تشترى تويوتا كرولا يابانى اغلى من ج افريقى بفارق سعر

[hero]

انا ممكن اشتري الكورولا الياباني الخليجي المزعومة دي في حالة واحدة فقط....
لو سعرها اقل من الجنوب افريقي...بما لا يقل عن 50 الف جنية.....!!!!!

يادوبك....فرق تكنولوجيا المواتير والفتيس الجديد....+ ضمان 3 سنين او 100 الف كم...غير كدة الجنوب افريقي هي الاختيار الرابح بلا منافسة....

[د-احمد عبد اللطيف]

السوق المصري للسيارات هو سوق غير كل اسواق العالم حكاية ياباني دي لا احد يهتم بها على الاطلاق في امريكا مع العلم ان الاشراف في المصانع ياباني, المشتري تحكمه الجوده الخدمه والسعر وكل هذه المعايير في صالح التويوتا وطبعا الهوندا ولذلك فهما ملوك السوق الامريكي اكبر اسواق العالم

وانا اتفق مع الاخ ان اللانسر دي ظاهره مصريه المتسوبيشي عموما فاشل في امريكا

[AOMARA]

السلام عليكم
أولاً أحب أوضح أني لسا مشتري كورولا 2008 1600 أوتوماتيك جنوب أفريقي بضمان الوكيل بس العاديه مش الأدفانسيد.
ثانياً خلاصه اللف و الدوران و المرواح يمين و شمال و مقارنة العربيات على النت و خلافه، لقيت الأتي:

1) شكراً لنايل موتورز لأني أستفدت من أراء الناس فيه بشكل كبير

2) بالنسبه للسوق، طبعاً السوق في مصر حكايه كبيره بيسيطر عليه الأستغلال و بس بدليل أنه كان من الواضح أن في تواطؤ بين الوكيل و موزعينه علشان يزودا سعر العربيه 10000 جنيه،- العربيه ثمنها 135000 في التوكيل و الحجز كمان مقفول و تلاقيها عند الموزعيين أزيد 10000 للتسليم الفوري - و يقلك لو عايز لون مش موجود عنده تصبر أسبوع و لا 10 أيام وأجيبهالك من الدفعه الجديده، يعتي في دفعات داخله السوق عن طريق الوكيل، بدليل الضمان من الوكيل نفسه على الدفعات دي.
يعني في دفعات دخله السوق عن طريق الوكيل و بتتباع بسعر أعلى و الوكيل قافل الحجز.؟؟؟؟؟!!!!!!!

3) الوكيل بالرغم من إلى عمله في الجرايد و الزياره بتاعت مصنع جنوب أفريقيا، نزل الكورولا الياباني بضمانه بس ب 165000 ؟!!!!!

4) أنا شخصيا لاقيت بعد المقارنه بين الجنوب أفريقي و الياباني أن الجنوب أفريقي تكسب بدليل المتور الجديد فيها، أما الياباني فما هي إلى (على رأي الموزع إلى بعلي) كورولا 2007 بس في شكل جديد.
كمان الفتيس الجديد MMT حسب ما بيتقال في موقع جنوب أفريقيا أن أستهلاك السباره إلى فيها الفتيس دا أقل من أستهلاك السياره إلى فيها فتيس عادي و دي سابقه بحاول أتأكد منها إلى الأن.
أني عارف زي كل الناس أن السياره بالفتيس الأوتوماتيك بتستهلك بنزين أكتر من العادي.

5) على موقع كورولا يوروب
http://www.toyota-europe.com/about/news_and_events/helsinki_corolla_2007.aspx
تجده بيقلك "Production of the 10th generation Corolla for Europe will be based in Japan at the Takaoka plant and the car will go on sale in Europe as of February 2007"
يعني الكورولا 2008 المصدره لأوروبا يتتصنع في اليابان مش في جنوب أفريقيا،و أوروبا بتغطي طبعا كلاً من النمسا والنرويج والدنمارك وأسبانيا وغيرهم و دا للأثبات الحقيقه فقط و لازلت مقتنع بالجنوب أفريقي و أنها تصنيع كويس بدليل أني أشتريتها.

6) لو هانقارن بين الكورولا الجنوب أفريقي 1600 البروفيشينال و الأدفانسيد تجد الفرق 20000 جنيه و لا يعكس أطلاقاً قيمة الأضافات الموجوده في الأدفانسيد و ستثبت الأيام لاحقاٌ ذلك عند البيع في سوق المستعمل أن الفرق بينهم لن يكون كبيراً بل ربما تكون الأدفانسيد أقل في السعر لكثرة مشاكل هاذه الأضافات.

