استهلاك بخصوص البنزين في الفيرنا

[mecho_392]

انت مش شايف ان فى تناقض فى كلامك
ازاى الاى 10 فى 20 ليتر تعمل 350 يعنى فى ال40 ليتر تعمل 700 كيلو و هيه 1100 سىسى
و الماتركس بتعمل 660 قى ال42 ليتر و هيه 1600 سى سى 2 كامه المفروض بالنسبه اللى انت بتقول عليها دى فى الماتركس يبقى فى الاى 10 انت بعمل فى حدود 1000 كيلو فى ال 40 ليتر

لأ طبعا يا باشا علميا كل ما حجم المحرك يزيد كفاءته بتكون اعلى و هفهمك.

بالنسبة لل i10 هى 1100 سى سى و 12 صمام يعنى 3 صمامات فى الاسطوانة لكن الماتريكس 16 صمام يعنى 4 vavle cylinder head و شرحت الكلام ده من شويه لما رديت على صاحب الفيرنا ال 1500.

فى حاجة مهمه جدا ان اى محرك حرارى فى الدنيا اقصى كفاءة ليه لا تتعدى %30 يعنى قول %28 يبقى لما اصغر حجم المحرك من 1600 الى 1100 سى سى الكفاءة هترتفع بنسبة قليله.. زى ال ceramic engines اللى بيحاولوا يطوروا فيها استحالة كفاءة المحركات دى تزيد بنسبة اكتر من %28 علشان كده هى مش حل عملى اوى دلوقتى.

و تصدق لو قلتلك ان الدايهاتسو ميرا 97 كانت 850 سى سى و 3 اسطوانات بعمل بال i10 احسن منها.

و كمان انا قلت انى استهلاك البنزين فى اللانوس ال 1500 لما سقتها لمدة سنه كان متوسطه حوالى 480-500 كم فى ال 38-39 لتر لانها 8 صمامات.

كمان يا باشا ال i10 لسه جديده معملتش غير 2130 كم و استهلاك البنزين بيتحسن كل مره عن اللى قبلها ده غير انى اكيد متعودتش عليها زى الماتريكس.. لكن استهلاك البنزين فى تحسن يعنى المره دى عملت 340 و مؤشر البنزين على النص لكن التفويلة اللى قبلها عملت 315 على النص.

[mecho_392]

هوا بخصوص ارقام استهلاك الكاتلوجات فهيا بتتحقق

يعني مثلا رقم الفيرنا 1600 اوتوماتيك

5.75 لتر كل 100 كم علي الطوالي

الرقم ده بيتحقق

لكن ارقام الاستهلاك داخل المدينة فدي عمرها ما بتتحقق

تصدق بقى يا باشا انا عكسك تماما, يعنى فى الزحمة بعمل ارقام كويسة جدا و احسن من اللى الشركة بتقوله لكن على الطرق السريعة مش بوصل للمكتوب (بالذات فى ال i10) يعنى سواقتى فى الزحمة افضل.

[AHMEDCAR]

بص يا باشا فى حاجات مهمه هقولهالك الاول تخليك تتجنب حاجات ممكن متكنش حاسس انها بتستهلك بنزين على الفاضى زى:
غلط انك تسيب العربية دايره على الفاضى و انت واقف (سلانسيه).. عايز اقولك ان البنزين المستهلك علشان يخلى العربية دايره فقط قريب من كمية البنزين المستهلكه لو كنت بتحرق جامد و بتقرص يعنى ال rpm على 5000 مثلا. يبقى لازم تقلل من الزمن اللى بتسب العربيه دايره فيه على الفاضى يعنى متنزلش مثلا تدور العربية و تسيبها و تقعد تلمع فى الزجاج... لأ دورها قبل ما تمشى بحاجة بسيطة و متقعدش تسخن و الكلام ده العربيات الجديدة مش بتحتاج تسخين زى القديم.. كمان لو عايز تسخن متدوسش بنزين سيب العربية مع نفسها لان دواسة البنزين بتبقى حساسة جدا فى اى عربية حديثة.
كمان لو وقفت فى اشاره زحمة جدا و ممكن تقف اكتر من دقيقتين او تلاته ممكن تبطل.. لكن لو بتتحرك بالعربية كل شويه متبطلش لانك لو بطلت و شغلت تانى يعنى عملت (star up) عملية بدء الادارة بتحتاج حرق بنزين كتيير.

