الwd40 بصراحة عمل معايا اللي معملوش معايا جوز خالتي :)

[Ashraf_Ibrahim]

نفس الفكرة برده بيشيل الخدوش السطحية على الزجاج :]

[KamalShawqi]

انت من اكتوبر ؟

اه يا باشا، أي خدمة هناك تحت أمرك :)

[KamalShawqi]

نفس الفكرة برده بيشيل الخدوش السطحية على الزجاج :]

نفس الفكرة اللي في دماغي اللي هاجربها في الويك اند ده إن شاء الله، عندي خدش في الازاز الامامي بسبب المساحات

هاجرب وربنا يستر على الازاز وهاقولك على النتيجة هنا بالصور إن شاء الله :)

[Mohamedarazak]

فتجربتي البسيطة بتقول ان تمسح الحاجة كلها بالدبليو دي، الكبوت كله، الباب كله، انا بس عشان كنت بجرب وخايف برضه على الدهان


ووالنبي يا جماعة الموضوع ده الناس لو هاتعمله تعمله على مسؤلينها الشخصية عشان محدش بس يشيلني ذنبه لو حصل لدهانها حاجة، اعمل بايلوت تيست على الاكصدام مثلا قبل ما تعمم التجربة :)

وظسىسونطويط

[Mohamedarazak]

كيا باشا من الآخر و عن تجربة مريرة ال wd 40. بياكل الدهان

[A.Saad]

اه يا باشا، أي خدمة هناك تحت أمرك :)

اغسل فى توتال اللى على طريق الواحات
خد الشارع اللى فيه الجهاز لطريق الواحات وادخل طريق الواحات واعمل يوترن
غسيل خارجى 10
غسيل داخلى 10
والولد هناك اسمه هانى ومحترم جدا
بس مفيش غسيل كيماوى

[JAM]

اغسل فى توتال اللى على طريق الواحات
خد الشارع اللى فيه الجهاز لطريق الواحات وادخل طريق الواحات واعمل يوترن
غسيل خارجى 10
غسيل داخلى 10
والولد هناك اسمه هانى ومحترم جدا
بس مفيش غسيل كيماوى

وشفت يافطة فى المحور الركزى الثانى بعد الكنيسة وانتا رايح فى إتجاه المنطقة الصناعية .. يافطة على الرصيف على إيدك اليمين غسيل العربية برا وجوا ب 20 بلبل.. عايز أروح اجرب

[aliabdo]

يا جماعه ال w-40 ليه استخدامات كتير بس معروف انه بياثر على الدهان

[KamalShawqi]

اغسل فى توتال اللى على طريق الواحات
خد الشارع اللى فيه الجهاز لطريق الواحات وادخل طريق الواحات واعمل يوترن
غسيل خارجى 10
غسيل داخلى 10
والولد هناك اسمه هانى ومحترم جدا
بس مفيش غسيل كيماوى

تسلم يا باشا، هاجربه إن شاء الله

اللي عجبني في بنزينة الحصري (بغض النظر عن الشاي اللي ذلوني بيه عشان ياخدوا بقشيش كأني دافع ١٥ جنيه مش ٤٠) انهم غسلوا الماتور بالجاز وغسلوا تحت العربية وغسلوا جوا العربية ومسحوا الشنطة والتابلوه وغسلوها من بره بالصابون، بصراحة لاقيت ال٤٠ مش خسارة

جربت برضه المغسل السوري في الطريق وانت رايح المنطقة الصناعية علي ايدك الشمال ب٢٠ جنيه، بس الصابون قليل وما بينضفش الشنطة وما بينضفش التابلوه بملمع للتابلوه، يدوب يعدي عليها بقماشة فيها ماية

يعني الاتنين يا عالي يا قليل، نجرب توتال دي ممكن نبقي زباين دايمين عندهم :)
والكيماوي مش مشكلة انا عامله قبل كده ب٧٥ جنيه (كان طالب ١٠٠ جنيه)

[KamalShawqi]

يا جماعه ال w-40 ليه استخدامات كتير بس معروف انه بياثر على الدهان

الموقع نفسه وتجارب الناس الاجانب بيقول ما بيأثرش

بس لو استخدمت الاستانلس اللي بيغسل الاطباق مع الدبليو دي يبقي ما نستغربش لو شال الدهان والصاج كمان :)

اقرا دي:
WD-40, Effect on Car Paint? - Yahoo! Answers

ودي جزء من الموقع نفسه:

What surfaces or materials are OK to use WD-40 Multi-Use Product on?
WD-40 Multi-Use Product can be used on just about everything. It is safe to use on ....l, rubber, wood and plastic. It can also be applied to painted ....l surfaces without harming the paint. Polycarbonate and clear polystyrene plastic are among the few surfaces on which to avoid using a petroleum-based product like WD-40 Multi-Use Product.

