إلنترا 2007 و تغيير البطاريه

[Mo3taz Selim]

الزملاء الأعزاء
تحيه طيبه

إن شاء الله هأغير البطاريه و كنت محتاج النصيحه 55 و لا 70 أمبير و إيه أحسن نوع

فى ناس بتقول ال 70 أفضل ؟؟!!! الكلام ده صح و لا فيه ضرر ع العربيه

و شكرا لكم و بارك الله لكم فى سياراتكم

[islamnasser10]

متابع

[abdoumahros]

افضل بس بشرط

عزيزي عزيزي بالنسبه للبطاريه الفولت بس اللي لازم تتقيد بيه يعني لازم 12 فولت موش حاجه تانيه
بالنسبه للامبير 70 فعلا افضل من 55 دا حيريح البطاريه والمارش في التدوير بس لازم تاخد بالك ان حجم البطاريه 70 اكبر قليلا من 55 يعني شوف هاتركب في مكانها مستريحه ولالا

[akmm]

عزيزي عزيزي بالنسبه للبطاريه الفولت بس اللي لازم تتقيد بيه يعني لازم 12 فولت موش حاجه تانيه
بالنسبه للامبير 70 فعلا افضل من 55 دا حيريح البطاريه والمارش في التدوير بس لازم تاخد بالك ان حجم البطاريه 70 اكبر قليلا من 55 يعني شوف هاتركب في مكانها مستريحه ولالا

خير الكلام ......................

[Mo3taz Selim]

شكرا لمروركم الكريم و الأهتمام بالموضوع

يعنى بإذن الله مافيش أى مشاكل من ال 70 أمبير غير إن المكان يكون مناسب و مافيش أى ضرر على الدينامو أو أى أجزاء كهربيه

و عذرا للإطاله

[MEMODINA1]

للعلم فقط . اى بطارية 70 امبير هتدى قراءة 60 او 62 على حسب نوع البطارية ... مثلا فارتا 70 امبير تدى 60 فقط وفى انواع كورى و ايطالى اتحاد اوروبى تدى 62 .. ودا طبعا هتلاقية مكتوب على البطارية اكيد واقراء بعينك قبل ما تشترى انا انهاردة غيرتها ايطالى عاملة 470 واخد القديمة ب 40 ودفعت 430 وهى 70 امبير تدى 62 امبير ومكتوب عليها الكلام دا...

[islamnasser10]

هو المفروض تاريخ انتاج البطاريه ميكنش عدي عليه اد ايه
لان الراجل بيقولي بتجيلهم بعد 6 شهور من انتاجها اقل واجب
وايه رأيكم في الهانكوك الكوري 70 امبير ب 450 وهياخد القديمة

[Mo3taz Selim]

الزملاء الأعزاء شكرا لمروركم الكريم و الأهتمام بالموضوع

الحمد لله ربنا وفقنى و غيرت البطاريه ليلة أمس ببطاريه تركى 70 أمبير نوعها بلاتن قالى عليها إنها ممتازه أخذ البطاريه القديمه و دفعت 420 جنيها

البائع فعلا قال لى نفس الكلام إن البطاريات بتبقى 70 أمبير لكن بتطلع 60 و 62 أمبير

المفاجأه بالنسبه لى إن بطارية العربيه كانت 45 أمبير فقط

[toty_305]

-مبروك الحمل الزيادة على الدينامو ( 17 امبير زيادة الدينامو هيشحنهم )

-متديش ودنك للناس ركب بعد كده زي اللي خارج من العربية.

[MEMODINA1]

-مبروك الحمل الزيادة على الدينامو ( 17 امبير زيادة الدينامو هيشحنهم ):s_thum1[1]:

-متديش ودنك للناس ركب بعد كده زي اللي خارج من العربية.

على حسب نوع العربية حضرتك .. ممكن صاحب العربية يقولنا نوعها اية عشان فعلا لو العربية صغيرة والدينمو بيشحن بطارية اقل كدا مش كويس ...

[Mo3taz Selim]

-مبروك الحمل الزيادة على الدينامو ( 17 امبير زيادة الدينامو هيشحنهم ):s_thum1[1]:

-متديش ودنك للناس ركب بعد كده زي اللي خارج من العربية.

على حسب نوع العربية حضرتك .. ممكن صاحب العربية يقولنا نوعها اية عشان فعلا لو العربية صغيرة والدينمو بيشحن بطارية اقل كدا مش كويس ...

معلش أعذرونى أرجوا التوضيح و إيه الخطوره على الدينامو؟؟

العربيه إلنترا 2007

[khaabas]

-مبروك الحمل الزيادة على الدينامو ( 17 امبير زيادة الدينامو هيشحنهم ):s_thum1[1]:

-متديش ودنك للناس ركب بعد كده زي اللي خارج من العربية.

