تنبيه للى عايز يشترى النترا خليجى

[outosend]

ياجماعه اللى بيفكر يشترى النترا خليجى ياخد باله علشان فى افنتى نازله مصر بتتباع على انها النترا
الافنتى دى نفس شكل الالنترا بتاعتنا بالظبط بس يقال ان الموتور نظامه مختلف حاجه عامله زى التربو كده
تقدرو تفرقو الالنترا عن الافنتى بحاجتين واضحين الافنتى فيها غمازات والتابلوه مفهوش مؤشر للحراره مؤشر البنزين كبير واخد المساحه كلها وكمان مفيش المؤشر بتاع نقلات الاوتوماتيك فى التابلوه
وياريت حد من الخبراء فى المنتدى يقولنا ايه الفرق بين الالنترا والافنتى من الناحيه الفنيه الموتور وكده

[fahd_628]

انا فعلا شفتها قبل كدة بس معرفش عنها حاجة و كان نفسى اعرف الفرق بينها و بين الألنترا

[outosend]

هى كماليتها اعلى بس الاهم فرق الموتور موتورها Vvt (مش عارف ايه الفرق بينه وبين العادى)
وكمان شفت رسمه فى الكاتالوج بتاعها كان صينى او كورى مش عارف ان العادم مش بيخرج على طول لا ده بيدخل على دوره تانيه وقصه كده عايز افهمها

[bob12345]

bas بس علي فكرة في واحد صاحبي معاه واحده افانتي ودي سوري وهي هي المصري مفهاش كماليات زيادة دي حتي مش بتنزل بكاسيت وال cvvt نظام الماتور الجديد في الانترا في اي مكان في العالم

[outosend]

لا الموتور vvt من غير c وفيها كل الكماليات كامله abs-ايرباج2 - الكاسيت العريض - تكيف تتش - مرايات ضم
بس واضح انها مصممه للبلاد البارده لان فيها سخانات كراسى ومفهاش مؤشر حراره على اساس انه صعب العربيه تسخن فى بلد مناخه بارد يادوب هى لمبه للحراره بتنور لما يكون فيه مشكله

[bob12345]

تنبيه للعضو بعدم الكتابه بطريقه الفرانكو اراب
راجع قوانين المنتدي
مشرف القسم

[حماده المصري]

يا جماعه مفيش مشاكل

هيونداي مالهاش مواتير تانيه 1600 ولا حتى تكنولوجي تانيه في ال 1600 هو ال Cvvt وال الديزل

وبالنسبه للمؤشر ف عادي في مصر نيو اكسنت مالهاش عداد حراره
وفي في دول كتير نيو اكسنت وريو فيهم عداد حراره
والريو في مصر في منه بعداد حراره وفي مفيش

[outosend]

يعنى عادى ياباشا اتكل على الله ؟

[محمد ابراهيم 1]

الياريس مفيهاش عداد حراره فيها لمبه بتنور أخضر وهى بارده وبتنطفى لما الحراره تبقى طبيعيه ولو لا قدر الله سخنت بتنور أحمر فى ناس شايفاها عيب وناس شايفاها ميزه

[HamadaMOMO]

ياجماعه ال افنتى هية هية الالنترا بس دا اسمها الى نازلة بية فى دول ثانية زى الفيرنا فى مصر وفى ليبيا اسمها اكسنت قبل ما تنزل النيو اكسنت الافنتى نفس المواصفات والشكل والتابلوة والموتور للالنتر

[حماده المصري]

وكلمه نيو اكسنت كمان افتكاسه مصريه لا غير

برا النيو اكسنت اسمها اكسنت وفي دول كمان اسمها فيرنا

وعندي في الكتالوج مكتوب عليه accent/ verna
واعتقد ان ممكن النترا تكون نفس الكلام
ودي كلها اسامي تجاريه تبعا للاماكن الي بيتم تسويق السياره فيها لا اكتر ولا اقل والموضوع ده في شركات كتيييييييير جدا

ومفيش اي مشاكل ورسميا مفيش اي مواتير تانيه هيونداي كلها 1600 غير المتور ده والديزل ومفيش اي اختلاف في العفشات

انا مش فاهم الناس قلقانه ليه وبيجيبوا الكلام ده منين

[outosend]

ياجماعه ال افنتى هية هية الالنترا بس دا اسمها الى نازلة بية فى دول ثانية زى الفيرنا فى مصر وفى ليبيا اسمها اكسنت قبل ما تنزل النيو اكسنت الافنتى نفس المواصفات والشكل والتابلوة والموتور للالنتر

مع احترامى الشديد لحضرتك الكلام ده مش دقيق قوى

[HamadaMOMO]

ارجو من سعتك فتح موقع هيونداى العالمى والبحث عن الالنترا والافنتى هما الاثنين واحد بس فى امريكا والخليج اسمها افنتى والباقى النترا وبرجاء التاكد من اى معلومة بدل ما تخلى الناس تتلخبط

[NaviGator_13]

ياجماعه ال افنتى هية هية الالنترا بس دا اسمها الى نازلة بية فى دول ثانية زى الفيرنا فى مصر وفى ليبيا اسمها اكسنت قبل ما تنزل النيو اكسنت الافنتى نفس المواصفات والشكل والتابلوة والموتور للالنتر

الكلام دا مضبووووط

[ma7oo]

لا الكلام انها فى امريكا والخليج اسمها انفنتى كلام مش صحيح بالمرة واحد صاحبى لسه راجع من امريكا وشايفها هناك باسم النترا برضه بس كماليات اعلى والخليج برضه اسمها النترا مفيش انفنتى خاللللللللللللللللص