النترا مانيوال بين الندرة والسعر

[أبو عبدالله]

عربية مناسبة لفئة شبابية 21-30 سنة وتكون كويسة ومناسبة للشد والجرى والثبات والمناورة ياريت يساعدنى وياريت تكون فى حدود ال 100

بصراحه هيا السوبارو

[Ahmed Hassan]

لحد نزول الالنترا 2008 والسوبارو 2008 السيدان على شهر 1 او 2 بالكتير نظرا لتأخر نزول موديل سوبارو سيدان 2008 لنجاح الموديل الحالى ربنا يستر

انا لسه مكلم معرض ابو غالي اللي في روكسي من يومين و اكدولي ان الموديل السيدان مش هينزل اصلا مصر.... و الموديل الهاتش باك نازل شهر 11 و مفيش أي معلومه او مؤشر عن السعر

[mina_ramsis]

يا باشا انا مش شغال عند منصور شيفورليه علشان اقنعك انك تشترى العربية و لا لأ انما انا بصحح معلومة خطأ عن الاوبترا

والله حضرتك دة اللى سمعتة عن النوبيرا انها اساسا مبنى عليها الاوبترا ونفس الشاسية ونفس الموتور مع بعض التعديلات فى الموتور واعطاءه اسم جديد اظن ETEC II بعد ماكان ETEC بس وعن تجربة النوبيرا بلا استقرار بعد 130-140 ولا اعرف مالسبب وراء هذا التعويم واثناء بحثى فى المنتديات وجدت تلك الاراء المتعلقة بعدم استقرار الاوبترا ايضا لما تحتوية على شاسية النوبيرا

صدقنى يا باشا انا كنت بغرز بيها على 140 كيلو فى الساعة بس مازودتش علشان الكلام ده على الزراعى و انت عارف الزراعى عامل ازاى انما باش مهندس هشام جاب بيها 150 و كان بيشكر جدا فى الثبات بتاعها بعديين يارييت حضرتك تجيبلى الاراء المتعلقة بعدم ثبات الاوبترا فى المنتدى بعديين اللى حضرتك ماتعرفوش ان عفشه العربية ليس ليها علاقة من قريب او من بعيد بعفشة النوبيرا

وغير كدا حضرتك بقى لو قارنت ال CRASH TEST بتاع الالنترا وبتاع الاوبترا هتشوف الفرق ولو حضرتك شفت الاختبار بتاع الافيو مش هتصدق هحاول ادور على الفيديو بتاع الاختبارات واعرضها فى مشاركة هنا

ياريس هو حضرتك بتجيب عربية علشان لا قدر الله تعمل حادثة انا ما بقولش ان الامان مش مهم بس يبقى مثلا الخيار الثالث مثلا بعد جوده التقفيل ( اللى برجوك انك تشوف الاوبترا الاول قبل ما تحكم عليها ) و الموتور مثلا بعديين اش دخل ده بالافيو يعنى مثلا حضرتك تعرف ان النيو اكسنت اخدت 3 نجوم فى الاختبار التصادم يعنى مش نجيب كل الموديلات بتاع الشركة و نقارنه ببعض بعديين حضرتك اللانترا ام 113 الف مافيهاش حاجة من عوامل الامان اكتر من الاوبترا ام 92 الف

اما بالنسبة للكماليات فمن اسمها يعنى حاجات مكملة وبتبقى موجودة فى الكثير من السيارات لكن اللى بتختلف الجودة فيها يعنى مثلا كل العربيات تقريبا الجديدة بيبقى فيها تكييف بس فية مثلا تكييف عادى ببكر وتكييف تاتش اتوماتيك اهم حاجة بتبقى فى الكماليات جودة التصنيع والخامات FIT AND FINISH ودية بدون نقاش لصالح الالنترا

حضرتك اللى كنت بتقول ان كماليات الانترا اكتر من الاوبترا احب اقول لحضرتك ان كماليات الاوبترا اكتر من الالنترا ام 103 الف ان فيها الكاسيت الاصلى فى العربية و حضرتك عارف ثمن الكاسيت ده بكام و الفوج لايت و نور صالون امامى اضافى الكلام ده كله مش موجود فى الانترا ام 103 الف بعديين حضرتك بتقول ان جوده التصنيع بتاع اللانترا بدون نقاش افضل من الاوبترا يارييت حضرتك تشوف الابترا بعديين تحكم اصل مش معنى ان تقفيل الالنترا حلو يبقى تقفيل الاوبترا وحش بعديين التكييف التاتش مش موجود غير فى النترا 113 الف جنيه يعنى بتتكلم فى فئة سعرية تانية خالص