اما بقى اثناء التحرك
لو عندك عداد rpm ميزة كبيرة لانك هتلاحظ العربية و هى دايره ان عدد لفات المحرك حوالى 700-800 rpm فى السلانسيه.. لاحظ بقى و انت بتطلع على الاول انك متدوسش جامد على الدواسة يعنى اضغط اقل حاجة تخليك تتحرك بدون ما تلاقى ال rpm زاد عن ال 700 او ال 800 كتيير يعى تطلع على 800 لفه او 900 او 1000 لو كتيير و مع الوقت هتتعود عليها علشان الضغط الجامد فى بداية الحركه ده بيحرق بنزين على الفاضى انت مش مستفيد بيه.

اثناء السير بقى متزودش عن 3000 rpm يعنى:
الاول اخره 15-20 او تجيب التانى لو العربية بتتحرك
التانى 40
التالت 55-60
الرابع 75
الخامس فوق ال 100 هتلاقى استهلاك البنزين عاااااااااالى لكن عند سرعة 90 او 80+ هتلاقى الاستهلاك افضل ما يكون.

اهم حاجه فى النقل انك متكنش بتدوس بنزين جامد و انت ماشى يعنى تضغط على دواسة البنزين بالتدريج لحد ما توصل ال 3000 لفه لكن لو بتضغط جامد على الدواسة (يعنى تسارع عالى) حتى لو بتنقل بدرى و مش بتحرق هتلاقى استهلاك البنزين عالى.. و كمان بلاش تدوس بلطف اوى علشان استهلاك البنزين ميزدش اوى.
و علاج موضوع التسارع ده انك متنزلش متأخر و بعد كده تقعد تجرى (بجد انا لاحظت كده لان مواعيدى كانت خربانه.. لكن لما بقيت انزل بدرى شويه بقيت اسوق براحه و اوصل مستريح بدون تسرع او حرق).

كمان لازم تريح الموتور يعنى متمشيش على التانى بسرعة 35 او 40 مثلا لفتره (او اى غيار) الافضل انك تنقل للتالت و تخلى الموتور مستريح لان على التالت ال rpm هيكون اقل و هتريح رجلك من على دواسة البنزين.

لما تكون على منزل او طريق منحدر انقل للغيار الاعلى علشان تقلل استهلاك البنزين بس مش لدرجة انك تجيب التالت على سرعة 10 مثلا..
لأ هات التالت عند 30 مثلا لو الرابع لو على 50 مثلا و هكذا.

كمان لما تمشى جوا المدينه سيب مسافة بينك و بين اللى قدامك علشان متفرملش كتيير.. علشان لو لزقت فيه و هو وقف هتضطر انت كمان تقف و تبدأ تتحرك من اول و جديد, لكن لما تسيب مسافة بينكم و انت ماشى على 50 على التالت ممكن تشيل رجلك من على البنزين خالص (و دى افضل حاجه و يعتبر مفيش استهلاك نهائى) لما تشيل رجلك العربية هتبدأ تهدى و لو احتجت تفرمل فرمل و مور لو قربت منه او هات التانى على حسب سرعتك ايه..

و اهم حاجه زى ما قلتلك انك تريح العربية فى النقلات على قد ما تقدر انك تنقل بدرى بس من غير ما العربية تسقف او تحس بأهتزازات.

ده اللى قدرت اوصله معلش انت عارف موضوع السواقة ده مش محسوس اوى عند كل الناس علشان بالرجل لو كانت بالايد كان الواحد هيحسها اكتر.