7) أخيراًوأسف لو دا بره الموضوع بس بعد المقارنه بين كلاً من الكورولا 2008 و السيفيك 2008 و التيدا 2008 و اللانسر 2008 شكل قديم و شكل جديد و جدت الأتي:

1/ نظراً لأننا داخلين على أزمة بترول فإن الكورولا تكسب
2/بالنسبه لقطع الغيار وأسعارها، الكورولا برده تكسب بالرغم من أني مقتنع بالعمر الطويل لقطع غيار السيفيك حتى ولو سعرها غالي
3/ القيمه السوقيه والسعر عند البيع كمستعمل و سرعة البيع، الكورولا بردوا

و شكرا

[AOMARA]

أرجوا أن أكون وضحت في مداخلتي السابقه بعد الحقائق إلى أكتشفتها في رحلة شرائي للسياره و للعلم أحترم كل الأراء المطروحه

[mazen86]

أرجوا أن أكون وضحت في مداخلتي السابقه بعد الحقائق إلى أكتشفتها في رحلة شرائي للسياره و للعلم أحترم كل الأراء المطروحه

مبرووك لحضرتك انا في انتظار صور السايارة من الداخل والخارج والتقييم

شكرا لحضرتك

وربنا يديك خيرها ويكفيك شرها

[esssammm]

موتور وفتيس كورولا 2008

أنا حبيت أرد على الدعايات اللي شغاله في الجرايد عن كورولا جنوب أفريقي هو مش ربنا عرفوه بالعقل مدام زي ما بيقولوا إن الماتور والفتيس بييجوا مقفلين من اليابان طيب اليابان محطتهمش في عربياتها ليه ماتور الياباني مختلف وفتيس الياباني مختلف بلإضافه إلى إن المواصفات الخليجيه أعلى من المصريه بخصوص دورة تبريد المحرك وبرودة المكيف لان الحراره في الخليج بتوصل مرات ل 55 درجه ورغم كده تلاقي المكيف ثلاجه وعداد الحراره فوق الربع وكمان في ميزتين في الخليجي وهي معالجة الصاج ضد الصدأ والبارومه ونوعية الدهان بتكون ذات مواصفات خاصه تلائم أجواء الخليج علشان كدا اليابان وجهة كل إنتاجها للخليج فقط لإن الكورولا والكريسيدا واللاند كروزر هما إللي عملوا إسم تويوتا في الخليج .

[AOMARA]

أرسل أصلا بواسطة mazen86
مبرووك لحضرتك انا في انتظار صور السايارة من الداخل والخارج والتقييم

إن شاء الله أول ما تسمح الفرصه

[Ramy.Gamal]

عاوز اعرف ليه توكيل تويوتا اختار انه يجيب لنا كورولا من جنوب افريقيا بالذات مع ان فيه مصانع كتير بتصنع كورولا زى استراليا ودة اكبر من مصنع جنوب افريقيا وكذلك مصنع الصين والولايات المتحددة وكان نفسى اعرف رأيكم جدا فى حكايه هل شركه تويوتا فى اليابان اللى قالتله متخدش كورولا يابانى ولا التوكيل اللى حب يغير من العربيه وقال ان الجنوب افريقى كمالياتها اعلى من اليابانى وكمان ليه فى السعودية والامارات وقطر عندهم اليابانى هل لانهم مش مقتنعين باى تويوتا مش يابانى و خلى بالك السوق الاوروبى اهم حاجة عنده السيارات الاوروبيه و مش فارق معاه يجيله كورولا من اليابان ولا من المريخ لانه مش سوق مستهدف للسيارات اليابانى انما فى الشرق الاوسط وخصوصا دول الخليج ومصر اعلى مبيعات وانتشار هى العربيات اليابانى فيفرق معانا انما مثلا لو نزلتلك الفاروميو من مصنع بوليفيا او استون مارتن من مصنع الجابون مش هيفرق معاك

[شاهين - بنز]

الجنوب أفريقي يتفوق في المميزات والمتور والتابلوه عن اليباني بفرق كبير يعني حتى لو فرضنا إن الجنوب أفريقي زيادة عن الياباني ب 10 آلاف برضوا حجيب الجنوب أفريقي
لكن طبعا اليباني أغلى يعني أكيد إختياري الجنوب أفريقي

[Sharky]

الكرولا الجنوب أفريقى يا جماعة فيها نتشة فى الفتيس الستيب ترونيك و دى مزعجة جدا من تجربة زميلنا فى المنتدى أحمد سامى .

[abo samra]

طب ما هى الاوكتافيا a5 فيها نتشه
والبيجو 307
وعربيات كتير على فكره

[Sharky]

طب ما هى الاوكتافيا a5 فيها نتشه
والبيجو 307
وعربيات كتير على فكره

كلام مظبوط
و هو دا إللى كان بيقولوا عليه عيب فى فتيس الميجان !!

بس الفرق فى الكرولا إن النتشة مزعجة جدا عكس بقية العربيات التانية

[abo samra]

لا لا مش مزعجة ولا حاجه واقل من عاديه كمان
ممكن اعرف مين اللى قال مزعجه ؟؟؟؟؟؟؟
اعتقد ان نتشه الاوبل هيا اللى مزعجه شويه

[limo]

ايام ما كنت بفكر اشترى كورولا سمت فعلا من كذا واحد ان فتيس الكورولا الجديده مش ناعم زى القديمه كمان لازم اشيل زجلى من على البنزين علشان العربيه تنقل لاعلى- بس انا اعتقد ان تويوتا مش هتنزل فتيس فيه عيب صناعه واضح فى كل العربيات
بس الفكره بقى يا حلو لو الفتيس ده حصل له حاجه فى المستقبل هل ممكن يتصلح زى الفتيس العادى ؟

[Sharky]

لا لا مش مزعجة ولا حاجه واقل من عاديه كمان
ممكن اعرف مين اللى قال مزعجه ؟؟؟؟؟؟؟
اعتقد ان نتشه الاوبل هيا اللى مزعجه شويه

دا من تجربة زميل لينا فى المنتدى و دا اللينك

http://www.nilemotors.net/Nile/showthread.php?t=21569