استهلاك بخصوص البنزين في الفيرنا

[حماده المصري]

عامه الارقام الهلاميه الي بنسمع عنها 300 و350 كيلو في الصفيحه والهلس ده نادرا ما بيبقى صح

طبعا لا تعليق
بس مقدرش لان الماتريكس بتعمل 660 كم ب 42 لتر بعنى 315 كم فى الصفيحة و ده فى الزحمة و المدينة و ممكن احسن كمان و عملت 650 كم مره فيهم نص ساعه العربية دايره و هى واقفه (سلانسيه).
و مع القرص و الحرق شويه بعمل 550 كم ب 40 لتر يعنى 275 كم فى الصفيحة.
الكلام ده مش هلس ولا حاجة لكن ده بيعتمد على طريقة سواقتك.. و يا ريت نتكلم على قد اللى نعرفه لان مش كل الناس بتسوق زى بعضها ولا كل الناس بيفهموا علميا و عندهم خلفية, فى اللى بيتكلم من منطلق مفهومه و خلاص ده لو كان عنده اصلا.
لا و كمان معاك نيو اكسنت يعنى 1600 سى سى و CVVT و العربية وزنها اخف يعنى لو معايا اعمل احسن من الماتريكس لان التكنولوجيا اللى فى المحرك ليها غرض مش هلس.

شكرا على التعليق

بس رقم 660 في 42 ده مستحيل بكل المقاييس
خصوصا في الزحمه
على الطريق ممكن تعمل رقم قريب من كده بدون تجاوز سرعه 100
ومن جهه اتكلم على قد الي اعرفه لا انا مبفتيش الحمد لله انا عارف انابقول ايه كويس اوي اوي واي وبفهم الحمد لله
وانا كلامي كان كويس ومفيهوش غلط من الاول
ومفيش يا جدعان عربيه هتعمل اكتر من 250 كيلو في الصفيحه بالنسبه لل 1.6

ومن جهه اسلوب السواقه انا جربت كل اساليب السواقه الموضوع بيختلف شويه اه بس استحاله الارقام بتاعه حضرتك دي الا بقى لو مش بتعدي ال 80 وسواقه بطييئه جدا جدا

[حماده المصري]

انا عايز اضيف حاجه كمان..
العربية 2007 و متعملش غير صيانة 5000 كم فى غبور و العربية جديدة. و حتى الان مغيرتش فلتر هواء و لا بوجيهات.
بغير زيت المحرك و الفلتر كل 10000 كم فى البنزينة و بستعمل 10,000 Mobil 1 مش شيل, لان شيل بيعلى صوت الموتور.
و ناوى اغير البوجيهات و سير الكاتينة علشان عدت ال 56000 كم و اشتريت فلتر هواء من غبور.
الظاهر ان غبور بيبهدل العربيات

اسمحلي بقى انت عاكس كل حاجه بصراحه مين قال ان شيل بيعلي صوت المووتور بالعكس
ده هيونداي كوريا بتوصي بشل من قبل ما توكيل هيونداي في مصر يتعامل مع شل

ولما كان هيونداي بتتعامل مع موبيل كنت بحط موبيل في الصيانه ال 5 وال 10 وبصراحه كان صوت الموتور عالي
والتوكيل غير تعامله وخلاه مع شيل حسينا الفرق فعلا كل اصحاب عربيات هيونداي حسوا الفرق وشيل افضل مليوون الف مره سواء ال 5 او ال 10

ومعروف ان موبيل 1 خصوصا كان في مشاكل فيه

[mecho_392]

شكرا على التعليق

بس رقم 660 في 42 ده مستحيل بكل المقاييس
خصوصا في الزحمه
على الطريق ممكن تعمل رقم قريب من كده بدون تجاوز سرعه 100
ومن جهه اتكلم على قد الي اعرفه لا انا مبفتيش الحمد لله انا عارف انابقول ايه كويس اوي اوي واي وبفهم الحمد لله
وانا كلامي كان كويس ومفيهوش غلط من الاول
ومفيش يا جدعان عربيه هتعمل اكتر من 250 كيلو في الصفيحه بالنسبه لل 1.6

