استهلاك بخصوص البنزين في الفيرنا

[mohamed_mohsen]

دى مواصفات الماتريكس فى استهلاك البنزين:
Hyundai Matrix Fuel Consumption :: (1.6 Classic Manual)

Urban Fuel
31 mpg

Extra Urban
44.8 mpg

Combined
38.7 mpg


Theoretical Range to Empty
468 miles

468 ميل فى التانك
468*1.609=753 كم
التانك 55 لتر
يعنى 753/55=13.691 كم/لتر
يعنى الصفيحة بتعمل 13.691*20=274 كم

274 كم فى الصفيحة

اظن دى اعلى من 250 كم فى الصفيحة اللى حضرتك قلت عليها!!!!!.

مع احترامي بس الارقام اللي حضرتك بتقولها دي خياليه مستحيل ان هي تتحقق في الظروف العاديه
و بعدين الزملاء هنا بيقولوا رأيهم و انا مش عارف سيادتك اتعصبت ليه كانك مثلا اللي بتدفعلنا تمن البنزين اللي بنحطه يعني
و ياريت تقوللنا تكنيكك الوهمي للوصول ل267 كم في الصفيحه عشان نستفيد

[AHMEDCAR]

ارجو من الجميع ظبط النفس من اجل الوصول الى اى معلومه مهمه

احنا هنا علشان نفيد و نستفيد مش للخناق

[moudy88]

مع فائق احترامي للجميع .. بصراحه الارقام دي ممكن تتحقق في عربيه واحده بس وهي


سوزوكي ماروتي

انا عندي نيو اكسنت بحاله الزيرو 58 الف كم بتعمل 230 كم في الصفيحه بدون تكييف في البلد وبالتكييف بتبقى سفاحه بنزين بتعمل 180 كم في الصفيحه ..مع العلم انها من افضل محركات الهيونداي هي والنيو الانترا..انا مش عايز اتكلم عن عربيتي الشخصيه النوبيرا اللي بتعمل في احسن الاحوال 160 كم في الصفيحه....وعالفكره الكلام اللي مكتوب في كتالوج العربيه عن استهلاك البنزين بيبقى فيه مبالغه شديده ..عند خالي اوبترا مكتوب ان التانك (60 لتر) بيعمل 1000 كم......وتقبلوا تحياتي

[mecho_392]

مش عارف ليه انا حاسس انك جاى تتريق علينا على اساس ان ماما هيه اللى جايبالنا العربيات بتاعتنا مش ان الواحد طلعت عين اللى خلفوه لحد ما عرف يجيب فرده كاوتش بالرغم من كده مش بنتعالى على حد بالطريقه دى

معلومه ليك بقى انا بسوق من 15 سنه يعنى اكبر منك بسنتين فى السواقه و كمان

خالى عنده ورشه ميكانيكا فى شبرا و ما ادراك ما شبرا كنت فى اجازه اخر السنه بروح اشتغل معاه بليه فى الورشه الحمد لله على مقدره انى جمع موتور عربيه مفكوك حته حته قدامى و حاليا بحاول اخد كورسات ميكانيكا علشان كون فاهم كويس

يبقى اللى فك وركب ميه مره ولا اللى قرى نظرى

و الحمد لله من قبل و من بعد مهندسين ميكانيكا بيستشيرونى فى الاعطال لما بكون معاهم يا ريت نظره الكبر و التعالى دى بلاش منها احنا هنا اخوات كلنا

و فى الاخر ارجو انت تتقبل كلامى بصدر رحب اخوك احمد ابوزيد و اهلا و سهلا بيك بيننا كاخ و صديق

