اشتريت فيرنا اوتوماتيك تعمل بالغاز

[د.محمود صلاح]

لازم اقول الحقيقة فعلا الفرامل لا تسعف ابدا في التوقف المفاجئ يمكن عشان الوزن الزائد

كمان نظام الغاز هو بالنظام القديم Mixer وحاليا يوجد نظام جديد ب 6300 جنيه اللي هو الحقن التزامني injection زي رشاشات البنزين بالظبط

[S O P H O S]

طيب حاول تكشف عالفرامل يا باشا
وتشوف الكاوتش حالته ايه بيفرق مع الفيرنا
خصوصا لو ركبت بيردجيستون مثلا ويكون تماسك قوي

[د.محمود صلاح]

الكاوتش GT radial الاندونيسي جديد راكب من 8 اشهر

-----

اليوم ركب انذار wolf ولغيت ريموت المفتاح الاساسي وسبب تركيب الانذار عشان لمبة البيان الزرقاء الخاصة بالانذار اللي تتحط بين التابلوه والبربريز قد تكون سبب في عدم تعرض السيارة للحرامية .. وبالطبع قمت بتركيب كتاوت قطع مع الانذار بحيث يعمل كمانع ادارة محرك وتمت التجربة والحمد لله ..
التكلفة 200 الانذار و 100 تركيب شامل الكتاوت

[John Silver]

تحديث .. الفرامل ضايعة خالص ..

لازم تركب جنوط 195/50/15 هي اللي بتدي الفيرنا ثبات وقوه في كبس الفرامل حسب تجربة ناس كتير جربت المقاس دا وبيشكروا فيه وبيقولوا انو افضل حل لمشكلة فرامل الفيرنا

وفي تاكسي كمان بعرفوا شغلوا دايماً سفر خارج القاهره بس الفيرنا بتاعتو منوال وهو مركب المقاس دا بيقول وكأنك راكب ألماني من حيث الثبات وقوة الفرامل يقول عيب الفيرنا بودي

صغير وموتور كبير عليها لكن من تديها جنوط 15 بتحس وكانك مربطها على الارض وهي بتمشي

[د.محمود صلاح]

شكرا للنصيحة .. ان شاء الله هعمل كده كخيار تاني بعد ما اغير التير وامس الطنابير

[د.محمود صلاح]

رحت لعفشجي لتربيط العفشة بالكامل امامية وخلفية وكان فيها رباط .. كلفني 15 جنيه وحوالي نصف ساعة تربيط

النتيجة تحسن ملحوظ في اصوات الدبدبة المصاحبة للمطبات ..

[د.محمود صلاح]

طاسة الفيرنا الاوتوماتيك مختلفة عن العادي

هي تشبه دي



فيها غطا صغير له ارجل والارجل دي دايما بتتكسر فبالراحة عليها اهو وانت بتفكها .. وتحتها ستجد مسامير الجنط فوق الغطا وبالتالي مش محتاج رباط حزام على الغطاء

[Mohamed Bltagy]

انا كان معايا فيرنا مانيوال 2007 وكنت عايز اركب ليها غاز بس بصراحة خفت , ياتري اخبار سحب العربية اية علي الغاز.

[د.محمود صلاح]

السحب بالغاز زي البنزين مافيش فرق ، العربية اوتوماتيك بتاخد الغيار براحتها حسب ضغطة دواسة البنزين ، والاتوماتيك مش بتاع شد وجري خالص


الفتيس الأوتوماتيك ده ما بيقفلش بعد انطفاء السيارة يعنى ممكن اغير مكان عصاية الفتيس والسيارة مطفية . لكن لن تشتغل السيارة والفتيس على ال d . R . 1 .2
وكمان لا يحتاج ضغط على الفرامل لكي تحرك عصا الفتيس من p لتحت ( ياما سيارات تعطلت واتسحبت على ونش بسبب السويتش بتاع الفرامل وتشغيل السيلرة ونقل عصاية الفتيس )

[azkol2005]

هل تغيرت القناعات بعد هذه الاشهر الطويله ؟؟

[A.Saad]

Gt سيء
ولو غيرت شوف نوع معامل الفرامل ليه عالى

[د.محمود صلاح]

هل تغيرت القناعات بعد هذه الاشهر الطويله ؟؟

كل واحد ظروفه تختلف .. انا في المنيا عندي دي العربية المناسبة تماما من حيث قطع الغيار والصيانة ووفرة محطات الغاز وصعوبة الحصول على البنزين .. وبالتالي قناعاتي لم تتغير .. فقط مش لاقي طاسات بدل اللي بتطير دي ..

غيرت فانوسين خلفيين بالكامل الواحد ب 75 جنيه

[د.محمود صلاح]

gt سيء
ولو غيرت شوف نوع معامل الفرامل ليه عالى

انا اتعودت على ضعف الفرامل وتكيفت بزيادة الضغط على الدواسة ، وهغير الكاوتش ان شاء الله الاجازة دي ويمكن اركب جنوط وهبقى اقولكم على النتيجة