اخرة الشد والحرق نصيحه

[eltanamly]

انا بقى اكسنت 2010 لحد دلوقتى اربع مكنات وخمس فتايس هههههههههه ولسه

مع الاحترام للجميع
والله مش شطارة يا باشا ومش حاجة حلوة
وياريت برد تحط في دماغك كم واحد دعى عليك ونت ماشي عل طريق ذي مايكون مفش غيرك
للأسف ف مصر الناس فكرة أن شطارة أجري وأحرق وأخد غرز أنا كدة سواق جامد المفروض
السواقة ملهاش كبير
ياريتها بس هتيجي على انك تخسر فلوسك ووقتك أو حتى ممكن تخسر حياتك
لأ دنت كمان ممكن تكون السبب في أن عيلة أو رجل أو ست موجودة على الطريق تخسر حياتها عشان بس كانو بالصدفة موجودين في طريقك

وبلاش أرجوكم التبريرات من نوع أصل أنا بشد بليل بس والطريق فاضي وأنا وخد بالي من عربتي وحاطت كاوتش تيوبلس مش بيضرب والكلام الفاضي ده
أنت ف مصر ، يعني لو الطريق فاضي هتلاقي حفرة تجبلك الكاوتش - واحد بيعدي الدائري كلب والا قطة ، رجل عجوز سايق بالراحة ومش فاهم معلش أن المفروض يوسع ل حضرتك عشان ميقفلش الغرزة على حضرتك
وحدة ست معها عيلها،
والله حصلت معايا أنا أن واحد كبير كان راكب موتوسيكل عل اوتستراد وخد نقرة فال طريق طار من عال موتوسيكل وإترمى أدم العربية عندي
ألف حمد وشكر أن أنا كنت ماشي بال راحة عرفت بسرعة أدي WAITING وأقف أدامو عشان لو حد جاي بسرعة من ورى ميشلش الرجل يلبس في شنطة عربتي أحسن لي و لل رجل إلي واقع عل طريق وكمان أحسن ل لا قدر الله واحد كان جي من ورى مش شايف
والله ما شطارة

[fouaa]

والله انا مش هبرر متقلقش هاو غلط بس الجرى والحرق ده حاجه كده فدم الواحد مبيعرفش يتخلص منها وملهاش علاج لاسف الشديد

[A7medelfe2y]

كويس ان الموتور استحمل لغايه 150000

[2CODE]

يااااااااه 150 الف كيلو وبيتعمل فيها كده وعاشت للـ150 الف كيلو

لأ مبروك عليك العربية شديدة :) :) :)

[megaman]

يااااااااه 150 الف كيلو وبيتعمل فيها كده وعاشت للـ150 الف كيلو

لأ مبروك عليك العربية شديدة :) :) :)

دى تريقه دى دى ولا بيتهيالى