الموضوع مش مترتب اوى لانى كنت كتبته لواحد على الخاص امبارح لانه طلب منى بدون استهزاء.

و عايز بس اقول حاجه فى الاخر ممكن ناس تكون بتعمل كل اللى قلت عليه ده و اللى نسيت اقوله كمان لكن العملية هى الكيف و ليس الكم.

اقسم بالله العظيم انا بعمل الكلام ده كله
ماعدا انى بدوس على البنزين جامد و لما بقيت ادوس براحه و اخلى العربيه تاخد سرعتها عادى كان الفرق فى الاستهلاك بسيط جدا

[sh23]

و عايز بس اقول حاجه فى الاخر ممكن ناس تكون بتعمل كل اللى قلت عليه ده و اللى نسيت اقوله كمان لكن العملية هى الكيف و ليس الكم.

****
* طيب أنا فعلاً بأعمل كل اللي أنت قولت علية بالضبط
* و أزود علية كمان تنظيف فلتر الهواء بأستمرار ( كل 2000 كم تقريباً )
-----
* افضل استهلاك لي كان 265 كم في الصفيحة في السفر طريق صحراوي ( حصلت مرة واحدة المعتاد حوالي 250 كم/ صفيحة)
يعني لو نسبناها لل 42 لتر تكون في حدود 557 كم تقريباً
يعني أقل من معدلك بحوالي 103 كم تقريباً
------
ملحوظة أخيرة
المعدل القياسي في الكتالوج 8.8 لتر لكل 100كم
المعدل المحقق بمعرفتك 6.4 لتر لكل 100 كم
----
والله العظيم نفسي أصدقك؛ لأن دة ممكن يوفر لي حوالي 27 % من إستهلاك البنزين

[أشرف فتحى]

السلام عليكم

ايه يا شباب ؟؟؟
إهدوا شويه...مش دى طريقه الحوار اللى متعودين عليها ما بينا
الراجل بيتكلم عن تجربه شخصيه نجربها الاول وبعدين نحكم!!!
الراجل مهندس والاول على دفعته!!!!!
وده تخصصه
وانا كنت منتظر السر اللى بيعمل الارقام دى والراجل فعلا ماكنش بخيل يا عم احمد يا كبير الفيرناويه!!
انا معاكم ان الكلام طلع نفس اللى احنا بنعمله فى تعاملنا مع عربياتنا بس الراجل قلنا ان لو احنا بنعمل كده برضه العيب فى الكيف لا الكم!!!!
وبعدين حتى لو كتالوجات العربيه بتقول كلام تانى ايه يعنى؟؟؟
لازم نصدق الراجل ...ده الاول على دفعته يا جماعه!!!!!!!!
يا جماعه لازم نحترم رأى بعض
حتى لو الكلام مش داخل دماغنا!!!!!
يا باشمهاندس
كل اللى حضرتك قولته كلام جميل بس معظمنا يعرفه وبيعمله واحنا الحمد لله عندنا خبره ولو مش قد خبرتك نقدر نميز بيها الكلام العلمى والتجارب الشخصيه
اسمحلى اوضح انطباعى انى توقعت سر الارقام اللى بتحققها يكون فى طريقه احقق بيها اعلى كفائه لرشاشات الانجكشن او الاستفاده القصوى من رقم اوكتان البنزين ومعامل الانضغاط للوقود او طريقه عبقريه فى التعامل مع السياره توفر الفاقد من الوقود على اختلاف اسبابه
لكن اللى قريته طريقتك فى التعامل مع السياره واللى معظمنا ان لم نكن كلنا بنعملها
فين السر ؟؟!!!
يمكن عشان عربيتك مثلا لسه زيرو ؟!!
طبعا ربنا يباركلك فيها ويحفظهالك
ولا برضه هانقول العبره فى الكيف مش الكم؟
برضه ارجع اشكرك على مشاركتنا تجربتك وخبرتك بس لسه منتظرين اكتر وربنا يسترها معانا جميعا!!!!

