نصيحه لملاك الاكسنت اربى اللى غيرو المساعدين

[atyam]

السلام عليكم ورحمة الله وبركاته

من فتره كده كنت بشتكى ان العربية ابتدت تهبط كل مايكون حد معايا ورا او فى مطبات الهوا وتقريبا رجعت زى مكانت بالمساعدين اللى نازلة بيها واللى عملت مشاكل للكل وروحنا غيرناها

وطبعا كالعاده لما روحت التوكيل ودخلو العربية وطلعو قالولى الدنيا زى الفل وربطنالك العفشة والارتفاع كده مظبوط

وخدت العربية ولقيت طبعا فيها نفس العيب فكبرت دماغى بقى من التوكيل وروحت لحد بتاع عفشه كشفلى على العربية والعيب طلع ان السوست ورا ضعفت او بمعنى اصح طريت من تنطيط المساعد القديم وعلى مركبت المساعد الجديد اشتغلت معايا فتره وبعدين جابت اخرها وده لانى للاسف مشيت سنة وشهرين بالمساعد القديم اللى كان بيجهد السوست

والمشكله الاكبر بقى انى اتصلت بهيونداى دمشق عشان اسال على السوست قالى دول مش موجودين وتعالى ادفع عربون وهنطلبهم من كوريا وهيجو فى خلال 3 اسابيع وسعر الفرده الواحده 330 جنيه يعنى جوز السوست 660 جنيه

فنصيحه لكل واحد مشى فتره كبيرة بالمساعدين القديمه يتابع الموضوع ده ويبص على السوست اللى ورا وعلما ان مشيت عليهم 25 الف كيلو وركبت المساعدين الجديدة وكانت العربية زى الفل معايا لحد موصلت ل30 الف كيلو ومن هنا ظهر العيب

[haissam24h]

ديه تتغير على حساب التوكيل

[elmo7amed]

مشكور جدا على النصيحه بس انا غيرت المساعدين بعد حوالى 3 شهور من استعمال العربيه

[john55]

ايه المشكله انا واحد قالي في ورشه قليوب ان السوسست بتتغير علي الضمان جرب ومش هتخصر حاجه

[semsem7222]

ايه المشكله انا واحد قالي في ورشه قليوب ان السوسست بتتغير علي الضمان جرب ومش هتخصر حاجه

ياريت حد ياكد المعلومة دى ولو فى نوع سوست تانى تمشى مع العربية تكون انشف شوية لان السوست دى طرية فعلا

[atyam]

مشكور جدا على النصيحه بس انا غيرت المساعدين بعد حوالى 3 شهور من استعمال العربيه

العفو يا باشا وطالما ممشيتش عليها كتير يبقى خير ان شاء الله

ايه المشكله انا واحد قالي في ورشه قليوب ان السوسست بتتغير علي الضمان جرب ومش هتخصر حاجه

صراحة ياباشا انا كرهت ام التوكيل وهتصرف واركبهم برا وبلاوجع دماغ بقى

ياريت حد ياكد المعلومة دى ولو فى نوع سوست تانى تمشى مع العربية تكون انشف شوية لان السوست دى طرية فعلا

تم ياباشا وانا اليومين دول بشوف حل للبديل اللى يمشى مع العربية لانى مش ناوى اركب بتوع هيونداى تانى وهاكد اول منفذ ان شاء الله

[semsem7222]

ياريت والله وعرفنا نوعهم وجبتهم منين ومشكور جدا

[Samir Elshahawy]

لو فيه مشكلة في السوست بيتم تغيرهم في التوكيل في الضمان و ده كلام مؤكد لما كنت هناك من يومين و كنت بسأل علي مشكلة الار بي

ياجماعة ياريت تعملوا موضوع موحد و اللي غير مساعدين و لسه عنده مشكلة في العربية يكتب بياناته :
- الاسم
- موديل العربية
- تاريخ الشراء
- رقم الشاسيه
- رقم الموتور

و أن شاء الله سيتم رفع الموضوع الي التوكيل و أن شاء الله يتم حل المشكلة نهائيا

[semsem7222]

طيب انت عملت اية دلوقتى غيرت السوست بنوع تانى ولا عملت اية ياريت تعرفنا علشان انا مخنوق من موضوع الحكة وناقصلى شعرة واعلى العربية بعلايات

[atyam]

لا انا لسه معملتش حاجه عشان كنت مستنى السبت عشان اجازة فاستنانى لبكره هنزل الحرفين وهقولك عملت ايه

[atyam]

