إلنترا 2007 و تغيير البطاريه

[msm32]

ركب 55 الاصلية بتاعتها علشان تركب عليها العازل الحرارى وعلى فكرة عملت معايا 50 الف كيلو

[toty_305]

عزيزي اطمئن وماتخافش انك تحط بطاريه 70 امبير بدلا من 55 امبير
زي ماقلت لك ان الفولت لازم يكون 12 فولت وده لايمكن تغييره يعني البطاريه لازم تكون 12 فولت
اما الامبير ده قصه تانيه ممكن تغييره ( للاكبر ) بدون اي مشكله او خطوره علي الدينامو او الكتاوت وغيرها من الاجزاء الكهربائيه في السياره .
عندما تقوم بتشغيل السياره يبدأ المارش في العمل وهو عباره عن موتور كهربائي يستمد طاقته من البطاريه والمارش يحتاج قدره كهربائيه ثابته ( تختلف من مارش لاخر وحسب حجم الموتور )
عباره عن حاصل ضرب الفولت ( 12 فولت ) في الامبير المسحوب من البطاريه .
ببساطه المارش هايسحب تيار ( امبير ) ثابت مهما اختلف امبير البطاريه .
اعتبر بقا ان البطاريه عباره عن خزنه امبير لما المارش يحتاج يسحب منها هايسحب احتياجه بس
ولا علاقه له الخزنه فيها كام امبير ( 55 او 70 ) والدينامو هايرجع برضه اللي المارش سحبه وده برضه مالوش علاقه الخزنه فيها كام ( 55 او 70 )
طب ايه فايده انك تركب 70 امبير ؟ دا بيطول عمر البطاريه لان البطاريه بعد فتره بتضعف يعني ال 55 امبير مابتقدرش تديهم بعد فتره وبالتالي بتلاقي صعوبه في التدوير وده بيجهد المارش ويسرع بتلف البطاريه
لكن لما بتركب 70 امبير بيكون معاك رصيد زائد بيطول عمر البطاريه
الخلاصه ركب 70 امبير لو حجمها مناسب

-يعني هو المهندس اللي عاملها مكنش عارف يحطها 70 عشان لما تضعف با بيه اصلي 45 امبير

-ده انا عندي ف ال accent RB بطارية 36 امبير و اخر حلاوة و زي الفل

-عامة الكلام ده غير صحيح بالمرة و ال 70 امبير مجرد فلوس في الارض البطارية اصلا ليها Cold Cranking amperes بتوصل ل 400-500 امبير بيتكتب على بطارية CCA 410A مثلا في بداية الدوران

-يعني ال 70 امبير ده التشغيل العادي

-يرجى تحري الدقة و عدم نشر الاشاعات و شكرا

[MEMODINA1]

العربية لو النترا يبقى مفهاش مشكلة الالنترا بيركب ليها 70 امبير عادى جدا لا تقلق

[abdoumahros]

بالراحه شويه

-يعني هو المهندس اللي عاملها مكنش عارف يحطها 70 عشان لما تضعف با بيه اصلي 45 امبير

-ده انا عندي ف ال accent rb بطارية 36 امبير و اخر حلاوة و زي الفل

-عامة الكلام ده غير صحيح بالمرة و ال 70 امبير مجرد فلوس في الارض البطارية اصلا ليها cold cranking amperes بتوصل ل 400-500 امبير بيتكتب على بطارية cca 410a مثلا في بداية الدوران

-يعني ال 70 امبير ده التشغيل العادي

-يرجى تحري الدقة و عدم نشر الاشاعات و شكرا :s_thum1[1]:

