$$$$ رابطة الالنتراويه $$$$

[emadhamdy]

نزلت موضوع استفسار عن صيانه عربيتي الخليجي هنا في قسم هيونداي وبصراحه المشاركه كانت ضعيفه جدا

ولحد وقتنا هذا مش عارف اعمل صيانه عربيتي فين ويكون مكان محترم وناس بتفهم في النترا 2012

ياتري حد هيساعدني والا هيكون الرد هو الصمت الرهيب

خالص تحياتي للجميع

[roland_yamaha]

شكلنا دخلنا في الصحرا يا عم ومفيش حد بيساعد حد هنا

[zenger]

السلام عليكم و رحمة الله يا النتراوية انا من رابطة الفيات تمبرا و الصراحة كان قدامى عربية النترا موديل 92 و على حسب كلام الراجل ان هى عربية مفيهاش حاجة خالص انا كنت بسال على حالة العربية مثلا ازاى تكون كويسة و ايه اخبار قطع الغيار موجودة ولا لا و ايه نظام الاسعار بتاعتها بالنسبة لقطع الغيار فى الموتور و الكماليات برا فوانيس و كده برضو ايه اخبار الاسعار و بالنسبة للموتور و التكييف موجود ولا لا فى الموديل ده و ياريت بجد تفيدونى يا النتراوية و ادى الميل بتاعى لو فى حد معاه العربية دى و متكرم يعرفنى الاستفسارات دى كلها متشكر جدا ارجوا الرد و الاهتمام و ادى الميل ahmed_demo14@yahoo.com

[e_h780]

والله يا جماعه موضوع هايل جدا ديما فى تقدم انشاء الله تسلم ياباشا على الموضوع الاكثر من رائع

[Monica]

هو في مشاكل لو حد رفع الهاند في العربية ؟؟؟؟؟

لو تخميس

[dr.amr]

ايه الصحراء ده :))

الموضوع ده انا عامله من حوالي 3 سنين

ولسه عايش :))

عايزين نفوقه

[aymankamalbasha]

أنا جاىىىىىىىىىىىىىىى

ممكن اعرف صيانة ال 60000 للالنترا الأوتوماتيك 2009 تتكلف كام

[bakkarahmed]

طيب انا بقالي فتره عايز اغير زيت الفتيس ومش لاقي spiii ومش عارف الزيت بيتغير عن طريق فك الطبه والا الشفط..ياريت حد يفيدني

[roland_yamaha]

يا جماعة سماعات الابواب الامامية هي نفس مقاس سماعات الابواب الخلفية ولا في اختلاف

[ASKAFRAWY]

اهلا بحضرتك ومتشكر للترحيب.. عايزيين نعمل موضوع خاص للإلنترا يشمل أفضل مراكز الصيانه \ افضل ميكانيكي \ افضل تاجر قطع غيار جديده \ افضل تاجر قطع غيار مستعمله \ افضل محل إكسسوارات وهكذا اعتقد هيكون مفيد

كنت عملت الموضوع ولاقيته نام بطلت اشارك فيه

http://www.nilemotors.net/Nile/248602-a.html

[ASKAFRAWY]

طيب انا بقالي فتره عايز اغير زيت الفتيس ومش لاقي spiii ومش عارف الزيت بيتغير عن طريق فك الطبه والا الشفط..ياريت حد يفيدني

انا لقيت الزيت spiii فى منتجات ليكويمولى بس مش عارف موضوع الطبة انا عارف انك ممكن تشفط من عند مقاس زيت الفتيس

[Kareem.ElAraby]

أنا جاىىىىىىىىىىىىىىى

ممكن اعرف صيانة ال 60000 للالنترا الأوتوماتيك 2009 تتكلف كام

أسأل محمود عفيفي كان لسه عاملها من قريب بس مش لاقي المشاركه

[bakkarahmed]

انا لقيت الزيت spiii فى منتجات ليكويمولى بس مش عارف موضوع الطبة انا عارف انك ممكن تشفط من عند مقاس زيت الفتيس

زيت ليكوي atfiii = dextron iii وليس spiii وياريت حضرتك تتاكد علشان انا داخل علي 80000 كيلو ولسه ماغيرتش الزيت ولا مره

[smsmsmsm1983]

يا جماعة ممكن كود البوجيهات اللى راكبة فى السيارة

[EsmatKazem]

السلام عليكم و رحمة الله
اولا : باركووووووووولى انا اشتريت النهارده الانترا 2009 اوتوماتيك و الحمد لله
ثانيا ( و ده الاهم ) انا اول تعامل ليا مع هيونداى عموما فا بصراحه انا معرفش اى حاجه عن العربيه ولا كمالياتها و مع انى طول عمرى متعود على المانيوال و مشاكله لكن دى اول مره اتعامل مع الاوتوماتيك و مش عارف حاجه عنه ... عذرا للاطاله لكن بصراحه انا عاوز اتقل عليكم و انضم للرابطه و ابدا رحلة التعرف و التثقيف عن العربيه :)