بخصوص عدم ثبات الفيرنا

[Ahmed Anwer]

طب ممكن يا جماعة حد يرد في الموضوع و يقول إزاي نزود ثبات العربية ، يعني حكاية الجنوط أو الكفرات دي تتكلف كام و هل نوعيتها بتفرق و لا كلها زي بعض تقريبا و هل ممكن الواحد يشتري منها مستعمل ،، و هيعمل أيه في الجنوط و الكاوتش اللي راكبين في العربية ، هل يبيعهم و لا يخليهم عشان كان في واحد صاحبي قاللي إقتراح ظريف بيقول تخلي العجل الأصلي و لما تيجي تبيع العربية تركبهم تاني و تخلي الجنوط ليك تركبهم في أي عربية هتشتريها
و هل الجنوط العريضة هتأثر علي عمر و أداء الموتور و لا لأ أو مثلآ لو المقاس مش أكبر أوي من بتاع العربية مش عيأثر علي العربية
يا ريت حد يرد بإستفاضة عشان كلنا تستفيد

[ahmed1981]

الحل لزيادة الثبات إنك تركب جنوط رياضية عريضة ويركب عليها كوتش عريض
- طبعا الجنط يكون نفس قطر القديم يعني لو القديم 14 هات الجديد 14 بس الفرق إنه يكون أعرض
- ويفضل يكون جنط من نوع جيد (ماركة يعني) على قدر المستطاع
- وموضوه هام إن مركز التحميل في الجنط (الجزء الواصل بين مركز الجنط وإطاره الخارجي) يكون زي الأصلي يعني لو الأصلي مركز التحميل في الوسط يبقى لازم الجديد يبقى كده:
لو نقطة الإرتكاز في الجنط الجديد لا تماثل القديم سيحدث الآتي:
1- الحمل يزيد على البلي بتاع العجل وعمره يقصر
2- الحمل يزيد على العفشة وعمرها يبنقص
وذاك بسبب زيادة عزم الحمل نتيجة لإختلاف نقطة الإرتكاز
نقطة الإرتكاز هي مكان تثبيت الجزء (web) الواصل بين صرة الجنط (hub) وحلق الجنط الخارجي الذي يركب عليه الكاوتش (rim)
ممكن تلاقي جنط الجزء ده متوصل على الحرف الخارجي للجنط والحلق أو الحرف الداخلي أو في الوسط
المهم يكون زي الجنط الأصلي أو يكون جنط موصى به من منتجي هذه السيارة

أخيراً لابد تجيب كاوتش عريضة على قدر الإمكان ومناسب للجنط الجديد لأنك لو حطيت في الآخر كوتش مش عريض يبقى معملتش حاجة
هذا والله أعلم

[ahmed1981]

بالنسبة لقطر الجنوط

أي سيارة تكون مصممة على العمل على جنوط بقطر محدد يتناسب مع عزم المحرك
ويكون مدون في كتلوج السيارة مقاسات الكوتش المناسب للسيارة

لو الواحد جاب كوتش نفس القطر بس أعرض ده يزيد ثبات السيارة على الأرض وفي السرعات وأفضل للفرامل والسحب

بالنسبة للجنط الأكبر قطراً فلابد أن يكون في النهاية بعد تركيب الكوتش أن يكون القطر النهائي للكوتش ثابت لو وقفت الكوتش الجديد جنب القديم تلاقي إرتفاعهم عن الأرض واحد

المهم
لما الجنط وهو الجزء الصلب في العجل يكبر الكوتش وهو الجزء المرن في العجل يقل سمكه
وبالتالي حجم الصدمات التي يمتصها الكوتش يقل كلما قل سمك الكوتش
وبالتالي حجم الصدمات والإجهادات تزيد على العفشة مهما كان نوعها
وبالتالي حجم الصدمات على شاسيه العربية يزيد والشاسيه يتبهدل
وبالتالي حجم الصدمات على الراكب داخل السيارة يزيد مما يقلل من الراحة وقد يؤدي للأمراض مثل الإنزلاق الغضروفي

النتيجة
لو عايز تركب جنوط سبور هات نفس قطر الجنط الأصلي والعرض أكبر
الكوتش يكون بنفس الإرتفاع عن الأرض ولكن العرض أكبر

وذلك حتى تحافظ على نفسك وسيارتك

والله أعلم

[temoo_110]

بالنسبة لقطر الجنوط

أي سيارة تكون مصممة على العمل على جنوط بقطر محدد يتناسب مع عزم المحرك
ويكون مدون في كتلوج السيارة مقاسات الكوتش المناسب للسيارة

لو الواحد جاب كوتش نفس القطر بس أعرض ده يزيد ثبات السيارة على الأرض وفي السرعات وأفضل للفرامل والسحب

بالنسبة للجنط الأكبر قطراً فلابد أن يكون في النهاية بعد تركيب الكوتش أن يكون القطر النهائي للكوتش ثابت لو وقفت الكوتش الجديد جنب القديم تلاقي إرتفاعهم عن الأرض واحد

المهم
لما الجنط وهو الجزء الصلب في العجل يكبر الكوتش وهو الجزء المرن في العجل يقل سمكه
وبالتالي حجم الصدمات التي يمتصها الكوتش يقل كلما قل سمك الكوتش
وبالتالي حجم الصدمات والإجهادات تزيد على العفشة مهما كان نوعها
وبالتالي حجم الصدمات على شاسيه العربية يزيد والشاسيه يتبهدل
وبالتالي حجم الصدمات على الراكب داخل السيارة يزيد مما يقلل من الراحة وقد يؤدي للأمراض مثل الإنزلاق الغضروفي

النتيجة
لو عايز تركب جنوط سبور هات نفس قطر الجنط الأصلي والعرض أكبر
الكوتش يكون بنفس الإرتفاع عن الأرض ولكن العرض أكبر

وذلك حتى تحافظ على نفسك وسيارتك

والله أعلم

بجد بجد الله ينور فعلا شرح وافى جدا وربنا يباركلك يا استاذ احمد