استفسار تغير من كارينز الى النترا و ارجو المساعدة

[ALMASHOR]

اخوكم من قسم كيا و كنت بفكر ابيع كيا كارينز 2010 - 21700 الف كم و اجيب النترا 2012 مستعمله استعمال خفيف كدة ف حدود 120-122 الف و كم قليل ف قولت مفيش احسن من ان استفسر من اصحابها :) و كنت عايز اعرف الفتيس ال6 سرعات حلو ولا بتحس بالنقلات و التكيف ايه نظامه و بياثر على العربيه ولا لا و الثبات و الوسع الداخلى بالرغم من ال2 قاعدة العجل 2700 و هل هحس بفرق فى العفشه multi link suspension فى الخلف و الالنترا torsion bar ف تنصحونىى بالتغير ولا لا

[ethooo]

متابع

[toty_305]

- في جزئية العفشة ال Multi-link أحسن و مريح أكتر من Torsion beam

-انا شايف الفرق الوحيد الشكل و قوة الموتور عن ال Carens غير كده مفيش

[Ahmed_Adham]

لو شاري الكارينز من الزيرو حرام تبيعها وتجيب عربيه مستعمله متعرفش فيها ايه واللي قبلك كان بيتعامل معاها ازاي ده الناس كلها بتعمل العكس بتطلع من المستعمل وتجيب الزيرو.

[ALMASHOR]

اه ما الكارينز معايا من الزيرو و بتتحرك قليل اووى بس هى الصراحه ضعيفه شويه و لو شوفت النترا استعمال خفيف اكيد تبقى احسن من الكارينز فى السحب و كدا طب و مساحه الصالون الالنترا حلوة زلا الى ورا بيبقى مدايق او حاجه اصل انتو عارفين الكارينز و القعدة بتاعتها :)

[Ahmed_Adham]

اه ما الكارينز معايا من الزيرو و بتتحرك قليل اووى بس هى الصراحه ضعيفه شويه و لو شوفت النترا استعمال خفيف اكيد تبقى احسن من الكارينز فى السحب و كدا طب و مساحه الصالون الالنترا حلوة زلا الى ورا بيبقى مدايق او حاجه اصل انتو عارفين الكارينز و القعدة بتاعتها :)

فرق السحب هيكون بسيط وهتخسر قدامه حاجتين. أولا المساحات الواسعه في الكاريز طول وعرض وارتفاع ده حتى الكرسي جواها عالي. وثانيا انت عربيتك جايبها زيرو وعارف أولها من أخرها وماضيها كله بحلوه ووحشه (لو كان فيه وحش لا قدر الله) لكن هتجيب عربيه مستعمله الله أعلم كان فيها مشكله ايه ولا كانت بتتساق ازاي يبقى حرام عليك.

مقولتلناش صحيح سبب التغيير ايه. السحب الضعيف بس؟

[M I D O]

الالنترا عربية جميلة جدا لاكن مادام الكارينز مريحاك لية تغيرها

[ALMASHOR]

يعنى السحب الضعيف و انها بقالها 3 سنين و من الممكن الاستغناء عن المساحه بنسبه صغيرة فقولت اغير من الكارينز الى الالنترا تكون استعمال خفيف بفواتير الصيانه و كدة يعنى بس شكلها صعب انى اجد واحدة بالمواصفات دى :) بس قلقان من العفشه شويه فى الالنترا و بعدين الالنترا بتبقى مشيه سرعه عاليه و الموتور مستريح عن الكارينز الصراحه

[adelghanem]

يانا متهيالى ان فرق السحب مايستاهلش المجازفه
لحسن بكره تندم

[ALMASHOR]

ايه يا جماعه فين اصحاب الالنترا مش هيسعدونا ولا ايه :) ولا عشان احنا من قسم كيا :)

[msobhy]

نصيحه - خليك فى الكارينز
الا فى حاله واحده
لو هاتشترى من شخص انت عارفه - غير كده صدقنى خسارتك هاتبقى كبيره

[DEVILRIDER]

تسارع الالنترة أحسن بـكتير وهتحس بالفرق .. التكييف كويس مفيهوش حاجة إلا لو العربية واقفة في شمس بالها فترة وسخنة جدا مش بيسقع في ساعتها ومش بيأثر عالسحب ... السبت كويس لحد 160 - 170 ده اللي أنا جربته ... العربية واسعة ما شاء الله ... اللي هتحس بيه ومن عيب العربية السقف واطي هو مش عيب بس عشان إنت معاك كارنس سقفها عالي هتحس بالفرق ... العفشة طبعا الملتي لينك أحسن وهتحس بالفرق لو إنت راكب ملتي لينك قبل تورشين بيم.. ولو هتجيبها انصحك (بـايموبليزر) وهي أحسن من الكارنس والتوكل على الله بس جرب تسوقها الأول يمكن متعجبكش

[toty_305]

-يا جدعان هو بجد الالنترا ثابته على 170 طيب حد يوصفلي ازاي يعني لو ملف جامد بتمسك نفسها في الحارة لة كبست فرامل جامد غرزة بالعرض جامدة الطريق مكسر و كل ده ب torsion beam

-لو كده الواحد بقى ينفض لل Octavia و ال jetta و الناس دي و يركب هيونداي

[Dr.M_baz]

التغيير مش مستاهل .... عفشة الإلنترا زي السيراتو و هتحس بفرق جامد عن الملتي لينك.

[Land_Cruiser]

فرق السحب هيكون بسيط وهتخسر قدامه حاجتين. أولا المساحات الواسعه في الكاريز طول وعرض وارتفاع ده حتى الكرسي جواها عالي. وثانيا انت عربيتك جايبها زيرو وعارف أولها من أخرها وماضيها كله بحلوه ووحشه (لو كان فيه وحش لا قدر الله) لكن هتجيب عربيه مستعمله الله أعلم كان فيها مشكله ايه ولا كانت بتتساق ازاي يبقى حرام عليك.

مقولتلناش صحيح سبب التغيير ايه. السحب الضعيف بس؟

+1
اعتقد برضه ان النقله دي مش هتبقي مفيده لان هتضحي بمميزات في الكارينز قصاد مميزات تانيه في الالنترا و مش بتطلع لفئه اعلي مثلا ده غير المخاطره من شراء. المستعمل اصلا بالاضافه الي ان عربيتك ماشيه عداد كيلومتر قليل و لسه بحالتها . لو عايز نصيحتي أستني بعربيتك شويه و حاول تدخر فلوس تقدر تحطها علي تمنها و تجيب بيها فئه اعلي زي الاسترا او الكورولا الجديده او قاشقاى او ix35 علشان تحس انك عملت انجاز