[mecho_392]

السلام عليكم

ايه يا شباب ؟؟؟
إهدوا شويه...مش دى طريقه الحوار اللى متعودين عليها ما بينا
الراجل بيتكلم عن تجربه شخصيه نجربها الاول وبعدين نحكم!!!
الراجل مهندس والاول على دفعته!!!!!
وده تخصصه
وانا كنت منتظر السر اللى بيعمل الارقام دى والراجل فعلا ماكنش بخيل يا عم احمد يا كبير الفيرناويه!!
انا معاكم ان الكلام طلع نفس اللى احنا بنعمله فى تعاملنا مع عربياتنا بس الراجل قلنا ان لو احنا بنعمل كده برضه العيب فى الكيف لا الكم!!!!
وبعدين حتى لو كتالوجات العربيه بتقول كلام تانى ايه يعنى؟؟؟
لازم نصدق الراجل ...ده الاول على دفعته يا جماعه!!!!!!!!
يا جماعه لازم نحترم رأى بعض
حتى لو الكلام مش داخل دماغنا!!!!!
يا باشمهاندس
كل اللى حضرتك قولته كلام جميل بس معظمنا يعرفه وبيعمله واحنا الحمد لله عندنا خبره ولو مش قد خبرتك نقدر نميز بيها الكلام العلمى والتجارب الشخصيه
اسمحلى اوضح انطباعى انى توقعت سر الارقام اللى بتحققها يكون فى طريقه احقق بيها اعلى كفائه لرشاشات الانجكشن او الاستفاده القصوى من رقم اوكتان البنزين ومعامل الانضغاط للوقود او طريقه عبقريه فى التعامل مع السياره توفر الفاقد من الوقود على اختلاف اسبابه
لكن اللى قريته طريقتك فى التعامل مع السياره واللى معظمنا ان لم نكن كلنا بنعملها
فين السر ؟؟!!!
يمكن عشان عربيتك مثلا لسه زيرو ؟!!
طبعا ربنا يباركلك فيها ويحفظهالك
ولا برضه هانقول العبره فى الكيف مش الكم؟
برضه ارجع اشكرك على مشاركتنا تجربتك وخبرتك بس لسه منتظرين اكتر وربنا يسترها معانا جميعا!!!!

شكرا يا باشا لذوقك و تفاهمك.. انا اكيد معرفتش اشرح طريقة السواقة كويس و فى اكيد حاجات مقولتهاش و ممكن معرفش اشرحها يعنى بترجع لتفاعلك مع العربية و اكيد حاجه واحده صغيرة بتفرق كتيير على مدار سواقتك فى التفويلة الواحده يعنى شوف بتدوس قد ايه على دواسة البنزين و كام مره على الفرامل و الدبرياج...... انا بستخدم بنزين 92 فى الماتريكس و ال i10 و ال95 جربته فى الi10 و الفرق مش بيبقى كبير اوى يعنى بعمل بيه 607 كم و ال 92 يعمل 565 كم لكل 31 لتر, لكن تلاحظ جدا ان صوت الموتور اهدأ بالذات على الغيار التانى و اصلا الموصى بيه فى العربيتين هو 91 علشان كده ال 92 كويس لكن طبعا ال 95 افضل بكتييييييييير.. و انا مش بعدل خالص فى العربية و حتى فى الماتريكس مغيرتش فلتر هواء او بنزين او حتى بوجيهات بغير فقط زيت المحرك و الفلتر و العربية عدت ال 56000 كم, يعنى الاختلاف بيننا فى طريقة تعاملك مع العربية اكيد كل شيخ و ليه طريقة.
و طبعا احنا اخوات و كل واحد عايز يستفاد و يفيد غيره علشان كده انا نقلت تجربتى اللى يمكن محدش مصدقها خالص لكن دى الحقيقة. شكرا

[ahmednabeel]

تسلموا جميعا على المعلومات المفيده

[sa3dawy]