وغيره كتير دور بس على النت وادعيلي

يمكن كان فيه ظروف خاصة معاك خلتك تقول كده، يمكن طبقته على عربية راشة مش دهان فابريكة مثلا

[adelghanem]

الراجل اتجنن....!!!

ازيكوا يا شباب

انا قولت أجرب انضف العربية (النترا 2011) بعمنا الدبليو دي 40 ونشوف كده ايه موضوع الخدوش اللي بيشلها دي.

ودي كانت النتيجة، أسيبكم مع الصور:

دي خدوش في الجمب قبل وبعد عمك wd40:









دي بقي حاجة في الاكصدام الامامي ما تشالتش بأي غسيل مع اني بفتري في غسيلها:



وبعد الدبليو دي:



ودي حاجة كده في الاطصدام ورا:



وبعد مالدبليو دي عمل معايا الجلاشة:



ودي حاجة كانت معكنناني في الاكصادم اللي ورا:



وبعد:



ايه رأيكوا؟

السلام عليكم ورحمة الله وبركاته
اليكم التجربه الى خضتها بعد الموضوع ده:-
بعد قرايه المشاركه وحوالى الساعه 11ونص مساءا
عديت على واحد صاحبى وحكيت له على الموضوع وكان عنده الdw40
فرح وجابه من البيت وقمت مجرب قدامه على حتتين فى العربيع بيهم خدوش
خدش فى الكبوت والتاتى فى جنب العربيه وفرح جدا وقالى بكره حجرب فى كل خدوش العربيه بتاعته
وانا حاشترى واحده ولما افضى اعمل العربيه بتاعتى

وبعدين روحت البيت واتعشيت واتفرجت على التلفزيون لوحدى
والساعه 2 بالليل قلت ادخل على النت وفتحت الموضوع
----------------------
واذاااااااااااااا ألاقى مشاركه الاستاذMohamedarazak
وفيها انه عمل كده ولقى دهان العربيه اجرب
وكانه ليه 100 سنه
حسيت كان فى كهربه دخلت جسمى واتنفضت
وهات بسرعه الجردل والميه والصابون السائل وسفنجه
واى حاجه قدامى فى المطبخ
ونزلت على الشارع وهات ياغسل فى العربيه
المدام لما سمعت الاول الدوشه اللى عملتها فى المطبخ
وبعدين صوت الباب بيتفتح ويتقفل بسرعه
صحيت والظاهر انها نادت عليه وانا مش سامعها
قامت ودورت عيه فى البيت وبعدين بصت من البلكونه
وطبعا شافتنى وانا باغسل العربيه الساعه 2 الصبح!!!!!!
قالت فى نفسها اكيد الراجل اتجنن!!!!!
----------
ورجعت للبيت الساعه 3 وهيه بتنام على الكرسى
وبتبصلى بشىء من التعجب ومتهيألها على مابظن انى شارب حاجه
وانا مافتحتش بقى بكلمه ورحت متشطف وقعدت وانا هلكان
وبقول بصوت عالى شويه كأنى بكلم نفسى :-ياسلام لما العربيه تبقى
نضيفه ......قامت ممصمصه ودخلت تنام .........
المهم ..........
صاحبى اللى انا قلتله على الفكره الجهنميه
بكره الصبح حيعمل عربيته
قمت على طول متصل بيه والساعه دخلت على4 الصبح
رد عليه وهوه مخضوض ومتهيأله انه فى حد مات!!!!!!
طمنته وحكيتله الحكايه ...
وبعد ماسمعت منه قصايد فى الشتيمه وغبر الشتيمه
قفلت السكه,بس بعد ما قلت له انا غلطان كان لازم اجرب فى عربيتك الاول
علشان كنت نزلت تغسلها دلوقتى هههههههههه
واتوضيت وصليت الفجر ونمت وانا مستنى بكره اشوف ايه النتيجه

---------
الحمد لله الصبح طلع والعربيه محصلهاش حاجه
وانا خايف دلوقتى اروح لصاحبى
اما المدام لغاية دلوقتى كل ماتشوفنى تمصمص
مش عارف ليه !!!!!!!!!!!!!!!!!!

