رابطه مالكي الفيرنا ...الجزء الاول الاخير

[moe gawad]

السلام عليكم

الفتيس فى المارشدير وهى بارده بيشخط
ولما اكارك دبرياج مرتين الشخطه بتروح ويشتغل عادى ؟ (دى كانت نصيحة العفشجى وقالى ابقي قولى ؟)
ده من ايه يا ترى ؟
وايه الحكمة من وراء مكاركة الدبرياج؟

******صوت ورررررررررر فى المارشدير لو زودت السرعه
ده عادى ولا فيه مشكلة ؟

وشكرا

خلى حد يوطيلك الدبرياج . ولو الدنيا فضلت زى ماهيا وده مستحيل انشاء الله اكشف على طقم الدبرياج

[moe gawad]

فيه ناس بتبيعه ب 70 جنيه .....عشان نضيف ومحدش اشتكي منه

وهوا هوا من التوفيقيه ب 25 جنيه

فيه فلتر موجود فى التوفيقيه نوعه موبيس . والعلبه مكتوب عليها بالكورى لونها ازرق فى ابيض . وجميله جدا ماشاء الله. وبتتغير كل 20000 فى معادها دون اى مشاكل
وسعرها فى التوفيقيه 30 جنيه مثلا

[verna2008auto]

فيه فلتر موجود فى التوفيقيه نوعه موبيس . والعلبه مكتوب عليها بالكورى لونها ازرق فى ابيض . وجميله جدا ماشاء الله. وبتتغير كل 20000 فى معادها دون اى مشاكل
وسعرها فى التوفيقيه 30 جنيه مثلا

الف الف شكر يا مومبيك

[verna2008auto]

ولسه يا فيرناويه البحث مستمر عن حل للون العربيه من الشمس

http://www.nilemotors.net/Nile/410613-a.html

وسوف نوافيكم بالاخبار

[verna2008auto]

شباب ...ده عرض جامد من المهندس محمد ( حمزه اوتو ) ..
اكيد ها تستفيدو يا فيرناويه

http://www.nilemotors.net/Nile/401867-hamza-auto-service-28.html#post3875476370

ويالا بينا على تكملة مهرجااااان العرووووضضضضض . وهانسمى العرض ده . وفر لنفسك وقضى صيفك باحسن المنتجات

اول عرض جديد . زيت فتيس اوتوماتيك و زيت باور شيل الاصلى بسعر 35 جم للكيلو
ثانى عرض . مياه za الاصليه انتاج المانى و تعبئه سعودى. وهذه المياه الخضراء المستخدمه بمجمل التوكيلات الكوريه واليبانيه الان . وهى من استيراد وانتاج شركة شيل الغنيه عن التعريف بسعر نتحدى به الاسواق 15 جنيه مصرى للتر المركز . الذى يتم تخفيفه على 2 لتر مياه عاديه .

ثالث عرض وهو العرض القاتل . دينامو . اعمل صيانتك واغسل عربيتك بره وجوه ولمع تابلوهك . وكمان فرشك . وخد خصم ال 50% بتوع المنتدى. واضربلك زجاجة مياه فى ريداتيرك هديه من مركزنا المتواضع طبعا مع غسيل الدوره كامله بالمياه والخل

والله الموفق . وادعولنا



المشاركة الأصلية كتبت بواسطة moe gawad

الساده الأفاضل اعضاء نايل موتورز الكرام ,,,,,

-:هانبدأ عروض الزيت الجديده :-

بدايه من اليوم والحمدلله تمكنا من الوصول لاحد مندوبى شركة شيل الكرام , والعروض بتاعتنا هاتبدأ بجد وده رغبةً منا فى رضاء العملاء والمحافظه على سمعة المكان و رفضنا بتحقيق اى مكاسب من قطعة الغيار والزيوت , ونتحدى

:- زيت شيل هيليكس الأصفر 5000 كم بسعر115 جم
زيت شيل الترا 10000 كم الرمادى بسعر 255 جم

وكمان باقى العروض كالأتى

فلتر زيت الاصلى توكيل بسعر 25 جم
فلتر بنزين الأصلى توكيل بسعر 40 جم

وانتظرونا بالمزيد والمزيد من العروض

[wael6]