اما بالنسبة للعربية فهى حضرتك تناسبنى بس بعد مايتركبلها جنوط لان ماشاء الله موتورها العزم بتاعة يتحسد تحفة وبجد حاططها فى المنزلة التانية بعد الالنترا

ياريس الانترا افضل بالنسبالك لان شكلها fancier اكتر من الاوبترا بس احب اقولك ان الاوبترا جنوطها 14 مش 15 يعنى لو ركب للاوبترا جنوط 15 سرعتها هتعدى سرعة الالنترا :lol: :lol:
يا باشا الف مبروك مقدما على الانترا و ان شاء اله تلاقيها بس كنت يقولك ممكن تسأل فى المصرية اى فرع تانى ممكن بيبقى مخزينها عندهم حتى و لو فرح فى الاقاليم :D :D :D

[sameh.acc]

والله يا ابو عبدالله كلامك مظبوط السوبارو اكتر واحدة قريبة ومناسبة للفئة الشبابية بس المشكلة كلة عقب على شكلها وقالى اللى هيشوفها اولا مش هيعرف انها دفع رباعى وثانيا مش هيقول انها تمنها يجيب 110 لان الشكل القديم للأسف الفوانيس من ورا شكلها مش ظريف مش متناسقة زى شكلها الفظيع المرعب من قدام فكلو قالى لو شكلها اتغير ونزل شكل جديد يبقى جمعت بين الاتنين ويبقى كلو تمام ,,,
انا لسة والله متصل يا استاذ احمد حسن بتوكيل ابو غالى والكلام دة عن لسانهم ,, الموديل الهاتش باك هتينزل فى حدود شهر ,, والموديل السيدان هينزل شهر يناير لما لاقى الموديل الحالى من الشكل السيدان نجاح كبير فحرام طالما فية طلب علية ينزلوا الجديد دة عن لسانهم والله انا اعجبت بالشكل اللى هينزل بس للاسف اظن السيدان الجديد لو نزل هيعدى ال 115-120 ع الاقل

[fahd_628]

رأى فى سن حضرتك دة و الى انت عاوزة من العربية مافيش غير السوبارو والله عربية 100 100 و مين قال انة واحد حيقول ان تمنها ميجيبش 110 الف دة ممكن واحدة مثلا يكون شايفها فى الراليات يقولك العربية دية معدية ال 300 الف :) و بص سيبك من الناس المهم ان انت تركب العربية الى انت عاجباك و سيبك من ان الناس تعرف انها دفع رباعى و دفع امامى سيبك المهم انت تبقى مقتنع و مبسوط من العربية و بصراحة انا مش عاجبنى شكل 2008 انا شايف ان احلى شكل هو 2007 ( اختلاف ازواق ) او يمكن لما تنزل على الطبيعة تبقى احلى :)

و على العموم ربنا يوفقك و لو عاوز حاجة شبابية عندك برضة البروتون جين 2 و فيها عوامل امان زى ال 2 ايرباج و ABS و EBD و ثبات محترم و صاج محمل و موتور ممتاز و ب 83 الف مانيوال و 90 الف اوتوماتيك

[sameh.acc]

شكرا يا اخ هوكو موشا ع التعقيب بس ليا شوية تعليقات لو تسمحلى

ياريس الانترا افضل بالنسبالك لان شكلها fancier اكتر من الاوبترا بس احب اقولك ان الاوبترا جنوطها 14 مش 15 يعنى لو ركب للاوبترا جنوط 15 سرعتها هتعدى سرعة الالنترا

