لماذا سلوكيات سائقي الفيرنا تلك ؟؟؟

[HNaga]

لا فعلا صاحب المشاركة معاه حق فعلا معظم سواقين الفيرنا و الماتريكس بس الفيرنا اكثر بحس انهم معندهم ادنى إحساس بالمسئولية معرفش بقى مسترخصين عربياتهم و الا حياتهم والا ايه وفعلا كون الأغلبية منهم شباب صغير ده عامل بس المنطق بيقول ان كانت عربية بتجرى فهى مش ستابل ولا فراملها كويسة عشان كده المفروض مايعملوش كده

[moh_kamal67]

اه الفيرنا وسنينها ، ده انا من مالكى الفيرنا وزعلت من الحكاية دى برضه ، شوف ياسيادة القبطان ، العربية فعلا استجابتها سريعة وعلى راى واحد صاحبى (نيرف) ، لان موتورها موتور النترا ، فهى فعلا بتغريك على الجرى ، وطالما تعودت على الجرى هايبقى سلوكك انك تعدى ، وهاتعمل غرز ، ده انا فيرنا وزملائى الفيرنا بيعملوا معاى كده ، فوت من اليمين ، وتكسير وملفات على سرعة عالية ، واخد مطبات ثم الانطلاق بسرعة عالية ، وده ان دل على شيئ فيدل انها بتديلك انها اقوى عربية فى اللى ماشيين على الاطلاق ، وآه لوحطيت بنزين 95 ، ابقى شوف مين اللى هايوقفك ، مرة كنت فى الساحل الشمالى ومعاى قريبى قلت اوريله قوة الموتور ، عليت البنزين وسبت دبرياش قعدت العربية تصفر لحد ماجبت الثانى واللى معاى اتخض ، الموتور مرعب وحش رصاصة موجهة
زملائى مالكى فيرنا ، ليس كل الفيرناوية متهورين ، وليس كل السواقين عاقلين ، الباشمهندس موش قصده ولكن هو لاحظ زى ما انا لاحظت ذلك ، مسائكم فل عايزين نركبلها اجنحة ونطير ، ثم ده مدح فى الفيرنا انها اصبحت هى نجمة الطريق ، واللى ماركبش فيرنا يجربها ، هايبيع العربية اللى معاه

[AHMEDCAR]

متهيالى السواق اللى على طريق السويس ده يبقى انا لانى كل يوم بروح الرحاب الصبح هيه الفيرنا دى لونها ايه

[ahmedfawzy14]

مش كله الصراحة
انا لما بركب الشاهين بجرى عن ما اكون راكب الفيرنا

[ahmad--ezzat]

ا واللى ماركبش فيرنا يجربها ، هايبيع العربية اللى معاه

طب حضرتك انا جربتها وركبتها اكتر من 5 6 مرات...
بحمد ربنا وبشكرة على اختيارى للنوبيرا..

[HNaga]

واضح انا فيه ناس بتفح بالموتور ومش مهم الفرامل - وده يفسر ان واحد صاحبى قاللى ان أكبر نسبة حوادث حاليا بالفيرنا

وليا واحد أعرفه تانى معاه فيرنا و برضه بيعمل غرزة العربية حدفت منه و لبس فى عامود و غير نص

ومان كان التهور فى السواقة 316 و جولف دلوقتى فيرنا فرق اجيال بقى

[drhanymehany]

ياجماعه الموضوع مش عايز كلام
الفيرنا هى اوحش عربيه عملتها هيونداى
هى عربيه المصايب
وربنا يسلم الكل ان شاء الله
بكره هيونداى تنزل اعتذار انها عملت العربيه دى اصلا
انا شايف انها لا تقارن باى هيونداى حتى ال i 10 برقبتها
وكفايه ان تاكسياتك يامصر كلها فيرنا

[mohamed_mohsen]

ياجماعه الموضوع مش عايز كلام
الفيرنا هى اوحش عربيه عملتها هيونداى
هى عربيه المصايب
وربنا يسلم الكل ان شاء الله
بكره هيونداى تنزل اعتذار انها عملت العربيه دى اصلا
انا شايف انها لا تقارن باى هيونداى حتى ال i 10 برقبتها
وكفايه ان تاكسياتك يامصر كلها فيرنا

اوحش عربيه عملتها هيونداي ليه؟
و الا 10 برقبتها كمان؟ و الله ده منطق غريب
موضوع التكسيات ده ما يعيبش العربيه في شيء بالعكس (هو لايزم يعني تبقي التكسيات لادا و شاهين و 504 و 128؟- مع كامل احترامي لملاكهم)
ده يدل انها بتستحمل و استهلاكها حلو و قطع الغيار مش غاليه
و بعدين في تكسيات دلوقتي بومه و شارك و مازدا 3 و ميجان و تيدا(مش منطق انها عربيه حقيره و بقت تاكسي)
هي عشان رخيصه تقول عليها كده....
طب ما البومه(مع احترامي لمالكيها) باكتر من 130 الف الفول اسبورت منها..... جرب اقف في اشاره كده و انت راكب واحده...مش بعيد تلاقي 4 نفس اللون و نفس الفئه في نفس الاشاره ......و تلاقي 2 منهم بيجروا و بيدوا غرز.....نفس الكلام ينطبق علي الكورولا و الشارك اللي بقيت اشوفها كتير
و المازدا 3 و و و غيرها .....

لا فعلا صاحب المشاركة معاه حق فعلا معظم سواقين الفيرنا و الماتريكس بس الفيرنا اكثر بحس انهم معندهم ادنى إحساس بالمسئولية معرفش بقى مسترخصين عربياتهم و الا حياتهم والا ايه وفعلا كون الأغلبية منهم شباب صغير ده عامل بس المنطق بيقول ان كانت عربية بتجرى فهى مش ستابل ولا فراملها كويسة عشان كده المفروض مايعملوش كده

طب ما الكرولا ال1600 الشكل القديم بتجري ...... شفت ثباتها عامل ازاي
في الباي باي.......
و ياما كان ليها حوادث....حد يوم قال ان ملاكها مستهترين و معندهمش ادني احساس بالمسئوليه؟

اخيرا
كون العربيه مع شباب كتير و موتورها قوي و سعرها رخيص فميبقاش ملاكها مستهترين و كارهين للوطن
عايزين حل
ماتركبوش عربيات لاشخاص اكبر من 40 سنه و ريحوا نفسكم

[ahmad--ezzat]

على فكرة احب اضيف ان الموضوع دة ممتاز فعلا

[mohamed_mohsen]

على فكرة احب اضيف ان الموضوع دة ممتاز فعلا

مش فاهم؟
ايه وجه الامتياز فيه؟

[M.ABDEEN]

هي مافهاش الا موتور بس (ثبات+امان +وسع +صاج+عالية عن الارض+صالون داخلي)كل ده محتاج اعادة نظر

تم اغلاق الموضوع منعا للمشاحنات بين الاعضاء
مشرف هيونداي