محتار بقالى 7 شهور .. فياريت حد يقولى اعمل ايه عشان زهقت الصراحة

[SHEVA11111]

الحكاية كلها ان انا كنت حاجز عربية جين 2 اتأخرت ولسه مجتش قلت اجيب لانسر 2014 كلاسيك زيرو بس تمنها 140 الف وشكلها هو هو من 2004 قلت اجيب نيسان سوبر صالون ناس كتير حذرتنى منها .. قلت اتجه للهيونداى اكسنت .. فاايه رأيكوا ؟ وايه مميزاتها وعيويبها من حيث كل حاجة سواء حك فى المطبات او فرامل او استهلاك بنزين او اعادة سعر بيع او اى حاجة تانية ؟ وهل ترشحوها ليا اشتريها ولا ترشحوا حاجة تانية افضل منها !!

وياريت ملاك العربية يفيدونا اكتر

[SHEVA11111]

ملحوظة : العربية اللى هجيبها خليجى هاى لاين .. فياترى هتبقى افضل من الللى فى التوكيل ولا ايه ؟ وصيانتها هتكون فين برده ؟

[hamada6050]

نصيحة خليك فى كيا ان شاء الله حتى ريو

[insurancebroke]

بلاش الخليجى

[hosahamza]

بيجو 301

[برنس الليالي]

هي اللانسر شكلها متغيرش بس العربية شيك على فكرة ولو شكلها اتغير اعتقد شكلها حيبقى مش قد كدا
زي مثلاً الصني القديمة اجمل من الصني الجديدة وعشان كدا حريحك واقولك شيل الصني من الحسبة خالص

لو بتفكر في المذكور دا يبقى شوفلك البومة اولاً ثم الاكسنت بس مضحكش عليك معرفش ايه عيوب الاكسنت
ولو عايز رأيي الخاص انت ممكن تجيب حاجة فئة اعلى تكون مستعمل
لو فعلاً الميزانية لحد 140 الف معاك تقدر تجيب جيتا 2009 زينون وفتحة سقف ومتخافش الموديل دا من غير dsg
حتروح بيها التوكيل قبل متخلص فيها لو التوكيل قالك ان الموتور تمام توكل على الله وتبقى انت الكسبان وسيبك من العداد خالص المهم حالة الموتور ودا حيبينه التوكيل

لو مش كدا يبقى ممكن فيكترا سي وبردو نفس النظام كشف في التوكيل ولو تمام توكل على الله عشان إن جيت للحق الميزانية دي تجيب حاجة زيرو آه بس مش اللي هيا

[mhkorayem]

نفس حيرتك دي انا مريت عليها ولفيت وفكرت في حاجات كتير من اول الفيرنا لحد السيراتو الجديده وحجزت 3 عربيات لغيت حجز اتنين منهم لاسباب مختلفه ومنتظر استلام التالته على خير ان شاء الله وعشان كده انا هنقل لك نتيجة تفكيري يمكن تفيدك

لو هتقدر توصل للـ 150.000 جنيه هتلاقي في الرنج ده السيراتو والالنترا وفي الحاله دي طبعاً السيراتو هي الافضل كوالتي وخامات احسن طبعاً ودي مميزاتها عربيه نضيف ادائها جيد قطع غيار منتشره وسعرها معقول بالنسبه للاسعار دلوقتي واعاده بيع جيده أنا كنت اتمنى اشتريها بس لاقيت اني كده عليت برنج السعر اللي أنا كنت حاطه