ومن جهه اسلوب السواقه انا جربت كل اساليب السواقه الموضوع بيختلف شويه اه بس استحاله الارقام بتاعه حضرتك دي الا بقى لو مش بتعدي ال 80 وسواقه بطييئه جدا جدا

يا باشا يعنى انا بضحك على الناس!!! طيب هستفيد ايه؟؟ و كمان قلت: ومفيش يا جدعان عربيه هتعمل اكتر من 250 كيلو في الصفيحه بالنسبه لل 1.6
انا مش هتكلم خش على المنتدى العام و افتح موضوع و شوف.
و كمان كل الارقام اللى مكتوبة دى فى الزحمة و المدينة على الطرق السريعة بتعدى اكتر من كده يعنى بتوصل لل 750. و عايز اقولك انى لو سوقت عند 80 الاستهلاك مش هيبقى كويس اوى.. يعنى 90-100 احسن استهلاك. ولاحظت الموضوع ده فى الi10.
و بالنسبة للزيت دى تجربتى و انا عارف ان هيونداى بتنصح بزيت شيل هيلكس و احتمال اجرب فى الi10 اهى 2009 و هقولك لانها هاديه جدا و هلاحظ عليها لو الصوت على.

[mecho_392]

دى مواصفات الماتريكس فى استهلاك البنزين:
Hyundai Matrix Fuel Consumption :: (1.6 Classic Manual)

Urban Fuel
31 mpg

Extra Urban
44.8 mpg

Combined
38.7 mpg


Theoretical Range to Empty
468 miles

468 ميل فى التانك
468*1.609=753 كم
التانك 55 لتر
يعنى 753/55=13.691 كم/لتر
يعنى الصفيحة بتعمل 13.691*20=274 كم

274 كم فى الصفيحة

اظن دى اعلى من 250 كم فى الصفيحة اللى حضرتك قلت عليها!!!!!.

[mecho_392]

كمان بالنسبة لل نيو اكسنت ممكن تشوف الاستهلاك على:

http://www.carfolio.com/specifications/models/car/?car=160798

هتلاقى 100/6.4=15.625 كم/لتر
يعنى 312.5 كم فى الصفيحة (مش هلس طبعا).
انا مجبتش حاجه من عندى.
و انا متابع الموضوع ده لانه محير جدا.

[حماده المصري]

والله العظيم الارقام دي صعب جدا الوصول ليها

انا راكب نيو اكسنت وماشيه 130 الف استحاااله توصل للارقام دي انا جربت كتيير جدا جدا وعلى فكره الارقام الي انا بتكلم فيها تعتبر كويسه مش وحشه انا اسلوب سواقتي صحيح انه حرق شويه لكن برضو

الحاله الوحيده الي بتوصل فيها اقام زي دي هيبقى في طريق سريع

وعموما ممكن يكون نظام الحقن في الماتريكس مختلف عن الفيرنا والالنترا مع ان الموضوع نفس المحرك بس عشان دي عربيه عائليه فممكن يكون في اختلاف في نظام الحقن

وبالمناسبه انت لو مشيت 80 هيبقى استهلاك كويس وخاصه لو مريح العربيه وماشي على اخر غيار

ونصيحه شل هو الافضل وابقى غير الفلتر في كل مره بتغير فيها الزيت

وليك عليا كمان التفويله الجايه همشي بالراحه ونشوف

هو يعني الواحد هيكره ان عربيته تبقى موفره في البنزين

[AHMEDCAR]

النسب اللى حضرتك جايبها دى بتكون الشركات عملها فى ظروف من الصعب جدا جدا جدا انها تتحقق فى الشارع المصرى الامن رحم ربى

[sh23]

بس مقدرش لان الماتريكس بتعمل 660 كم ب 42 لتر بعنى 315 كم فى الصفيحة و ده فى الزحمة و المدينة و ممكن احسن كمان و عملت 650 كم مره فيهم نص ساعه العربية دايره و هى واقفه (سلانسيه).
و مع القرص و الحرق شويه بعمل 550 كم ب 40 لتر يعنى 275 كم فى الصفيحة.
.