اية علاقة الجنوط بسرعة العربية الجنوط حتى لو 18 والعفشة مش مظبوطا عليها مش هيبقى عملت حاجة ولو برضة العفشة والجنوط كويسين ومعدل الاحتكاك والتماسك مع الارض (grip) بتاع الكاوتش مش كويس مش هيبقى ليه لازمة وبعدين لو قلنا ان حضرتك جنطت مش 15 جنطت 17 او 18 دة برضة مش هيخلي التوب سبيد بتاعها اعلى ومش هتيبقى اسرع لان الأوبترا لاسف محكومة ب speed limit اخرها 160 او 165 على ما افتكر اما الالنترا فاتحة مافيهاش ليميت قبل 200 وصورة استاذ حسام منير اكبر دليل

ياريس هو حضرتك بتجيب عربية علشان لا قدر الله تعمل حادثة انا ما بقولش ان الامان مش مهم بس يبقى مثلا الخيار الثالث مثلا بعد جوده التقفيل ( اللى برجوك انك تشوف الاوبترا الاول قبل ما تحكم عليها )

والله حضرتك هنا فى مصر انا شايف ان عوامل الامان اول حاجة حضرتك عارف الميكروباصات والتكاتك اللى زادت وغطت و و و و فلازم الامان اولا العربية فى داهية مش مهم طالما فى الحديد اهم حاجة الارواح اللى جواها ,,, وبعدين والله العظيم شوفت الاوبترا بالعكس انا مش بكرهها والله وذكرت قبل كدا ان التسارع بتاعها ماشاء الله وكنت مستنى موديل الماجنوم انو ينزل مصر بس للاسف

يا باشا الف مبروك مقدما على الانترا و ان شاء اله تلاقيها بس كنت يقولك ممكن تسأل فى المصرية اى فرع تانى ممكن بيبقى مخزينها عندهم حتى و لو فرح فى الاقاليم

الله يبارك فيك ويارب الاقيها لو ملقيتهاش هروح اعمل تست درايف للاوبترا لو فية

وفعلا ماشاء الله يا اخ فهد لك وجهه نظر كويسة من حيث السوبارو وانا والله داخلة دماغى بس هتكلفنى كتير انا كنت مستنى من الاخ احمد حسن لستة بأسعار قطع الغيار اما فى الجين 2 للاسف صاحبى معاه واحدة اتوماتيك وكرهنى فيها لسة بايظ فيها الفتيس وكانوا عز العرب عايزين يدفعوه 13 الف جنية تمن تغيير الفتيس لكن راح زعق وهددهم دفع فى الاخر 2500 جنية وقبلها العربية ضربت الكهربا فيها وكانت هتولع بس ربنا ستر بينى وبينك صاحبى دة مهمل شوية :lol:

[mina_ramsis]

اية علاقة الجنوط بسرعة العربية الجنوط حتى لو 18 والعفشة مش مظبوطا عليها مش هيبقى عملت حاجة ولو برضة العفشة والجنوط كويسين ومعدل الاحتكاك والتماسك مع الارض (grip) بتاع الكاوتش مش كويس مش هيبقى ليه لازمة وبعدين لو قلنا ان حضرتك جنطت مش 15 جنطت 17 او 18 دة برضة مش هيخلي التوب سبيد بتاعها اعلى ومش هتيبقى اسرع لان الأوبترا لاسف محكومة ب speed limit اخرها 160 او 165 على ما افتكر اما الالنترا فاتحة مافيهاش ليميت قبل 200 وصورة استاذ حسام منير اكبر دليل

ازاى يا باشا الكلام ده اساسا الرقم ده بيعبر عن قطر الكاوتش يعنى لو نفرض ان العربية اخر سرعتها 200 على جنوط 14 يبقى بحسبة بسيطة كده
200 * 15/14 =214 و على فكرة ده مالوش علاقة بال SPEED LIMIT علشان ال214 دول بيبقى السرعة الفعلية للعربية بس بتبقى مقرية عندك فى التابلوه 200 بس
على فكرة العربية بتنزل بره بجنوط 15 يعنى العربية تستحملها عادى خالص و التوب اسبيد للاوبترا على جنوط 14 للمانيوال 187 و للاوتوماتيك 175 يعنى العربية مفيهاش الاسبيد ليميت
انا مازلت عند رأئى ان الالنترا احسن ليك كشاب و يليها الجين 2 شكلها برده شبابى و على فكرة انا كنت هجيب العربية ديه بس اللى مناعنى من شرائها هو قطع الغيار و التوكيل و سعر اعاده البيع اعتقد ان القطع الغيار هتبقى متوفره عندك اما لو اتنازلت شويه فى حكاية سعر اعاده البيع ديه هتبقى الجين 2 برده مناسبة ليك :) :) :)