يا جمااعة انا معايا ياريس 1.3 والى هى تعتبر من اكثر 10 عربيات موفرة للبنزين فى العالم ...واستهلاكها معايا كالاتى

جوه البلد والزحمة (المنصورة) الصفيحة اخرها من 180 ال 220 كيلوا دا اخرها على فكرة يعنى انا مش بحرق ولا حااجة...ولما بحرق العربية مش هتكمل 150 كيلو فى الصفيحة

لكن طبعا بره البلد ممكن توصل ل 350 كيلو ودا حقيقى عن تجربة لان انا اخر مره من المنصورة لحد مدينة نصر ب 5 لتر بنزين....

فالقصد من الموضوع...ان جاايز الارااء بتختلف وبتتضارب عشاان بجد استهلاك العربية بيختلف جدا فى الزحمة عن الطرق السريعة

بس الصرااحة انا مستغرب جدا ان الماتريكس يبقى استهلاكها خرافى كده....يعنى انا الى اعرفه ان الماتريكس دى حوت بنزين هى والتريوس ...ومن عيوبهم الاستهلاك العالى...زى مانتوا شايفين عربيتى تويوتا يارس 1.3 اوتو وزى ما قلتلكم اخرها من 180 الى 220 فى الصفيحة جوه البد طبعا (بدون تكييف على فكره)...فا محدش يقنعنى انه هيعمل استهلاك احس بعربية 1.6 بغض النظر بقى عن التكنولوجى والصناعة وكده

[sa3dawy]

لأ طبعا يا باشا علميا كل ما حجم المحرك يزيد كفاءته بتكون اعلى و هفهمك.

بالنسبة لل i10 هى 1100 سى سى و 12 صمام يعنى 3 صمامات فى الاسطوانة لكن الماتريكس 16 صمام يعنى 4 vavle cylinder head و شرحت الكلام ده من شويه لما رديت على صاحب الفيرنا ال 1500.

فى حاجة مهمه جدا ان اى محرك حرارى فى الدنيا اقصى كفاءة ليه لا تتعدى %30 يعنى قول %28 يبقى لما اصغر حجم المحرك من 1600 الى 1100 سى سى الكفاءة هترتفع بنسبة قليله.. زى ال ceramic engines اللى بيحاولوا يطوروا فيها استحالة كفاءة المحركات دى تزيد بنسبة اكتر من %28 علشان كده هى مش حل عملى اوى دلوقتى.

و تصدق لو قلتلك ان الدايهاتسو ميرا 97 كانت 850 سى سى و 3 اسطوانات بعمل بال i10 احسن منها.

و كمان انا قلت انى استهلاك البنزين فى اللانوس ال 1500 لما سقتها لمدة سنه كان متوسطه حوالى 480-500 كم فى ال 38-39 لتر لانها 8 صمامات.

كمان يا باشا ال i10 لسه جديده معملتش غير 2130 كم و استهلاك البنزين بيتحسن كل مره عن اللى قبلها ده غير انى اكيد متعودتش عليها زى الماتريكس.. لكن استهلاك البنزين فى تحسن يعنى المره دى عملت 340 و مؤشر البنزين على النص لكن التفويلة اللى قبلها عملت 315 على النص.

انا ملاحظ بجد انك بتعمل ارقاام عظيمة ومعدلات قياسية فى الاستهلاك ...ودا فى كل العربيات الى حضرتك سوقتها....انا مش بشكك والله...وعارف ان الارقاام دى ينفع تتحقق....بس اكيد انت اسلوب سواقتك مثاالى جدا...ومش بتحرق على الغيارات وكده يعنى....دا غير انك بتفضل المانوال ...ودا حقيقى بيفرق جدا عن الاوتو

[AHMEDCAR]

