غبور العبور كسرلى مسامير و صواميل الكاوتش اثناء الصيانة !!

[M.Radwan]

المشكلة مش فى المسدس، المشكلة فى استخدام المسدس بغشومية و المصرى معروف بغشوميته قصدى بجبروته

زى كده اما حنفية المطبخ مثلا بعد ما تتقفل و خلاص مفيش مياة بتنزل، تفضل تقرص عليها اكتر، دى الفكرة العامة للى حصل

صح كلامك! أنا عملت صيانات لغاية 115 ألف في توكيل رينو ومحصلش أي مشكلة مشابهة وكذلك الترصيص والروتيشن في Fit and Fix ومحصلش برضه أي مشكلة في الصواميل..المشكلة في الضمير! وبعد كل ده تلاقي واحد بيدافع عن الغلط ويلبسها في ناس تانية ملهاش ذنب!

[toty_305]

يا برنس موش قصدى
بس انتا مصمم لا غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى غلط من الصنايعى :) هههههههههههههههه
وانا عملت صيانة واحدة وحرمت والله من بعدها :)

طاب صنايعي صنايعي صنايعي صنايعي

-لأ أصلي أنا عندي مشكلة مع الصنايعية عامة و الحمد لله التوكيل روحت هناك أكثر من خمس مرات مكان و كان اكثر من مرضي بس مشكلتهم في الانتظار

-يعني اكون واقف على ايد الصنايعي مثلا حكاية الكوتش لو الصواميل عملت معاه كده تلاقيه و قف على الصليبة برجلة و عمال و شغال لغاية ما تتكسر مثلا....او يقعد يقرط لغاية ما يكسر الصمولة او جزء معصلج يروح جايب شاكشوش و يقعد يدغدغ فيه و يقوللك يا بيه عادي كله بالحنية بيفك.... ( كل ده على سبيل المثال )

-يعني مثلا في اقسام تانية في المنتدي ممكن تخش و تخرج من التوكيل من غير طبة زيت موتور و بعدين تكشفهم و بعدين تاخد Parking sensors مثلا تلاقي الناس الله شوف حرفية التوكيل و ذكاءه او تخش و تخرج عربيتك مخبوطة يقوللك الله شوف رد الخبطة بجمال ازاي و هكذا

-تلاقي عربية بتنتش يقوللك عادي و هتتعود

-فانا شكلي بقيت متحيز انا كمان زي معظم المنتدى بدافع و خلاص بس متخفش مجرد م هيعملوا معايا مشكلة هاجي اشتمهم هنا بس برده عمري ما هرجع لبلية الميكانيكي غير بعد 5 سنيين مثلا ان شاء الله

-توكيل العبور خصوصا حيث انا مستمر معاهم من فترة غيرت مساعدين و كذا حاجة واسع جدا و نظيف جدا و المعاملة نظيفة جدا و حكاية الانتظار في آخر صيانة كان معادهم مضبوط و شغلهم في الصيانة العادية حتى الان اكثر من ممتاز
-المشكلة اللي قابلتني ان ممكن تكون سامع حاجه بس هم مش بياخدوا بالهم منها و طبعا بيقول كشفنا و بتاع يعني لازم القطعة تجيب اخرها عشان يعرف العيب
_مرة لقيت شحم على كرسي الراكب الامامي و كانوا مأخرني جامد هزقتهم و نظفوها وقتي

[matantawy]

انا جيت يا ولاد :D

روحت الساعة 9 فرع العبور و دخلت للباشمهندس "شريف عصام" اللى عملت عنده الصيانة امبارح و كنت بهدى فنفسي طول الطريق عشان الغلط ميجيش من عندى

حكيتله اللى حصل بكل صراحة و هو تفهم الموضوع بالذات بعد ما شاف الصورة و سمع تفاصيل كل حاجة و حس ان اللى قدامه فاهم مش بيرمي بلاه و خلاص
و هو كان محترم جدا جدا و رد عليا بكل صراحة
-ايوة المسدس بيعمل مشاكل
-لأ احنا مش بنستخدم torque اعلى بس ممكن لأي سبب يكون الربط حصل فيه مشكلة
-انا (الباشمهندس بيتكلم عن نفسه) مش فى ايدي قرار تغيير قطعة زى دى (المسمار و الصامولة)
-سياسة المركز ان القطع دى لا تغير فى الضمان (قلتله اه بس دي باظت بسبب المركز مش بسببى)
-قاللى اللى اقدر اعمله انى اخليك تقابل اللى فى ايده القرار

