عيوب النيو اكسنت

[mrmatrix]

السلام عليكم ورحمة الله وبركاتة

ياجماعة انا محتار اركب اية اوتوماتيك
كنت محتار بين الاوبترا والافيو والنيو اكسنت
بس انا كذا حد نصحنى بالنيو اكسنت
بس كنت محتاج اعرف عيوبها اية ووسائل امانها اية
واحسن موديل 2008 - 2009 -2010 - 2011
ورنجاتها فى السوق اية
وشكرا

[Mohamedjetta]

وعليكم السلام ورحمه الله وبركاته

بص حضرتك انا اعرف واحد صاحب اخويا معاه اوبترا بس الله مشاء الله ماشيه 250 الف ومفهاش حاجه ومفتحتش بوءها اطلاقا بيعمل السيرفس فقط وشويه حاجات استهلاكيه بس عيوب العربيه دي عزلها فاشل جدا الموتور عالي اوي ومقرف ( يمكن عشان انا راكب جيتا) فملاحظ ان الصوت عالي و ثباتها حلو 170 بس ده طرق الخليج و اوكر الباب من جوه النيكل بتقشر بسرعه و بتكسر الاوكره بسرعه و التابلوه فقير وًالخامات نص نص و مفهاش امكانيات اوي بس اعتماديه اوي وعاليه مش بتحك ف الارض نهائيا وتسارعها حلو و وسعها بحر بالنسبه لنيو اكسنت والجيتا عندي
ده انطباعي عن اوبترا 1600cc مانويل 2009
الافيو معتقدش حلو و الاكسنت معرفش حاجه عنها

[Mohamedjetta]

لو بدور ع الاعتماديه خد الاوبترا وانت مغمض عينك

[mrmatrix]

انا من طبيعتى مش بجرى يعنى انا عايز حاجة اوبشن وكماليات ووسائل حماية وثبات برضو Mohamed Jetta

[Mohamedjetta]

انا من طبيعتى مش بجرى يعنى انا عايز حاجة اوبشن وكماليات ووسائل حماية وثبات برضو mohamed jetta

يبقي خد الاوبترا عشان الثبات احسن والثبات بالنسبالي كأنه حاجه من وسائل الامان وبرضو النيو اكسنت جميله برضو
الصراحه اختيار يحير بس لو ثبات يبقي الاوبترا اما. وسائل ف العربيتين ضعيفه يعني 2 ايرباج او واحد ... انا عندي ف الجيتا 8 ايرباج عشان خليجي

[kazamodia]

الاكسنت بتجري بس عربية ورق وفرامل تعبانة
احسن لك بصراحة خد اوبترا اعتمادية وثبات وانتشار اكتر

[m6r1282]

السلام عليكم ورحمة الله وبركاتة

ياجماعة انا محتار اركب اية اوتوماتيك
كنت محتار بين الاوبترا والافيو والنيو اكسنت
بس انا كذا حد نصحنى بالنيو اكسنت
بس كنت محتاج اعرف عيوبها اية ووسائل امانها اية
واحسن موديل 2008 - 2009 -2010 - 2011
ورنجاتها فى السوق اية
وشكرا

أولا: وعليكم السلام والرحمة والبركة

ندخل في المفيد، زيي زي اللي نصحوك، أنصحك بشدة هات نيو أكسنت وتكون 2010 أو أعلى لأن فيه ناس كتير بتقول إن اللي قبل كده كان فيه مشاكل بالذات في العفشة،

عربيتي نيو أكسنت 2010 مانيوال، عربية ممتازه ممتازه، رغم إن كنت راكب ياباني قبلها (صني 2003 الياباني بالكامل)

العربية اللي معاها بيتقل في بيعها لأنه عارف إنها قيمة وقليل اللي بيبيعها، يعني أنا يوم مانزلت سوق مدينة نصر وجدت 6 سيارات فقط بتتباع منها تخيلو من 9 صباحا إلى 5 مساءا لف على ما اختارت واحدة. وكله بيتشرط في بيعها وماسك في سعرها، ده دليل قوي على إنها عربية محترمة.

