عاوز أجيب النترا 2009 وخايف . أتفضل

[M5las]

السلام عليكم ورحمه الله وبركاتة
أنا يا جماعه مش لسة جديد في السواقة
لا انا سوقت كتير لاكن طبعا متعلمتش علي عربية
واحدة يعني اتعلمت علي اوبل و هونداي قديمة و متسوبيشي
دلوئت المفروض ان هستلم عربيتي وها اطلع بيها بعد الاستلام
وخايف شويتين لاني بقالي 3 شهور مسوئتش النصايح الي المفروض اعملها اية وانا طالع بالعربية من المعرض وياتري
اية الحاجة الي تخلي قلب الواحد جامد شوية ع الطريق خايف اوي بعد الشر تخبط وانا طالع بيها من المعرض
تنصحوني باية . ابل ما اروح استلم اخد عربية ايجار واعمل بروفة كدا ولا اسلمها لله واروح استلم علي طول
انصحوني يا شباب وانا اخوكم

[dr.amr]

طيب ماتشوف حد تعرفه يكون بيعرف يسوق وخليه يجي معاك
اصل العربيه ده هتاخد وقت عقبال ماتتعود عليها
وخصوصا لومانيوال
او ممكن تخلي حد من المعرض يوصلهالك للبيت
كل ده في حالة انك لسه جديد في السواقه
وممكن تشوف عربية واحد صاحبك وتسوقها شويه مثلا علشان ترجعلك الذاكره الحركيه بتاعة القياده تاني
وبعدين ماتخافش ان شاء الله ربنا بيستر طالما فلوسها حلال
بس ماتحاولش تجري
وربنا يسترها معاك ومعانا

[dr.amr]

اهم حاجه تأكد عليها وانت في المعرض
ان العربيه ماتكونش مخبوطه او متجرحه
يعني لف حواليها وبص عليها كويس ويفضل تكون بالنهار علشان تشوف احسن(ولو حد من المعرض اتكلم اديله علي دماغه)
وتتاكد من الاستبن والعده اللي في الشنطه
والكتالوج والضمان والولاعه

[kliken]

قول دعاء الركوب و شغل قران و اتوكل على الله و سوق على مهلك و كله هيبقى تمام ان شاء الله

[M5las]

اهم حاجه تأكد عليها وانت في المعرض
ان العربيه ماتكونش مخبوطه او متجرحه
يعني لف حواليها وبص عليها كويس ويفضل تكون بالنهار علشان تشوف احسن(ولو حد من المعرض اتكلم اديله علي دماغه)
وتتاكد من الاستبن والعده اللي في الشنطه
والكتالوج والضمان والولاعه

يسعد ايامك يارب لاكن اية المفروض
يجي معا السيارة بالظبط والاماكن في السيارة
الي لازم اخد بالي منها اوي اية وياتري ممكن تكون
من التوكيل ويكون فيها عيوب اظن مافيش اضمن من التوكيل

[M5las]

طيب ماتشوف حد تعرفه يكون بيعرف يسوق وخليه يجي معاك
اصل العربيه ده هتاخد وقت عقبال ماتتعود عليها
وخصوصا لومانيوال
او ممكن تخلي حد من المعرض يوصلهالك للبيت
كل ده في حالة انك لسه جديد في السواقه
وممكن تشوف عربية واحد صاحبك وتسوقها شويه مثلا علشان ترجعلك الذاكره الحركيه بتاعة القياده تاني
وبعدين ماتخافش ان شاء الله ربنا بيستر طالما فلوسها حلال
بس ماتحاولش تجري
وربنا يسترها معاك ومعانا