بالراحه شويه عليا
المعلومات اللي انا كاتبها صحيحه
ولو حضرتك لاحظت انا ماقولتش ان البطاريه 55 امبير لاتصلح
انا قلت ان 70 امبير افضل . اما ليه بقا صناع العربيه بيستخدموا 55 امبير دا لانها كافيه للمحرك 1600 وبالتالي ليه يدفعوا فلوس اكتر
اما بالنسبه لمالك السياره اذا كان عنده امكانيه التحسين ليه لا؟
واخيرا انا موش بنشر اشاعات وبخصوص تحري الدقه ياريت تطبق الكلام ده علي نفسك وتتاكد قبل الهجوم علي الناس

[toty_305]

بالراحه شويه عليا
المعلومات اللي انا كاتبها صحيحه
ولو حضرتك لاحظت انا ماقولتش ان البطاريه 55 امبير لاتصلح
انا قلت ان 70 امبير افضل . اما ليه بقا صناع العربيه بيستخدموا 55 امبير دا لانها كافيه للمحرك 1600 وبالتالي ليه يدفعوا فلوس اكتر
اما بالنسبه لمالك السياره اذا كان عنده امكانيه التحسين ليه لا؟
واخيرا انا موش بنشر اشاعات وبخصوص تحري الدقه ياريت تطبق الكلام ده علي نفسك وتتاكد قبل الهجوم علي الناس

-حقك عليا لو كلامي معجبكش

-يا باشا حضرتك اتكلمت في مارش و تدوير ..... و 70 و 50 و 40 امبير اصلا دي الاحمال العادية لو الدينامو مش بيشحن ( يعني مبطلة مش دايرة ) و البطارية قادره على تغذيتها ( طبقا للمصنع ال 45 امبير كافية جدا للاحمال الاصليةالموجودة في الالنترا و فيها safety fatcor كمان )

-لكن مارش و تدوير يبقى Cold craking amperes و لو اشتريت نوع نظيف و غالي ممكن تلاقي بطارية 36 امبير و ال CCA بتاعها 500 امبير يبقى الكلام اللي فوق مش سليم لذا وجب التنوية حيث انه لا يوجد اي صلة بين التدوير و قيمة الامبير العادي للبطارية 55 او 70 و انها تعتمد على ال CCA.

-

[khaabas]

فعلا بس اخر كلام البطارية فى الار بى عندنا 45 ولا 36
لان عندى لقيت مكتوب 45

[abdoumahros]

ربنا مايجيب زعل

-حقك عليا لو كلامي معجبكش

-يا باشا حضرتك اتكلمت في مارش و تدوير ..... و 70 و 50 و 40 امبير اصلا دي الاحمال العادية لو الدينامو مش بيشحن ( يعني مبطلة مش دايرة ) و البطارية قادره على تغذيتها ( طبقا للمصنع ال 45 امبير كافية جدا للاحمال الاصليةالموجودة في الالنترا و فيها safety fatcor كمان )

-لكن مارش و تدوير يبقى cold craking amperes و لو اشتريت نوع نظيف و غالي ممكن تلاقي بطارية 36 امبير و ال cca بتاعها 500 امبير يبقى الكلام اللي فوق مش سليم لذا وجب التنوية حيث انه لا يوجد اي صلة بين التدوير و قيمة الامبير العادي للبطارية 55 او 70 و انها تعتمد على ال cca.

-

ربنا مايجيب زعل احنا زمايل والهدف المصلحه للجميع
بس لو لاحظت هاتلاقي ان كلامك متفق مع كلامي
الزميل اللي هايشتري بطاريه سواء 55 او 70 هاتكون نفس النوع اللي متوافر وبالتالي cca
بتاعت 70 امبير هاتكون اعلي ولذلك هي افضل
المهم في الموضوع ان 70 امبير لن تكون حمل علي الدينامو اكبر من 55 امبير
واخيرا تحياتي والاختلاف في الراي لايفسد للود قضيه

[toty_305]

فعلا بس اخر كلام البطارية فى الار بى عندنا 45 ولا 36
لان عندى لقيت مكتوب 45

مكتب فين 45 امبير ( على البطارية ) ؟