باركوولي أخيراً جبت عربية جديدة (نيو اكسنت 2010)

[أبومعاذ]

ألف مبروك العربية
ربنا يديلك خيرها و يكفيكي شرها
بخصوص التليين شوفي هما كاتبين ايه في المانيوال بتاع العربية و امشي على الكلام اللي هما كاتبينه لان اللي عاملين العربية ادرى بيها

[sameh_egy1]

ربنا يباركلك ونسأله خيرها و يكفيكي شرها ... الف مبروووك

ناوي عليها الشهر اللي جي بإذن الله بس ايه اخبارها معاكي !.؟ وايه رأيك فيها ؟

[R A N A]

ربنا يباركلك ونسأله خيرها و يكفيكي شرها ... الف مبروووك

ناوي عليها الشهر اللي جي بإذن الله بس ايه اخبارها معاكي !.؟ وايه رأيك فيها ؟

الله يبارك فيك وعقبال ماتجيبها ان شاء الله

بص هي العربية جميلة بسم الله ماشاء الله وناعمة جدا وبتجري جامد (وده ساعات بيخليني اتهور واجري بسرعة رغم اني المفروض امشي بهدوء في فترة التليين دي لكن في مواقف لازم اعمل فيها كده عشان اطلع من الزحمة )
انا لسة مشوفتش عيوب جوهرية لحد دلوقتي
هو بس انا لاحظت ان الموتور صوته عالي شوية خصوصاً لما بشغل التكييف بس سمعت ان ده طبيعي في فترة التليين وبردة زي اي عربية تانية ادائها بيتأثر بالتكييف شوية بسيطة فبتحس انها مش بتجري جامد زي لو مش مشغل التكييف (طبعا بتحس انها بتطير).
وكمان الفتيس في الاول كان ناعم اوي دلوقتي تقل سنّة بس برده في ناس بتقول كل ده عادي في فترة التليين وبعد كده كله بيتظبط.
العربية ارتفاعها عن الارض كويس والحمد لله
اصل انا بعدي على شوية مطبات تقطم اجدع عربية لكن لما باخد المطب براحة مبحسش بأي شئ في العربية.
التكييف انا مكنتش عايزة اشغله خالص الفترة دي لكني ساعات الجو بيجبرني اني اشغله بس بشغله على 1 بيكون معقول وشوية وبحس ان الجو بقي حلو جدا جوا العربية ولو عليته ممكن ابرد كمان.
الكاسيت صوته حلو والفرش بتاعها جميل وقعدتها مريحة جدا.
بالنسبة للعفشة الناشفة انا مش حاسة بالموضوع ده خالص لحد دلوقتي يمكن بس لما بمشي في شارع مكسر بسمع شوية اصوات لكن ده طبيعي لكن مش بحس بتكسير في الظهر ولا بكل طوبة زي مافي ناس بتقول .
انا لحد دلوقتي العربية راضياني ومش شايفة فيها مشاكل قوية.
لكني برده لسة ممشيتش بيها غير 350 كيلو بس ودول طبعا مش كفاية للحكم على اداء العربية عموما
لما اعمل صيانة الالف ان شاء الله اقولكم ايه الاخبار .

[نور القمر]

قولي ماشاء الله يا رنا ديما وانتي بتتكلمي على العربية مايحسد المال الا اصحابه
ربنا يبارك لك فيها يارب

[مصطفى مغربي]

غريبة اوى
يا جماعة معنى بيع عربية بالتقسيط من خلال اى بنك
هو معنى واحد
ان البنك بيشترى العربية من المعرض كاش و يرجع يقسطهالك !!!
و دة اللى حصل معايا فى كريدى اجريكول
دفعت انا جزء مقدم و هو قسطلى الباقى ع 5 سنين بفايدة ثابتة 9.5%

و حاجة تانية جاتلى فترة سافرت فيها 5 شهور من غير ما ادفع القسط ولا حاجة حصلت
لا غرامة تأخير و ولا حتى بعتوا ورقة
فى الstatment اللى بتيجى كل شهر اتكتبلى عدد الاقساط الغير مدفوعة بالسالب و مفيش غرامة ولا حاجة

حد يفهمنى بقى البنوك-- الاسلامية-- دى بتعمل اية زيادة عن البنك دة !!!!!!!!!!!!!!!!!!!
!!!!!!!!!!!!!!!!!!!!!!!! عشان تبقى اسلامية !

هو الأختلاف في الاجراءت بس احنا بناخد بالاحوط و بنعمل اللي نشوفه يرضي ربنا و ان كان في شبهات فعلى البنك تحملها و الله اعلم

[wahba87]

الف مبروك , ربنا يديكى خيرها و يكفيكى شرها

[age4u]

مبروك
رزقك الله خيرها وخير وا فيها
وأبعد عنك شرها وشر ما فيها

[Hassan Khalil]

ما شاء الله لا قوة الا بالله
1600 مبروك يا رانيا
ربنا يرزقك خيرهاو خير ما هو لها .. و يعيذك من شرها و شر ما هو لها
خدي بالك منها و حافظي عليها حتلاقيها تحت امرك علي طول
و خدي بالك منها في الشوارع الضيقة علشان العربية ودانها طويلة حبتين اكتر من باقي العربيات ( المرايات يعني )
و الف مبروك

[R A N A]

ما شاء الله لا قوة الا بالله
1600 مبروك يا رانيا
ربنا يرزقك خيرهاو خير ما هو لها .. و يعيذك من شرها و شر ما هو لها
خدي بالك منها و حافظي عليها حتلاقيها تحت امرك علي طول
و خدي بالك منها في الشوارع الضيقة علشان العربية ودانها طويلة حبتين اكتر من باقي العربيات ( المرايات يعني )
و الف مبروك