الأوبترا عربية نوبيرا بجسم جديد وبتاكل بنزين بغباء وده أشهر عيب عنها، ولكن واسعة جدا قوية وعربية قوية عامة

الأفيو، لانوس بجسم جديد وشوية تحسينات خفيفة، لكن الكلام عليها كتير برده، وحكاية كوري بالكامل ولا تجميع مصري وخلي بالك ومش عارف إيه ... فابعد عنها بالذات المستعمل.

النيو أكسنت عربية متصدره في قلة وجود عيوب صناعة فيها لأنه 100 عربية فقط على مستوى العالم كان فيها عيوب صناعة
- النيو أكسنت كوري بالكامل
- قوية وصوتها هاديء في نفس الوقت
- جميلة (وجهة نظري)
- عالية على الأرض
- قطع غيار بجودة الياباني فعلا وهي متوفره في كل حتة، وكمان التقليد الكويس وغالية شويه عن الكوري العادي.
- المكنة زيها زي الفيرنا وكل الـ 1600 وده كلام توكيل "مع اختلاف طرق الحقن اللي بتميز الأكسنت عن ما دونها"، فالصيانة سهلة سواء عند ميكانيكي كويس أو مركز معتمد أو غير معتمد.

-- الكاوتش الأصلي بتاعها كومهو سولاس زي الزفت وده ناس كتير بتقول إنه الفرامل وحشه والعربية ناشفه وبتزحف في الفرامل المفاجئة، ووالله كل ده من الكاوتش الزبالة ده، أنا مغير لدانلوب ياباني sp sport LM 702، وحاسس إني راكب سكودا فانتازيا بلا مبالغة، راحة وفرامة وشد على الطريق بفارق ملحوظ.

كنت في صيانة في مركز معتمد لهيونداي قريبا، والمهندس شكرلي في العربية بتاعتي جدا هي والماتريكس وقدرا الاتنين كانوا هناك صيانة، بيقولي أفضل 2 هيونداي نزلو مصر، ومن نفسه من غير ما أقوله حاجة.

المختصر: الأفيو استبعدها، الأكسنت أولى بس هاتكون غالية واستنضف وتدور عشان إن شاء الله هاتجيبها وهاتنبسط منها لو قدر الله ليك الشراء، الأوبترا كما ذكرت لك آنفا بتاكل تنزين أوي.

وأنا في الخدمة ... ومتابع

[Mohamedjetta]

أولا: وعليكم السلام والرحمة والبركة

ندخل في المفيد، زيي زي اللي نصحوك، أنصحك بشدة هات نيو أكسنت وتكون 2010 أو أعلى لأن فيه ناس كتير بتقول إن اللي قبل كده كان فيه مشاكل بالذات في العفشة،

عربيتي نيو أكسنت 2010 مانيوال، عربية ممتازه ممتازه، رغم إن كنت راكب ياباني قبلها (صني 2003 الياباني بالكامل)

العربية اللي معاها بيتقل في بيعها لأنه عارف إنها قيمة وقليل اللي بيبيعها، يعني أنا يوم مانزلت سوق مدينة نصر وجدت 6 سيارات فقط بتتباع منها تخيلو من 9 صباحا إلى 5 مساءا لف على ما اختارت واحدة. وكله بيتشرط في بيعها وماسك في سعرها، ده دليل قوي على إنها عربية محترمة.

الأوبترا عربية نوبيرا بجسم جديد وبتاكل بنزين بغباء وده أشهر عيب عنها، ولكن واسعة جدا قوية وعربية قوية عامة

الأفيو، لانوس بجسم جديد وشوية تحسينات خفيفة، لكن الكلام عليها كتير برده، وحكاية كوري بالكامل ولا تجميع مصري وخلي بالك ومش عارف إيه ... فابعد عنها بالذات المستعمل.

النيو أكسنت عربية متصدره في قلة وجود عيوب صناعة فيها لأنه 100 عربية فقط على مستوى العالم كان فيها عيوب صناعة
- النيو أكسنت كوري بالكامل
- قوية وصوتها هاديء في نفس الوقت
- جميلة (وجهة نظري)
- عالية على الأرض
- قطع غيار بجودة الياباني فعلا وهي متوفره في كل حتة، وكمان التقليد الكويس وغالية شويه عن الكوري العادي.
- المكنة زيها زي الفيرنا وكل الـ 1600 وده كلام توكيل "مع اختلاف طرق الحقن اللي بتميز الأكسنت عن ما دونها"، فالصيانة سهلة سواء عند ميكانيكي كويس أو مركز معتمد أو غير معتمد.

