هل جودة سيارات هيونداي وصلت لمستوى جودة السيارات اليابانية؟

[drcobra]

الكورى مش عايز يوصل لليابانى
ودى سياسه ترويجيه

ل واحد بيخدم شريحه معينه وبيلعب عليها

الاكثر شعبيه فى هيونداى هى النترا واول اوتو 150 الف
الاكثر شعبيه فى تويوتا هى كورولا واول فئه اوتو 180 الف
فرق 30000

الكسنت اول فئه اوتو 125 الف
الياريس اول فئه اوتو 145 الف
فرق 20000

يعنى لو هيونداى صرفت اكتر على عربياتها ووصلتها لليابانى هتغلى تمن العربيه وتوصل لسعر اليابانى

[soltanfriend]

والله انا شايف ان الهيونداى تفوقت جامد بس خارج مصر احنا هنا فى مصر العربيات الهيونداى التجميع الكورى قليلة جدا والعالية الجودة لا تصل الاسواق المصرية يعنى لو جبت واحد بيركب يابانى فى اعلى الفئات وركبته جينسس ولا حتى سوناتا الجديدة هايدوخ من اللى ها يشوفه بس عربية زي السوناتا فى الامارات ب120 الف درهم اعلى فئة احنا هنا بتبدأ من 700 وشوية يعنى اللى احنا بنركبة اقل حاجه فى هيونداى او بعنى اصح العربيات الاقتصادية الرخيصه للشركة

[hrman]

لا ترتقى سيارات الكوريه الجوده التى عليها السيارات اليابنيه مع احترامى لكل من يمتلك الكورى وانا منهم

[BANNAZ11]

رايي المتواضع ان موضوع الكورى واليابانى والالمانى والامريكى موضوع انتهى من زمان ...زي الفراعنه....ولا الكورى هيوقف تطور ولا اليابانى هيوقف تطور ...البى ام دبليو المانى وفيه منها مشاكل كتير وبتتقفل فى مصر ....انا ليا انى اشترى عربيه فيها كل الكماليات وكل وسائل الامان فقط ...اليابانى والكورى وكل اغلب العربيات بقت فيبر ..علشان يرخصوا سعرها ...اليابانى بيعطل وبيتكسر وبيحصله كل حاجه ...وزيه تماما الكورى ...فبلاش نغمه يابانى وكورى ..احترامى ليكم واعتذر لو خرجت قليلا عن الموضوع

[AHMEDJUDDY]

مع كل احترامي للكوري مستحيل توصل للجوده الياباني
وخصوصا في مصر
غبور بيجيب في مصر العربيات الدرجه الثالثه من كوريا
اللي بيبقي فيها عيوب صناعه . ده غير انه بيركب كومبروسور التكييف والكاسيت والسنتر و الانذار في مصر
.. والله مفيش ضمير . ده غير قطع الغيار الاصلي في التوكيل درجه 10 . والكلام ده عن تجربه شخصيه
مش سمعت من حد . خدمه مركز ابو رواش ازبل من الزباله . اعمل صيانه ال10000ك العاديه اقعد من الساعه 8 الصبح وكنت اول واحد العربيه تخلص الساعه 4 وشويه . ليه بيعملوا فيها ايه؟

[elenawy]

شوف الجودة عالية جدا و ممتازة لكن لحد دلوقتى لما اجى اقفل باب الكورولا الجديدة و باب الالنترا بحس بفرق اليابانى عن الكورى
مع ان الاتنين حيخدموك حلو اوى و الكورى مش حيفتح بقة قبل 5 سنين على الاقل انشاالله (ربنا يستر!)
لسة برضة مازلت بحس اليابانى انعم من ناحية الموتور و عزل الصوت
ع فكرة كل كلامى على التويوتا
لكن الانسر و ميتسوبيشى عامة مش بحس بفرق كبير
و ارجو كلامنا يكون خفيف على بعض الناس :)))))))))))))))

على فكره ابواب التويوتا ياريس و كورولا ورق بمعنى الكلمه و تحس انه بيترج و هيتكسر فى ايدك عكس الكيا او الهيونداى تحس ان الباب محمل وقوى و بعدين شوفو اختبار تصادم الكامرى .
انا عن نفسى رايى هما الاتنين نفس المستوى لكن الالمانى يكسبهم طبعا و الالمانى لا يعلى عليه
لكن مش معنى كلامى ان الكورى زى اليابانى لا انا اقصد الكورى زى بعض اليابانى مثل التويوتا
لكن مثلا الدايهاتسو و السوزوكى و المتسوبيشىى احسن من الكورى بكتير جدا

[meka1990]

مشكله الكوري في اللي بينزلنا مصر , الفيلوستر مثلا بتنزل في امريكا 1600 تريو 201 حصان (اعلي من الميني كوبر ال s 184 حصان ) ده غير الفتيس الدوال لوجيك السبع سرعات (حاجه زي ال dsg بتاع فولكس بس مفوش مشاكل) و السماعات البييتس اللي بتنزل في العربيه يعني كلام تاني خالص لاكن مصر اللي بينزل فيها ده اي كلام