بالنسبه لللانسر ده أختيار ممتاز بس طبعاً مش الكلاسيك ليه بقى؟؟؟؟
لان الكلاسيك والشارك بنفس السعر ونفس الامكانيات تقريباً الكلاسيك 137.000 جنيه والشارك بـ 136.000 جنيه يعني الشارك ارخص 1000 جنيه كمان وشكل اجدد وتكنولوجي أحدث واسعار قطع الغيار متقاربه جداً والكلام ده انا جايبه من مبيعات قطع الغيار في التوكيل نفسه ولو تقدر تضغط على نفسك وتجيب تاني فئه بـ 145.000 جنيه تبقى أنت كده أخدت عربيه ممتازه ممتازه ممتازه بمعنى الكلمه وياباني 100% (ولو فاتك الياباني مش هيرجع تاني )
ودي عربيه من الاتنين اللي انا كنت حاجزهم ولغيت الحجز وكنت أتمنى اني اجيبها فعلاً
وسبب تراجعي عن شرائها هو اسعار قطع الغيار لأن أنا لما سألت على اسعار قطع الغيار لقيتها مبالغ فيها جداً ويمكن بتزيد 3 و 4 أضعاف ويمكن ازيد في بعض القطع عن قطع غيار الكوري
فلو انت مش فارق معاك موضوع قطع الغيار ده تبقى هي افضل اختيار بلا منافس وبصراحه العربيه تستاهل سعرها جداً بل هي ارخص من قيمتها وشوف سعر العربيات الياباني كلها بكام دلوقتي ومش تقفيل ياباني كمان (لو فكرت فيها لازم انبهك برضوا ان شنطتها صغيره شويه بالنسبه لعربيه من الفئه دي بس الموضوع ده ماكنش فارق معايا اوي)

تفكيري التالت بعد اللانسر كان البيجو 301 الهاي لاين وهي عربيه جيده جداً بالنسبه لسعرها 136.000 جنيه والاوبشنز اللي فيها وكمان عربيه اوربي فرنساوي تقفيل اسباني
بس دي انا مفكرتش فيها كتير لانها ينقصها حاجه بالنسبه ليا اساسيه جداً وهي مؤشر الحراره
فلو انت معندكش العقده دي ومش فارق معاك المؤشر ده أعتقد ان العربيه دي تبقى اختيار جيد جداً بالنسبه ليك بس ده في حاله ان اسعار قطع الغيار بتاعتها كانت سعرها غير مبالغ فيه زي ما مسؤولي المبيعات بيقولوا في التوكيل وده معلش هيحتاج منك زياره لمركز صيانه التوكيل وتسأل على قطع الغيار بنفسك لأن لو طلع سعرها غالي يبقى انت معملتش حاجه وتبقى اللانسر افضل رغم انها اوبشنز اقل بس عربيه اقيم

الاختيار الرابع وهو ده اللي أنا رسيت عليه دلوقتي ومنتظر الاستلام ان شاء الله هو الكيا ريو
سيدان أسباب اختيار للعربيه دي أعتمد على الاتي
- العربيه الكوالتي بتاعها جيد جداً والخامات المستخدمه في العربيه بتحسسك انك راكب عربيه محترمه مش عربيه اقتصاديه
- اسعار قطع الغيار معقوله بالنسبه لللانسر اللي انا كنت حاجزها وكنت هشتريها فعلاً
- شكل جديد من 2012 يعني مش زي اللانسر الكلاسيك اللي من 2004 ولا حتى الشارك اللي من 2008
- ماتور هو صحيح 1400 سي سي بس 109 حصان ولما سالت اصحاب العربيه عن الاداء قالولي انه جيد جداً ومش حاسين انهم راكبين 1400 خالص وانها زيها زي الـ 1600
- وكيل الناس بتشكر فيه اتمنى انه يكون يستحق كلام الناس ده ويطلع محترم فعلاً

بس طبعاً مفيش حاجه كامله وطبعاً الريو لها عيوب لازم تكون عارفها وأنا من وجهة نظري ان اهم عيوب الريو هو ضيق الكنبه الخلفيه

الاختيار الخامس وده كان اول عربيه انا حجزتها هي النيسان الصني الشكل القديم
ودي مميزاتها انها عربيه بتاعة شغل وحماله اسية زي ما بيقولوا قطع غيارها متوفره ومش غاليه اوي زي باقي الياباني وسعرها ممتاز حتى بعد اضافه الاوفر برايس بالنسبه للاسعار في الزمن اللي أحنا فيه دلوقتي ودي أهم مميزاتها
بس عيوبها برضوا الكنبه الخلفيه ضيقه وشكلها قديم شويتين لكن غير كده عربيه كويسه
أنا لغيت حجزهت عشان اتأخروا عليه جداً جداً جداً فحسيت ان ده نتيجه الاستخاره اللي كنت بعملها فسحبت الفلوس ولغيت الحجز