****
عن تجربة شخصية مع الماتريكس كان أفضل ما وصل إلية معدل الإستهلاك كالآتي :
* داخل المدينة ما بين 200 ؛ 210 كم / الصفيحة
* طريق سريع + تكيف + سرعة لا تزيد عن 110 كم ما بين 250؛ 265 كم/صفيحة
-----------
*أما الأرقام التي وردت في مداخلتك فبصراحة مش منطقية بالنسبة لي ( هذا رأي شخصي أأمل أن تتقبله)
* ولا أستطع أن أقول سوي أنه لو صحت هذة الأرقام فبالتأكيد سيارتك تعد فلتة في فئتها نادراً ما تتكرر
* أو أن لك أسلوب علمي تكنلوجي في القيادة نجهله

[mecho_392]

****
عن تجربة شخصية مع الماتريكس كان أفضل ما وصل إلية معدل الإستهلاك كالآتي :
* داخل المدينة ما بين 200 ؛ 210 كم / الصفيحة
* طريق سريع + تكيف + سرعة لا تزيد عن 110 كم ما بين 250؛ 265 كم/صفيحة
-----------
*أما الأرقام التي وردت في مداخلتك فبصراحة مش منطقية بالنسبة لي ( هذا رأي شخصي أأمل أن تتقبله)
* ولا أستطع أن أقول سوي أنه لو صحت هذة الأرقام فبالتأكيد سيارتك تعد فلتة في فئتها نادراً ما تتكرر
* أو أن لك أسلوب علمي تكنلوجي في القيادة نجهله

عادى ولا يهمك بس حتى ال i10 بعمل بيها ارقام خياليه يعنى 350 كم فى الصفيحة بنزين 92 و 380 كم ببنزين 95.
اكيد العربية مش فلته و إلا كل العربيات اللى امتلكتها كانت فلتات, لكن هو اسلوب القيادة اللى بيفرق خصوصا انى تخصص ميكانيكا قوى و درست محركات احتراق داخلى مرتين و مشروع التخرج ايضا فى محركات الاحتراق الداخلى.
اخيرا بقى فى الماتريكس اخر تفويلة كانت 660 كم خدت 42 لتر بنزين 92.. التفويلة اللى قبلها عملت 640 كم ب 48 لتر (كان استهلاك وحش جدا) يعنى حوالى 267 كم فى الصفيحة و الاسباب كانت كالاتى:
عمى اخد العربية يوم و طبعا ده فرق جداااااااااا فى الاستهلاك لانه مش متعود على العربيه و اكيد سواقته مختلفة..
انا كنت بحرق شويه فى يوم و الدنيا كانت زحمة جدا.

اه نسيت اقول انى كنت جايب امتياز فى مادة محركات الاحتراق الداخلى و الاول على دفعتى ف من المفترض انى اكون بعرف يعنى ايه maximum power , maximum efficiency , compromise between power and efficiency, economy بعيدا عن ان الارقام المكتوبة دى خرافية بالنسبة للناس هنا.. كمان متعلمتش فى انجى كار لتعليم قيادة السيارات اللى هما بيحفظوا الناس تسوق ازاى. و بسوق من 13 سنه

[ahmednabeel]

على فكره يا جمـــــــاعه انا بتكلم اني عملت 330 كيلومتر بالتفويلة انا مش بفهم في موضوع الصفيحة والكلام ده

فا حد يرد عليا كده كويس ولا الفلتر مأثر وله ايه ؟
يا اهل الخبره افيدونا جميعا

[AHMEDCAR]

