رابطة الجيتزاويه

[mada_76]

بتحتاج تربيط علطول ولا بتحك منك فى المطبات

منا قولتلك قبل كدهالعربية دي مابتحكش في المطبات اطلاقا
انا اتحدى انها تحك
العربية عالية عن الارض جدا

[mada_76]

ايه ظروفها فى السرعات العالية انا بسافر كتييييييير وبجرى 140 يعنى - فانا عايز اعرف ثبات العربية ايه فى الطريق المستقيم والملفات ومطبات الهوا

:b4_564:

على 140 او اعلى كمان في الطرق المستقيمة مش هاتحس انك بتجري خالص .
وفي الملفات كويسة مش بتعوم .
مطبات الهوار مش ظريفة مع العربية دي . لانها بتنط .
انا مرة اخدت مطب هوا بس هو كان جامد شويتين حسيت ان انا اتحركت من على الكرسي .
لكن من فترة قريبة كنت بشد مع النترا عل الدائري وكوصلت لحد 195 وكانت العربية راسية وكويسة بس بصراحة مقدرتش اكمل لان بتاع الالنترا واضح ان قلبه جامد وانا بصراحة خوفت لان الدائري طريق وحش .
بس هو كان في ورايا طول الرحلة والله

[w_abedelhakim]

انا روحت عملت صيانة الالف يوم الجمعة كان ميعادي الساعة 10 وروحت الساعة 10 وكانت فرامل اليد ضعيفة ورشاش الازاز مش متظبط وبعدين روحت كارفور واستلمت العربية الساعة 2 ونصف وكان كل حاجة زي الفل ودفعت 243 جنية وحطيت زيت 10000 المرة الجاية هتبقي صيانة 5 الالاف ولا 10 الالاف

[ramylanos]

يا جماعه عايز اعرف ابعاد الجنط الي ينفع يركب علي الجيتز لو سمحتوا ؟؟

[Simple]

ممكن تدخل على اللنك ده و هو هيسعدك تختار مقس الجنط والكوتش

https://www.1010tires.com/TireSizeCalculator.asp

[mada_76]

انا روحت عملت صيانة الالف يوم الجمعة كان ميعادي الساعة 10 وروحت الساعة 10 وكانت فرامل اليد ضعيفة ورشاش الازاز مش متظبط وبعدين روحت كارفور واستلمت العربية الساعة 2 ونصف وكان كل حاجة زي الفل ودفعت 243 جنية وحطيت زيت 10000 المرة الجاية هتبقي صيانة 5 الالاف ولا 10 الالاف

كويس انك خلصتي بدري ويارب يبقى كده كل مرة .
بالنسبة للصيانات هما طبعا عايزينك تروحي كل 5000 كيلو وانا انصحك بكده برضه . عشان ماتروحش عليكي الفلوس . هما عملوا حركة صايعة اوي .
كان زمان كل صيانة ليها سعرها منفصل والواحد كان حر يروح الصيانة اللى هو عايزها . كانت كل صيانة تلكفتها 150 مصنعيات . راحوا خلوا صيانة العشرات بي 300 والخمسات مجانية ( ده بالنسبة للمصنعيات ) يعني صيانة 10000 وال 20000 وهكذا مصنعيتها 300 جنيه وال 5000 او 15000 او 25000 مصنعية مجانية فلازم تروحي عشان ماتروحش عليكي صيانة مجانية .
الفلوس اللى انتي دعتيها دي حساب الزيت والفلتر لان صيانة الالف الاولانيه من غير فلوس .

[w_abedelhakim]

اوكي انا هروح في 5000 كم بس هو هيعمل ايه انا غيرت زيت 10000 يعني مش هيغير زيت
ايه اللي بيعمله تاني

[w_abedelhakim]

انا روحت لابراهيم في شارع دمشق امبارح جبت شماسة كبس وراء وللاجناب جبت اللي بتطلع وتنزل مع الازاز
وعملت كار كير للعربية وكانت الصدمة
الانزار بتاع العربية باظ مش عارفة هو كان بيتلكك والا جت عليه ميه مش عارفة وايه الحل هل لازم اغيره في التوكيل ولا ممكن بره ومخرجش من الضمان

[mayoosh]

روحي عشم نوار اللي في شارع دمشق وهو يظبتلك الإنذار هو الإنذار والسنترال لوك بيبوظوا بسرعة كدة

[denden]

انا عرفت ان الجيتز مش هتنزل تاني بس مش عارفة ده يعتبر عيب يخليني مجبهاش و لا لا؟؟؟؟؟؟؟

[3alo2ah]

والله ياجماعه انا كنت عايز اغير الكاوتش عشان كده بقالو 3 سنين وعايز اعرف المقاس واحسن حاجه ممكن اجيبها مع الاسعار واكون شاكر جدا

[motarek]

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
مشرف 12 ب

[meiirmeiir21]

يا جماعة أنا عايز أعرف تكلفة أصلاح رفرف خلفي مخبوط في التوكيل بكام؟
العربية جيتز 2009 كحلي ميتاليك

[MEMES]

Your vehicle

Front tyre size*

Rear tyre size*

Getz. 1.6 Sport

195/50R15 88 H

195/50R15 88 H

ده افضل مقاس للجيتز بيزود الثبات ومش مؤثر على العفشه بس طبعا محتاج جنوط 15

[placebo_sh82]

انا خلاص باذن الله هحجزها ايه رايك ؟ادورعلى 2010 ولا استنى 2011 فى ناس بتقول خليك فى المتجرب ؟؟؟؟؟