نتكلم بقى على باقي السيارات في حدود السعر ده واسباب استبعادي ليها

النيسان الصني الشكل الجديد أنا مش هتكلم عليها كتير بس هقول لحضرتك أدخل قسم نيسان في المنتدي هنا وشوف كميه الشكاوي من العربيه وكميه الناس اللي بتقول انها ندمانه انها جابتها وقارن ده باي عربيه تانيه باي قسم تاني وانت تعرف انها مغامره ورسك كبير وهتشتري عربيه زي البطيخه يا تطلع حمرا يتبقى قرعه وانت وحظك بقى (طب على ايه؟؟ ما الطيب احسن )

الجين 2 والبيرسونا عربيات حلوه وسعرها جيد بالنسبه للاوبشنز اللي فيها بس أكبر عيوبها الوكيل عز العرب واسعار قطع غيارها عاليه شويه أنا كنت بفكر في البيرسونا بشكل جدي فعلاً بس شكوي الناس من عز العرب خلاني ابعد

الاوبترا عربيه كويسه اوي لو لاقتها بس دلوقتي بعد ما سعرها وصل 119.000 جنيه انا شايف انه كتير على عربيه شكلها قديم وبتشطب وكمان فاضيه من الاوبشنز في الحاله دي تبقى الصني القديم أحسن هتوفر 7-8 تلاف جنيه وهتاخد كمان ايرباج زياده (طبعاً الاوبترا الجديده أنساها خالص عربيه صيني معفنه)

الاكسنت عربيه كويسه بس هي بنفس سعر الريو اول فئه تقريباً صحيح هي فيها اوبشنز اكتر يس اوبشنز مش مهمه من وجهة نظري (مالتي فانكشن - فتحة سقف) في المقابل هتاخد في الريو كوالتي وخامات أفضل بس بشكل عام هي اختيار جيد برضوا بس أنا شايف انها اقل من الريو

عندك بقى الياريس السيدان انا شايف انه حرام اشتري عربيه 1300 سي سي 84 حصان بـ 140.000 جنيه ومحدش يقولي اصلها اقتصاديه في البنزين لأن اللي انت هتوفره في البنزين هتدفعه في الصيانات وقطع الغيار الغاليه زيها زي كل الياباني

طبعاً في عربيات تانيه زي الياريس الهاتشباك والاوبل الكورسا بس دول عربيات صغيره اوي في الحجم وغير عمليه إلا إذا كنت شاب في جامعه او عاوزها عربيه تانيه عشان كده انا مخرجها من حساباتي خالص واللي يوصلني لأسعارهم يخليني اشتري اللانسر الشارك زي ما قلتلك من الاول وخاصة أن اسعار قطع غيارهم غاليه برضوا يبقى ليه بقى اركب عربيه بالحجم ده

اتمنى اني اكون قدرت أفيدك بتفكيري في الموضوع ويقدر يساعدك في اتخاذ القرار واسف على الاطاله وربنا معاك

[Farouk84]

mhkorayem
والله انت معلم وسردت كل الكلام اللى فى دماغى وانا حاسس ان انا اللى كاتب الكلام ده مش انت.
والله انا حيران نفس حيتك واكتر شويه.