[mina_ramsis]

على فكرة ده موقع موسوعة ويكيبيديا بيقول ان اقصى سرعة للالنترا المانيوال 190 و للاوتوماتيك 182 طبعا على جنوط 15

http://en.wikipedia.org/wiki/Hyundai_Elantra

هتقولى ازاى هى جابت 200 هقولك انها متوقفة على حاجات كتير زى اتجاه الرياح و حالة الطريق اذا كان مطلع او منزل و حاجات تانية برده

[sameh.acc]

و على فكرة ده مالوش علاقة بال SPEED LIMIT علشان ال214 دول بيبقى السرعة الفعلية للعربية بس بتبقى مقرية عندك فى التابلوه 200 بس
على فكرة العربية بتنزل بره بجنوط 15 يعنى العربية تستحملها عادى خالص و التوب اسبيد للاوبترا على جنوط 14 للمانيوال 187 و للاوتوماتيك 175 يعنى العربية مفيهاش الاسبيد ليميت

ياباشا ازاى السبيد ليميت بيعتمد ع الكاوتش دة بيبقى مربوط ومعتمد كليا على الكنترول يونيت الا فى حالة زيادة حجم الجنط والكاوتش اللى بيحصل ان العزم والهورس باور بيقل وممكن التوب سبيد يقل لكن يزيد اما اركب كاوتش اكبر استحالةةةةةة عمرها ماتحصل اية رايكم فى الكلام يا اخوانا

و التوب اسبيد للاوبترا على جنوط 14 للمانيوال 187 و للاوتوماتيك 175 يعنى العربية مفيهاش الاسبيد ليميت

ممكن حضرتك تذكر المصدر لان حضرتك ممكن تدخل على www.youtube.com وتشوف فيديوهات الاوبترا واتحدى حضرتك تلاقى اوبترا بس stock مش معدلة تعدى ال 165-170

على فكرة ده موقع موسوعة ويكيبيديا بيقول ان اقصى سرعة للالنترا المانيوال 190 و للاوتوماتيك 182 طبعا على جنوط 15

http://en.wikipedia.org/wiki/Hyundai_Elantra

هتقولى ازاى هى جابت 200 هقولك انها متوقفة على حاجات كتير زى اتجاه الرياح و حالة الطريق اذا كان مطلع او منزل و حاجات تانية برده

على فكرة مش معنى ان التوب سبيد بتاعها 190 يبقى متجيبش اكتر من كدا بالعكس لانو بيحطوا التوب سبيد دة اقصى سرعة العربية عندها بتبقى stable وغير كدا بتبقى اقصى سرعة بعدها ممكن ادخل على الريد لاين واحمل ع الموتور شوية على عكس الليمت اللى العربية ماتقدرش تجيب اكتر من كدا بعدها حتى ممكن يكون الار بى ام مش عالى ولا قرب من الريد لاين لكن بيبقى ليميت ع الكنترول يونيت طيب هقولك اكبر دليل الجين 2 اتوماتيك دية صاحبى جاب بيها 190 قدامى وانا شفتها بعينى مع ان التوب سبيد زى مامذكور فى ويكيبيديا
Performance : 0 – 100km/h 12.8secs, Top Speed 176km/h for Automatic transimision
المصدر : http://en.wikipedia.org/wiki/Proton_Gen-2
مشكور حضرتك على النقاش الهادف للتوصل بما فية الى مصلحة الاعضاء والمنتدى

[Eng.Salah Mahdy Salama]

أستاذ سامح ممكن تسأل في معرض دايهاتسو في المعادي دول ناسكويسين و إن شاء الله تلاقي العربية

[أبو عبدالله]

اما فى الجين 2 للاسف صاحبى معاه واحدة اتوماتيك وكرهنى فيها لسة بايظ فيها الفتيس وكانوا عز العرب عايزين يدفعوه 13 الف جنية تمن تغيير الفتيس لكن راح زعق وهددهم دفع فى الاخر 2500 جنية وقبلها العربية ضربت الكهربا فيها وكانت هتولع بس ربنا ستر بينى وبينك صاحبى دة مهمل شوية

