تتخيل 16 شخص فى عربية ماتريكس

[janagabr]

يبقي انت اكيد اكيد في مصر

[Silent~Dream]

ههههههههههههه
طب تخيل 15 شخص فى الشاهين
الاسبوع اللى فات كنت فى فرح
وفوجئت بالعدد المهول اللى عايز يركب معايا
واتكسفت احرج حد
قولت اللى يعرف يركب يتوكل على الله
كنت متخيل ان فيه البعض ممكن يتراجع عن قراره
إلا انى فوجئت انه كله بيتحشر فى الكرسى اللى جنبى
وفى الكنبة الخلفية
ركب فى العربية
5 أفراد بالغين منهم انا طبعا
و 9 أطفال بأحجام واعمار متفاوتة
و1 جنين لسه فى بطن امه
ههههههههههههه

فشر الميكروباص 14 راكب
والحمد لله عدت على خير
ومحصلش اى احتكاكات فى المطبات

لو الشاهين و ال 131 و الحاجات دى حكت يبقى بالسلامه بقى على اى موديل حديث

[devil_storm]

الماتركس عربية محترمة و اثبتت وجودها فى السوق
بس يا باشا انت كده بتعرض حياتك و حياة الاخرين للخطر!!! لو انت فى بلد برة مصر كان اتعملك قضية و غرامة محترمة ممكن توصل للحبس كمان... متعملش كدة تانى

[Ahmed Nasser]

انا مرة اخدت 11 فى النوبيرا اللى معايا
ومش عارف دخلو ازاى ولا طلعو ازاى

[ahmedfathi]

يا جماعه طب ما هو لو ركب فى العربيه 5 اشخاص بالغين وليكن متوسط الوزن هيكون 80 كيلو ومعاك 3 شنط سفر فى العربيه هيبقى تقريبا وزن الحموله 500 كيلو موزعين على الاربع عجلات

ومن ضمن رموز الكاوتش الوزن اللى يقدر بتحمله وليكن 450 كيلو .احسب بقى الاربع عجلات يبقى 1800 كيلو

لو انا فاهم غلط حد يصححلى يا جدعان ؟

[Terrible_DaRsH]

اقصي عدد كان 8 فى ال 128 بس بصراحة وقفت فى نصف الطريق وشفت حد يشيل معايا :d