الحمد لله

[bishoo33]

بسم الله الرحمن الرحيم
(الله الذى جعل لكم الأرض قرارا والسماء بناء وصوركم فأحسن صوركم ورزقكم من الطيبات ذلكم الله ربكم فتبارك الله رب العالمين)
صدق الله العظيم
أحبائى الأعزاء
باركولى :) وهنونى :D وأفرحوا معايا :lol: وكمان زغرتولى لو تعرفوا :P
بالأمس وبعد طول أنتظار دام أكثر من 5 شهور نزلت من الـ128 (توته العفروته) وركبت الماتريكس (؟؟؟؟؟؟؟؟؟؟؟؟؟؟) فعلا فرق كبير جداااااااااا أتمنى من الله سبحانة وتعالى أن يباركلى فيها ويكفينى شرها
أصدقائى أحب أن أشكر جميع رواد المنتدى والقائمين عليه لما هوفيه حقيقة من معلومات ومشاركات وحوارات تفيد من يملك سيارة أو يريد أن يشترى سيارة وأحب أن أخص بالشكر كلا من الأستاذ بايو والأستاذ كريم والأستاذ خالد والأستاذ ميمو دينامو الموقع بجد (الله ينور على الشغل الى أنت عمله فى الموقع ربنا يباركللك)
الحمد لله حجزت الماتريكس يوم الخميس 26/7/2007 وأستلمتها يوم الجمعة 27/7/2007 ووضعتها فى الجراج لمدة أسبوع حتى أمس لحين أنتظار الأفراج والبيانات الخاصة بالسيارة وأيضا لأننى كنت فى المصيف فى هذه الفترة مع أسرتى المكونة من زوجتى وعمر ابنى الكبير ذو 6 سنوات الشقى جدا ويوسف ابنى الصغير ذو السنة والنصف ربنا يخليهم لى ويباركلى فيهم
بالأمس ذهبت للمرور ورخصت 3 سنين (الحمد لله الموضوع مشى بسلاسة ولم يستغرق أكثر من ساعتين )
السيارة ماتريكس مانيوال 2008 تركى المنشأ بترولى والأنطباعات الأولية مبشرة بالخير تدل على اننى سوف أتمتع بيها فى الفترة القادمة
أحبائى الأعزاء سوف أكمل لكم فيما بعد
الأخ بايو أريد أن اقوم بعمل تأمين شامل للسيارة رجاءمراسلتى
(اللهم باركلى فيما رزقتنى وأقنعنى به وأخلف لى عن كل غائبة بخير)
م/ محمد ابراهيم
أسمنت اسكندرية
0102409056

[ahmed1981]

ألف مبروك
ربنا يعطيك خيرها ويكفيك شرها
ويجعلها عوناً لك على طاعة الله

[Nader]

الف مبروك وربنا يبارك لك فيها

[Mo3taz Selim]

مهندس محمد
مرحبا بك بين أسرتك الكبيره فى نايل موتورز و أهلا بأهالى أسكندريه :D :D
ربنا يبارك لك فى سيارتك الجديده و يحفظها لك و يحفظك منها و يكفيك شرها
بارك الله لك فى أسرتك و أبنائك و جعلهم الله قرة عين لك

سؤال بقى من فضلك ... سيارتك الجديده تقفيل تركى.. اخبارها أيه؟؟؟ ... التقفيل ... أى ملاحظات

و مبروك مره ثانيه و فى أنتظار تقييمك للسياره ككل

[محمد المشد]

الف مبروك بس كنت عايز اعرف السعر وهل تسلمت من الوكيل مباشرة وهل هناك اختلاف بينها وبين 2007

[Medhat Fathy]

الف مبروووك

[Islam_galal]

الف مبروك و ربنا يكفيك شرها
ايوه كده عايزين نزود الاسكندرانيه و نعملنا رابطه :D

[AlmAhAtmA]

