نصيحه لملاك الاكسنت اربى اللى غيرو المساعدين

[amagroup]

معلش انا باعترف اني خبرتي قليله بس السوست لو نشفت او اخترت نوع ناشف والعربيه فاضيه هتلاقي كل مطب او حفره كأن في بوكس بيجي في الشنطه وعن تجربه تغيير سوست الماني ناشفه مكان ايطالي في عربيه قديمة الله يصبحها بالخير -كانت عشره عمر والله- فيات 31
المهم معتقدش ان المشكلة في تغيير السوست ولو في حد خبير عفشه يشرح لينا بقي اهميه السوست ايه والمساعدين ايه وامتي اغير ده وامتي اغير ده وامتي اغير الاتنين

[khaabas]

تسلم يا باشا والله بس قولنا بتاع العفشة ده اسمه ايه و بتاع قطع الغيار الاستيراد برضه اسمه ايه
ادينا مستنيين اصلا غبور يغير المساعدين و بعد كده نعمل اللى حضرتك عملته

بس سؤال، الصدادة اسيبهم يقطعوا منها ولا هما بيستهبلوا عشان يداروا على ضعف المساعدين و السوست؟؟

يا برنس هو ظهر عندك حاجة علشان الكلام ده متهدى بقى وعالفكرة فيه موديلات 2011 - 2012 والله محد اشتكى من المساعدين يعنى ممكن تكون عملية نسبية لو ظهر عندك حاجة ماشى يبقى فيه كلام لكنك متخيلش نفسك واستمتع بالعربية موش كده ولا أيه :)

[matantawy]

يا برنس هو ظهر عندك حاجة علشان الكلام ده متهدى بقى وعالفكرة فيه موديلات 2011 - 2012 والله محد اشتكى من المساعدين يعنى ممكن تكون عملية نسبية لو ظهر عندك حاجة ماشى يبقى فيه كلام لكنك متخيلش نفسك واستمتع بالعربية موش كده ولا أيه :) :s_thum1[1]:

ظهر للأسف :(
كان فى اتنين راكبين ورا و اوزان خفيفة كمان و الشنطة فاضية و لاقت الصدادة عاملة احلى شغل مع اى مطب هواء، و فى مطب حكيت فيه مع انه مش عالى و انا كنت واخده بالراحة جدا بس العربية للأسف مع ابسط وزن ورا بتهبط، انا هبدأ بتغيير المساعدين و ربنا يسهل و محتاجش اعمل حاجة فى السوست ان شاء الله

[khaabas]

:( :(

[john55]

ظهر للأسف :(
كان فى اتنين راكبين ورا و اوزان خفيفة كمان و الشنطة فاضية و لاقت الصدادة عاملة احلى شغل مع اى مطب هواء، و فى مطب حكيت فيه مع انه مش عالى و انا كنت واخده بالراحة جدا بس العربية للأسف مع ابسط وزن ورا بتهبط، انا هبدأ بتغيير المساعدين و ربنا يسهل و محتاجش اعمل حاجة فى السوست ان شاء الله

انا غيرت المساعدين والعربيه معايا زي الفل ولو حد راكب معايا في الكنبه العربيه مرفوعه بنسبه كبيره واعتقد اني مش محتاج اغير السوست فانصح حضرتك غير المساعدين وشوف الفرق وبعد كدا دور علي السوست وشكرا

[matantawy]

انا غيرت المساعدين والعربيه معايا زي الفل ولو حد راكب معايا في الكنبه العربيه مرفوعه بنسبه كبيره واعتقد اني مش محتاج اغير السوست فانصح حضرتك غير المساعدين وشوف الفرق وبعد كدا دور علي السوست وشكرا

حضرتك غيرت المساعدين فى التوكيل اثناء الصيانة، مظبوط؟
انا مستنى اعمل كده ان شاء الله بس سامع اخبار وحشة ان مفيش مساعدين حاليا :(

[john55]

وانت بتعمل الصيانه حضرتك قلهم وان مكنش فيه مساعدين ممكن تاخد نمره مسئول قطع الغيار وتابع معاه لحد مايجوا وانشاء الله تلاقيهم وانت بتعمل الصيانه وبلتوفيق

[atyam]

حضرتك غيرت المساعدين فى التوكيل اثناء الصيانة، مظبوط؟
انا مستنى اعمل كده ان شاء الله بس سامع اخبار وحشة ان مفيش مساعدين حاليا :(

فعلا لازم تغير المساعدين الاول لانى انا واجهت الموضوع قبل المساعدين ولما غيرتهم فى التوكيل الدنيا اتظبطط ل5 شهور بس انا عشان للاسف مشيت فتره تزيد عن سنه بالمساعد القديم فضعفلى السوست

[matantawy]

فعلا لازم تغير المساعدين الاول لانى انا واجهت الموضوع قبل المساعدين ولما غيرتهم فى التوكيل الدنيا اتظبطط ل5 شهور بس انا عشان للاسف مشيت فتره تزيد عن سنه بالمساعد القديم فضعفلى السوست

ناوى على كده ان شاء الله بس يااااااا رب الاقى المساعدين فى التوكيل اما اروح يوم السبت !
انا بسبب تحذيراتكم دى راكن العربية و مستنى اغير المساعدين عشان مضغطش على السوست و تبوظ منى، جبت ال1000 فى السفر و بس على كده