قابلت باشمهندس مينا اظن انه مدير الورشة او حاجة زى كده

اتعامل معايا بأدب و احترام و سمع القصة كلها و شاف الصورة و كرر نفس كلام الباشمهندس شريف ما عادا انه لم يعترف ان المسدس ممكن يعمل مشكلة
فى الأول قاللى هنعملها بس على حسابك، اتناقشت معاه و وضحتله ان لأ و خليته بنفسه يقول ان المربوط بالمسدس الصح انه يتفك بالمسدس و هنا مسكت و قلتله جميييييل، طيب انا لو العربية عطلت كاوتشة نامت فى الشارع اعمل ايه؟
هنا بدأ يتراجع بس قعد تانى يحاول يتهرب من المسؤولية بس فى الأخر قاللى هنعملها على حساب المركز و شكرته

استلم العربية و دخلها لنفس الفنى اللى اشتغل فيها امبارح و فهمه المشكلة و هيعمل ايه و طلعت انا فى الانتظار

-نقطة سلبية: الفنى مكنش بيشتغل فى العربية غير و المهندس مينا موجود فى الورشة، يعنى اول ما ساب الورشة الفنى ده ساب العربية و رجع للعربية الى كان شغال فيها، قلت هيخلص العربية اللى دورها معاه، خلصها و دخل فى اللى بعدها !! نزلت لمينا و قلتله و دخله الورشة إشتغل فى العربية، خرج من الورشة ركن العربية تانى !
نزلت ادور على باشمهندس مينا تانى، كان بيجرب عربية و اما رجع قلتله قاللى هشوفه و ربع ساعة و يخلص
بعد نص ساعة من اللاشئ نزلت تانى و سألت عليه لاقيته فى الورشة روحتله بصراحة و كان معاد الصلاة و كنت عاوز اروح بقى يعنى !! قاللى 10 دقائق بيصرف صواميل بدل اللى باظوا و فعلا فى حوالى ربع ساعة كان باشمهندس مينا خارج بالعربية من الورشة و ادانى المفتاح

سألته لقيتوا ايه و عملتوا ايه؟

قاللى غيرنا اتنين فى الكاوتشة اللى ورا شمال و واحد فى الكاوتشة ورا يمين
و قاللى ربطنالك الكاوتش بالمسدس خفيف و بعد كده صليبة

و روحت و شوية و هنزل اعمل الtyre rotation و اشوف ايه هيحصل المرة دى

و لازلت مش مقرر هكمل صيانات عندهم ولا لأ، بس الأكيد انى أخرى 20,000 مثلا، لسه مش عارف بس مش مبسوط بالمركز من ناحية التكلفة و الانتظار و عدم الأمانة اللى مفروض يكون عليها مركز بالحجم و المستوى و التكاليف دى !

جدير بالذكر ان من محاولات باشمهندس مينا انه يوضحلى انهم على كفائة و كده انه قاللى احنا بنعمل صيانة ل150 عربية يوميا، مقدرتش امسك نفسك و رديت و قلتله و احنا بنشوف شكاويهم على nile motors بقى :D اتمنى يكون الباشمهندس بيدخل على المنتدى و يرد على كلامى لو أخطأت فى حاجة

[matantawy]

-عامة زي الصنايعي ما بوظ صمولة بجهله ...التوكيل مش هيخسر حاجة لما تسيبة

-خد عندك بقى كمبة الهطل اللي هيحصل في عربينك

-كفاية عندك انك لما حصلت مشكلة هتروح تبهدلهم بكرة ...جرب تعمل الحركة دي في اي ورشة احتمال تروح من غير السيارة

-التوكيلات بتعمل مصايب ده شئ مفروغ منه و فيه ناس مشيت بطبة زيت موتور مفتوح و حاجات غريبة ...كلامي السابق لا يعني انحيازي للتوكيلات بس صدقني أخف الضررين d:

انا مخدتش بالى من الرد ده امبارح ف اسمحلى ارد

-تم اثبات بالدليل النهاردة ان الغلط مش من الصنايعي و المركز صلح الحاجة على حسابه، ده غير انى قلت لحضرتك اللى بتعامل معاهم دول انا عارفهم و إسأل عن Tire Mania

-معاك ان لو ورشة ممكن معرفش اخد حقى، بس فى 100 بديل و ورش معروفة فيها ناس محترمة بتعترف اما تغلط، و على هذا، المركز مش جنة، كونه بيسمح بإبداء الرأى ده واجب و ليس منحة من عنده

-المركز اللي بياخد اكتر من 10 اضعاف الفلوس اللى كنت هدفعها فى الورشة، اما يغلط يتلسوع و يعترف بغلطه و يعتذر و يصلح ببلاش و يعتذر تانى عن العطلة اللى سببها ليا و إلا مايلزمنيش و اوفر فلوسي و اروح ورشة و بالفلوس اللى وفرتها اعمل اللى انا عاوزه