اولا شكرا لمرورك موضوعي نورت اخي
بارك الله فيك يارب لاكن أنا عاوز أقول لحضرتك
انا اخر مرة كنت راكب عربية فيرنا 2008
وانا سايق باكون خايف شوية علي العربية
علشان أكيد مش عاوز مشاكل ومش بتعتي كمان
المشكلة قلبي صحبي صاحب العربية كان جانبي
قالي انت سوقتك زي الفل وكل حاجة بس انا بحس
انك مش واخد راحتك في العربية
في حاجة تانية أنا لما كنت بأركب ميتشوبيشي النقلات
بتاعتها غير الاوبل خالص والدايو شووفو المرشدير بيختلف
في العربيات ياتري الالنترا في المونيول فيها اختلاف
سوري طولت عليك شوية لاكن لازم افهم حضرتك الوضع كويس

[M5las]

قول دعاء الركوب و شغل قران و اتوكل على الله و سوق على مهلك و كله هيبقى تمام ان شاء الله

تسلم اخي محمد
بأذن الله تعالة
دا الي ها يحصل اول ما استلم العربية
لاكن موضوع الدبح للعربية دا حرام ولا حلال

[dr.amr]

ربنا يكرمك يا رب والعربيه تعجبك ان شاء الله
انا معرفش حضرتك هتاخدها منين هل من معرض ولا من التوكيل
عموما طبعا التوكيل اضمن بكتير
بس برضه مفيش حاجه مضمونه اليومين دول
ممكن تبص علي العتب كويس لأنه بيبقي مستخبي وخبطاته مش باينه والاكصدامات
بالنسبه للاستبن حتلاقيه في الشنطه كالمعتاد وهتلاقي قطعة بلاستيك متثبت عليه الكوريك فوق الاستبن
وهتلاقي معاهم شنطة العده يعني فيها حاجات زي مفتاح عجل ومفك وكدا يعني(شنطة العده دي شنطه قماش صغيره )
اما بالنسبه للكتالوج والضمان فهتلاقيه اما في الدرج اللي في التابلوه
او هو هيسلمهولك في ايدك
وتخلي بالك من الولاعه
وانا تحت امرك في اي استفسار

[dr.amr]

اولا شكرا لمرورك موضوعي نورت اخي
بارك الله فيك يارب لاكن أنا عاوز أقول لحضرتك
انا اخر مرة كنت راكب عربية فيرنا 2008
وانا سايق باكون خايف شوية علي العربية
علشان أكيد مش عاوز مشاكل ومش بتعتي كمان
المشكلة قلبي صحبي صاحب العربية كان جانبي
قالي انت سوقتك زي الفل وكل حاجة بس انا بحس
انك مش واخد راحتك في العربية
في حاجة تانية أنا لما كنت بأركب ميتشوبيشي النقلات
بتاعتها غير الاوبل خالص والدايو شووفو المرشدير بيختلف
في العربيات ياتري الالنترا في المونيول فيها اختلاف
سوري طولت عليك شوية لاكن لازم افهم حضرتك الوضع كويس

بس حضرتك هو اكيد لما تركب عربيه جديده عليك هتكون مش واخد عليها وده ممكن يضايقك شويه في النقل
لكن لما تاخد علي العربيه وتكون سايق عربيتك حتستريح وتريح العربيه
بالنسبه للمارشدير في العربيه هو زي الدايو
سوسته لفوق وزي الاول بالظبط
والفتيس بتاع الالنترا اجمل حاجه فيه انك لما تتعودي عليه هتلاقيه سهل جدا في النقل مش محتاج اي مجهود

[dr.amr]

اسف قصدي تتعود
لغبطة كيبورد :))

[mahmoudzaied]

بص احسن حل
تشوف حد بيسوق حلو يجبلك العربية لحد البيت
وبعدين خلى بالك العربية زيرو والدوسات ناعمة وانت كمان مقلق ولو هتمشى على السريع هيبقى الموضوع صعب شوية وفيه ضغط عليك
خلى بالك كمان ان النرشدير بتاع الالنترا زى اللانوس سوستة وتحط الفتيس مكان الاول
والف مبروك على العربية مقدما
وواحدة واحدة فى الاول وربنا يباركلك فيها

[M5las]

اسف قصدي تتعود
لغبطة كيبورد :))

ولايهمك يا جميل كتير بيعملها الكيبورد معايا
شكرا لك عزيزي

[M5las]

