عربيتي هيونداي الأنتر ٢٠١٢ اتسرقت

[amr011111]

تفتكزوا تركيب ايموبليزر يمنع السرقه ؟؟

مينفعش يتركب

[pharonicking]

لازم تبلغ الشرطة""" ضرورى""

[Mohamedjetta]

ربنا يصبرك وانا مجرب نفس احساسك ده بس معرفوش يسرقو العربيه عشان فيها ايموبلايزر
يا جماعه اللي معاه النترا يروح يكلبشها و يروح يكلبش الدريكسيون ويحط فيها انذار لو معملش كده يبقي الله يعوضه

[elpasha1]

[/font][/size][/right]

نصيحة لوجه الله، أسرع بإبلاغ الشرطة وتسجيل محضر رسمي، ليس فقط للبحث عن السيارة، لكن أيضاً لتحمي نفسك من تبعات أية مشاكل مستقبلية من الاستخدام غير القانوني لها وهي ليست في حوزتك..

+++1
اللهم أجرك في مصيبتك و أخلفك خيرا منها.

[mshmshm3]

ربنا يعوض عليك و يردهالك ان شاء الله
سرقة العربيات زادت تاني و خاصة الالنترا
واحد صاحبي اتسرقت عربيته النترا موديل 2012 هاي لاين من العبور راح القسم يعمل محضر لاقي بي ام دابليو و باسات مسروقين طيب ازاي ياجماعة عربيات زي دي فيها اكيد ايموبلايزر و تتسرق بسهولة
و اللي سارقها كلمه و طلب 40 الف قاله مش معايا غير 15 الف
قالو قابلني عند موقف العاشر من رمضان و قاله اقف علي كوبري المشاه و قاله في واحد واقف تحت الكوبري اخدفله الفلوس قاله العربية فين قاله واقفة عند كارفور العبور حدفله الفلوس و راح عند كارفور العبور مالاقاش العربية
انت اتكلم بتقل زي ما العضو قالك و خليك تقيل و لو حدد معاد قوله انا اللي اقول امتي
العربية معاه تهمة و عايز يخلص منها وفاصل معاهم في الفلوس ولما تروح تشوف العربية قدام عينك يركنها علي طريق الناحية التانية و يسيبها و يمشي بس تكون قدامك

[mshmshm3]

و في المعمورة برضو اتسرق 2 النترا من هناك و هناك الامن شادد حيله و عربيات رانجلر تدخل سريع بتلف و اكتر من بوكس و برضو عربيات كتير اتسرقت

[ahmedelrayan]

ربنا يصبرك وتذكر قوله تعالى وبشر الصابرين الذين اذا اصابتهم مصيبة قالوا ان لله وان اليه راجعون

[J A G U A R]

اللهم رد اليه ضالته

[ayman salem]

سيدي الفاضل . اجارك الله في مصيبتك واخلف عليك الافضل ان شاء الله
في الغالب سوف يتم الاتصال بك وسيتم تحديد المبلغ وعليها قدره يعني في سوق
السرقه ممكن اخرك 20000 او 25000 ..
ذهابك في حاله الاتصال منفردا ب 100 جنيه وموبيل تعبان وبطاقه
متدفعش الفلوس الا لو شفت العربيه قدامك ومحدش راكبها
لما تاخدها وفي الغالب بيكون عجلها مهوي نص نص علشان متجريش ورا حد
هتطلع علي اي حد يكمله وتبص في العربيه كل حته شنطه تابلوه كمبوت
وبعدها تتكل علي الله .
كل دا بعد ما تكون محضر في القسم ومباحث سرقه السيارات

[heeshooheeshoo]

ربنا يصبرك وتذكر قوله تعالى وبشر الصابرين الذين اذا اصابتهم مصيبة قالوا ان لله وان اليه راجعون

بسم الله الرحمن الرحيم
"وبشر الصابرين الذين إذا أصابتهم مصيبة قالوا إنا لله وإنا إليه راجعون"

صدق الله العظيم

[eslam34]