[SHEVA11111]

انت بعد كل اللى قولته ده حيرتنى اكتر :d

[bayoumisoft]

نفس حيرتك دي انا مريت عليها ولفيت وفكرت في حاجات كتير من اول الفيرنا لحد السيراتو الجديده وحجزت 3 عربيات لغيت حجز اتنين منهم لاسباب مختلفه ومنتظر استلام التالته على خير ان شاء الله وعشان كده انا هنقل لك نتيجة تفكيري يمكن تفيدك

لو هتقدر توصل للـ 150.000 جنيه هتلاقي في الرنج ده السيراتو والالنترا وفي الحاله دي طبعاً السيراتو هي الافضل كوالتي وخامات احسن طبعاً ودي مميزاتها عربيه نضيف ادائها جيد قطع غيار منتشره وسعرها معقول بالنسبه للاسعار دلوقتي واعاده بيع جيده أنا كنت اتمنى اشتريها بس لاقيت اني كده عليت برنج السعر اللي أنا كنت حاطه

بالنسبه لللانسر ده أختيار ممتاز بس طبعاً مش الكلاسيك ليه بقى؟؟؟؟
لان الكلاسيك والشارك بنفس السعر ونفس الامكانيات تقريباً الكلاسيك 137.000 جنيه والشارك بـ 136.000 جنيه يعني الشارك ارخص 1000 جنيه كمان وشكل اجدد وتكنولوجي أحدث واسعار قطع الغيار متقاربه جداً والكلام ده انا جايبه من مبيعات قطع الغيار في التوكيل نفسه ولو تقدر تضغط على نفسك وتجيب تاني فئه بـ 145.000 جنيه تبقى أنت كده أخدت عربيه ممتازه ممتازه ممتازه بمعنى الكلمه وياباني 100% (ولو فاتك الياباني مش هيرجع تاني )
ودي عربيه من الاتنين اللي انا كنت حاجزهم ولغيت الحجز وكنت أتمنى اني اجيبها فعلاً
وسبب تراجعي عن شرائها هو اسعار قطع الغيار لأن أنا لما سألت على اسعار قطع الغيار لقيتها مبالغ فيها جداً ويمكن بتزيد 3 و 4 أضعاف ويمكن ازيد في بعض القطع عن قطع غيار الكوري
فلو انت مش فارق معاك موضوع قطع الغيار ده تبقى هي افضل اختيار بلا منافس وبصراحه العربيه تستاهل سعرها جداً بل هي ارخص من قيمتها وشوف سعر العربيات الياباني كلها بكام دلوقتي ومش تقفيل ياباني كمان (لو فكرت فيها لازم انبهك برضوا ان شنطتها صغيره شويه بالنسبه لعربيه من الفئه دي بس الموضوع ده ماكنش فارق معايا اوي)

تفكيري التالت بعد اللانسر كان البيجو 301 الهاي لاين وهي عربيه جيده جداً بالنسبه لسعرها 136.000 جنيه والاوبشنز اللي فيها وكمان عربيه اوربي فرنساوي تقفيل اسباني
بس دي انا مفكرتش فيها كتير لانها ينقصها حاجه بالنسبه ليا اساسيه جداً وهي مؤشر الحراره
فلو انت معندكش العقده دي ومش فارق معاك المؤشر ده أعتقد ان العربيه دي تبقى اختيار جيد جداً بالنسبه ليك بس ده في حاله ان اسعار قطع الغيار بتاعتها كانت سعرها غير مبالغ فيه زي ما مسؤولي المبيعات بيقولوا في التوكيل وده معلش هيحتاج منك زياره لمركز صيانه التوكيل وتسأل على قطع الغيار بنفسك لأن لو طلع سعرها غالي يبقى انت معملتش حاجه وتبقى اللانسر افضل رغم انها اوبشنز اقل بس عربيه اقيم

الاختيار الرابع وهو ده اللي أنا رسيت عليه دلوقتي ومنتظر الاستلام ان شاء الله هو الكيا ريو
سيدان أسباب اختيار للعربيه دي أعتمد على الاتي
- العربيه الكوالتي بتاعها جيد جداً والخامات المستخدمه في العربيه بتحسسك انك راكب عربيه محترمه مش عربيه اقتصاديه
- اسعار قطع الغيار معقوله بالنسبه لللانسر اللي انا كنت حاجزها وكنت هشتريها فعلاً
- شكل جديد من 2012 يعني مش زي اللانسر الكلاسيك اللي من 2004 ولا حتى الشارك اللي من 2008
- ماتور هو صحيح 1400 سي سي بس 109 حصان ولما سالت اصحاب العربيه عن الاداء قالولي انه جيد جداً ومش حاسين انهم راكبين 1400 خالص وانها زيها زي الـ 1600
- وكيل الناس بتشكر فيه اتمنى انه يكون يستحق كلام الناس ده ويطلع محترم فعلاً

