لو حد عنده مشكلة فى الاكسيل يقوللى وربنا المعين

[thegreatnileman]

السلام عليكم ورحمة الله وبركاته انا اخوكم احمد بشتغل محاسب بس عندى شوية خبرة مع الاكسيل الحمد لله انا اشتريت ماتريكس اوتوماتيك بس لو حد عاوز استفسار فى الاكسيل ان شاء الله اساعده لانى كنت باعمل فيها معظم الصيانات والاصلاحات بنفسى

أحمد

[Nader]

وعليكم السلام ورحمة الله وبركاتة

اهلا بك معانا يا اخ احمد والف مبروك على العربية الجديدة :) .

[Islam_galal]

الف مبروك و ربنا يكفيك شرها

[barakat_1986]

اهلا بيك نورت المنتدى :D :D :D

[barakat_1986]

انا حكون اول واحد يسئل عندى العربية بتنشن على الاول والتانى بس اية السبب؟؟؟؟؟؟؟؟؟؟؟؟؟؟؟؟؟؟؟؟لمل اشيل رجلى من على البنزين؟؟؟؟؟؟؟؟؟؟

[thegreatnileman]

بتنشن

معلهش تقصد بايه بتنشن هل تقصد ان الموتور يصدر عنه صوت "بيسقف" كان الكهرباء بتاعة العربية مش مضبوطه ولا تقصد معنى اخر؟ :?:

[barakat_1986]

اقصد يعنى لمل اشيل رجلى من على البنزين صوت المتور يعلى وليس تسقيف ودة بيحصل على الاول والتانى بس

[thegreatnileman]

يعنى انا فهمت منك بصعوبه ولكن لو كل ما بترفع رجلك من على البنزين بتسمع صوت الموتور بيعلى
عاوزك تخلى بالك الصوت بيعلى والعربية بتفضل ماشية بتجرى بنفس سرعتها قبل ما ترفع رجلك ولا الصوت بيعلى وسرعة العربية بتنخفض وهل لما بترفع رجلك بتسيب العربية معشقه اول او ثانى ولا بتمورها

عموما هو علو صوت الموتور ده ممكن يكون سببه ان باب الكربراتير لما بتشيل رجلك من على البنزين مش بيرجع يتقفل تانى وعلشان تعالج ده :
اشترى سبراى منظف الكربراتير من بنزينة موبيل وفك العمه واثناء دوران الموتور وهو دافىء بعد تدويره بحوالى 3-5 دقائق ابدأ برش الاسبراى على الكربراتير من الخارج اولا ورش على كل السوست والمحاور اللى فيه وحتلاقى المجموعه اللى مسئوله عن بوابات الكربراتير على الناحية الشمال منه المهم رشه كله من الخارج وبعدين ابدأ الرش من الداخل بحذر وكل ماتلاقى الموتور بدأ يلخبط وحايطفى زود بنزين وبطل رش لحد ما يتعدل تانى وبعدين رش وزود بنزين جامد شوية 3-4 مرات وبعدين مرة واحدة والموتور داير رش رشات مباشرة الى داخل الكربراتير لحد الموتور ما يطفى
متنساش ساعنها تدخل داخل العربية وتسحب المفتاح من الكونتاكت
ارجع تانى للكربراتير وبايدك حرك جميع اجزاءه القابلة للحركة محاور وسست ورشهل كويس

ابدأ بتدوير الموتور مره اخرى بدون الضغط على دواسة البنزين ممكن يغيب شوية لان العربية بتكون اتشبعت من الاسبراى

بعد كده حط العمه واطلع جرب

وقوللى ايه الاخبار وممكن قبل ماتجرب لو تادر توضحلى اكتر

طبعا لازم يكون فلتر الهواء والبنزين جداد او حداث التركيب

[elrasy]

مشكلتى


مشكلتى يا أ/احمد مع الاكسيل انها لما بكون مشغل التكييف وماشى واحدة واحدة الماتور بيفصل.

على فكرة عربيتى اكسيل 1500cc اتوماتيك

واشكرك على تعاونك

[barakat_1986]

الصوت بيعلى وسرعة العربية بتنخفض

[thegreatnileman]

طاقم دبرياج يا جميل
لان اكيد طبعا سحب العربية على اده
وبترج معاك وانت طالع بيها او بتدوس بنزين وتلاقى الصوت اللى طالع من الموتور لا يتناسب مع السرعه
بالتوفيق

[thegreatnileman]

الطاقم كامل لايزيد عن 300 جنيه
اسطوانة دبرياج + ديسك + بليه

[barakat_1986]

دة بالنسبة لمين؟؟؟؟؟؟؟؟

[thegreatnileman]

دة بالنسبة لمين؟؟؟؟؟؟؟؟

الصوت بيعلى وسرعة العربية بتنخفض

دى علامة تلف فى طاقم الدبرياج وطبعا انت مش حتروح تغيره الا لما تتاكد من الفنى بس التغيير بياخد وقت يعنى حوالى 4-5 ساعات لانه بيطلع الفتيس كله بره
بالتوفيق

[thegreatnileman]

الماتور بيفصل.

تقصد ايه يا أ/احمد فوزى بالموتور بيفصل وضح اكتر يعنى بيطفى وتحتاج تشغله؟