كلامك صح 100%
وكان يجب على صاحب الموضوع يركب نفس مقاس البطارية الاصلى ونفس المواصفات
والبطارية الجديدة هتلاقى مواصفاتها موش زى القديمة من حيث القدرة على تدوير العربية فى اقصى درجات البرودة
على راى الصنايعية الخواجة موش حاطط بطارية 45 امبير توفير منه علشان انتا تحط 70

[toty_305]

-مفيش خطورة قوي يعني هو مجرد حمل زيادة ملوش لازمة عليه

-يعني مثلا بدل ما هيشحن بطارية 45 في 15 دقيقة هيشتغل 25 دقيقة عشان يشحن 62 امبير ( الدينامو عندك هتلاقيه 90-95 امبير )

-الفكرة ان اللي قال 45 امبير ده مهندس كهرباء و اللي قالك 62 امبير ده شغال في محل بطاريات في مصر...وصلت ?! :b4_039:

-على الفكرة الدينامو بيحمل على الموتور عشان هو متوصل بسير على الموتور و............ في عربيات فيها دوائر الكترونية عشان تشحن و تقلل الحمل من الدينامو و الموتور عشان الاداء او خلال الحرق الجامد يقلل حمل الدينامو

[Mo3taz Selim]

كلامك صح 100%
وكان يجب على صاحب الموضوع يركب نفس مقاس البطارية الاصلى ونفس المواصفات
والبطارية الجديدة هتلاقى مواصفاتها موش زى القديمة من حيث القدرة على تدوير العربية فى اقصى درجات البرودة
على راى الصنايعية الخواجة موش حاطط بطارية 45 امبير توفير منه علشان انتا تحط 70

-مفيش خطورة قوي يعني هو مجرد حمل زيادة ملوش لازمة عليه

-يعني مثلا بدل ما هيشحن بطارية 45 في 15 دقيقة هيشتغل 25 دقيقة عشان يشحن 62 امبير ( الدينامو عندك هتلاقيه 90-95 امبير )

-الفكرة ان اللي قال 45 امبير ده مهندس كهرباء و اللي قالك 62 امبير ده شغال في محل بطاريات في مصر...وصلت ?! :b4_039:

-على الفكرة الدينامو بيحمل على الموتور عشان هو متوصل بسير على الموتور و............ في عربيات فيها دوائر الكترونية عشان تشحن و تقلل الحمل من الدينامو و الموتور عشان الاداء او خلال الحرق الجامد يقلل حمل الدينامو

شكرا لكم على الأهتمام ... جزاكم الله خيرا

علشان كده يا جماعه انا عملت الموضوع و سألت قبل ما أغيرالبطاريه ... بس ما كنش فى أجوبه بتحذر من تعلية أمبير البطاريه ... و كمان أنا كنت مستعجل لأن البطاريه نامت منى كذا مره و كان لازم أغيرها
الحمد لله ... قدر الله و ما شاء فعل

و شكرا لكم جميعا مره أخرى على الأهتمام

[abdoumahros]

اطمئن وماتخافش

شكرا لكم على الأهتمام ... جزاكم الله خيرا

علشان كده يا جماعه انا عملت الموضوع و سألت قبل ما أغيرالبطاريه ... بس ما كنش فى أجوبه بتحذر من تعلية أمبير البطاريه ... و كمان أنا كنت مستعجل لأن البطاريه نامت منى كذا مره و كان لازم أغيرها
الحمد لله ... قدر الله و ما شاء فعل

و شكرا لكم جميعا مره أخرى على الأهتمام

عزيزي اطمئن وماتخافش انك تحط بطاريه 70 امبير بدلا من 55 امبير
زي ماقلت لك ان الفولت لازم يكون 12 فولت وده لايمكن تغييره يعني البطاريه لازم تكون 12 فولت
اما الامبير ده قصه تانيه ممكن تغييره ( للاكبر ) بدون اي مشكله او خطوره علي الدينامو او الكتاوت وغيرها من الاجزاء الكهربائيه في السياره .
عندما تقوم بتشغيل السياره يبدأ المارش في العمل وهو عباره عن موتور كهربائي يستمد طاقته من البطاريه والمارش يحتاج قدره كهربائيه ثابته ( تختلف من مارش لاخر وحسب حجم الموتور )
عباره عن حاصل ضرب الفولت ( 12 فولت ) في الامبير المسحوب من البطاريه .
ببساطه المارش هايسحب تيار ( امبير ) ثابت مهما اختلف امبير البطاريه .
اعتبر بقا ان البطاريه عباره عن خزنه امبير لما المارش يحتاج يسحب منها هايسحب احتياجه بس
ولا علاقه له الخزنه فيها كام امبير ( 55 او 70 ) والدينامو هايرجع برضه اللي المارش سحبه وده برضه مالوش علاقه الخزنه فيها كام ( 55 او 70 )
طب ايه فايده انك تركب 70 امبير ؟ دا بيطول عمر البطاريه لان البطاريه بعد فتره بتضعف يعني ال 55 امبير مابتقدرش تديهم بعد فتره وبالتالي بتلاقي صعوبه في التدوير وده بيجهد المارش ويسرع بتلف البطاريه
لكن لما بتركب 70 امبير بيكون معاك رصيد زائد بيطول عمر البطاريه
الخلاصه ركب 70 امبير لو حجمها مناسب