الكلام ده خطير جدا جدا :shock: :shock: :shock:

[sameh.acc]

هجرب يا اخ Eng.Salah Mahdy Salama اسال فى فرع دايهاتسو بتاع المعادى ويارب الاقى مشكور ع الافادة ....
والله يا ابو عبدالله دة اللى حصل فعلا بس انا عارف صاحبى دة انو مش محافظ خالص ومهمل بالنسبة لموضوع الفتيس كا على طوول يسقط كيك داون والعربية جاب بيها 190 وكان بيضغط عليها جدا اما بالنسبة لموضوع الكهربا فهو قالى انو راح لادريان كان بيظبط الساوند سيستم وقالى والراجل بيعمل فيها فية فيوز ضرب قام قاطع ولغى الفيوز بعدها الكهربا كلها ضربت وربنا ستر والكنترول يونيت محصلهاش حاجة يعنى دية اهمال من ادريان على حسب كلام صاحبى والفتيس اهمال من صاحبى يعنى اظن العربية مكانش هيحصلها حاجة لو كان فية شوية حفاظ عليها يعنى مش عيوب تصنيع بالعكس انا بحترم العربية دية اوى والله علشان انها اول عربية اسلامية 100% واول بلد اسلامية (ماليزيا) تعمل عربية بالكامل
(( لسة برنامج خواطر اللى بيجى ع MBC1 جايبين الموضوع دة وقالوا انها اول بلد اسلامية تصنع عربية بالكامل (بروتون) على عكس ايران اللى بتستعين بمحركات من الخارج وقالوا ان الدول الاسلامية على سنة 2030 هتصنع احتياجاتها بنفسها دون الاستعانة بالخارج يامسهل 8)

[Ahmed Hassan]

على فكره انا كنت في ابو غالي روكسي اول امبارح و حجزنا عربيه لواحد صاحبي و اكدو ان اللي هينزل هاتش باك بس... انا كمان دورت على النت ملقيتش السيدان غير في كندا و الموتور 2500 سي سي. كل اوروبا و بقيه الدول هاتش باك بسسسسسسسسسس.

العربيه ممكن سعرها يقل 2000 جنيه من عند ابو غالي لأنهم بيصفوا خلاص.
انا فعلا حطيت مثبت بأسعار قطع الغيار في غرفه سوبارو

ربنا يوفقك في الاختيار

[sameh.acc]

ربنا يخليك يا اخ احمد حسن وشكرا ع التنبية والمعلومة ويارب اجيبها والله نفسى فيها وكويسة وهرد على الموضوع بتاع اسعار قطع الغيار ونشوف يارب تكون الاسعار كويسة مشكور

[mina_ramsis]

اقتباس:

و على فكرة ده مالوش علاقة بال SPEED LIMIT علشان ال214 دول بيبقى السرعة الفعلية للعربية بس بتبقى مقرية عندك فى التابلوه 200 بس
على فكرة العربية بتنزل بره بجنوط 15 يعنى العربية تستحملها عادى خالص و التوب اسبيد للاوبترا على جنوط 14 للمانيوال 187 و للاوتوماتيك 175 يعنى العربية مفيهاش الاسبيد ليميت


ياباشا ازاى السبيد ليميت بيعتمد ع الكاوتش دة بيبقى مربوط ومعتمد كليا على الكنترول يونيت الا فى حالة زيادة حجم الجنط والكاوتش اللى بيحصل ان العزم والهورس باور بيقل وممكن التوب سبيد يقل لكن يزيد اما اركب كاوتش اكبر استحالةةةةةة عمرها ماتحصل اية رايكم فى الكلام يا اخوانا

اولا اسف على التأخير لانى كنت مسافر ثانيا انا ماقولت ان الاسبيد ليميت معتمد على الكاوتش انا بقول انك ممكن تزود التوب اسبيد بأنك ممكن تجييب جنوط بكاوتش اكبر زى 15 مثلا و ده مالوش اى تأثير على العزم و هورس باور انما الهورس باور و العزم يتأثر اذا عرضت الكاوتش فى الحالة ديه بس الاحتكاك بيزيد فبيقلل الهورس باور و يزود استهلاك البنزين يارييت تكون نقطتى واضحة