[KamalShawqi]

ههههههه

انا ممكن اعمل زيك كده بس لو عربيتي انفينيتي ولا بي ام الفئة العاشرة

جرب في الاكصدام مثلا حتة بعيدة كده، ولما تطمن عمم على العربية

(انا متخيل مكالمة الفجر بينك وبين صاحبك وانت بتقوله كمال التييييت غرغر بينا واستاذ محمد كشفه ههههه

ابقي قولنا على النتيجة بكرة إن شاء الله

واستنى الجزء التاني لما اطبقه على الازاز واشيل الخدش اللي فيه :)

[adelghanem]

استاذ كمال
انا اصلى دقيق قوى ومحسوك
يعنى لما اسمع صوت لو مش مسموع !!! اطرطق ودنى واسمعها لحد واشوف رايه
اواشوف حاجه مش مترتبه فى العربيه ايدى تاكلنى وابقى عايز احطها فى مكانها
تخيل بقى لو حته فى الدهان باظت
---------
المهم انا مستنى الجزء التانى بتاع تجربته على الازاز
المره دى حأروح لصاحبى ...اصالحه واجيبله هديه
اصله طفس وبيحب الاكل
اعزمه عزومه تمام وهوه حيفرح

وأقوله :-ياراجل مش طلع الWD40 بتاع ازاز
وبيخلى الازاز زى الفل وبيشيل الشروخ كمان !!!!!!
واروح مجربه على الازاز بتاعه !!!!!!!!!!!!!!

------
ولوحصل حاجه فى الازاز بتاعه
حصحيه فى نص الليل يقوم يغسل الازاز
زى ما أنا عملت
ههههههههههههههههه
بس المره دى مش عارف هديتها ايه ؟؟؟؟؟؟؟؟؟؟

[KamalShawqi]

استاذ كمال
انا اصلى دقيق قوى ومحسوك
يعنى لما اسمع صوت لو مش مسموع !!! اطرطق ودنى واسمعها لحد واشوف رايه
اواشوف حاجه مش مترتبه فى العربيه ايدى تاكلنى وابقى عايز احطها فى مكانها
تخيل بقى لو حته فى الدهان باظت
---------
المهم انا مستنى الجزء التانى بتاع تجربته على الازاز
المره دى حأروح لصاحبى ...اصالحه واجيبله هديه
اصله طفس وبيحب الاكل
اعزمه عزومه تمام وهوه حيفرح

وأقوله :-ياراجل مش طلع الwd40 بتاع ازاز
وبيخلى الازاز زى الفل وبيشيل الشروخ كمان !!!!!!
واروح مجربه على الازاز بتاعه !!!!!!!!!!!!!!

------
ولوحصل حاجه فى الازاز بتاعه
حصحيه فى نص الليل يقوم يغسل الازاز
زى ما أنا عملت
ههههههههههههههههه
بس المره دى مش عارف هديتها ايه ؟؟؟؟؟؟؟؟؟؟:copy of rfds:

هههههه
ربنا يديم المودة بينكم إن شاء الله

بصراحة انا جيت اجربه علىى الازاز ما رتاحتش وقولت لازم اقرا في الموقع بتاعه الاول ازاي استخدمه على الازاز

انا عشان مكنتش مطمن، قولت اجربه على الازاز الوراني كا بايلوت تيست كده، ولو نجحت التجربة اعممه

قمت مسحت ازاز العربية، وغسلتع بالسايل بتاع هايبر وان لتلميع الازاز، وقمت حاطط الدبليو دي في الناحيتين بتوع الازاز، واحسن وصف للنتيجة هو ان الازاز اتلخوس على الاخر ويمكن ماكنتش شايف منه

قولت انا كش مطمن، وقمت غسلهةتاني بسائل الازاز اللي جبته من هايبر وان

وقولت لازم اقرا الاول عن الاستيبس قبل ما اخوض التجربة دي

انا خوفي الازاز يتشقق ولا حاجة

واول ما اعمل التجربة دي هابعتلكوا على طول اكييد :)

[Amro_ON]

يا جماعه فعلا wd40 له تأثير قوي على دهان العربيه وناس كتيير ادلدعت من الموضوع ده...اما بالنسبه للازاز فعملته مره واحده ومكررتهاش عشان بيلحوس الازاز لحوسه محترمه ومش بتشوف منه :)

الاستخدام بتاعه اللي اكتشفته هو تنطيف الجنوط...بيخليها بروبرق ويشيل اي زيوت والعك اللي على الجنط