السلام عليكم
بدات الاحظ صوت طقطقة فى الخلف فى الطرق المكسرة مع انى بكون ماشي سلانسيه ؟
وساعات اسمع تكه من جوه العربيه جاية من الصالون او من ناحية الطبلوه؟ ( هل ده من عيوب التقفيل )
طبعا وطو العربيه بيخلى الطوب الصغير فى لطرق المكسرة يخبط من تحت وبيكون مزعج
وحتى لو الكاوتش داس على طوبة مثلا بيعمل طقه جامده؟
يا ترى من ايه؟
متابع
وشكرا جزيلا

[verna2008auto]

السلام عليكم
بدات الاحظ صوت طقطقة فى الخلف فى الطرق المكسرة مع انى بكون ماشي سلانسيه ؟
وساعات اسمع تكه من جوه العربيه جاية من الصالون او من ناحية الطبلوه؟ ( هل ده من عيوب التقفيل )
طبعا وطو العربيه بيخلى الطوب الصغير فى لطرق المكسرة يخبط من تحت وبيكون مزعج
وحتى لو الكاوتش داس على طوبة مثلا بيعمل طقه جامده؟
يا ترى من ايه؟
متابع
وشكرا جزيلا

لا تقلق ...
عاوزك تروح اي بنزينه فيها هايدرولك رفع لعربيتك ..
وعاوزك تبص ورا علي مسمارين اسمهم (( سنترك زوايا خلفي ))




وارد يكون واحد منهم مهوي عشان كده بتسمع الاصوات دي .. قرط عليه الدنيا ها تبقي تمام
راجع موضوعي

http://www.nilemotors.net/Nile/297364-a.html

[a_shrief2006]

السلام عليكم لسه مركب اسطوانة وديسك اصلى غبور فيرنا 2009 وسامع صوت خبط عالى جدا لما باجيب الاول و خصوصا فى المطلعايا مايروحش الا ونا دايس على الدبيرياش و عرفت بعدين ان الاسطوانة فيها عيب هل لازم تتغير و لا تتصلح و لو حغير اجيب الاصلى غبور تانى و لا فاليو

[moe gawad]

السلام عليكم لسه مركب اسطوانة وديسك اصلى غبور فيرنا 2009 وسامع صوت خبط عالى جدا لما باجيب الاول و خصوصا فى المطلعايا مايروحش الا ونا دايس على الدبيرياش و عرفت بعدين ان الاسطوانة فيها عيب هل لازم تتغير و لا تتصلح و لو حغير اجيب الاصلى غبور تانى و لا فاليو

معنى انى حضرتك الصوت بيلروح وانت دايس دبرياج , يعنى بتكون فى وضع الثبات (
واقف يعنى) وانت طالع بتسمع صوت خبطه,
لو صوت خبطه بس اللى بتسمعوا ممكن يكونو نسيو يربطوا قاعده كويس سابوها مفكوكه, وده احتمال كبييير علشان الغلطه ديه شائعه جدا فى الفيرنا ,,,,
اتاكد بس قبل ماتغير الأسطوانه ده لو صوت خبطه , ممكن حضرتك تكلمنى لو تحب انى اساعدك واكدلك الصوت

01210555631

[moe gawad]

اصدقائى الفيرناويه الكرام.
نرجو من سيادتكم زيارة البرفايل الخاص بى . وترك تعليقاتكم على مجموعة الصور الحديثه للمركز . وسنوافيكم بالمزيد انشاء الله

م. محمد عبد الجواد.

[wael6]

السلام عليكم
كابل الارضي كام طرف بعد اذنكم
يعنى متوصل بالموتور والفتيس ولا لا ؟
ولا محتاج ازود كابلات ارضي لتحسين الكهربا
خصوصا انى بعانى بتداخل صوت الموتور فى الكاسيت سواء راديو او فلاشه؟
متابع
وشكرا جزيلا

[motoxp]

لو سمحتوا يا فيرناويه لو حد عنده فيرنا للبيع 1600 كامله فابريكه بالكامل مو 07 او 08 او 09 ياريت يراسلنى على الخاص وشكرا جدا

[verna2008auto]

