رابطة الجيتزاويه

[mada_76]

من ساعة مادخلت المنتدي و انا بدور علي موضوع زي ده للجيتز انا معايا جيتز مانيوال 2010 بس يا داوب عاملة 12000 بس
و من ساعة صيانه العشرة مافتحتش الكابوت بتاعها ولا مرة و مابصيتش علي اي حاجة تفتكروا غلط؟؟
و كمان بحس ان نورها ضعييف باليل نفسي اركب فوانيس شبورة بس مش عارفة منين و لا بكم و ممكن اعمل ده في التوكيل؟؟
الموضووع مفييد جداا علي فكرة خصوصا كمان انى لسة جديدة في سواقتها اصل انا جبتها كسر زيرو

اولا مبروك عليكي العربية
ثانيا انتي مش لازم تفتحي الكبوت غير عشان تبصي على الميه واللى غالبا مش بتنقص .
انا عامل 120000 كيلو . يعني زودي صفر على اللى انتي عاملاه والحمد لله بفتح الكبوت ده عشان اغسل الموتور ومرة عشان غيرت البطارية ومرتين زودت مياه الرادياتير بس كده .
هي عربية كويسة ومش بتحتاج صيانة والله بس اللى يحافظ عليها .
بالنسبة للنور هو فعلا مش قوي وعشان كده انا غيرت اللمبات بتاعة الفوانيس وجبت لمبات فيليبس عرفتها عن طريق الموقع الجامد هنا . هما لمبتين بحوالى 130 جنيه بس فرقوا معايا في النور وخصوصا الواطي كان ضعيف اوي .
ياريت بقى لو تقوليلنا اشتريتيها بكام عشان نقدر نعرف ثمنها وصل كام مستعمل دلوقتي ؟
واي اسشارة انا موجود

[mhoss]

بالنسبة للنور هو فعلا مش قوي وعشان كده انا غيرت اللمبات بتاعة الفوانيس وجبت لمبات فيليبس عرفتها عن طريق الموقع الجامد هنا . هما لمبتين بحوالى 130 جنيه بس فرقوا معايا في النور وخصوصا الواطي كان ضعيف اوي .

ممكن تقولنا جبتهم منين و ممكن أركبهم عند أى حد و لا لازم أروح التوكيل....مع الشكر....

[badroo_included]

انا معايا جيتز اوتوماتيك 2010 ماشية 5000 كم, مؤخرا ظهر فيها مشكلة انى لما بدورها و هى باردة بتدور عادى بس لما بعمل بها مشوار صغير كافى انه يسخنها لو جيت بطلتها و دورتها تانى و هى سخنة المارش بيطول فى التدوير و يعما كأنه هيعلأ و بعدين تدور, طبعا روحت التوكيل و قلتلهم علي المشكلة دى فى صيانة ال 5000 و قالو هتلاقى سلك الارضى هربان و حنضبطها بس كالعادة المشكلة لسة موجودة و كمان استهلاك بنزينها داخل البلد عالى و اكتر مرة عملت 370 كم فى التفويلة. ياريت لو حد يفيدنى المشكلة ممكن تكون من اية؟؟

[placebo_sh82]

عايز اعرف رايكو فى الموديلات القديمة ال 1100 سى سى كويسه زى ال 1600 ولا لا...

[mada_76]

ممكن تقولنا جبتهم منين و ممكن أركبهم عند أى حد و لا لازم أروح التوكيل....مع الشكر....:s_thum1[1]:

في توكيل فيليبس متفرع من شارع مكرم عبيد بس بيقفل الساعة 3 العصر وفي محل في شارع دمشق اسمه المدينة هو اللى انا اشتريتها من عنده وتركيبها سهل جدا انت ممكن تركبها او تخلي اي واحد كهربائي يركبلهملك قدام المحل ده هاتلاقي كتير .

[mada_76]

انا معايا جيتز اوتوماتيك 2010 ماشية 5000 كم, مؤخرا ظهر فيها مشكلة انى لما بدورها و هى باردة بتدور عادى بس لما بعمل بها مشوار صغير كافى انه يسخنها لو جيت بطلتها و دورتها تانى و هى سخنة المارش بيطول فى التدوير و يعما كأنه هيعلأ و بعدين تدور, طبعا روحت التوكيل و قلتلهم علي المشكلة دى فى صيانة ال 5000 و قالو هتلاقى سلك الارضى هربان و حنضبطها بس كالعادة المشكلة لسة موجودة و كمان استهلاك بنزينها داخل البلد عالى و اكتر مرة عملت 370 كم فى التفويلة. ياريت لو حد يفيدنى المشكلة ممكن تكون من اية؟؟

