اعرف نيواكسنت بعد سنتين و 27000 كم

[hmotors]

النيتروجين ليه؟

أولاً بشكرك جداً على تقيمك الرائع..

ثانياً انا نويت فعلاً اجبها إن شاء الله خلال شهرين كدة.

كنت بس بعد إذنك عايزة أعرف موضوع العجل دا اتكلف كام (نيتروجين)

عشان انا كنت ناويه اركب جنوط عشان موضوع التنطيط دا

فهل النتروجين يغنى عن الجنط؟؟

و شكراً ليك تاني..

اسف على التأخير

هو موضع العجل ده اتكلف 20 جنيه كل عجله خمسة جنيه

لأ النيتروجين مهم وهتحس بفرق أكبر مع الجنوط ده شيئ أكيد

والأضافة المهمة العايز الناس تعرفها لبه النيتروجين مهم ؟
الأجابة
1- لا يتأثر بالحرارة يعنى مع السرعات العالية وأحتكاك العجل بالأرض الهواء العادى بتزيد درجة حرارته فاتلاقى الضغط داخل العجلة ذاد وخصوصا فى فصل الصيف علشان كده ممكن بعض الناس تلاحظ انه فى الشتاء العجل مريح وفى الصيف يلاقى الضغط عالى جداً ولقدر الله بتحصل حوادث نتيجاً انفجار بعض العجل.
النيتروجين لا يتأثر بدرجات الحرارة و لا يأثر بالأحتكاك ابداً ابداً
2- لا يوجد به بخار ماء ، الهوه العادى فى بخار ماء يعنى صدأ فى الأجزاء المعدنية البلف والجنط لو حديد نتيجة تكثف بخار الماء داخل العجل مع تغير درجات الحرارة
3- النيتروجين لا يتمدد يعنى العجله مش هترن فيها المطبات يعنى تاخد مطب غاز النيتروجين هو الى بيمتص نسبة كبيرة من صدمات المطبات
4- مش هتحتاج تزيده او الكشف عليها غير فى مدد كبيرة او لقدر الله العجل اتخرم وده بيحصل بنسبة ضعيفة لأن 70% من أسباب ثقوب العجل عدم ضبط الهواء سواء بالزيادة او النقصان

ياريت اكون جوبت على كل استفساراتك.

وتمنياتى بالتوفيق للجميع

[hmotors]

على فكرة كمان استهلاك البنزين مش بيكون كويس الا في حالات السواقة العاديه جدا

لكن لو حبيت تزود شويه مثلا ل 3.5 او 4 ار بي ام بيكون الاستهلاك مش لذيذ يعني بيكون زي اي عربيه 1600

لو انا غلط حد يقوللي ممكن يكون انا عندي حاجة في العربيه...مش عارف

بس عموما انا مش راضي قوي عن العربية عشان حاسس ان موتورها خشن وصوتو عالى حتى في السواقه الهادية يعني لو انا سايق براحة بسمع صوت نعرة او كأن الموتور بيحذق كده مش سلس

كلامك كله صح وده على فكرة موجود فى نسبة كبيرة من العربيات وبيتكتب تحذيرات فى الكتلوجات بتاعت العربيات انك بعد 3 ار بى ام الإستهلاك هيكون عالى جدا ومش طبيعى.

والإستهلاك بيزيد مع التكيف والقيادة داخل المدينة علشان المتور بتكون عدد دوراته منخفضة فالحمل بيزيد على المتور وده بيخلى العربيات ال 2000سىسى و... 1600سىسى و... 1300سىسى تتأثر بشكل ملحوظ لما تشغل التكيف وانته جوه الب و فى زحمة تحديداً وعشان يبداء التأثير ده يروح لازم مواتير 6 سلندر متطورة واعلى كمان

والصوت العالى ده طبيعى فى مواتير الهيونداى بنسبة كبيرة والنيو اكسنت تعتبر طبيعية وفى موديلات تانية فى هيونداى صوته عالى عن النيواكسنت.