الحمد لله تم تغيير السوست اليوم والموضوع كالتالى

روحت الحرفيين وقابلت واحد صحبى هناك ودانى عند واحد بتاع عفشة وفك السوست وفعلا الراجل اول مفكها قالى دى طرية جدا على العربية واخدهم وراح عند واحد بتاع قطع غيار استيراد بيبيع سوست لعربيات كتتير وقعد يدور على جوز نفس المقاسات لحد ملقى جوز فى حجمهم وجبهملى وكانت بس المشكله ان الوش بتاعهم من فوق مقفول شوية ومش بيخلى الكاوتشة تركب واخدهم عند خراط وفتحهم شوية

وركبهم وهما زى بتوعها بالظبط بس انشف مش بالساهل تعرف تضغط السوسته بايدك زى بتوع العربية اللى عاملين زى السوست اللعبة

للاسف بقى وده اللى مزعلنى جدا انى معرفش نوع السوستتين ايه ولا حتى الراجل اللى باعهم للراجل لان الموضوع جه بالتوافق من واحد عندو سوست عربيات كتير استيراد بس الحمد لله جم نفس المقاس وطلعت جربت لقيتهم الحمد لله مش بينططو العربية وكلت بيهم كام مطب وكانو تمام بس عيب بسيط هيروح مع الاستعمال انهم هيعلو العربية من ورا حاجه بسيطه ومع الحمولة ورا العربية هتبقى تمام

[atyam]

نسيت اكتب التكلفه

250 جنيه جوز سوست استيراد
20 جنيه استعدال عند الخراط
100 جنيه مصنعية للعفشجى

[matantawy]

الحمد لله تم تغيير السوست اليوم والموضوع كالتالى

روحت الحرفيين وقابلت واحد صحبى هناك ودانى عند واحد بتاع عفشة وفك السوست وفعلا الراجل اول مفكها قالى دى طرية جدا على العربية واخدهم وراح عند واحد بتاع قطع غيار استيراد بيبيع سوست لعربيات كتتير وقعد يدور على جوز نفس المقاسات لحد ملقى جوز فى حجمهم وجبهملى وكانت بس المشكله ان الوش بتاعهم من فوق مقفول شوية ومش بيخلى الكاوتشة تركب واخدهم عند خراط وفتحهم شوية

وركبهم وهما زى بتوعها بالظبط بس انشف مش بالساهل تعرف تضغط السوسته بايدك زى بتوع العربية اللى عاملين زى السوست اللعبة

للاسف بقى وده اللى مزعلنى جدا انى معرفش نوع السوستتين ايه ولا حتى الراجل اللى باعهم للراجل لان الموضوع جه بالتوافق من واحد عندو سوست عربيات كتير استيراد بس الحمد لله جم نفس المقاس وطلعت جربت لقيتهم الحمد لله مش بينططو العربية وكلت بيهم كام مطب وكانو تمام بس عيب بسيط هيروح مع الاستعمال انهم هيعلو العربية من ورا حاجه بسيطه ومع الحمولة ورا العربية هتبقى تمام

تسلم يا باشا والله بس قولنا بتاع العفشة ده اسمه ايه و بتاع قطع الغيار الاستيراد برضه اسمه ايه
ادينا مستنيين اصلا غبور يغير المساعدين و بعد كده نعمل اللى حضرتك عملته

بس سؤال، الصدادة اسيبهم يقطعوا منها ولا هما بيستهبلوا عشان يداروا على ضعف المساعدين و السوست؟؟

[atyam]

تسلم يا باشا والله بس قولنا بتاع العفشة ده اسمه ايه و بتاع قطع الغيار الاستيراد برضه اسمه ايه
ادينا مستنيين اصلا غبور يغير المساعدين و بعد كده نعمل اللى حضرتك عملته

بس سؤال، الصدادة اسيبهم يقطعوا منها ولا هما بيستهبلوا عشان يداروا على ضعف المساعدين و السوست؟؟

والله ياباشا انا معرفش اسمه عشان هو ورشة عفشة عادية مفتكرش ان كان ليها اسم ولا حتى المكان اصلها متاهة جوه الحرفيين بس هكلم صحبى واحاول اجيبلك رقم التليفون بتاع الأسطى أسامة اللى عملها وهو بردو اللى راح جاب السوست وهو هيوصفلك

[matantawy]

والله ياباشا انا معرفش اسمه عشان هو ورشة عفشة عادية مفتكرش ان كان ليها اسم ولا حتى المكان اصلها متاهة جوه الحرفيين بس هكلم صحبى واحاول اجيبلك رقم التليفون بتاع الأسطى أسامة اللى عملها وهو بردو اللى راح جاب السوست وهو هيوصفلك

اه يا ريت لو نعرف الاسم او رقم التليفون عشان المكان هناك مغاااارة و يتوه و سهل الواحد ينضحك عليه للأسف !
و معلش تعبينك معانا