ربنا يعوض عليك و يردهالك ان شاء الله
سرقة العربيات زادت تاني و خاصة الالنترا
واحد صاحبي اتسرقت عربيته النترا موديل 2012 هاي لاين من العبور راح القسم يعمل محضر لاقي بي ام دابليو و باسات مسروقين طيب ازاي ياجماعة عربيات زي دي فيها اكيد ايموبلايزر و تتسرق بسهولة
و اللي سارقها كلمه و طلب 40 الف قاله مش معايا غير 15 الف
قالو قابلني عند موقف العاشر من رمضان و قاله اقف علي كوبري المشاه و قاله في واحد واقف تحت الكوبري اخدفله الفلوس قاله العربية فين قاله واقفة عند كارفور العبور حدفله الفلوس و راح عند كارفور العبور مالاقاش العربية
انت اتكلم بتقل زي ما العضو قالك و خليك تقيل و لو حدد معاد قوله انا اللي اقول امتي
العربية معاه تهمة و عايز يخلص منها وفاصل معاهم في الفلوس ولما تروح تشوف العربية قدام عينك يركنها علي طريق الناحية التانية و يسيبها و يمشي بس تكون قدامك

بي ام و باسات ازااااااي ؟؟؟

[spidars]

بس حضرتك غلطان في انك سبت الرخصه في العربيه وربنا يرجعهالك امين يا رب

[m_zizo620]

بص يا باشا انا حصلي نفس الموقف و الحمد لله و بفضله رجعت العربيه و انصحك بالاتي:
١-تمشي في الاجرائات القانونيه عادي جدا و تعملها كلها و تطلع علي مباحث السيارات في مديريه الامن عشان يبلغ التراخيص يوقف بيع العربيه و لو ان الحاجات دي مش هي الي بترجع العربيه بس عشان لو عمل الحرامي بيها اي مصيبه تخلي مسئوليتك و عشان يعرفوا يوصلوا لنمره تليفونك لانهم جابوا نمره تليفوني من المحضر
٢-لما يكلمك الحرامي ماتبينش انك ميت علي العربيه بالعكس تبين انها مش فارقه معاك و انك مامن عليها و انها قسط و عليها حظر بيع
٣- تتاكد انه هو فعلا معاه العربيه و دي انك تساله علي علامات مميزه في العربيه تخليه يقولهالك لان ممكن يكون نصاب و معهوش العربيه اصلا وياخد الفلوس و يخلع
٤-حاول تشوف حد ثقه يكون لي سكه مع عرب الساحل و عارف حد منهم ثقه و كبير و تخلي الاستلام و التسليم عن طريقهم عشان هما دول ضمانك
٥- فاوض معاهم علي قد ما تقدر و ماتزهقش ومتخافش عشان تدفع اقل مايمكن و اشترط عليه انها ترجع زي ماهي من غير حاجه ناقصه ( بس طبعا هي هتيجي ناقصه حاجات و هيقولك انها وصلتوا كده و دي نقطه كويسه انك تقلل معاه الفديه تاني) بس خلي بالك العربيه اه مش هيجرالها حاجه بس كل ما تقعد معاهم بيتفك منها حاجه فماطل ايوه بس بحدود
و ده الي اقدر افيدك بيه و ربنا معاك و يخفف عنك ان شاء الله و تخرج من المحنه دي

[almohaor]

ربنا يصبرك وانا مجرب نفس احساسك ده بس معرفوش يسرقو العربيه عشان فيها ايموبلايزر
يا جماعه اللي معاه النترا يروح يكلبشها و يروح يكلبش الدريكسيون ويحط فيها انذار لو معملش كده يبقي الله يعوضه

ان شاء الله ترجع لك العربية

الرسول عليه الصلاة والسلام يقول اعقلها وتوكل على الله يعنى ناخد بالاسباب

يعنى لازم اكون قافل الدركسيون وكمان بالزيادة تكون مركب قفل دركسيون خطاف بين الدركسيون

والدبرياج عليها وكمان قفل او كلبش لكاوتش السيارة

وخاصة فى المناطق الهادئة او المتطرفة

وكمان لااترك اى اوراق او مستندات تخص السيارة

كالرخصة مثلا حتى لااسهل الامر على السارق

وكان الله فى العون

[TAMERMEGAHED]

الله يعينك ويرضلك ضالتك