تجربتي مع خدمه عملاء غبور

[shadooow2006]

السلام عليكم ورحمة الله

ارجو الافاده عشان انا عارف ان الموضوع دا مع ناس كتير
حكايه الاطارات بتاعت الفرينا
من اسبوعين اتكتشفت ان العجل موديل 2011 والعربيه انا مستلمها 7-2013
طبعا كلمت خدمه العملاء اكتر من مره حوالى 7 مرات من يوم 8-4-2014
وكل مره يقولوا خلال 24 ساعه في حد هيرد عليك حتي ان عملت شكوى في جهاز جمايه المستهلك حتى دول ولا ردوا عليه

انا عارف ان اخرت الحوار دا ان العجل هيتغير بس لازم افضل وراهم

دلوقتي عشان اشرح بالتفصيل انا حاسس ان العربيه مش مضبوطه على الارض
لو جه تحت العجل خشبه الدريسكون بيتحدف دي حاجه
وفي رعشه وطبعا لو ماش على ارض مش اسفلت وحتي الاسفلت بسمع صوت احتكاك العجل جوه العربيه

فادلوقتي عشان اعرف اغير لجنوط اسبور واجيب عجل نظيف في وسائل عزل الصوت
ولا اجيب الجنوط الحديد

وعاوز اعرف احسن نوع جنوط ايه عشان انا شفت انواع كتيره

[shadooow2006]

ايه يا جماعه 74 واحد ومفيش اي رد عليه

[shadooow2006]

ايه يا جماعه يعن عندي مشكله ومحدش عاوز يساعد بحل ؟

[Mico_Mico]

لو جنطك سليم بلاش تغيره - روح رصص وفالترصيص الراجل هيقولك لو فيه جنط معووج - لو مفيش جيب اربع فرد ميشلان او بريدجستون بس ابعد عن الصينى بتاعهم - لو جنط بايظ ومفيش امل ان الشركة تغيرهولك هات اربع جنوط كورى مقاس 13 من نفس ذات ام التوكيل ب 2000 جنيه ومش مهم الاستبن كده كده بتمشى بيه بس لو عجلة نامت مؤقتا
هنقلك دلوقتى تجربة ناس فى موضوع الجنوط كوباية شاى لطيفة واتسلى فيهم

http://www.nilemotors.net/Nile/414902-a.html

http://www.nilemotors.net/Nile/414713-a.html

[drcobra]

التوكيل للاسف احيانا بتاعملوا باحترام لكن بدون ضمير

[mohamedvip]

طيب حضرتك ازاى عرفت موديل الاطارات ؟
عشان الواحد يستفيد ويراجع عربيتة

[moe gawad]

سيدى الفاضل،
المشكله اللى عند حضرتك ديه من نوعية الاطارات ، ده لو عفشة حضرتك سليمه، ولا تحتاج لتغيير الجنوط، احجز ميعاد بالتوكيل ، وروح هناك وهما اكيد انشاء الله مش هايضيعوا حقك
بلاش تضيع حقك فى الضمان، وجوه التوكيل انا تقابلت مع اكثر من واحد محترمين، هو فيهم وحشين طبيعى زى مؤسسات كتير فى البلد، حاول معاهم ودى بس لما تروحلهم، وخليك معايا على التليفون ، بمكن اقدر اخدمك هناك ولا تضيع حقك فى الضمان

[Mico_Mico]

طيب حضرتك ازاى عرفت موديل الاطارات ؟
عشان الواحد يستفيد ويراجع عربيتة

بيبقى مكتوب عالكاوشتتتتتتت - هعرفلك فين الكتابة بالظبط وارد عليك ان شاء الله النهاردة - تابع الردود عالبوست ده

[sahara2006]

انا عندي اكتر من مشكله مشكله الحدفه الشمال روحت التوكيل اكتر من مره يعني انا عملت صيانه 1000 و 5000 و 10000
انا روحت اكتر من مره عشان الحدفه دي
وكمان موضوع العجل دا انا مش عاوز ادبس نفسي في مبلغ دي كل الحكايه