عادى ولا يهمك بس حتى ال i10 بعمل بيها ارقام خياليه يعنى 350 كم فى الصفيحة بنزين 92 و 380 كم ببنزين 95.
اكيد العربية مش فلته و إلا كل العربيات اللى امتلكتها كانت فلتات, لكن هو اسلوب القيادة اللى بيفرق خصوصا انى تخصص ميكانيكا قوى و درست محركات احتراق داخلى مرتين و مشروع التخرج ايضا فى محركات الاحتراق الداخلى.
اخيرا بقى فى الماتريكس اخر تفويلة كانت 660 كم خدت 42 لتر بنزين 92.. التفويلة اللى قبلها عملت 640 كم ب 48 لتر (كان استهلاك وحش جدا) يعنى حوالى 267 كم فى الصفيحة و الاسباب كانت كالاتى:
عمى اخد العربية يوم و طبعا ده فرق جداااااااااا فى الاستهلاك لانه مش متعود على العربيه و اكيد سواقته مختلفة..
انا كنت بحرق شويه فى يوم و الدنيا كانت زحمة جدا.

اه نسيت اقول انى كنت جايب امتياز فى مادة محركات الاحتراق الداخلى و الاول على دفعتى ف من المفترض انى اكون بعرف يعنى ايه maximum power , maximum efficiency , compromise between power and efficiency, economy بعيدا عن ان الارقام المكتوبة دى خرافية بالنسبة للناس هنا.. كمان متعلمتش فى انجى كار لتعليم قيادة السيارات اللى هما بيحفظوا الناس تسوق ازاى. و بسوق من 13 سنه

مش عارف ليه انا حاسس انك جاى تتريق علينا على اساس ان ماما هيه اللى جايبالنا العربيات بتاعتنا مش ان الواحد طلعت عين اللى خلفوه لحد ما عرف يجيب فرده كاوتش بالرغم من كده مش بنتعالى على حد بالطريقه دى

معلومه ليك بقى انا بسوق من 15 سنه يعنى اكبر منك بسنتين فى السواقه و كمان

خالى عنده ورشه ميكانيكا فى شبرا و ما ادراك ما شبرا كنت فى اجازه اخر السنه بروح اشتغل معاه بليه فى الورشه الحمد لله على مقدره انى جمع موتور عربيه مفكوك حته حته قدامى و حاليا بحاول اخد كورسات ميكانيكا علشان كون فاهم كويس

يبقى اللى فك وركب ميه مره ولا اللى قرى نظرى

و الحمد لله من قبل و من بعد مهندسين ميكانيكا بيستشيرونى فى الاعطال لما بكون معاهم يا ريت نظره الكبر و التعالى دى بلاش منها احنا هنا اخوات كلنا

و فى الاخر ارجو انت تتقبل كلامى بصدر رحب اخوك احمد ابوزيد و اهلا و سهلا بيك بيننا كاخ و صديق

[AHMEDCAR]

صحيح مدام حضرتك فاهم كده كويس ياريت تقولنا على الطريقه المثلى للاستخدام السياره من اجل تقليل استهلاك الوقود

علشان نستفاد ياريت بجد و يكون ليا الشرف انى اتعلم حاجه من حضرتك

[creative]

انا مع احمد كار ياريت ياباشااااا تقولنا طريقة السواقة بتاعة حضرتك عشان الكل يستفيد اكيد كلنا نفسنا نوفر فى البنزين

[analyzer]

على فكره يا جمـــــــاعه انا بتكلم اني عملت 330 كيلومتر بالتفويلة انا مش بفهم في موضوع الصفيحة والكلام ده

فا حد يرد عليا كده كويس ولا الفلتر مأثر وله ايه ؟
يا اهل الخبره افيدونا جميعا

معايا فيرنا 1500 سى سى موديل 2007
معدل استهلاك الوقود 250 كم لكل 20 لتر فى الزحمة
280 كم لكل 20لتر على الزراعى وشويه فى وسك البلد
بس اول ما جبتها كان الاستهلاك اقل شويه

[mohamed_mohsen]

معايا فيرنا 1500 سى سى موديل 2007
معدل استهلاك الوقود 250 كم لكل 20 لتر فى الزحمة
280 كم لكل 20لتر على الزراعى وشويه فى وسك البلد
بس اول ما جبتها كان الاستهلاك اقل شويه

انا اقصي حاجه عملتها كانت 245 كم في 22 لتر و سرعه لا تتعدي 90 كم جوه البلد و برضه 1500 سي سي