هل جودة سيارات هيونداي وصلت لمستوى جودة السيارات اليابانية؟

[tarekabosdera]

من التجربة أستطيع أن أقول أن الياباني بشكل عام مازال أفضل من الكوري و الكوري أفضل من التقفيل المصري

الموضوع بيتكلم عن هيونداي فقط وليس الكوري بشكل عام.

الشركة الكورية الوحيدة اللي ممكن تناطح اليابان هي هيونداي مع احترامي للشركات الكورية الاخرى.....

[tarekabosdera]

احنا بنتكلم عن هيونداي فقط مش الكوري بشكل عام.

انا اعتقد ان الشركة الكورية الوحيدة التي تناطح اليابان هي هيونداي مع احترامي لباقي الشركات الكورية الاخرى........

[mazda323]

عالميا كمبيعات و تقارير جودة في مستوي شركات الصف التاني اليابانية و يمكن اعلي


مازدا - ميتسوبيشي - سوزوكي - ديهاتسو

لكن شركات الصف الأول

تويوتا و هوندا

دوول بره بيعتبروهم حاجة تانية

لكن هيونداي - كيا بيحاولوا و حطينهم نصب اعينهم

محليا معرفشي لأني مجربتش كل العربيات الهيونداي و كل العربيات الياباني

الاخ الكريم ممكن سؤال مين قال لحضرتك ان المازدا شركات صف تاني ياباني على أي أساس حكمت على المازدا بالتصنيف ده؟ المازدا في التسعينات وكان معاها شركتين تانيين كانوا يسموهم مثلث الرعب الياباني هل تعتقد الهيونداي أفضل من المازدا اعتقد الكلام ده خطأ كبييييييير قارن المكونات للسيارتين وأكاد أجزم لا وجه للمقارنة المازدا جودة وعمر طويل ومكونات راقية لن تصل إليها هيونداي والكلام عن تجارب لمدة تزيد عن 30 عام باستخدام مازد1 929 وغيرها من المازدات، ثم المازدا تحطوها مع صف السوزوكى والدايهاتسو ايه الكلام ده كلام يعقل ودمتم سالمين تقبل مروري تامر عاشق المازدا.....

[tarekabosdera]

الموضوع بيتكلم عن هيونداي فقط وليس الكوري بشكل عام.

انا اعتقد ان هيونداي الوحيدة اللي ارتقت لمستوى الياباني من الشركات الكورية مع احترامي لباقي الشركات الكورية.

[tarekabosdera]

آسف على التكرار السابق بس كان في خلل في المنتدى.

[ahmedbakr50]

بالنسبة لقطع الغيار انا شايف هيونداى أرخص بكتير من اليابنى

[m7mda7md]

فيرنا فيرنا فيرنا حتي الموت

[tarekabosdera]

قطع غيار هيونداي معمرة ورخيصة ومتوفرة في كل مكان.

[inspiron]

وجهة نظر متواضعة..بناءً علي امتلاكي تويوتا كورولا 2013 كذا شهر أقدر اديها تقييم 6/10 مش هقول يعني انها اسوأ عربية ركبتها..وللناس اللي هتسأل التقييم ده بناءً علي ايه...

1- فرامل رايحة في داهية.وتسببت في حادثة علي سرعة 60 ظبطت وش العربية !!!
2- صاج ورق زبدة بمعني الكلمة..ولا الاكصدامات..محشية فلين أبيض .. في الوقت اللي اكصدام الأوكتافيا جواه كوابيل حديد !!
3- صالون ضيق.
4- فقر كماليات مش طبيعي علي عربية سعرها 165 الف جنيه !!!!!!!!!!!!!!!!!!!
5- تكنولوجي عقيم وقديم.
6- المساعد الخلفي ضعيف ضعف السنين ومش بيستحمل الحمولة العالية.

المزايا..
1- عفشة حرييييييير جوة البلد...ناشفة علي السرعات العالية بشكل ملحوظ.
2- ثبات حلو لحد 140 بعد كده انسي لأن الدركسيون مفيهوش dead angel وبيروح ويجي في ايدك في النقر والمطبات.
3- نعومة وعزل لا فعلا جميييييل جدا وبرافو تويوتا
4- خامات الصالون جيدة جدا مش ممتازة
5- بتنزل بكاوتش محترم جدا دانلوب.
6- تكييف قوي جدا في الصيف.

تقييمي ده ينطبق علي نظيرتها النترا ولكن في رأيي النترا تتفوق عليها في نقطة التكنولوجي والكماليات وسعر قطع الغيار

[drcobra]

كله بتمنة
اليابانى لسة اغلى ولسة افضل

كوريا مش عايزة توصل لليابان علشان التكلفة
كل واحد بيخدم فئة سعر ية وبينافس فيها

الانسر تقريبا زى الكورى وسعر قريب

[toty_305]

-لا لسه الكوري محتاج شغل شوية عشان يبقى زي الياباني خصوصا في الموديلات العالية اللي مش في مصر.

[msobhy]

وجهة نظرى الشخصيه ان الفارق بسيط
اكبر دليل على كده ان زمان الناس كانت بتغير من كورى الى يابانى لما تحب upgrade لكن دلوقتى نادرا ما شوفت حد طلع من كورى أو هيونداى بشكل خاص ليابانى - كله بيتجه للأوروبى - وفعلا الفرق ملحوظ جدااااااااااااااااااااااااااااااااااااااااااااا

[Sherif Mandoor]

السيارات الكورى وصلت طبعا لجوده البابانى وشكل احسن

[blazer]

فيه حاجات هيونداى وكيا على اعتبارهم شركه واحده بقوا بينافسوا فيها وهى الكماليات و الشكل الحديث مثلا
بس برده لحد دلوقتى بحس ان العمر الافتراضى لمكوانات العربيه اليابانى اكبر من نظيراتها الكورى
يعنى العمر الافتراضى لكمبروسر التكيف ,, الدينامو , البلى الى فى العربيه و الاويل يل بتاع الماتور بحسه فى الكورى الحاجات دى بتودع بدرى عكس اليابانى

[bebo_mody_244]

مفيش مقارنة اصلا اليبانى افضل بمية مرة انا عندى لانسر شارك و هيونداى جيتز من ناحية قوة الماتور و التكييف ماعتقدش ان فى اختلاف كبير بس بصفة عامة اليباني احسن من الكورى بكتير جداااا