حضرتك حاسس انى بتريق و بتعالى

و بتقولى
يبقى اللى فك وركب ميه مره ولا اللى قرى نظرى
طيب عرفت منين انا قريت نظرى (انا بتكلم فى علم, العلم مش بالقرايه علشان تكون عارف و المبادىء اللى درستها دى اساس و محدش بره كلية هندسة يعرف ياخد زيه ولا كورسات ميكانيكا و لا سيارات لان الدراسه عباره عن شجرة من العلم و ليها جذور بتثبتها.. حتى فى تخصص ميكانيكا سيارات كل اللى بيدرسوه لا يتعدى 10% من المادة العلمية اللى درسناها) و لو انا كنت عايز اتنطط كنت قلت انى اتدربت فى مصانع غبور سنتين و مصنع كذا و كذا و عملت ايه, انا قلت اقول بس ان ده تخصصى. انا مش محامى و لا موظف و لا محاسب.. فأكيد طالما مهندس يبقى لى تخصص محدد هو اللى قلته للتوضيح.
و موضوع ان حضرتك بتفيد مهندسين ميكانيكا دى حاجه كويسه جدا و جايه من تمرسك.. و اكيد الدراسة فى كلية هندسة لو مكنش ليها لزمه مكنوش درسوها من الاول و الدراسة مع التطبيق هى قمة التميز مينفعش حاجه بدون الاخرى.
و انا مش بتعالى على حد.. الموضوع و ما فيه ان مفيش حد مصدق من اساسه و انا هستفيد ايه لو كنت بألف و محدش كصدق و كل واحد يقولى ارقام خياليه و هولاميه و خرافيه فقلت اوضح وضعى ايه يمكن حد يتخيل بس مش يصدق.
و انا متقبل كلامك و مفيش اى مشاكل, لكن اللى مش مصدق دى حاجه ترجعله.

[mecho_392]

مع احترامي بس الارقام اللي حضرتك بتقولها دي خياليه مستحيل ان هي تتحقق في الظروف العاديه
و بعدين الزملاء هنا بيقولوا رأيهم و انا مش عارف سيادتك اتعصبت ليه كانك مثلا اللي بتدفعلنا تمن البنزين اللي بنحطه يعني
و ياريت تقوللنا تكنيكك الوهمي للوصول ل267 كم في الصفيحه عشان نستفيد

الارقام خياليه و انا بحققها و فى الظروف المصريه العاديه, ازااااااى ممكن تشوفنى فى برنامج العلم و الايمان !!!
و التكنيك بتاعى وهمى يبقى ازاى هشرحه!!!
و بالنسبة للفيرنا ال 1500 هى 12 صمام
اما ال 1600 فهى 16 صمام
فى الحقيقه توفير البنزين لل 1600 ممكن يبقى افضل من ال 1500 لاسباب علميه زى:
تقليل مفاقيد التنفس (يعنى سهولة دخول الهواء للاسطوانة و سهولة طرده اثناء شوط العادم)
يعنى تقليل الشغل السالب المفقود فى عملية ادخال و اخراج الهواء و غازات العادم. و ده سببه ان ال 1600 هو 4valve cylinder head و ده الاتجاه الحديث و السائد حاليا.
يعنى انا مثلا لما سقت لانوس 1500 8 صمام كنت بعمل 480-500 كم فى 38-39 لتر.. يعنى الماتريكس افضل بكتيييييييييييير رغم انها 1600...

[mecho_392]

مع فائق احترامي للجميع .. بصراحه الارقام دي ممكن تتحقق في عربيه واحده بس وهي


سوزوكي ماروتي

انا عندي نيو اكسنت بحاله الزيرو 58 الف كم بتعمل 230 كم في الصفيحه بدون تكييف في البلد وبالتكييف بتبقى سفاحه بنزين بتعمل 180 كم في الصفيحه ..مع العلم انها من افضل محركات الهيونداي هي والنيو الانترا..انا مش عايز اتكلم عن عربيتي الشخصيه النوبيرا اللي بتعمل في احسن الاحوال 160 كم في الصفيحه....وعالفكره الكلام اللي مكتوب في كتالوج العربيه عن استهلاك البنزين بيبقى فيه مبالغه شديده ..عند خالي اوبترا مكتوب ان التانك (60 لتر) بيعمل 1000 كم......وتقبلوا تحياتي

و مع احترامى لحضرتك ممكن لو حضرتك سقت الماروتى متعملش بيها الارقام اللى بعملها بالماتريكس.
طيب انا قبل ما اجيب ال i10 قريت كتييير ان استهلاكها عالى و ناس كتيير بتنتقدها.
و فى موضوع اخ لينا هنا فى المنتدى قال ان عربيته ال i10 بتعمل 10 كم فى اللتر, انا بعمل 19.41 كم/لتر و فى الزحمه الجامده عملت 17.36 كم/لتر يعنى كل واحد ليه طريقته الخاصه فى السواقه فقط اما موضوع مين يصدق و مين ميصدقش و مين ميقتنعش دى مسأله شخصية.