بس طبعاً مفيش حاجه كامله وطبعاً الريو لها عيوب لازم تكون عارفها وأنا من وجهة نظري ان اهم عيوب الريو هو ضيق الكنبه الخلفيه

الاختيار الخامس وده كان اول عربيه انا حجزتها هي النيسان الصني الشكل القديم
ودي مميزاتها انها عربيه بتاعة شغل وحماله اسية زي ما بيقولوا قطع غيارها متوفره ومش غاليه اوي زي باقي الياباني وسعرها ممتاز حتى بعد اضافه الاوفر برايس بالنسبه للاسعار في الزمن اللي أحنا فيه دلوقتي ودي أهم مميزاتها
بس عيوبها برضوا الكنبه الخلفيه ضيقه وشكلها قديم شويتين لكن غير كده عربيه كويسه
أنا لغيت حجزهت عشان اتأخروا عليه جداً جداً جداً فحسيت ان ده نتيجه الاستخاره اللي كنت بعملها فسحبت الفلوس ولغيت الحجز

نتكلم بقى على باقي السيارات في حدود السعر ده واسباب استبعادي ليها

النيسان الصني الشكل الجديد أنا مش هتكلم عليها كتير بس هقول لحضرتك أدخل قسم نيسان في المنتدي هنا وشوف كميه الشكاوي من العربيه وكميه الناس اللي بتقول انها ندمانه انها جابتها وقارن ده باي عربيه تانيه باي قسم تاني وانت تعرف انها مغامره ورسك كبير وهتشتري عربيه زي البطيخه يا تطلع حمرا يتبقى قرعه وانت وحظك بقى (طب على ايه؟؟ ما الطيب احسن )

الجين 2 والبيرسونا عربيات حلوه وسعرها جيد بالنسبه للاوبشنز اللي فيها بس أكبر عيوبها الوكيل عز العرب واسعار قطع غيارها عاليه شويه أنا كنت بفكر في البيرسونا بشكل جدي فعلاً بس شكوي الناس من عز العرب خلاني ابعد

الاوبترا عربيه كويسه اوي لو لاقتها بس دلوقتي بعد ما سعرها وصل 119.000 جنيه انا شايف انه كتير على عربيه شكلها قديم وبتشطب وكمان فاضيه من الاوبشنز في الحاله دي تبقى الصني القديم أحسن هتوفر 7-8 تلاف جنيه وهتاخد كمان ايرباج زياده (طبعاً الاوبترا الجديده أنساها خالص عربيه صيني معفنه)

الاكسنت عربيه كويسه بس هي بنفس سعر الريو اول فئه تقريباً صحيح هي فيها اوبشنز اكتر يس اوبشنز مش مهمه من وجهة نظري (مالتي فانكشن - فتحة سقف) في المقابل هتاخد في الريو كوالتي وخامات أفضل بس بشكل عام هي اختيار جيد برضوا بس أنا شايف انها اقل من الريو

عندك بقى الياريس السيدان انا شايف انه حرام اشتري عربيه 1300 سي سي 84 حصان بـ 140.000 جنيه ومحدش يقولي اصلها اقتصاديه في البنزين لأن اللي انت هتوفره في البنزين هتدفعه في الصيانات وقطع الغيار الغاليه زيها زي كل الياباني

طبعاً في عربيات تانيه زي الياريس الهاتشباك والاوبل الكورسا بس دول عربيات صغيره اوي في الحجم وغير عمليه إلا إذا كنت شاب في جامعه او عاوزها عربيه تانيه عشان كده انا مخرجها من حساباتي خالص واللي يوصلني لأسعارهم يخليني اشتري اللانسر الشارك زي ما قلتلك من الاول وخاصة أن اسعار قطع غيارهم غاليه برضوا يبقى ليه بقى اركب عربيه بالحجم ده

