبيخلي الكومبريسور التكييف يفصل اسرع فتوفر بنزين(وصهد جوه الكابينه بيبهدل الفرش والمكونات الداخلية للعربية) غير انه لون جميل في نظري وبحسه بيكبر حجم العربية ويفخمها وفي شركة بحثية المانية نصحت باللونين الابيض والفضي علشان كده

+111111111111111111111111 ....
الفضى وش ....

[dozo]

تستلم على خير ان شاء الله .
و مستنيين التقرير الجامد .

[hilal]

اللون الفضي هو أكثر الالوان مبيعا على مستوى العالم ، ولذلك أرشحه لك
وفي النهاية العملية أذواق ، ولولا اختلاف الأذواق لبارت الاسواق

[micho129]

اسود

[Nashaat Rady]

فضي او فضي او ممكن فضي و لو مش عاجبك هات فضي

و الف مبروك عليك مقدماً الالنترا الفضي:):):)...

[dadapharma]

رأيى الشخصى اللون البرونز .. هأقولك ليه؟؟ لون جديد و مميز أعتقد ماكنش موجود السنة الى فاتت, عملى و التجريح و الخبطات و التراب ما بيظهرش فيه عكس الأسود و وسط بين الألوان الفاتحة و الغامقة بيظهر شكل فانوس الألنترا المميز و اللون البرونز لون حرباية, الصبح دهبى و باليل بيج غامق
أنا حاجز الفئة التالتة و هستلم الأسبوع ده أن شاء الله ,بس المتاح فضى بس و عينى على كل العربيات الألنترا الى بشوفها من شهر و شفت تأثير التراب و التجريح .. النبيتى تقريبا أحلى لون بس لو أتجرح الى هيبص عينه بتجيب الخبطة على طول.. ما تنساش الأستخارة..

[Batman372]

لو كنت عايز ابيض يبقى البديل يا فضى او سماوى ...

[p r i n c e]

لو مكانك هجيب
أسود
تحفة على الإلنترا