-- الكاوتش الأصلي بتاعها كومهو سولاس زي الزفت وده ناس كتير بتقول إنه الفرامل وحشه والعربية ناشفه وبتزحف في الفرامل المفاجئة، ووالله كل ده من الكاوتش الزبالة ده، أنا مغير لدانلوب ياباني sp sport lm 702، وحاسس إني راكب سكودا فانتازيا بلا مبالغة، راحة وفرامة وشد على الطريق بفارق ملحوظ.

كنت في صيانة في مركز معتمد لهيونداي قريبا، والمهندس شكرلي في العربية بتاعتي جدا هي والماتريكس وقدرا الاتنين كانوا هناك صيانة، بيقولي أفضل 2 هيونداي نزلو مصر، ومن نفسه من غير ما أقوله حاجة.

المختصر: الأفيو استبعدها، الأكسنت أولى بس هاتكون غالية واستنضف وتدور عشان إن شاء الله هاتجيبها وهاتنبسط منها لو قدر الله ليك الشراء، الأوبترا كما ذكرت لك آنفا بتاكل تنزين أوي.

وأنا في الخدمة ... ومتابع

حضرتك احنا لو اكلمنا في الثبات والفرامل يبقي الاوبترا تكسب وحكايه البنزين صاحب اخويا مشتكاش منها

[m6r1282]

حضرتك احنا لو اكلمنا في الثبات والفرامل يبقي الاوبترا تكسب وحكايه البنزين صاحب اخويا مشتكاش منها

أنا مافتيش في موضوع فرامل الأوبترا، لأني ما جربتش ومش مكذبك طبعا.
لكن البنزين اعمل بحث على النت وشوف الشكوى من أكل البنزين، وأنا بقول إنها بتاكل بنزين لأنها قوية مش عيب ماتور لكن بتاكل على الفاضي لأنه مافيش طريق أظهر فيه قوة الماتور ده بأكله للبنزين، ودي شكوى ناس أعرفها برده

لكن أقسم بالله أنا فولت العربية أكسنت 2010 بتاعتي وسافرت بيها مرتين منوفية طنطا ريح جاي ومااتحرك المؤشر لدرجة إني شكيت في العداد والعوامة والحوار ده، ولكن ولا كان فيها مشكلة وبعد شويه اتحرك وفضلت معايا التفويلة فترة عجيبة، وحتى الآن ماعرفش السر، هي أصلا موفره جدا لأن طريقة الحقن بتاعتها ذكية ومناسبة لطرقنا بمعنى

الموبينه شغالة بنص الصبابات حتى 120 بعد 120 بيفتح الصبابات كلها فابتحس إنها طور جري تسارع فظيع بعد الـ 120

وطبعا مافيش حد هايجيب 120 في أغلب الطرق اللي في مصرنا الجميلة، وده منه توفير بنزين.

ومتابع

[m6r1282]

الاكسنت بتجري بس عربية ورق وفرامل تعبانة
احسن لك بصراحة خد اوبترا اعتمادية وثبات وانتشار اكتر

على فكره عربية ورق دي لا يمكن تكون صفة الأكسن خااااااااااااااالص والأكسنت بالذات، دا ممكن تقولها على الينترا على فيرنا لكن أكسنت

والله برفع الكابود بالعافية من تقله ماشاء الله

دا واحد كنت لسه قاري الكلام ده أمس، عمل حادثة بياريس وحادثة بأكسنت بيقول الأكسنت كانت حادثتها أشد والخسائر أقل بكتير من الياريس

فا ورق دي معلومه خاطئة مع احترامي لحضرتك صراحة

[m6r1282]

انا من طبيعتى مش بجرى يعنى انا عايز حاجة اوبشن وكماليات ووسائل حماية وثبات برضو mohamed jetta