شباب الفيرناويه ..
برجاء زياره اللينك الخاص بالمهندس محمد عبد الجواد
انا عن نفسي وعن تجربه المهندس محمد عبد الجواد من الناس الفهمه المحترمه ..
اللي عنده مشاكل نفسيه حتي ..المهندس محمد هايحلهاله

http://www.nilemotors.net/Nile/401867-hamza-auto-service.html

انا متصور كمان عنده ب فيفي كانت بعافيه ..بس الحمد لله شدت حيلها علي ايده

[verna2008auto]

شباب ... راجعو الموقف ده

http://www.nilemotors.net/Nile/411490-a.html

تحزير هام .. الموضوع بتاعي ده ل ( هوات المسلسلات البوليصيه والتحليل والتفكير )

ياشباب الفيرناويه ممكن تتابعو الجزء الاول من هروب الجبابره
http://www.nilemotors.net/Nile/341585-a.html (الفيرنا (( ماحدش يثبتها ابدا )) ((هروب الجبابرة )) قصة حقيقية)

كانت ها يتنصب علي الفيرنا النهاردة وانا فيها صباحا من بتاع ( برتقان او باللغه العربيه برتقال )

المشهد كالتالي

لسه ما صحتش من النوم طبعا وانا رايح شغلي كالمعتاد سايق 70-80 ( لسه ما شربتش نسكافيه ولا شاي ) المهم
وعشان البرد طبعا عصير البرتقان او البرتقال ده احسن شيء
لاقيت بالصدفه عربيه راكنه علي محورNA ( وده المعتاد ) بتبيع برتقان قلت اركن اشتريلي 2-3 كيلو مثلا

الراجل ماصدق وشافني ركنت لاقيته ( هبق ) علي العربيه وفإيده برتقانه وراح بحركه مسرحيه كده قطعها بإيده وبيديهاني وهيا بتنقط وانا جوه العربيه ...

ياسيدي يهديك يرضيك مش عاوز ( خد يابيه ده مانجه )
ياعمي يهديك يرضيك ..المهم مسكهاني في إيدي وقالي اجيبلك كام كيلو
قلتله هات 5 كيلو
شافني وانا با افتح المحفظه كان فيها فلوس( مدرسه ابني) المهم
لاقيته بيقلي(( عاوز منك ورق مجمد وهاديلك فكه))
قلته ماشي عاوز كام
200 جند..
اديتله ال 200
بشويه شقلبه كده كنت دافعله ورقه ب 200 جند في الاول عشان ياخد منها فلوسه ( تمن البرتقان ) ويرجعلي الباقي
يبقي كده المفروض يديني فكه ال 200 الاول وبعد كده يديني باقي حسابي من ال200 التانيه


المهم راح جابلي شنطتين ودخل ايده من الشباك وحطهم علي حجري
وانا اصلا ماسك المحفظه والبرتقانه المفتوحه باليد التانيه
يعني ((( دربكه ))

طيب يابني الفلوس فين ..
راح مديلي من جيبه (( حفنه من الفلوس -حفنه من الدنانير ) خمسات جنيهات وتعمد يرميهم جوه العربيه!!!!

عشان يكمل باقي ( الدربكه اللي هوا حطني فيها )

مره واحده حسيت اني فقت وبدائت اخد وضع دفاعي وكشرت عن انيابي
..
رحت
علطول سيبت كل اللي ف ايدي ورميت ( البرتقانه) ومسكت ايده ..(( قلتله اهدي بس شويه ))

ورحت فاتح باب العربيه وزقيت الفلوس اللي هوا رماها دي جوه كده بإيدي بره
ومانزلتش من العربيه...

قلتله دول مش فلوسي كلها
خد حجاتك وهات فلوسي يا بلدينا
عرف اني فقسته


فعلا عمل كده لاني كنت ها ادشمله عربيته اللي كانت راكنه ورايا دي بالبرتقان في الشارع وهايبقي يوم ( داندره )

وبكده الحمد لله رجعت فلوسي من النصاب ده وبرده خدت منه البرتقان

ادوات الجريمه
اضغط هنا لمشاهدة الصورة بالحجم الطبيعي.

ويجعله عامر ..
صراع الجبابره
بلدينا كان ها يظرف مني فلوس ويرجعلي ( حفنه من الدنانير )

ماحدش يعرف يضحك علي الفيرناويه

[wael6]

حمد الله على سلامتك
وياريت بقا تبعتلنا شوب عصير لزوم البرد ههههههههههههه