[arch_peter]

طب ممكن حضرتك تشرح ايه الخطوات اللى بتعملها عشان تحقق الأرقام دى فى استهلاك البنزين
اتمنى من حضرتك الرد لانى فعلا فعلا عاوز استفيد
انا معروف عنى انى سواقتى هادية جدا ومش بتاع قرص وخلافه وبالرغم من كدده اعلى معدل حققته جوا البلد كان حوالى 11.7 كيلو للتر الواحد ( عربيتى فيرنا فيفا 1500 موديل 2008)
ولكن فى الطريق الصحراوى وصلت ل 17 كيلو للتر
ارجو الإفادة

[mecho_392]

طب ممكن حضرتك تشرح ايه الخطوات اللى بتعملها عشان تحقق الأرقام دى فى استهلاك البنزين
اتمنى من حضرتك الرد لانى فعلا فعلا عاوز استفيد
انا معروف عنى انى سواقتى هادية جدا ومش بتاع قرص وخلافه وبالرغم من كدده اعلى معدل حققته جوا البلد كان حوالى 11.7 كيلو للتر الواحد ( عربيتى فيرنا فيفا 1500 موديل 2008)
ولكن فى الطريق الصحراوى وصلت ل 17 كيلو للتر
ارجو الإفادة

شكرا لذوقك يا بيتر و هرد عليك..

[creative]

منتظرين رد حضرتك !!!!!!!!!!!! عشان الكل يستفيد ويدعيلك طبعاااااااااا

[sh23]

والله كلنا نفسنا نصدق الأرقام اللي الأستاذ/mecho_392 بيقول عليها
بس واضح أنة مش عايز يوضح لنا أسلوبه في التعامل مع البنزين الذى مكنة من تحقيق هذة الأرقام
الظاهر أنة بخيل جداً في مشاركة معلوماتة مع الغير

[AHMEDCAR]

mecho_392

ياباشا انت بخيل ولا ايه ماتشرحلنا بتوفر البنزين ازاى

[AHMEDCAR]

ممكن رقم تليفونك انا 0121425929 لو ممكن يعنى ابقى ابعتهولى على الخاص لو شايف ان فيها رزاله

[mecho_392]

بص يا باشا فى حاجات مهمه هقولهالك الاول تخليك تتجنب حاجات ممكن متكنش حاسس انها بتستهلك بنزين على الفاضى زى:
غلط انك تسيب العربية دايره على الفاضى و انت واقف (سلانسيه).. عايز اقولك ان البنزين المستهلك علشان يخلى العربية دايره فقط قريب من كمية البنزين المستهلكه لو كنت بتحرق جامد و بتقرص يعنى ال rpm على 5000 مثلا. يبقى لازم تقلل من الزمن اللى بتسب العربيه دايره فيه على الفاضى يعنى متنزلش مثلا تدور العربية و تسيبها و تقعد تلمع فى الزجاج... لأ دورها قبل ما تمشى بحاجة بسيطة و متقعدش تسخن و الكلام ده العربيات الجديدة مش بتحتاج تسخين زى القديم.. كمان لو عايز تسخن متدوسش بنزين سيب العربية مع نفسها لان دواسة البنزين بتبقى حساسة جدا فى اى عربية حديثة.
كمان لو وقفت فى اشاره زحمة جدا و ممكن تقف اكتر من دقيقتين او تلاته ممكن تبطل.. لكن لو بتتحرك بالعربية كل شويه متبطلش لانك لو بطلت و شغلت تانى يعنى عملت (star up) عملية بدء الادارة بتحتاج حرق بنزين كتيير.

اما بقى اثناء التحرك
لو عندك عداد rpm ميزة كبيرة لانك هتلاحظ العربية و هى دايره ان عدد لفات المحرك حوالى 700-800 rpm فى السلانسيه.. لاحظ بقى و انت بتطلع على الاول انك متدوسش جامد على الدواسة يعنى اضغط اقل حاجة تخليك تتحرك بدون ما تلاقى ال rpm زاد عن ال 700 او ال 800 كتيير يعى تطلع على 800 لفه او 900 او 1000 لو كتيير و مع الوقت هتتعود عليها علشان الضغط الجامد فى بداية الحركه ده بيحرق بنزين على الفاضى انت مش مستفيد بيه.