السلام عليكم

ايه يا شباب ؟؟؟
إهدوا شويه...مش دى طريقه الحوار اللى متعودين عليها ما بينا
الراجل بيتكلم عن تجربه شخصيه نجربها الاول وبعدين نحكم!!!
الراجل مهندس والاول على دفعته!!!!!
وده تخصصه
وانا كنت منتظر السر اللى بيعمل الارقام دى والراجل فعلا ماكنش بخيل يا عم احمد يا كبير الفيرناويه!!
انا معاكم ان الكلام طلع نفس اللى احنا بنعمله فى تعاملنا مع عربياتنا بس الراجل قلنا ان لو احنا بنعمل كده برضه العيب فى الكيف لا الكم!!!!
وبعدين حتى لو كتالوجات العربيه بتقول كلام تانى ايه يعنى؟؟؟
لازم نصدق الراجل ...ده الاول على دفعته يا جماعه!!!!!!!!
يا جماعه لازم نحترم رأى بعض
حتى لو الكلام مش داخل دماغنا!!!!!
يا باشمهاندس
كل اللى حضرتك قولته كلام جميل بس معظمنا يعرفه وبيعمله واحنا الحمد لله عندنا خبره ولو مش قد خبرتك نقدر نميز بيها الكلام العلمى والتجارب الشخصيه
اسمحلى اوضح انطباعى انى توقعت سر الارقام اللى بتحققها يكون فى طريقه احقق بيها اعلى كفائه لرشاشات الانجكشن او الاستفاده القصوى من رقم اوكتان البنزين ومعامل الانضغاط للوقود او طريقه عبقريه فى التعامل مع السياره توفر الفاقد من الوقود على اختلاف اسبابه
لكن اللى قريته طريقتك فى التعامل مع السياره واللى معظمنا ان لم نكن كلنا بنعملها
فين السر ؟؟!!!
يمكن عشان عربيتك مثلا لسه زيرو ؟!!
طبعا ربنا يباركلك فيها ويحفظهالك
ولا برضه هانقول العبره فى الكيف مش الكم؟
برضه ارجع اشكرك على مشاركتنا تجربتك وخبرتك بس لسه منتظرين اكتر وربنا يسترها معانا جميعا!!!!

والله العظيم انت راجل زى العسل

[sh23]

فين السر ؟؟!!!
يمكن عشان عربيتك مثلا لسه زيرو ؟!!
طبعا ربنا يباركلك فيها ويحفظهالك
ولا برضه هانقول العبره فى الكيف مش الكم؟
برضه ارجع اشكرك على مشاركتنا تجربتك وخبرتك بس لسه منتظرين اكتر وربنا يسترها معانا جميعا!!!!

***

*بص يا أستاذ/ أشرف هو بيقول أن عربيتة مش زيرو وكمان مش مواظب علي الصيانة الدورية

***

انا عايز اضيف حاجه كمان..
العربية 2007 و متعملش غير صيانة 5000 كم فى غبور و العربية جديدة. و حتى الان مغيرتش فلتر هواء و لا بوجيهات.
بغير زيت المحرك و الفلتر كل 10000 كم فى البنزينة و بستعمل 10,000 Mobil 1 مش شيل, لان شيل بيعلى صوت الموتور.
و ناوى اغير البوجيهات و سير الكاتينة علشان عدت ال 56000 كم و اشتريت فلتر هواء من غبور.
الظاهر ان غبور بيبهدل العربيات

[El Prince]

أنا متابع الموضوع يا جماعه من بدايته ...

أولا ً : باشكر كل اللى شارك سواء بتساؤل أو بتحليل علمى أو بخبرة أو بتجربة شخصية أو حتى بمداعبة أو تعليق لطيف من غير تريقة ...

