باركوولي أخيراً جبت عربية جديدة (نيو اكسنت 2010)

[sherio]

الف الف الف الف مليووووووووووون مبروك يا رانا على العربيه
ربنا يديكى خيرها ويبعد عنك شرها و سواقين الميكروباصات ومطبات وبلاعات المحروسه
حقيقى فرحتلك اوى انك جبتى العربيه اللى كنتى عايزاها
خلى بالك منها ومن نفسك
ومعلش على الخربشه بس دى ضريبه الجديد
وبخصوص الابعاد انا رأيى انك تستنى شويه هتتعودى على ابعادها مش لازم تشوفى الكبوت خالص مشيها احساس
بجد انا فرحانالك جداااا والله يمكن قد ما فر حت بعربيتى
وشطوره انك هتطلعى جزء من الصدقه دلوقتى ومتستنيش لرمضان
وبصراحه انا بقترح انك تدخليه فى صدقه جاريه مثلا زى مستشفى سرطان الأطفال أو مشروع الصدقه الجاريه بتاع جمعية دار الأورمان
وربنا يباركلك فيها يا رب مره تانيه
والف مبرووووووووووووووووووووووووووووووك

[مصطفى مغربي]

على فكرة بند غرامة التأخير اتلغي خلاص في العقود الجديدة من اول شهر 7 وكان موجود بس في العقود القديمة اللي قبل شهر 7 - 2009

يعني دلوقتي مافيش مقابل تاخير في بنك أبو ظبي ....؟؟؟

لو الكلام ده صحيح اعتقد انه هايكون أفضل البنوك و لكن يعيبه قلة فروعه المنشرة

[نور القمر]

الف الف مبروك يا رنا ربنا يباركلك فيها و يديلك خيرها و يكفيكي شرها

عايزة فسحة بالعربيه الجديدة بقه

[yasserayad]

[marq="3;left;1;alternate"]الف الف مبروك ربنا يباركلك فيها و يديلك خيرها و يكفيكي شرها[/marq]

[R A N A]

الف الف الف الف مليووووووووووون مبروك يا رانا على العربيه
ربنا يديكى خيرها ويبعد عنك شرها و سواقين الميكروباصات ومطبات وبلاعات المحروسه
حقيقى فرحتلك اوى انك جبتى العربيه اللى كنتى عايزاها
خلى بالك منها ومن نفسك
ومعلش على الخربشه بس دى ضريبه الجديد
وبخصوص الابعاد انا رأيى انك تستنى شويه هتتعودى على ابعادها مش لازم تشوفى الكبوت خالص مشيها احساس
بجد انا فرحانالك جداااا والله يمكن قد ما فر حت بعربيتى
وشطوره انك هتطلعى جزء من الصدقه دلوقتى ومتستنيش لرمضان
وبصراحه انا بقترح انك تدخليه فى صدقه جاريه مثلا زى مستشفى سرطان الأطفال أو مشروع الصدقه الجاريه بتاع جمعية دار الأورمان
وربنا يباركلك فيها يا رب مره تانيه
والف مبرووووووووووووووووووووووووووووووك

الله يبارك فيكي ياشيري يارب
وبجد والله انا مبسوطة بمشاركتك دي اوي
بقالي كتير مش بشوفك اونلاين ابقي ادخلي اونلاين مرة من نفسي بقي عشان نرغي شوية سوا واحيكلك على المواقف اللي قابلتني بالعربية .
وفكرة التبرع للمستشفي دي فكرة حلوة ان شاء الله هاشوف هاعمل ايه.

يعني دلوقتي مافيش مقابل تاخير في بنك أبو ظبي ....؟؟؟

لو الكلام ده صحيح اعتقد انه هايكون أفضل البنوك و لكن يعيبه قلة فروعه المنشرة

ايوة اتلغت كان معايا نسخة من العقد القديم وكان فيه بند الغرامة 2% لكن العقد الجديد بتاعي مفيهوش بند الغرامة فسألت المندوب هو شكل العقد اتغير قاللي ايوة لاغينا فيه بند ! بقوله بند ايه؟ قاللي بند غرامة التأخير قلتله طب هايل جدا .
وعلى فكرة فروعه مش قليلة ولا حاجة ليهم فرع رئيسي في وسط البلد وليهم فرع في مصر الجديدة وفرع في السواح وفي فروع تانية بس مش فاكراها كلها.

الف الف مبروك يا رنا ربنا يباركلك فيها و يديلك خيرها و يكفيكي شرها

عايزة فسحة بالعربيه الجديدة بقه

الله يبارك فيكي يانور والله وحشتيني جدا ونفسي اشوفك بقالنا كتير ماتقابلناش
خلاص استغلها فرصة اشوفك وافسحك بالعربية زي ماقلتي
انتي اللي قلتي اهوه اما نشوف بقي هاتفضي امتى مستنية منك معاد بقي نتسفح فيه سوا بالنيو اكسنت .