متأسف بس انا اختلف مع حضرتك فى كل النقاط اللى ذكرتها !
اننا نسيب مركز كبير يغلط و نعديها و نقول اهو احسن من الورشة، ابقى انا كده بساعده يتفحش فى الغلط و يتمادى فيه، و القاعدة دى تطبق من اول البيت لرئيس الدولة و كلنا شايفين نتايج اللى سكتوا زمان

[toty_305]

-مبروك الصواميل الجديدة طالما اتحلت و على حسابهم خلاص

-توكيل او ورشة هي راحة نفسية مش اكتر ...و كله بالطريقة بيطلع الفلوس من جيبنا

-المشكلة ان كل صنايعي عايز مهندس فوق دماغه....زي ما كل مواطن عايز وزير داخلية فوق دماغه عشان يلتزم بقانون المرور

[toty_305]

أنا آسف لتبريري الخطأ من البداية حصل نفس الموقف و عطلان في الساحل :(

[matantawy]

أنا آسف لتبريري الخطأ من البداية حصل نفس الموقف و عطلان في الساحل :(

الله يعينك يا رب و ترجع بالسلامة، طمنا عليك اما ترجع

[A.Saad]

اما بروح بريدجستون بيربطوا بالمسدس
ولو رحت بره لميكانيكى بعدها غالبا فعلا الصواميل بتتغير

[Hamada hozein]

الله يكون في عونك
توكيل غبور كله بلاوي

[matantawy]

الله يكون في عونك
توكيل غبور كله بلاوي

كل التوكيلات فى مصر زى الزفت لأن مفيش رقابة عليهم و اللى يقولك لأ ده توكيل كذا كذا ده كويس يبقى لسه محصلش معاه مشكلة و مجرد بيعمل صيانات دورية

[Hamada hozein]

كل التوكيلات فى مصر زى الزفت لأن مفيش رقابة عليهم و اللى يقولك لأ ده توكيل كذا كذا ده كويس يبقى لسه محصلش معاه مشكلة و مجرد بيعمل صيانات دورية

كلامك صحيح ميه في الميه عندي صاحبي في توكيل كيا لبسوه في مقص بعد ١٠٠٠ كيلو وقالوله احنا مش عارفين مين اللي بوظ المقص انت ولا المعرض
وحتي في المنتديات التانيه كلها بلاوي وشكاوي قد كده
وبالذات نيسان وبرضه لاحظت بيجو

[mzaki]

حصلت معايا بردة فى غبور العبور و غيرت صمولتين

رحت اصلح عجلة نامت بعد الصيانة بفترة ، و هوة بيفك قالى الصمولة قافشة لو ضغطت عليها هتتكسر ارجع للتوكيل ، رحت طلعوا الصامولتين مكسورين و غيروا المسامير اللى فى الطنبورة و مدير الصيانة قعد يقولى لاء مش المسدس دى الحرارة خلت الصواميل تقفش !!

بعد كدة فى الصيانة طلبت من المهندس محدش يربط العجل بالمسدس .. و انا بتفرج عليهم بردة بيربطوا بالمسدس عادى جدا!!!

[toty_305]

حصلت معايا بردة فى غبور العبور و غيرت صمولتين

رحت اصلح عجلة نامت بعد الصيانة بفترة ، و هوة بيفك قالى الصمولة قافشة لو ضغطت عليها هتتكسر ارجع للتوكيل ، رحت طلعوا الصامولتين مكسورين و غيروا المسامير اللى فى الطنبورة و مدير الصيانة قعد يقولى لاء مش المسدس دى الحرارة خلت الصواميل تقفش !!

بعد كدة فى الصيانة طلبت من المهندس محدش يربط العجل بالمسدس .. و انا بتفرج عليهم بردة بيربطوا بالمسدس عادى جدا!!!

-أنا معايا الصواميل متاكلين من عند الطنبورة ( فيه زي سنون كده بتخلي المسمار ميلفش على الفاضي مش المسمار نفسه ) و هروح أعملهم فرح هناك بس أفضى يوم ^_^

[ashouhdy]

فعلا المسدس بيخرب الدنيا

[kaza]

استخدام المعدات وبلاخص مسدس البينيوماتيك في فك الصواميل وبالاخص التي تحتاج لعزوم عالية زي الكبالن ومسامير تثبيت جنوط السيارات النقل ومافيش اي حتة في العالم بتستخدم مسدس ضغط الهواء في اعادة الربط وبيكون باستخدام مفتاح العزم لان المسدس بيستخدم الهمرنج بسرعات عالية سواء للفك او التركيب وبيعمل اجهاد قص ولي عالي جدا علي جسم المسمار والصامولة تاني يستخدم في الفك فقط والربط بمفتاح العزم