ذي ما ذكرت في التعليقات السابقة، النيو أكسنت موفره حتى 120 وده كويس في البنزين
بالنسبة للأمان، زميل هنا قال إن فارمل ألأوبترا أفضل، وأنا قلت إن كاوتش أكسن الأصلي وحش والناس بتظن إن الفرامل وحشه بسببه، والفرامل مش ممتازه في أكسنت لأنه كوري والكوري لا يرقى مهما كان إلى الألماني والياباني في الفرامل

الأوبشن ده وجهة نظرك إنت ماحدش هايختارلك فيها

[m6r1282]

تابع اللينك ده كمان أنا رادد فيه بوفره عن أكسنت وياريس

http://www.nilemotors.net/Nile/418273-2009-2009-a.html

واستخير أهم حاجة، والله الاستخاره تفرق، أنا قبل التجربة والمعرفة الواقعية للياريس أو الأكسنت كنت رايح أشتري ياريس وأول ما شوفتها معرفش ربنا صرفني عنها ليه

ورجعت بأكسنت والحمد لله رب العالمين.

[Mohamedjetta]

أنا مافتيش في موضوع فرامل الأوبترا، لأني ما جربتش ومش مكذبك طبعا.
لكن البنزين اعمل بحث على النت وشوف الشكوى من أكل البنزين، وأنا بقول إنها بتاكل بنزين لأنها قوية مش عيب ماتور لكن بتاكل على الفاضي لأنه مافيش طريق أظهر فيه قوة الماتور ده بأكله للبنزين، ودي شكوى ناس أعرفها برده

لكن أقسم بالله أنا فولت العربية أكسنت 2010 بتاعتي وسافرت بيها مرتين منوفية طنطا ريح جاي ومااتحرك المؤشر لدرجة إني شكيت في العداد والعوامة والحوار ده، ولكن ولا كان فيها مشكلة وبعد شويه اتحرك وفضلت معايا التفويلة فترة عجيبة، وحتى الآن ماعرفش السر، هي أصلا موفره جدا لأن طريقة الحقن بتاعتها ذكية ومناسبة لطرقنا بمعنى

الموبينه شغالة بنص الصبابات حتى 120 بعد 120 بيفتح الصبابات كلها فابتحس إنها طور جري تسارع فظيع بعد الـ 120

وطبعا مافيش حد هايجيب 120 في أغلب الطرق اللي في مصرنا الجميلة، وده منه توفير بنزين.

ومتابع

يا باشا انا مصدقك ومن غير حلفان و حكايه ان الاوبترا بتسحب بنزين اعتقد عشان اتوماتيك 4 سرعات فقط واعتقد ده سبب
اما عند صاحب اخويا مانويل 5 سرعات وهو مش بيدوس ف السرعات الاولانيه فيمكن عشان كده مش بتسحب بنزين معاه
حضرتك عند الصحراوي يغري اوي ف السرعه

[mrmatrix]

تسلم استاذ mohamed jetta
تسلمm6r1282
بس بالنسبة هية مش خفيفة اوى لانها مع واحد صاحبى وماشاء الله عليها يعنى وقطع غيارها كويسة
بس الناس بتكلم فى الاوبترا على اساسا انها واسعة واحسن فى الفرامل
لاكن الناس بتشكر فى الاتنين
طيب بشمهندسm6r1282 حضرتك تعرف رينجتها كام النيو اكسنت 2010 او 2011
ولو الاوبترا يا استاذ mohamed jetta اخد موديل كام ورنجاته اية

[Mohamedjetta]

الله يسلمك

انا هقلك تاخد 2009 عشان ده اللي مع صاحب اخويا وماشيه250 الف كيلو وزي الفل
انا مسافر بره بس بتابع ع النت وملاحظ اسعارها من 65 الي 75 الف جنيه حسب حالتها ويفضل انك تاخدها خليجي عشان يبقي فيه كماليات وخد عداد قليل يعني بالكتير 60 الف او 65 الف و خلي بالك من اللعب ف العدادت لانها زادت اوي وبالاخص من التجار الخليجي فخلي باالك و حاول تاخد عربيه فيها فواتير سيرفسها و اكشف عليها ف التوكيل
وبرضو بقولك لو ملقتش اوبترا حاله نضيفه روح جيب النيو اكسنت و اختيار موفق سواء اخترت دي ولا دي ومبروووك مقدما وربنا يبعد عنك شرها وعين العربيه