اتمنى اني اكون قدرت أفيدك بتفكيري في الموضوع ويقدر يساعدك في اتخاذ القرار واسف على الاطاله وربنا معاك

انت برنس بس حيرت الواحد اكتر ماهو حيران

[Ramez_Fibo]

بلاش الخليجى

من فضل حضرتك توضيح ليه بلاش خليجي
اصل انا برده اتفرجت و كنت ناوي عليها

[mhkorayem]

mhkorayem
والله انت معلم وسردت كل الكلام اللى فى دماغى وانا حاسس ان انا اللى كاتب الكلام ده مش انت.
والله انا حيران نفس حيتك واكتر شويه.

شكراً يا باشا
بس أنا لا معلم ولا حاجه أنا مريت بتجربه للاختيار وفكرت في حاجات كتير وكل اللي أنا عملته أني نقلت ليكم طريقه تفكيري يمكن تفيدكم
وأنا الحمد لله أستلمت أخيراً الريو أمبارح
هو صحيح طبعاً ملحقتش أجربها بشكل يساعدني اني أقيمهم بس بشكل عام أنا راضي عنها لحد دلوقتي وبالأخص موضوع العفشه اللي الناس بتقول عليها ناشفه بكتير من المبالغه بس الحمد لله أنا شايفها كويسه وحاسس انها انعم من الماتريكس اللي معايا كتييير
أنا شايفا انسب عربيه بالسعر ده
بس مضحكش عليك اللانسر الشارك مازلت معجب بيها جداً بس طبعاً من الناحيه العمليه وباسعار قطع الغيار مكانتش تناسبني
لو تقدر عليها تبقى اختيار ممتاز

[mhkorayem]

انت بعد كل اللى قولته ده حيرتنى اكتر :d

يا باشا أسف لو كنت زودت حيرتك
بس أنا كتبت الموضوع ده كله يمكن تجربتي تساعدك في اتخاذ القرار
عموماً هحاول ابسط لك الموضوع ده أكتر

- تقدر تزود فلوسك لحد 152.000 جنيه هات اول فئه سيراتو بجنوط (هتدفع ازيد شويه الاول وهتاخد عربيه نضيفه ومطلوبه وقطع غيارها معقوله مش رخيصه بس مش مبالغ في اسعارها اوي)

- مش فارق معاك موضوع اسعار قطع الغيار يبقى توكل على الله وهات شارك وانت مغمض
وده لينك لاسعار قطع غيار الشارك

http://www.nilemotors.net/Nile/414352-a.html

- فارق معاك قطع الغيار اسأل على اسعار قطع غيار الـ 301 لو لقيتها كويسه بالنسبه ليك توكل على الله عربيه بسم الله ما شاء الله حلوه بس ده لو مش فارق معاك موضوع عدم وجود مؤشر حراره بس انا الموضوع ده كان اساس عندي عشان كده استبعتها

- لو مش الـ 301 تبقى الريو السيدان عربيه حلوه وبصراحه لما تركبها هتحس انك راكب عربيه كويسه جداً وشيك وكوالتي محترم لحد كبير (أنا الحمد لله لسه مستلمها امبارح وتحت امرك في اي استفسار عنها)

-عاوز توفر فلوسك وتركب حاجه معقوله وادائها كويس هات صني الشكل القديم بس هي طبعاً شكلها قديم اوي ومش هتحس فيها بفخامه كل اللي فات بس بالنسبه لسعرها كويسه

وربنا معاك

[mhkorayem]

انت برنس بس حيرت الواحد اكتر ماهو حيران

يا باشا أنا بحاول أساعدكم بتفكيري متخيلتش أنى هحيركم زياده

[drcobra]

لو انا مكانك
لو بتسافر يبقى الاختيار الاول شارك
لو فى المدينة يبقى ريو او اكسنت