الف مبروك يا باشا
ربنا يبارك لك فيها و يكفيك شرها
و ايمانا منا بضروره التواصل الاستيكر بتاع المنتدي هديه مني ليك حلاوه العربيه

[emadfk]

الف مبروك وربنا يبارك لك فيها

[mohamed ismail]

الف مليون مبروك يا هندسة وربنا يعطيك خيرها ويستر طيرقك ويبعد عنك ولاد الحرام ويمتعك بيها انت والاسرة الكريمة

[crossfire]

alf mabrook ya bashmohandes mohamed
ana kaman 3andy matrix we lesa gayebha men shahr bas kory
rabena yekremak beha we eb3atlena takyeemak 3an el ta2feel el kory isa
alf mabrook again

[محمد ابراهيم 1]

بقت إننت جايبها من أسبوعين وملبس إسلام أخوك السلطانيه ومفهمه إنك لسه مجبتهاش
على كل حال ألف مبروك ومفيش شكر للى جابلك النمر

[fahd_628]

الف الف الف مبروووووووووووووووووووووك و ربنا يباركلك فيها

[bassam nagy]

الف الف مبروك وربنا يديك خيرها ويبعد عنك شرها

[bishoo33]

انا حقيقى مش قادر أعبر عن مدى سعادتى بردودكم الرائعة وايضا بالماتريكس أنا حاسس ان كل الناس فرحانة معى والحمد لله على ما رزقنى به وأحب
[b]أولا: أن أعتذر عن عدم الرد سريعا ولكن لأننى كنت مشتاق لتجربة الماتريكس و معرفة كل حاجة فيها خاصة وأننى غدا سوف أرجع من جديد فى دوامة الشغل بعد راحة دامت قرابة العشر أيام وما أدراكم العمل فى مجال الأسمنت شاق أد ايه
ثانيا : أنا لحد الأن عملت (188-13) حوالى 175 كيلو متر فى يومين داخل الأسكندرية فقط صدقونى ماحستش بيهم خالص متعة يالها من متعة!! روعة يا لها من روعة!! هدوء ياله من هدوء!! نعومة يا لها من نعومة!! ثبات ياله من ثبات!! فعلا أحساس تانى خالص هذا بالنسبة للأنطباعات النفسية أم بالنسبة لمميزات السيارة فأعتقد أن الأخ بايو الى لسه ما ردش عليا لغاية دلوقتى لعل المانع خير فقد أسهب وأبدع فى وصفها قبل ذلك كثيرا وقد صدق قولا فيما قالة كله وأحب أن أزيد عليه أن تصميم السيارة من الداخل يغلب عليه الطابع الأوربى الذى يعطى الأحساس بالفخامة بمجرد فتح باب السيارة والجلوس خلف مقود السيارة والview الأكثر من رائع لكل من يجلس بالسيارة
ثالثا : بالنسبه للأخ معتز سليم

سؤال بقى من فضلك ... سيارتك الجديده تقفيل تركى.. اخبارها أيه؟؟؟ ... التقفيل ... أى ملاحظات

أنا عندى أصدقاء يمتلكون ماتريكس 2006 و2007 وبمقارنة التقفيل (الأساسييات والكماليات ) بين الكورى والتركى لا شىء يذكر غير الكاوتش فى التركى بيرللى + نور فوق مراية المنتصف للقراءة + جراب نظارة + مراية الجنب أكبر فى الحجم قليلا + نور أشارة تحذيرى بكل من الباب الأيمن والأيسر عند الفتح + الريموت منفصل عن المفتاح وعلى فكرة أنا قرأت أن هيونداى قفلت الماتريكس فى تركيا لتكون قريبه من الأسواق الأوربيه للتصدير (Hyundai Motor Company’s Chairman and CEO Mong Koo Chung said at the event that 2007 was the 50th anniversary of the eternal friendship between Turkey and S. Korea and the 10th anniversary of the establishment of a factory in Turkey. He said Hyundai Turkey was the gateway for the company’s access to European markets. The factory in Turkey marked a major milestone for the company’s overseas investments, said Mong, adding, “The Turkish factory will produce the new Matrix model — which has strategic importance to the company
وأعتقد أن أوربا لن ترضى الا بالـ high quality
رابعا : بالنسبه للأخ محمد المشد