ثانياً : أحب أشارك بتجربتى الشخصية التى تتلخص فى فترة متواضعه زى ما انتو عارفين بالفرنا 1600 مانيوال , بألها معايا بالظبط شهر واحد قطغت خلاله 1500 كم , قبل صيانة الالف كان معدل استهلاكها 200 كم بالعافية فى الصفيحة (92) مع العلم ان مشوارى كل يوم 30 كم رايح وزيهم 30 راجع.. ( غير التحابيش ) :-)))

بعد الصيانة و بعد ما رجلى اتعودت على العربية بالأضافى الى اتباع سابق لنفس اسلوب أ/ mecho_392 ,
و طبقاً لاخر تجربة تمت اليوم و هى ادارة و تسخين العربية و لمبة البنزين منورة و تصادف ان كل البنزينات فى سكتى الصبح يا اما بتفرغ بنزين يا بتعمل اصلاحات !

قطعت حوالى 25 كم ونزل المؤشر من عند أول الشرطة البيضاء ( اللى اللمبة بتنور عندها ) لحد ما وصلت تحتها مباشرة " اتحركت حوالى مللى واحد " يعنى حوالى 2 لتر فقط ..

أقدر اقولكوا ان العربية قل معدل استهلاكها الى حوالى 12,5 كم لكل لتر... و الحكاية دى فرقت معايا جداااً لانى بقطع مسافااااات ...

حبيت احكيلكوا اللى حصل معايا , كمشاركة متواضعه
و لعله يفيد البعض فيمن يعاير استهلاك " فرنته " ...
أو يعلم استهلاكها لو بيفكر يشتريها ....

و أخيراً لسه الصيف داخل و هانشوف ايه النظام مع سخونة الجو و استعمال التكييف ..

و السلااااااااااااام ختاااااااااااام ...

أخوكم ( السوبارو - ياوى , القديم ) , الفرنا - وى الجديد :
EL Prince

[mecho_392]

***

*بص يا أستاذ/ أشرف هو بيقول أن عربيتة مش زيرو وكمان مش مواظب علي الصيانة الدورية

***

يا باشا هو اكيد يقصد ال i10 مش الماتريكس لانها 2007

[sh23]

يا باشا هو اكيد يقصد ال i10 مش الماتريكس لانها 2007

***
بس برضة أنت بتقول أستهلاك الماتريكس بسيط رغم أنك غير مواظب علي الصيانة الدورية

[mecho_392]

***
بس برضة أنت بتقول أستهلاك الماتريكس بسيط رغم أنك غير مواظب علي الصيانة الدورية

يا باشا هى الصيانة الدورية ايه غير انهم يلسعوا منك حبة فلوس حلويين كده كأنهم بيعملوا حاجه و كل اللى بيتعمل شوية هبل فى فك على تركيب بجد لو جبت عيل 10 سنين يعملهم لكن مستر غبور لازم يكسب على قفانا. الحاجة اللى ممكن تأثر فى استهلاك البنزين هو فلتر الهواء لو مسدود او متبهدل و انا دايما بنظف الفلتر بنفاخ الهواء علشان احافظ عليه. و كمان رشاشات البنزين تأثر معاك. و البوجيهات طبعا مش بتتأثر اوى بس كده اكيد جابت اخرها و هغيرها مع سير الكاتينة.. انا جبت فلتر الهواء من فترة من غبور كان ب 55 جنيه من غير الضريبة و سألت على تيل الفرامل طلع ب 425 بالضريبة و سير الكاتينة حوالى 258. لكن مركبتش الفلتر مستنى اعمل كله مع بعضه على نضافة. و بفكر اتبع نفس المنهج مع ال i10 يعنى مش هروح غبور علشان مشواره و مبالغته فى المصنعيات مع اى حاجة بتطلبها.
يا جماعه دا واحد قدامى فى غبور ابو رواش داخل بعربية فيرنا بيعمل صيانة ال 20000 كم مطلبش اى حاجة زيادة تتعمل غير تغيير الزيت و الفلتر و كا بيشتكى ان الموتور صوته عالى و قاله كاااااااااااااااااااااام------------> 765 جنيه قولى هيعمله ايه
اخدوا مصنعيات فوق ال 250 جنيه على ايه؟؟؟؟؟؟؟؟؟؟؟؟؟؟؟؟؟؟