شكراً

[buzzy]

هو موضع العجل ده اتكلف 20 جنيه كل عجله خمسة جنيه

لأ النيتروجين مهم وهتحس بفرق أكبر مع الجنوط ده شيئ أكيد

والأضافة المهمة العايز الناس تعرفها لبه النيتروجين مهم ؟

الأجابة
1- لا يتأثر بالحرارة يعنى مع السرعات العالية وأحتكاك العجل بالأرض الهواء العادى بتزيد درجة حرارته فاتلاقى الضغط داخل العجلة ذاد وخصوصا فى فصل الصيف علشان كده ممكن بعض الناس تلاحظ انه فى الشتاء العجل مريح وفى الصيف يلاقى الضغط عالى جداً ولقدر الله بتحصل حوادث نتيجاً انفجار بعض العجل.
النيتروجين لا يتأثر بدرجات الحرارة و لا يأثر بالأحتكاك ابداً ابداً
2- لا يوجد به بخار ماء ، الهوه العادى فى بخار ماء يعنى صدأ فى الأجزاء المعدنية البلف والجنط لو حديد نتيجة تكثف بخار الماء داخل العجل مع تغير درجات الحرارة
3- النيتروجين لا يتمدد يعنى العجله مش هترن فيها المطبات يعنى تاخد مطب غاز النيتروجين هو الى بيمتص نسبة كبيرة من صدمات المطبات
4- مش هتحتاج تزيده او الكشف عليها غير فى مدد كبيرة او لقدر الله العجل اتخرم وده بيحصل بنسبة ضعيفة لأن 70% من أسباب ثقوب العجل عدم ضبط الهواء سواء بالزيادة او النقصان

ياريت اكون جوبت على كل استفساراتك.

وتمنياتى بالتوفيق للجميع

بشكرك جداً على اهتمامك و ردك الوافي

و ربنا يخليهالك و يكفيك شرها..

بس انت تنصحني اني اعملها في مكان معين

ولا اي حد أو بنزينة هتقضى الغرض؟؟

[hmotors]

بشكرك جداً على اهتمامك و ردك الوافي

و ربنا يخليهالك و يكفيك شرها..

بس انت تنصحني اني اعملها في مكان معين

ولا اي حد أو بنزينة هتقضى الغرض؟؟

أنصحك تعملها فى مركز خدمة بريدجستون انا عملت الموضوع ده هناك وكان واضح جداً جهاز النيتروجين هناك.

وبالتوفيق إن شاء الله.

[m_zizo620]

ممكن اعرف فين مكان مركز خدمة بريدجستون في القاهرة

[hmotors]

bridgestone Fit & Fix

ممكن اعرف فين مكان مركز خدمة بريدجستون في القاهرة

بريدجيستون FIT & FIX

ده الموقع المعتمد ليهم فى مصر

http://www.nileprojects.com

:k47:
دى المفروض العناوين كلها فى مصر لقيتها على الإنترنت

Fit & Fix, Lauran - Alexandria
440 El Geish Str. Lauran (sea side)

Tel: +20 (3) 5834977
Fax: +20 (3) 5834877

Fit & Fix, Semouha - Alexandria
65 Victor Emanuel Str, Semouha

Tel: +20 (3) 4249473
Fax: +2 03 4251892

Fit & Fix, Zezenia – Alexandria
608 El Horreya Str. Zezenia

Tel: +20 (3) 5841252
Fax: +20 (3) 5821168

Fit & Fix, Nasr City - Cairo
Abbas El Akkad Road (Caltex Station), Nasr City

Tel: +20 (2) 2609115
Fax: +20 (2) 2609115

Fit & Fix, Manial – Cairo
55 El Manial Road

Tel: +20 (2) 5324063
Fax: +20 (2) 5324064

Fit & Fix, Sharm El-Sheikh
Neama Bay, Peace Avenue, next to Roman Theatre

Tel: +20 (6) 93662273
Fax: +20 (6) 93662273

Fit & Fix, Hurghada
Intersection of El Hegaz Str.& El Salam Str.

Tel: +20 (6) 53556640
Fax: +20 (6) 53556640

بالتوفيق إن شاء الله

[BassamHafez]

كلامك كله صح وده على فكرة موجود فى نسبة كبيرة من العربيات وبيتكتب تحذيرات فى الكتلوجات بتاعت العربيات انك بعد 3 ار بى ام الإستهلاك هيكون عالى جدا ومش طبيعى.

والإستهلاك بيزيد مع التكيف والقيادة داخل المدينة علشان المتور بتكون عدد دوراته منخفضة فالحمل بيزيد على المتور وده بيخلى العربيات ال 2000سىسى و... 1600سىسى و... 1300سىسى تتأثر بشكل ملحوظ لما تشغل التكيف وانته جوه الب و فى زحمة تحديداً وعشان يبداء التأثير ده يروح لازم مواتير 6 سلندر متطورة واعلى كمان

والصوت العالى ده طبيعى فى مواتير الهيونداى بنسبة كبيرة والنيو اكسنت تعتبر طبيعية وفى موديلات تانية فى هيونداى صوته عالى عن النيواكسنت.

شكراً

شِكرا على ردك

اصل انا كنت حاسس ان ده عيب في العربية وخانقني جدا

انا مش عارفحضرتك فاكرني ولا لأ .. على فكرة احنا اتكلمنا في الموضوع ده قبل كده وكنا المفروض نتقابل بس انت بعتني :))) لما قولتلي هكلمك و طنشت .. انا مش زعلان ولا بلومك انا بهزر معاك ... اكيد انت كنت مشغول او مش فاضي

بس عموما فرصة سعيده واتمنى ان احنا نتقبل في لقاءات المنتدى الجاية إن شاء الله

[osos_lion]

علفكره صوت العربيه بيكون ناعم جدا ابل ار بي ام 3 من 3.5 بتلاقي العربيه قلبت bmw انا بكون ماشي جمب لانوس والاقيه عايز يشد واسمع منو زززززززززززززززززززززززززززز
بعدين يتفاجء ب فوووووووووووووووووووووووووووووووووووووووم

[ahmad--ezzat]

علفكره صوت العربيه بيكون ناعم جدا ابل ار بي ام 3 من 3.5 بتلاقي العربيه قلبت bmw انا بكون ماشي جمب لانوس والاقيه عايز يشد واسمع منو زززززززززززززززززززززززززززز
بعدين يتفاجء ب فوووووووووووووووووووووووووووووووووووووووم

:k32::k32::k32:

[osos_lion]

هو التسقيف ده تريقه و لا اعجاب عموما انتا شكلك معاك نوبيرا والنوبيرا مبتعملش ززززززززززززززز
لانوس بس هي البتعمل كده وفيرنا برضو بس علي اخف شويه

[ahmad--ezzat]

ياباشا لا تريقة ولا اعجاب

اية ال زززززززززززززززززززززز دة انا مش فاهمك

لو بتتكلم على التسارع بتاع النيو اكسنت ..ممتاز فعلا..بس انا عن نفسى مش بتعجبنى العربية على السرعات العالية

[hmotors]

علفكره صوت العربيه بيكون ناعم جدا ابل ار بي ام 3 من 3.5 بتلاقي العربيه قلبت bmw انا بكون ماشي جمب لانوس والاقيه عايز يشد واسمع منو زززززززززززززززززززززززززززز
بعدين يتفاجء ب فوووووووووووووووووووووووووووووووووووووووم

الكلام ده بيحصل فعلا فى النيو اكسنت فبعد ال ار بى ام 3.5 بتتغير كل حاجه تحس المتور اظهر قوة مخبأة مصحوبة بصوت طاقة وقوة ال 112 حصان عيزين يخلو العربية تطير من على الأرض فعلاً ومفيش اى عربية فى نفس الفئة تقدر تدخل المنافسة معاها ابدا وفى الوقت ده برده محدش يحسب إستهلاك البنزين

ومع تمنياتى بالسلامة للجميع وتجنب السرعة المفرطة لأن زى ما البحر مالوش كبير السرعة ملهاش كبير

[osos_lion]

انا بهزر معاك وزززززززززززززززززززز ده صوت العربيه اللانوس لما تحرق عليها

[hmotors]

انا بهزر معاك وزززززززززززززززززززز ده صوت العربيه اللانوس لما تحرق عليها

منا عارف اصلى كان عندى لانوس قبل النيو اكسنت وعارف طبعا الوززززززززز والززززززززز والورررررررر وكل حاجه

[Samah AbdAllah]

ربنا يسترها علينا جميعا وبلاش السرعة