و التوب اسبيد للاوبترا على جنوط 14 للمانيوال 187 و للاوتوماتيك 175 يعنى العربية مفيهاش الاسبيد ليميت


ممكن حضرتك تذكر المصدر لان حضرتك ممكن تدخل على www.youtube.com وتشوف فيديوهات الاوبترا واتحدى حضرتك تلاقى اوبترا بس stock مش معدلة تعدى ال 165-170

ادى موقع جنيرال موتورز فى مصر ممكن تتأكد بنفسك

http://www.gmegypt.com/content_data/LAAM/ME/ar/GBPME/001/EG/1P/1P_engineandchassis.html?cntryCd=EG

و رغم انى مش مقتنع بحكاية يو تيوب ديه علشان مش معنى انى مارفعتش الفيديو عليه يبقى العربية ماجبتش اعلى من كده بس ادى لينك العربية جايبه فيه 210 و اوتوماتيك كمان دور بس كويس و انت هتلاقى كتير

http://www.youtube.com/watch?v=1XHwuQ-Wm-8

على فكرة ده موقع موسوعة ويكيبيديا بيقول ان اقصى سرعة للالنترا المانيوال 190 و للاوتوماتيك 182 طبعا على جنوط 15

http://en.wikipedia.org/wiki/Hyundai_Elantra

هتقولى ازاى هى جابت 200 هقولك انها متوقفة على حاجات كتير زى اتجاه الرياح و حالة الطريق اذا كان مطلع او منزل و حاجات تانية برده


على فكرة مش معنى ان التوب سبيد بتاعها 190 يبقى متجيبش اكتر من كدا بالعكس لانو بيحطوا التوب سبيد دة اقصى سرعة العربية عندها بتبقى stable وغير كدا بتبقى اقصى سرعة بعدها ممكن ادخل على الريد لاين واحمل ع الموتور شوية على عكس الليمت اللى العربية ماتقدرش تجيب اكتر من كدا بعدها حتى ممكن يكون الار بى ام مش عالى ولا قرب من الريد لاين لكن بيبقى ليميت ع الكنترول يونيت طيب هقولك اكبر دليل الجين 2 اتوماتيك دية صاحبى جاب بيها 190 قدامى وانا شفتها بعينى مع ان التوب سبيد زى مامذكور فى ويكيبيديا
Performance : 0 – 100km/h 12.8secs, Top Speed 176km/h for Automatic transimision
المصدر : http://en.wikipedia.org/wiki/Proton_Gen-2
مشكور حضرتك على النقاش الهادف للتوصل بما فية الى مصلحة الاعضاء والمنتدى

اهو حضرتك بتقول بنفسك يعنى الانترا ممكن تعدى التوب اسبيد اللى قايلين عليه فى موقعهم و الاوبترا لا

وفعلا ماشاء الله يا اخ فهد لك وجهه نظر كويسة من حيث السوبارو وانا والله داخلة دماغى بس هتكلفنى كتير انا كنت مستنى من الاخ احمد حسن لستة بأسعار قطع الغيار اما فى الجين 2 للاسف صاحبى معاه واحدة اتوماتيك وكرهنى فيها لسة بايظ فيها الفتيس وكانوا عز العرب عايزين يدفعوه 13 الف جنية تمن تغيير الفتيس لكن راح زعق وهددهم دفع فى الاخر 2500 جنية وقبلها العربية ضربت الكهربا فيها وكانت هتولع بس ربنا ستر بينى وبينك صاحبى دة مهمل شوية

اما بخصوص الجين 2 اللى جابت قدامك 190 اديها باظت بسبب الكيك داون و السرعة الاكتر من التوب اسبيد بتاعتها
بعدين انت عاوز تجيب عربية دلوقتى ليه ايا كانت ماركتها استنى شويه لما 2008 تنزل علشان متجبش عربية و بعدها بشهريين تلاقى الموديل اللى بعدك نزل

مشكور حضرتك على النقاش الهادف للتوصل بما فية الى مصلحة الاعضاء والمنتدى

يا باشا انا اللى متشكر جدا لردك و استجابتك :) :)