بخصوص عدم ثبات الفيرنا

[أبو عبدالله]

براحه يا أستاذ تيموووا شويه

يا سيدي العربيه معروف ان وزنها خفيف وبالتالي بتبقى خفيفه على السرعات زي الأكسنت القديمة

وبعدين ياريت يكون أسلوبنا أحسن من كده في الكلام وبلاش تهكم على كلام الأخرين

وبعدين هما علشان تبقوا عارفين غالب العربيات اللي في الفئة السعريه دي بتبقى كده يا جماعه

ياريت نتفهم ان مفيش حاجه ببلاش

كل سعر وليه امكانياته وعيوبه وكل ما السعر يعلي في المعقول يبقى العربيه عيوبها اقل

مش معقوله يعني تبق عاوز تركب عربيه 1600 او 1500 بــ 65 الف او قريب من ذلك

وفي عربيات 1600 بــ 180 الف او بــ 220 الف كمان

يعني في فروقات في الهيكل والتصميم بعيد عن اماتور وشوف الفرق كام واحسبها

[Ahmed Anwer]

كلامك عين العقل يا أبو عبد الله ، طبعا كل العربيات في الفئة دي كده و هو ده اللي بقوله ، يعني مش العيب الفظيع بالنسبة للفئة بتاعتها و مفيش سيارة كاملة
بخصوص العربيات 1600 الغالية أنا مثلآ سقت الأوكتافيا A5 أتوماتيك ، بطة ماشية بتطلع بثقل شديد ، عربية اثنين طن و نص علي موتور 1600 و كمان أتوماتيك ، بس صاحبها مبسوط و أنا شخصيا ماحستش أن دي مصيبة مجرد مبتمشي بتاخد سرعتها و تجري ، معني كده إن الأوكتافيا وحشة !! مكنتش تبقي أكثر عربية متباعة في الفئة بتاعتها و و الله لو سئلت واحد جايب مرسيدس و لا بي إم هتلاقي برده حاجة مضيقاه
و عيب الفيرنا أنا قلته بصراحة إنها عربية موديل قديم مبينزلش في بلاده

[Ahmed Anwer]

تم الحذف للتكرار

[Ahmed Anwer]

كلامك عين العقل يا أبو عبد الله ، طبعا كل العربيات في الفئة دي كده و هو ده اللي بقوله ، يعني مش العيب الفظيع بالنسبة للفئة بتاعتها و مفيش سيارة كاملة
بخصوص العربيات 1600 الغالية أنا مثلآ سقت الأوكتافيا A5 أتوماتيك ، بطة ماشية بتطلع بثقل شديد ، عربية اثنين طن و نص علي موتور 1600 و كمان أتوماتيك ، بس صاحبها مبسوط و أنا شخصيا ماحستش أن دي مصيبة مجرد مبتمشي بتاخد سرعتها و تجري ، معني كده إن الأوكتافيا وحشة !! مكنتش تبقي أكثر عربية متباعة في الفئة بتاعتها و و الله لو سئلت واحد جايب مرسيدس و لا بي إم هتلاقي برده حاجة مضيقاه
و عيب الفيرنا أنا قلته بصراحة إنها عربية موديل قديم مبينزلش في بلاده

[أبو عبدالله]

كلام مظبوط انا عارف ان الأوكتافيا عامله زي البطه لنها كانت مع ابن خالي وقالي نفس الكلام

[أبو عبدالله]

كلام مظبوط انا عارف ان الأوكتافيا عامله زي البطه لنها كانت مع ابن خالي وقالي نفس الكلام

[Tarek Fadl]

السلام عليكم وحمة الله وبركاته
الله ينور عليكم هو ده الكلام المفيد انت بتدفع كام وعاوز تاخد ايه - مش بدفع كام وعاوز اخد كل حاجة
وعموما الموضوع مش محتاج تعصب اللي معاه عربيه المفروض يعرف امكانياتها ويمشي بالطريقة اللي تريح العربية وميحملهاش فوق طاقتها يعني ممشيش بالفيرنا 160 و 180 واقول مش ثابتة لان هي تقدر تجيب 180 لكن مش هتبقي امان والا كانت تتباع ب 180 الف جم

[Ahmed Anwer]

هو طبعا كلامك صح تماما يا إستاذ طارق بس مش عايز كلامك يتفسر علي إن الفيرنا حاجة علي قد فلوسها ، لأ أنا عايز أقول إن كل العربيات اللي في الفئة دي و كمان الأعلي حتي ب عشرين و ثلاثين ألف مستواها كده و بالتالي يبقي ده مش عيب ده طبيعي و لو عايزين تسموا العيب ده متسمهوش الثبات ممكن مثلآ نسميه بالبلدي عدم الكلبشة في الأض :lol:

[KiNgMaX]

يا جماعة انا سقت الفيرنا على 190 ومحستش بكل الكلام ده العربية ممتازة وثابتة بس كنا 4 فى العربية وفى النهاية موضوع الثبات او تقييم اى عربية لازم يختلف من شخص لآخر لانه بيعتمد انت سقت ايه قبل كده وبتقارنها بيه

[Ahmed Anwer]

عموما دي وجهة نظر كل اللي كتب في الموضوع ده بس برده مردناش علي صاحب الموضوع الرئيسي هو شايف العربية مش ثابتة و إحنا مش شايفين كده :D أو علي الأقل بنقوله كده رضا ،
يا ريت حد صاحب خبرة يرد عليه ممكن يعمل ايه عشان يزود الثبات و كلنا نستفيد ، أنا عارف حكاية الجنوط العريضة بس معنديش أي خبرة فيها

[temoo_110]

انا كل اللى قولتلو يا سلام هيا يا سلام دى فيها مشكلة ولا تهكمت على كلام حد ولا قولت حاجة

[PRO-DRIVE]

المعنى ( زى ما انا فهمت ) استنكارى :mrgreen:

[Tarek Fadl]

السلام عليكم ورحمة الله وبركاته
الاستاذ العزيز / احمد انور انا طبعا مش قصدي ان الفيرنا علي قد فلوسها ويبقي نرضي بها بعيوبها وخلاص لا طبعا لكن قصدي ان عربية بالسعر ده عمرها ما هتساوي في الامكانيات عربيه ضعفها في السعر اكيد في فرق يبقي كل واحد يمشي بما يتناسب مع عربيته
وعن نفسي وده رايي الشخصي ان الفيرنا بالنسبة للعربيات اللي في نفس الفئة بتاعتها عربية محترمة جدا ولها اسمها في السوق المصري اما موضوع الثبات علي السرعات العاليه فده كل واحد ممكن يقيمها من وجهة نظره وعن تجربتة الشخصية زي ما قال الاستاذ / KingMax يعني اللي ساق الفيرنا علي طريق سريع مفيهوش ملفات اكيد هيلاقيها ثابتة عن اللي ساقها في طريق كله ملفات وكل واحد كان سايق علي سرعة كام والعربية كان فيها احمال او لا

[Ahmed Anwer]

فهمت قصد حضرتك يا أ/ طارق ، أنا بالنسبة ليا موضوع الثبات ده مش محطوط في إعتباري أساسا لأني مبجريش إلا لو الطريق يسمح بكده ،

[temoo_110]

المعنى ( زى ما انا فهمت ) استنكارى

ايوة بالظبط هو استنكارى ومش عاجبنى كمان علشان كده علقت وقولت يا سلام