الله يبارك فيك ياحسن
انا بحاول احافظ عليها رغم ان اسلوب سواقتي عنيف شوية لكن ربنا يقدرني بقي واحافظ عليه.
انا لاحظت فعلا ان مراياتها كبيرة اوي عاملة زي مرايات النص نقل وفعلا بلاقي ناس بتخبطلي المرايا ووتعوجها او تقفلهالي وياريتهم بقي يخلوا عندهم دم ويعدلوها تاني لا بضطر اقف عشان اعدلها تاني

[SheNo0o]

بغد كل الي سمعته منكم بجد اقنعتوني بالقسط وانه حلو بس ممكن اطلب منك حد مجرب يقولي ايه مشكلته

او المشاكل الي ممكن تحصل مع البنك مثلا وهكذا

وقبل كل ده اباركلك يا قمر واقولك الف الف الف ومليون مبروك عالعربيه الجديده وربنا يديكي خيرها ويكفيكي شرها

يارب مش كلام بدعيلك من كل قلبي حاسس موضوع الخربشه الي فاول يوم ده

[R A N A]

بغد كل الي سمعته منكم بجد اقنعتوني بالقسط وانه حلو بس ممكن اطلب منك حد مجرب يقولي ايه مشكلته

او المشاكل الي ممكن تحصل مع البنك مثلا وهكذا

وقبل كل ده اباركلك يا قمر واقولك الف الف الف ومليون مبروك عالعربيه الجديده وربنا يديكي خيرها ويكفيكي شرها

يارب مش كلام بدعيلك من كل قلبي حاسس موضوع الخربشه الي فاول يوم ده

الله يبارك فيك وميرسي على كلامك واهتمامك
اما موضوع الخربشة فالحمد لله لسة واخدة خربوش تاني امبارح في الاكصدام برده (مش عارفة ايه حكاية الاكصدام الخلفي معايا ) بس يالا مش مشكلة ربنا يستر وتيجي على أد كده وميحصلهاش حاجة تاني لحسن كل خربوش فيها بينكد عليا اليوم كله .
بالنسبة للمشاكل مع البنك انا لسة دي اول تجربة ليا في موضوع التقسيط ولسة حتى مدفعتش اول قسط والحمد لله مواجهتش مشاكل وإن شاء الله ربنا يسهل واكمل اقساطها من غير مشاكل عشان كده مش هاقدر افيد حضرتك غير في الاجراءات اللي انا مريت بيها وانا بشتري العربية ودي ذكرتها كلها في ردودي.
ولو في اي استفسار تاني انا تحت امرك و إن شاء الله ربنا يقدرني واقدر افيد أعضاء المنتدي في اي شئ .

[omarmakeen]

1000 مبروك على العربية
انا كمان اشتريت نيواكسنت مع البنك الوطنى للتنمية بس كنت عاوز اسأل حضرتك سؤالين مهمين جدا
1- حضرتك لما مضيتى الشيكات استلمتى بقية الدفتر بتاع الشيكات؟
2- انا مضيت على نسخة وحدة من العقد واخد منها صورة مش اصل حصل كدة مع حضرتك بردة ؟

اسف على الاطالة بس اجابة حضرتك مهمة جدا جدا بالنسبالى

[hemahema]

الف مبروك يا رنا على العربية الجديدة وربنا يكفيكى شرها وربنا يزيح عنك الهم
على فكرة انا زييك كنت بمر بظروف صعبة وكنت فاكر انى لما هاستلم عربيتى الجديدة نيو اكسنت فضى هاتنسينى همى لكن دة للاسف ما حصلش والهم افرج هم المكروبين
كنت عايز اعرف من حضرتك استلمتى اية مع العربية انا استلمت الكتالوج والضمان والكوريك وملف العجل ومسمار الجر
ياترى دة الى استلمتية ولا فى حاجة تانية
ومرة تانية الف مبروك واسف على الازعاج

[gbeshay]

الف مبروك يا رنا

الف مبروك يا رنا وربنا يبريكليك فيها بجد انا برضوا معايا النيو اكسنت 2010 بس السقا موتورز الي في شارع السبق طلع عين اهلي فيها و في الاخر عملت معاهم مشكله و اخدت فلوس الحجز معملتهم زي الزفت بجد عالم معندهش دم بس اشكري ربنا ان حظك حلو معاهم قعدو يمطلو معايا في التسليم شهر و تالات اسابيع

تقريبا 50 يوم وكل يوم يقولولي هتستلم بكره
بعد كده سحبت منهم المقدم و جبتها من معرض تاني في خلال 3 أيام بالظبط عادي بقي كل تاخيره و فيها خيره



بالنسبه للاخ hemahema انت نسيت اهم حاجه بس اكيد انت نسيت تقولها الاستبن طبعاً وفي حاجه مهمه جده للنيو اكسنت وصله الكاسيتانا متمرمط عليها

وفي برضه الاريال بتاع الراديو لو في حاجه مختهاش فيهم روح المكان الي اشتريت منهم و خدها

و ربنا يبريكلك فيها يا باشا بجد و 1000 مبروك

[مصطفى مغربي]

بالنسبة للمشاكل مع البنك انا لسة دي اول تجربة ليا في موضوع التقسيط ولسة حتى مدفعتش اول قسط والحمد لله مواجهتش مشاكل

هو أول قسط بيتدفع بعد كام شهر من استلام العربية ؟؟؟؟

وهل في امكانية تاجيل أول قسط بعد 3 أو 4 شهور ؟؟؟