اثناء السير بقى متزودش عن 3000 rpm يعنى:
الاول اخره 15-20 او تجيب التانى لو العربية بتتحرك
التانى 40
التالت 55-60
الرابع 75
الخامس فوق ال 100 هتلاقى استهلاك البنزين عاااااااااالى لكن عند سرعة 90 او 80+ هتلاقى الاستهلاك افضل ما يكون.

اهم حاجه فى النقل انك متكنش بتدوس بنزين جامد و انت ماشى يعنى تضغط على دواسة البنزين بالتدريج لحد ما توصل ال 3000 لفه لكن لو بتضغط جامد على الدواسة (يعنى تسارع عالى) حتى لو بتنقل بدرى و مش بتحرق هتلاقى استهلاك البنزين عالى.. و كمان بلاش تدوس بلطف اوى علشان استهلاك البنزين ميزدش اوى.
و علاج موضوع التسارع ده انك متنزلش متأخر و بعد كده تقعد تجرى (بجد انا لاحظت كده لان مواعيدى كانت خربانه.. لكن لما بقيت انزل بدرى شويه بقيت اسوق براحه و اوصل مستريح بدون تسرع او حرق).

كمان لازم تريح الموتور يعنى متمشيش على التانى بسرعة 35 او 40 مثلا لفتره (او اى غيار) الافضل انك تنقل للتالت و تخلى الموتور مستريح لان على التالت ال rpm هيكون اقل و هتريح رجلك من على دواسة البنزين.

لما تكون على منزل او طريق منحدر انقل للغيار الاعلى علشان تقلل استهلاك البنزين بس مش لدرجة انك تجيب التالت على سرعة 10 مثلا..
لأ هات التالت عند 30 مثلا لو الرابع لو على 50 مثلا و هكذا.

كمان لما تمشى جوا المدينه سيب مسافة بينك و بين اللى قدامك علشان متفرملش كتيير.. علشان لو لزقت فيه و هو وقف هتضطر انت كمان تقف و تبدأ تتحرك من اول و جديد, لكن لما تسيب مسافة بينكم و انت ماشى على 50 على التالت ممكن تشيل رجلك من على البنزين خالص (و دى افضل حاجه و يعتبر مفيش استهلاك نهائى) لما تشيل رجلك العربية هتبدأ تهدى و لو احتجت تفرمل فرمل و مور لو قربت منه او هات التانى على حسب سرعتك ايه..

و اهم حاجه زى ما قلتلك انك تريح العربية فى النقلات على قد ما تقدر انك تنقل بدرى بس من غير ما العربية تسقف او تحس بأهتزازات.

ده اللى قدرت اوصله معلش انت عارف موضوع السواقة ده مش محسوس اوى عند كل الناس علشان بالرجل لو كانت بالايد كان الواحد هيحسها اكتر.

الموضوع مش مترتب اوى لانى كنت كتبته لواحد على الخاص امبارح لانه طلب منى بدون استهزاء.

و عايز بس اقول حاجه فى الاخر ممكن ناس تكون بتعمل كل اللى قلت عليه ده و اللى نسيت اقوله كمان لكن العملية هى الكيف و ليس الكم.

[AHMEDCAR]

ال i10 بعمل بيها ارقام خياليه يعنى 350 كم فى الصفيحة بنزين 92

الماتريكس اخر تفويلة كانت 660 كم خدت 42 لتر بنزين 92

انت مش شايف ان فى تناقض فى كلامك
ازاى الاى 10 فى 20 ليتر تعمل 350 يعنى فى ال40 ليتر تعمل 700 كيلو و هيه 1100 سىسى
و الماتركس بتعمل 660 قى ال42 ليتر و هيه 1600 سى سى 2 كامه المفروض بالنسبه اللى انت بتقول عليها دى فى الماتركس يبقى فى الاى 10 انت بعمل فى حدود 1000 كيلو فى ال 40 ليتر

[Ahmed Anwer]

هوا بخصوص ارقام استهلاك الكاتلوجات فهيا بتتحقق

يعني مثلا رقم الفيرنا 1600 اوتوماتيك

5.75 لتر كل 100 كم علي الطوالي

الرقم ده بيتحقق

لكن ارقام الاستهلاك داخل المدينة فدي عمرها ما بتتحقق