والله لو العربيات القديمة بتاعة زمان كنا بنفهم فيها زي القرود ايام ال 128 والفولكس وكده . لكن دلوقتي الواحد بيفتح الكبوت ولا بيفهم حاجة .
اهم حاجة ماتسكتش ولازم تعملهم قلق في التوكيل وماتستناش لغاية ميعاد الصيانة اللى جاية . صدقني هما بيمصوا دمنا لغاية لما فترة الضمان تخلص وبكرة مع الوقت هاتعرف انهم كانوا بيشتغلونا . لازم تصلحها هناك وحاول تروح المركز الرئيسي اللى في ابو رواش ولو مانفعش روح على قليوب , انا اقصد انك تشوف عقليات مختلفة منهم .
وابقى طمنا عملت ايه .

[koks]

هما الجيتزاوية راحوا فين
من بعد المنتدى مارجع ولا حس ولاخبر ( أحسن تكونوا لسه في السرفر القديم )
أنا طبعا عضويتي راحت لما السيرفر وقع بمشاركتها ( أصلا انا مكنتش شاركت غير في الرابطة هنا )
وكلاكيت تاني مرة ( انا معايا جيتز 2010 فيراني أوتو جايبها ماشية 20000 تقريبا أو أكتر بسيط ودلوقتي الحمدلله 26000 في أقل من شهر )
وفعلا العربية معايا زي الفل ولسه عامل الصيانة بتاعتها ( تيل , بوجيهات , فلتر هوا , فلتر بنزين , وزيت وفلتر ) وطبعا بره ( عشان أنا مبروحش توكيلات والكلام الفاضي ده ) وجبت حاجة الصيانة برضه من بره التوكيل

المهم بس يا جيتزاوية بقى تورونا مشاركتكوا

[nana96]

الله طيب الموضوع ماتقفلش طيب نكتب هنا ولا نادى جيتز كلوب؟؟

[3alo2ah]

ياجماعه انا عايز افهم بس انا العربيه موديل 2008 وعامل بيها 37الف بس عايز اعرف عادى انى احس انها بترجرج كده وهى بارده اصل ده اول مره يحصل معايا

[mido_3000]

لسلام عليكم ورحمة الله وبركاته
يا جماعه أنا معايه جيتز 2010 مانيوال وعامل بيها 18000كم بس ملاحظ حاجه غريبه دلوقتي , أن وانا طالع علي الأولاني العربيه بتخبط كده مش عارف لية؟؟؟؟

أرجو الأفادة لأن الموضوع ده مضايقني أوي ياجماعه

[3alo2ah]

هو ليه يا جماعه محدش بيفيدنا فى الموضوع ده

[warDaya]

مفتقداكوا جدااااااااااااااااااااااااااااااااااااااااا
وزئزوئتي حصلها حاجات كتييييييييييير...وكل مره بيبقى نفسي ادخل احكيلكوا...بس اقول مش هلاقي حد..
بس المرادي قولت لازم ادخل اقول ان واحشني الكلام هنا اوووي...وعارفه ان ماحدش هايجي يرد..بس يلا...الحمدلله :)

[ahmedalaa88]

لسلام عليكم ورحمة الله وبركاته
يا جماعه أنا معايه جيتز 2010 مانيوال وعامل بيها 18000كم بس ملاحظ حاجه غريبه دلوقتي , أن وانا طالع علي الأولاني العربيه بتخبط كده مش عارف لية؟؟؟؟

أرجو الأفادة لأن الموضوع ده مضايقني أوي ياجماعه

عندى نفس المشكلة دى و بتظهر مع كثرة التحميل على الاسطوانة و الديسك فى الزحمة و تقريباً دا عيب اسطوانة و ديسك مع العلم انا عربيتى عاملة 38000 كيلو بس ما فيش تاثير على السحب ياريت لو حد يعرف السبب ياريت يفيدنا.

[engin]

عايز اعير الدبرياج وعايز حد كويس قريب من الهرم وفيصل ارجو المساعدة

[Mohatfhd]

مفتقداكوا جدااااااااااااااااااااااااااااااااااااااااا
وزئزوئتي حصلها حاجات كتييييييييييير...وكل مره بيبقى نفسي ادخل احكيلكوا...بس اقول مش هلاقي حد..
بس المرادي قولت لازم ادخل اقول ان واحشني الكلام هنا اوووي...وعارفه ان ماحدش هايجي يرد..بس يلا...الحمدلله :)

أنا دلوقتى معايا Getz واقدر اتكلم معاكوووووووو