[نور القمر]

ان شاء الله قريب يا رنا
نحاول نخرج قبل رمضان وياسلام لو رتبنا خروجة جماعية للبنات زي قبل كدة

[Samah AbdAllah]

ايه ده انتوا هتخرجوا من غيرى برده
هو انتوا مش هتيجوا اليكس ولا ايه الصيف جه اهوه
مستنياكى يا نور وهاتى رنا تجرب العربية الجديدة

[نور القمر]

انا جاية الاسبوع الجاي ان شاء الله يا بسكوتة
ياريت نعرف نتجمع هناك تبق فسحة جميلة

[Samah AbdAllah]

فى انتظارك ان شاء الله وربنا يسهل ورنا تيجى تجرب العربية فى السفر

[ابو حسين]

الف مبروك يا رنا ربنا يباركلك فيها و يديلك خيرها و يكفيكي شرها

[ashouhdy]

غريبة اوى
يا جماعة معنى بيع عربية بالتقسيط من خلال اى بنك
هو معنى واحد
ان البنك بيشترى العربية من المعرض كاش و يرجع يقسطهالك !!!
و دة اللى حصل معايا فى كريدى اجريكول
دفعت انا جزء مقدم و هو قسطلى الباقى ع 5 سنين بفايدة ثابتة 9.5%

و حاجة تانية جاتلى فترة سافرت فيها 5 شهور من غير ما ادفع القسط ولا حاجة حصلت
لا غرامة تأخير و ولا حتى بعتوا ورقة
فى الstatment اللى بتيجى كل شهر اتكتبلى عدد الاقساط الغير مدفوعة بالسالب و مفيش غرامة ولا حاجة

حد يفهمنى بقى البنوك-- الاسلامية-- دى بتعمل اية زيادة عن البنك دة !!!!!!!!!!!!!!!!!!!
!!!!!!!!!!!!!!!!!!!!!!!! عشان تبقى اسلامية !

[OlaOsman]

مبرووووووووووووووك عليكي الأكسنت يا رانيا.

الحمد لله ان ربنا يسر لك فيها. ده انا لسه مكلماكي الإسبوع اللي فات قلتي لي ان الموضوع متعقد. ربك لما بيريد بشئ بييسر له كل شئ

ربنا يبارك لك فيها يا رب و يديكي خيرها و يكفيكي شرها يارب.

[mazda323]

الف مبروك عليكي العربية الجديدة وربنا يديكي خيرها ويكفيكي شر طريقها وشر عيون الناس

[R A N A]

ان شاء الله قريب يا رنا
نحاول نخرج قبل رمضان وياسلام لو رتبنا خروجة جماعية للبنات زي قبل كدة

والله انا بجد نفسي اشوفكوا فعلاً وياريت لو نرتب خروجة للبنات تاني

ايه ده انتوا هتخرجوا من غيرى برده
هو انتوا مش هتيجوا اليكس ولا ايه الصيف جه اهوه
مستنياكى يا نور وهاتى رنا تجرب العربية الجديدة

احنا منقدرش نخرج من غيرك شوفي انتي نازلة القاهرة امتي واحنا نستناكي .
والله انا نفسي اجي اسكندرية فعلاً لاني بحبها جدا بس لسة الدنيا في البيت عندي مش واضحة ومش باينلنا مصيف السنة دي اصلاً .
للأسف بابا إتأخر في حجز المصيف ولما راح لقى الحجز خلص لإن الناس كلها عايزة تلحق تطلع قبل رمضان.
بس ان شاء الله بفكر اروح الساحل يومين تلاتة كده انا وماما ان شاء الله قريب (بس لسة بحاول اشوف الموضوع هايمشي ازاي وهاندبر مكان فين وكده) لو قررنا اكيد هابلغك عشان اشوفك.
وميرسي جدا على ذوقك ودعوتك ليا .

[R A N A]

مبرووووووووووووووك عليكي الأكسنت يا رانيا.

الحمد لله ان ربنا يسر لك فيها. ده انا لسه مكلماكي الإسبوع اللي فات قلتي لي ان الموضوع متعقد. ربك لما بيريد بشئ بييسر له كل شئ

ربنا يبارك لك فيها يا رب و يديكي خيرها و يكفيكي شرها يارب.

الله يبارك فيكي يا علا

ماهو تاني يوم ماكلمتك بقي لما كنت بفكر افركش الموضوع زي ماقلتلك لاقيت اتنين من الموزعين اللي سألت عندهم بيقولولي العربية موجودة وجاهزة وتعالي استلمي والحمد لله ربنا يسّر في الاجراءات والامور مشيت بشكل كويس والحمد لله.