ملاحظة بالنسبه( لجميع ) مواتير الهيونداي

[Anti_virus_abdo]

عندي كلمتين عايز قأولهم ل Anti Virus :

أولا: الفيرنا من أحسن العربيات في ال السوق اذا مكنتش احسنها ماشي يا عم .....


ثانيا:انت معاك حق ...انا فعلا لاحظت الموضوع ده العربيه بتكركر زياده عن اللزوم خصوصا اذا كان المكيف شغال ... الكلام ده عندي في الفيرنا 1500 موديل 2006 M\T فياريت من الساده الأفاضل يقلولي اذا كان المفروض اروح التوكيل ولا لأ ؟؟؟ :(


Peace

لا يا باشا ولا توكيل ولا حاجه هي العربيه كده
حاول تتعود عليها زي م ا قلك الاعضاء و بلاش قرص و التكيف شغال
و ربنا يخلهاك و بلاقش القفش ده يا عم
و بعدين انا عايز ال 60 الف دول برضه :D :D

[temoo_110]

السلام عليكم ورحمة الله وبركاتوه
فى ايه يا جماعة انتو قطعتو الراجل خالص علشان كركر منكم فى الكلام
واحدة واحدة واحدة عليه يعنى روستخ روستخ يا زكى يا روستخ
وموضوع الكركرة فى كل العربيات فعلا علشان الغيارات
اما موضوع هات 60 الف وانا اقولك الفيرنا احسن عربية فى العالم فهيا جامدة موت وموتتنى من الضحك

[eng_elnaggar]

انا اعتقد ان موضوع الكركرة ده موجود ساعة لما تطلع بالعربية على غيار اعلى من المفروض, ده احد الاحتمالات اللي ممكن تحصل

وشكرا

[thegreatnileman]

اشترى بوجيهات ngk اليابانى
اضبطها بنفسك على مقاس 7 مللى باستخدام الفيلر ولازم بنفسك الميكانيكى بيحط اى حاجة وده عن تجربتى الخاصة بيعمل فرق كبير
اضبط الاسبراتير على نصف المقياس بالضبط (ضبط الكهرباء) مفتاح 12
وجرب
اخوك احمد

[temoo_110]

اشترى بوجيهات ngk اليابانى
اضبطها بنفسك على مقاس 7 مللى باستخدام الفيلر ولازم بنفسك الميكانيكى بيحط اى حاجة وده عن تجربتى الخاصة بيعمل فرق كبير
اضبط الاسبراتير على نصف المقياس بالضبط (ضبط الكهرباء) مفتاح 12
وجرب
اخوك احمد

وبعد ما تعمل كده ربنا يعوض عليك فى العربية

[محمدايهاب]

بص يا عم anti أنا سقت عربيتين من عيلة الهيونداي ( الفيرنا - الالنترا ) لم أواجه مشكلة في المتور بالعكس ماتور الإلنترا ممتاز و سحبه حلو رغم أن العربية كانت اوتماتيك

[Anti_virus_abdo]

خلاااااااااااااااااااااااااااااااااااص يا جدعااااااااااااااان ب الراحه عليا
ديه كانت مجرد وجهة نظر
انا أسف مواتير الهيونداي احسن مواتير في العالم

[crossfire]

hahahahaha
7aram 3aleko ya gama3a bgad
el ragel 2al ra2y shakhsy we leh kol el e7teram
ya ret kol wa7ed 3ando 3arabeya hyundai y2ol 3andy wala la2
ana zay ma2olt 3andy matrix we mafesh karkara
sorry ya man

[barakat_1986]

اما موضوع هات 60 الف وانا اقولك الفيرنا احسن عربية فى العالم فهيا جامدة موت وموتتنى من الضحك

اخجلتم تواضوعنا........ بس انا لس مستنى ال60 الف :lol: :lol:

[barakat_1986]

[quote][quote]

خلاااااااااااااااااااااااااااااااااااص يا جدعااااااااااااااان ب الراحه عليا
ديه كانت مجرد وجهة نظر
انا أسف مواتير الهيونداي احسن مواتير في العالم

تم الحذف بمعرفتي، برجاء عدم تكرار هذا الاسلوب الاستفزازي مرة اخرى.

Nader 13-8-2007 03:20 pm

[Karim_Monir]

1-ana 7azeft kol el redod el mokrara
2-ana mot men el de7k men el mawdo3 dh
3-el 7ak yokal el EXCEL hya el 3arbya el wa7eda elly be TEKARKR we law mashy ganbaha a3erfaha me west 1000 3arbya
laken makdersh akol keda 3ala Matrix or Elntra kadema wala gededa
laken ana kan m3aya excel le modet sana we nos be teskaf 3ala el awlany
ma nef3esh m3aha ta3'eer bogehat wala karbitor wala zabt takeha wal ay 7aga
el tasmemha keda ya gama3a

fy el nhaya nashkor sa7eb el mawdo3 3ala 7est el de7k dy :D :D :D

[PAYOO]

بالنسبة للكوبيه والماتريكس ماقبلتش فيهم موضوع التسقيف ده خالص
وبالنسبة للأكسيل أخويا معاه واحده هاتشباك وسألته لقيته ماقابلش المشكله دي برضه

وأنا شايف أن أي عربيه في العالم ممكن تسقف لو طريقة السواقه مش مظبوطه وكمان ممكن تسقف لو الموتور محتاج ظبط أو البنزين مش كويس

لكن تعميم على كل مواتير الهيونداي مش ممكن أبدا
وإلا ماكانتش تبقى العربيه الأولى في المبيعات في مصر
المقابلة قبل الأخيره كان السيد الأستاذ / "على حسن" وهو بيتصفح اللاب توب الخاص به شوفنا أن مبيعات هيونداي 16800 عربيه تقريبا خلال الأربعة شهور الأولى لهذا العام والماركة الثانيه بعدها فارقه عنها أكثر من 7000 ألاف سياره


يعني مش ممكن حجم المبيعات ده والعربيه يكون فيها عيوب بالشكل ده ومن غير ما حد يشتكي كمان وتبقى فضيحه لمستر غبور؟

[Salah_sr]

أنا كان عندي إكسيل 96 و بعتها 2006 و لم أشتكي من الكركرة و عندي ألنترا 2007 و لم تكركر و أصحاب الماتركس قالوا نفس الشيئ و الفرنا أيضا لذلك لا يجب التعميم و من الممكن يكون السبب سوء سواقة أو الماتور محتاج ضبط في الكهرباء اعربية ما

[Karim_Monir]

لاء انا لا زلت عند رايي بان الاكسيل بالذات ليها صوت مميز في التسقيف وخاصة لو طالعة من مطب او طالعة من اولاني عادي
سالت مهندس وجدي ده كان شغال في غبور وحاليا في MCV بتاعت مرسيدس قاللي فعلا الاكسيل اللي بتعمل كدة خاصة فعلا لو شغلت التكييف

[Nader]

ايوة بتعمل كدة مع التكيف بس لو نقط وشليت الوراك ومشيت بالراحة وخليت التسارع بتاعك معقول مش بتسقف، وهي عموماً التسارع بتعها يشل مع التكيف.