الحمد لله اشتريت نيو اكسنت 2008

[michohat]

تروح وترجع بالسلامة وادعى للبلد والنبى يا باشا وعملت ايه فى الزجاج

ان شاء الله النيه خالصه لكده

[A.Saad]

التانك 45 لتر
الربع 11.25
كدة متفولة محترمة
لازم المؤشر يقفز جامد
ومش هينزل بسهولة
بس ياريت متركنهاش فى الشمس علشان بخر البنزين فى التنك

ضربة الشمس
سوائل كتير
ابعد عن اى حرارة
كمادات كمان لو امكن
الف سلامة

[michohat]

الحمد لله رجعت ومش عاوز اقولكم ع التعب اللي شوفته هناك
انا راجع من اسبوع تقربيا ونصيحه لو حد عاوز يطلع عمرة يتمتع بيها مش يروح ف فترة صيف يختار وقت يكون الجو فيه جميل وليكن الشتا
كنت مسافر عندي ضربة شمس و جيوبي الانفية والجهاز التنفسي تعبانين من البنزين اللي شميته
هناك كان كل نفس بتنفسة كإن شطه بتدخل بدل الهوا

المهم الجو كان حر و الزحمه واللي يحسسك بيها اكتر الانشاءات اللي ف الحرم المكي
وكمان زعلني المطاف اللي لسه عاملينه جديد ده لانه قافل الرؤية على اللي واقف ف الدور التاني وعاوز يشوف الكعبه

[michohat]

هل حد يعرف معلومه عن وسيلة التخزين دي
هل في منها في مصر؟

Hyundai Accent 2006-11 Spare Tire Organizer


http://hyundaipartspeople.com/produc...re%20Organizer

[kar!m]

هل حد يعرف معلومه عن وسيلة التخزين دي
هل في منها في مصر؟

hyundai accent 2006-11 spare tire organizer


2011 Hyundai accent spare tire organizer #08125-1E000

جامد جدا البتاع ده ... لو عرفت حد بيبيعه هنا يبقى تمام

هو ممكن يتجاب من بره .. بس هيكلف شحن كتير عشان حجما كبير.

[michohat]

جامد جدا البتاع ده ... لو عرفت حد بيبيعه هنا يبقى تمام

هو ممكن يتجاب من بره .. بس هيكلف شحن كتير عشان حجما كبير.

اللي فهمته انه متصنع من الفل ولقيت ارخص سعر له بره حوالي 6 دولار بس اكيد شحنه هيكون غالي علشان عرضه للكسر
فبفكر ف حاجه
لو مش لقيناه هنا ممكن نعمله
نعمل اسطمبه بالوضع الحالي من اي حاجه ونعمله من الاسبراي الفوم بتاع التلاجات

[michohat]

لاحظت ان فيه لمبه تشك للموتور مش منورة خالص
فهل هي اساسا ملغيه
وهل لو ملغيه محتاجه تجهيزات علشان اشغلها
ولا تكون مجرد لمبه محروقة او مش موجوده ولو حطيت اللمبة هتشتغل؟

حد فكر يشغل او يسئل ع الجهاز بتاع الانذار بتاع ضغط الاطارات؟

[michohat]

نور الكشافات الامامي دلوقت ضعيف

صاحب العربية الاصلي كان مركب زينون ولمضه اتحرقت او شالها قبل ما اشتريتها منه وركب لمض صفرا عاديه
هل اللمض دي محتاجه كتاوت علشان يعلي لي الاضاءة؟

[michohat]

معلش تاعبكمك معايا
الكاسيت بتاع العربية فيه جزء باظ وهو الجزء المتعلق بالفلاشة
فيه اي سي ضرب 0 حسب كلام اللي بيصلح الكاسيت ) وهو مش لاقيه وحتى لو لاقاه بيقول هنكون محتاجين نبرمجه ومفيش حد يبرمجه ولا حد معاه البرمجه اللي المفروض تنزل عليه

وبيقول الافضل تجيبه من واحد استيراد يكون نفس الموديل

فهل فعلا الحكاية صعبه كده ولا محدش قابل العطل ده قبل كده

[aymanshebl]

معلش تاعبكمك معايا
الكاسيت بتاع العربية فيه جزء باظ وهو الجزء المتعلق بالفلاشة
فيه اي سي ضرب 0 حسب كلام اللي بيصلح الكاسيت ) وهو مش لاقيه وحتى لو لاقاه بيقول هنكون محتاجين نبرمجه ومفيش حد يبرمجه ولا حد معاه البرمجه اللي المفروض تنزل عليه

وبيقول الافضل تجيبه من واحد استيراد يكون نفس الموديل

فهل فعلا الحكاية صعبه كده ولا محدش قابل العطل ده قبل كده

اللى يخليك تجيب واحد استيراد علشان تاخد من القطعة ديه و ممكن يكون فى مشكلة كمان فى برمجته مع الكاسيت اللى عندك طب ماتجيب واحد جديد او واحد استيراد كامل احسن بدل الغلبة دى

[michohat]

اصله الاوريجنال بتاع العربية

[A.Saad]

اسال فى النخيلى باب اللوق

[M I D O]

الف مبروك يا باشا وربنا يحفظهالك

[michohat]

حد يعرف الكاسيتات الاستيراد بتتباع فين و متوسط سعرها كام
وهل هلاقي واحد زي بتاع العربية علشان اخلي بتاعي كقطع غيار

و بفكر جديا اني اركب كاميرا خلفية فهل يفضل اني اجيب شاشة منفصله ( ف المراية ) ولا اخليها مع الكاسيت؟
(بفكر في الشاشة اللي بتطلع وبتدخل علشان احافظ ع وجود الدرج اللي تحت الكاسيت)



ممكن اعرف لو حد عنده عربية زي عربيتي استهلاك البنزين معاه قد ايه لان العربية سفاحه بنزين معايا
ال 131 ال 1600 ال 2 كامه الكربراتير كنت بمونها مرة كل اسبوعين دي مره كل اسبوع ونفس الاستهلاك بس زياده التكييف

[michohat]

معلش يا جماعه بتقل عليكوا
هيا جرايد العربية بتتباع بالواحده ولا طقم كامل ع بعضة
عندي جرايد البابين الامامين اول جزء منهم طاير ف الناحيتين وخايف الجريده تجمع بارومه تحتها لانها ممكن تحوش مياه ولا الاحتمال ده صعب