كنت عايز اعرف السعر وهل تسلمت من الوكيل مباشرة

أنا أشتريت من أحد الموزعين بالأسكندرية فى كلمة ونص لأننى كنت عارف أخرها من التوكيل (سعر الوكيل مانيوال 80000 ولكن حتى الأسبوع الى فات كان لا يوجد سوى سيارة واحدة بمعرض الوكيل ولو عاوز تحجز وأنت وحظك بعد أسبوع شهر يوم أثنين أعتمادا على اللون المتوفر والى انت حاجزه وبالفعل حجزت عندالوكيل ب500 جنيه للأطمئنان وأخذ دور ولحد دلوقتى ما ختش مبلغ الحجز أنشاء الله يوم 15 /8/2007 حسب ما وعدونى لأن فى شويه أجرأت غريبه الوارد والصادر وحاجات ذى كده مش عايز أفهمها المهم وأنا راجع متأخرا من العمل وجدت الكساحة بتنزل الماتريكس البترولى الغامق عند هذا المعرض فركنت توته العفروته وقلتله عايز الماتريكس دى قالى ماشى ب 82500 قلتله لأ ب 80500 وخذ عربون دلوقتى والباقى قبل صلاه الظهر غدا قالى ماشى مع العلم أن أخر سعر وصلتله بره 81500 والحمد لله
خامسا : بالنسبه للأستاذ اسلام جلال

ايوه كده عايزين نزود الاسكندرانيه و نعملنا رابطه

ماشى ياعم وسوف نعينك زعيم الرابطه والى لقاء قريب بأذن الله ونعزم كمان المصاروه عندنا ونأكلوهم سمك عند شعبان ويحلو بجيلاتى عند عزة ويحبسوا عند تندور وكفايه كدهههههههه
سادسا :الأخ المهاتما مش عارف أقولك ايه لأننى فعلا أول حاجة فكرت فيها وأنا بأستلم العربيه ازاى حاجيب الأستيكر ده والحمد لله فرجت
سابعا : أما أنت يا dido باشا لو بصيت فى تليفونك حوالى الساعة الواحدة ظهرا يوم أمس 5/8/2008 لوجدت missed call منى لأشكرك على الواجب الى أنت عملته معايا بس أنت ربما كنت مشغول ونسيت ترد وايضا أنت عارف أسلام ما كانش راضى عن الماتريكس هو عايز عربيه شبابى ذى gen2 أو lancer وقعد كثير يحاول يقنعنى وما حبتش أكسفه لغايه لما أقنعته بما أنا أريده من السيارة .
أخيرا وليس أخرا عندى سؤال مهم جدا عايز أهل الخبره يرده عليه
أنا محتار بين أمرين
الأول : أركن السيارة أمام المنزل مع العلم أننى أسكن بشارع حيوى جدا وبه حركة سيارات طوال الـ 24 ساعة وسيارتى الـ128 أتحكت مرتين قبل كده وهى واقفه
الثانى : أركن بجراج قريب من المنزل ولكن مضطر لترك المفتاح لأن الجراج مكتظ بالسيارات والسيارات بداخله مترصصه زى رصه الدومينو ولازم أقول ميعاد الخروج قبلها بوقت كافى لتجهيز السيارة وأنا مش واخدعلى كده حد غيرى يقود سيارتى ولا ايضا التزم بميعاد خروج مسبق
والى رساله قادمه بأذن الله
:lol: :lol: :lol: :lol: :lol: :lol[/b]: