جروب كفاية فيرنا بقا ... على الفيس بووك حاجة مسخرة بجد

[samcar]

ياباشا العربيه واخه 3 او 4 نجوم فى اختبارات التصادم بصراحه مش فاكر اوى و هما غالبا 3
معلش انا داخل من الموبيل بكره ان شاء الله هاجيبلك الفديو بتعها

تقصد 3 من عشره

[A_H_M_A_D]

يعني هو الواحد لازم يمشي فوق ال120 و بعد كده يقول إن العربيه مش ثابته و فراملها ضعيفة

وأنا إيه اللي يخليني أمشي على السرعه دي أصلا , لا إمكانيات الشوارع عندنا تسمحلي بكده و لا الزحمه ولا مفاجئات السواقين تديلك فرصه للسرعه دي

ما نمشي طبيعي أحسن و بسرعه معقولة و إحنا نلاقي العربيه زي الفل

[AHMEDCAR]

بالنسبه للاخ سام كار

كلامك فيه نقطه صح غبووووووررررررر هو فعلا توكيل سيى لكن سياره جيده


و هيه واخده 3 نجوم من 5

[evoo90]

بالنسبه للاخ سام كار

كلامك فيه نقطه صح غبووووووررررررر هو فعلا توكيل سيى لكن سياره جيده


و هيه واخده 3 نجوم من 5

3 من 5
امال لو كانت واخده 2 كانت هتعمل ايه على الطريق؟؟
3من5 !!!!!!!!!!!!!!!

[AHMEDCAR]

ايون 3 من 5

امل البريليانس اللى واخده صفر دى تعمل ايه

بس هيه حاليا مابقتش تاخد صفر غالبا 3 برضو

[Eng. Rafy Samy]

العربيات اللي متصورة على الفيس بوك دي ازاي معجونة كده...؟
انا مصدقتش وانا بتفرج عليها.... دي كارسة....
البودي بتاع العربية كأنة كرتون من حديد... في عربية لفة حلوين شجرة!!!! زي مايكون صنصال مش حديد!!!
فعلاً العربية دي عاملة زي غرفة الاعدام لما تدخلها احتمال ضعيف تطلع منها حي..
ربنا يستر على كل ملاكها..!

[theking2690]

3 من 5
امال لو كانت واخده 2 كانت هتعمل ايه على الطريق؟؟
3من5 !!!!!!!!!!!!!!!

يا باشا هى بتاخد ال3 من 5 ديه على المواصفات اللى بتنزل بيها بره مش هنا يعنى بيكون فيها abs airbag وحاجات من ديه

[BLACKVERNA]

انا شايف ان الفيرنا زى اغلب العربيات اللى فى السوق من حيث الصاج

و لو حد شاف الموضوع بتاع حادثة الدائرى من كام يوم هيلاقى ان كل العربيات اللى فى الحادثة كان مصيرها واحد و كلها معجونة زى اللانسر و البيجو و الاكسيل و الفيرنا و النقل و المقطورة و الاتوبيس و .......

اعتقد ان الحوادث ما بتفرقش بين انواع السيارات فى الفئة المتوسطة دى فعلى كدا بقى المفروض يبقى الجروب اسمه كفاية عربيات بقى علشان يبقى فيه عدل

و لو الشخص اللى عمل الجروب دا فاضى شويه و نزل الحرفين و لف شويه هيلاقى اعداد لا حصر لها من اللانسر و التويوتا و الهيونداى و الهوندا و كل الماركات و كلها ربنا يعفينا معجونه و لا هى جت على الفيرنا و بقت العربية تشكل خطر على الشارع المصرى

انا بنكرش ان العربية فيها عيوب بس المفروض الواحد يعرف امكانيات عربيته و يعاملها على هذا الاساس و مش يعنى علشان موتورها 1600 يبقى لازم امشى على 180 و تبقى 100 % على الطريق و تبقى ثابته 100 % و فراملها 100% مع السرعة دى اعتقد ان دى معادلها صعبة التحقيق مع الفيرنا

و مع ذلك الفيرنا عربية ممتازة فى الفئه دى ( قطع غيار رخيصة - سهلة الصيانة - استهلاك بنزين معقول - شكل حلو ( اذواق ) ........

و اللى مش عاجبه الفيرنا فى اختيارات كتير ادامه فى نفس الفئه و لكنى لا اعتقد انها هتفرق كتير



و لا انتوا رأيكو ايه

[AHMEDCAR]

يسلم زندك يا محمد مافيش كلام تانى

[mecho_392]

شفييييييييق يا راجل يا راجل

يعنى هى جت عالفيرنا ماهو الفيس بوك مليان جروبات و الشوارع مليانه عربيات.. و بصراحه العالم الحمير هما اللى جايبين سمعة العربية الارض,, ماشيين بيها 180 و 200 و مش عارفين امكانيات العربية و فى الاخر بيلبسوا. انا مش عارف ايه الميزة فى السرعات دى حتى لو فى سيفيك او باسات محدش يقنعنى انه هيقدر يتحكم فى عربية بتقطع مسافة 55 متر فى (((الثانية))) !!!!! و فى الاخر يقولوا الفرامل ضعيفة و ثباتها ضايع.. انا لما بقول كده لوالدى بيقولى و انت ايه اللى هيمشيك 120 طول الطريق؟؟؟ مش 180 و 200

[ADELHASANALSHAAIRYN6]

انا كل عائلتى واصدقائى وجيرانى هيونداوية - منهم حوالى 6 اكسيل & 9 فيرنا موديلات سنوات مختلفة والباقى النترا وجيتس ونيو اكسنت وماتريكس - اقلهم شكوى واكثرهم مديحا الاكسيل والفيرنا - وبعدين ازاى شركة عريقة زى هيونداى تتطور عربياتها من اكسيل لاكسنت ثم الفيرنا - ازاى يكون التطور للاسوأ - ومعروف والكلام من خبراء الطرق اى واحد كيلو متر يزيد عن 100 كم /س يفقد سيطرة السائق على سيارته مهما كانت كفائته ومهما كان طراز السيارة - انما واحد يروح يشد بعربيته بدل ما يشد شيشة ولا يتقى الله فى نعمة ربنا من بيها عليه يتمناها ملايين غيره لازم ربنا يعمله عبرة - وانا شايف الهجوم على الفيرنا من شركات منافسة الفيرنا مسحتها او من ناس ندمت انها لم تشتريها وشربت مقلب ماركات تانية - اتقوا الله لان دى شهادة ستحاسبون عليها - والفيرنا رغم انف الجميع ستبقى السيارة الاولى فى مصر لسنوات قادمة

[evoo90]

بالله عليكم قولولى فين الشاسيه بتاعها فى الصوره اللى لفه حوالين الشجره؟ دى كأنها حته صلصال
؟؟؟؟؟؟؟؟؟؟؟؟؟؟؟؟؟؟؟؟

[AHMEDCAR]

ياباشا ما الانوس هيه كمان يتتعجن عادى جدا جدا و الانسر برضو المهم السواق متحكم ام حمار

[moh_kamal67]

اى عربية جديدة كرولا او لانسر او فيرنا ولا لانوس ولا نيسان صنى ولا بونتو ولا جولف ولا باسات كلها 3 علب ، الثلث الاولانى اللى فيه الموتور متربط بصواميل فى مقصورة الركاب ومتربطة بصواميل فى الثلث الاخير اللى فيه الشنطة ، ولو اى جزء من الثلاثة لا قدر الله حصل فيه حاجة بيتفك ويتركب ثلث غيره بعيد عنكم ، اذن من اساسيات العربيات الجديدة انها تكون خفيفة ومافيهاش شاسيه (علب بس)
يبقى العيب موش فى الفيرنا العيب فى اللى اخترع النظام ده اساسا ، لان اى عربية من الماركات دى او غيرها اتخبطت بتتعجن زى الورقة المتكرمشة كلهم زى بعض ياعزيزى ، وربنا يحفظنا من الحوادث يا اساتذة

[bishoy02010]

يعني هو الواحد لازم يمشي فوق ال120 و بعد كده يقول إن العربيه مش ثابته و فراملها ضعيفة

وأنا إيه اللي يخليني أمشي على السرعه دي أصلا , لا إمكانيات الشوارع عندنا تسمحلي بكده و لا الزحمه ولا مفاجئات السواقين تديلك فرصه للسرعه دي

ما نمشي طبيعي أحسن و بسرعه معقولة و إحنا نلاقي العربيه زي الفل

بعيد عن موضوع الشوارع تسمحلى بكدة ف أه فى شوارع وطرق بتسمحلى بكدة ( العين السخنة - ال10 كيلو اللى على الدائرى بعد نزلت مصر اسماعلية ) وهكذا وبعدين موضوع انا إيه اللى يخلينى امشى فوق ال 120 :) فنا مش هشترى عربية زيرووووو عشان تقلى اخرك 120 مع انها على 120 مش ثابتة بس ما علينا عداد العربية 200 ومتحددة سرعة ليها ايا كان المفروض السرعة القصوى اللى عندها بكون لسة فى نطاق الأمان بتاع العربية ولو كانت 170 متحددة فى الفيرنا فنا من حقى امشى 170 وده مبيحصلش وعلى فكرة بالنسبة لوضوع السرعة فبأكدلك ان العربية لو ثابتة ومظبوطة انا مستعد اوريك الرقم اللى انتة عايز تشوف العربية ديه علية وسط العربيات على الاوتوستراااااد ... فمحدش يحاول يقنعننى ان المشكلة من السواق مش من العربية :)