بص احسن حل
تشوف حد بيسوق حلو يجبلك العربية لحد البيت
وبعدين خلى بالك العربية زيرو والدوسات ناعمة وانت كمان مقلق ولو هتمشى على السريع هيبقى الموضوع صعب شوية وفيه ضغط عليك
خلى بالك كمان ان النرشدير بتاع الالنترا زى اللانوس سوستة وتحط الفتيس مكان الاول
والف مبروك على العربية مقدما
وواحدة واحدة فى الاول وربنا يباركلك فيها

تسلم يا باشا للمرور واسعدني ردك الجميل
ممكن اكون باعرف اسوق كويس جوة البلد
ولاكن ع السريع باكون خايف جدا لاني مجربتاش ابل كدا
معا ان ناس كتير بتقولي سواقة السريع اسهل بكتير

[حماده المصري]

الف مبروك على العربيه ياباشا وربنا يباركلك فيها

انت مدام سوقت الفيرنا زي الفل يبقى إن شاء الله هتسوق الالنترا فل الفل
عشان الهيونداي معظم سواقته وحده خصوصا في الدبرياج

المهم انت تخلي بالك في الاول عشان الالنترا فئه اكبر وهتبقى ماشي بسرعه من غير ما تاخد بالك

ف اجبر نفسك في الاول على السواقه بالراحه وده عن طريق انك تاخد بالك من عداد السرعه في كل نقله وتشييك عليه كل شويه
عشان الالنترا هتلاقيها اهدى في صوتها ومش هتحس مثلا انك جايب بالتاني سرعه كبيره

شويه كده بس بالراحه تتعد على العربيه بتاخد المطبات والملفات ازاي وتسارعها برضو ازاي بعد كده امشي براحتك ولا يهمك

ومتنساش برضو تشييك على العربيه وانت طالع وتستسلم كل حاجه استبن وعده ووعلاعه وتتاكد ان التكييف شغال برضو مش شرط جامد عشان فيي عربيات من التخزيين الفلتر بيتسد بس في صيانه الالف بيزبطوه

وربنا يباركلك في العربيه ويديك خيرها ويكفيك شرها

[M5las]

الف مبروك على العربيه ياباشا وربنا يباركلك فيها

انت مدام سوقت الفيرنا زي الفل يبقى إن شاء الله هتسوق الالنترا فل الفل
عشان الهيونداي معظم سواقته وحده خصوصا في الدبرياج

المهم انت تخلي بالك في الاول عشان الالنترا فئه اكبر وهتبقى ماشي بسرعه من غير ما تاخد بالك

ف اجبر نفسك في الاول على السواقه بالراحه وده عن طريق انك تاخد بالك من عداد السرعه في كل نقله وتشييك عليه كل شويه
عشان الالنترا هتلاقيها اهدى في صوتها ومش هتحس مثلا انك جايب بالتاني سرعه كبيره

شويه كده بس بالراحه تتعد على العربيه بتاخد المطبات والملفات ازاي وتسارعها برضو ازاي بعد كده امشي براحتك ولا يهمك

ومتنساش برضو تشييك على العربيه وانت طالع وتستسلم كل حاجه استبن وعده ووعلاعه وتتاكد ان التكييف شغال برضو مش شرط جامد عشان فيي عربيات من التخزيين الفلتر بيتسد بس في صيانه الالف بيزبطوه

وربنا يباركلك في العربيه ويديك خيرها ويكفيك شرها

تسلم يا استاذ حمادة علي المعلومات الجميلة دي
بارك الله فيك وباذن الله خير وانا طالع بيها من التوكيل
لاكن النترا بتسحب معقول من غير ما الي سايق يحس
وياتري موضوع الباور دا أنا خايف منة أوي من الكلام
الي بسمعه علية وياتري التكيف اشغلة امتي وسمعت كمان
ان التكيف مش في كل العربيات بيكون كويس عربيات تلاقي فيها التكيف مش بيأسر علي السحب بتاع العربية وعربيات لا
الكلام دا صحيح
وشكرا لك مرة اخري