تشترى تويوتا كرولا يابانى اغلى من ج افريقى بفارق سعر

[emadno1]

السلام عليكم
أولاً أحب أوضح أني لسا مشتري كورولا 2008 1600 أوتوماتيك جنوب أفريقي بضمان الوكيل بس العاديه مش الأدفانسيد.
ثانياً خلاصه اللف و الدوران و المرواح يمين و شمال و مقارنة العربيات على النت و خلافه، لقيت الأتي:

1) شكراً لنايل موتورز لأني أستفدت من أراء الناس فيه بشكل كبير

2) بالنسبه للسوق، طبعاً السوق في مصر حكايه كبيره بيسيطر عليه الأستغلال و بس بدليل أنه كان من الواضح أن في تواطؤ بين الوكيل و موزعينه علشان يزودا سعر العربيه 10000 جنيه،- العربيه ثمنها 135000 في التوكيل و الحجز كمان مقفول و تلاقيها عند الموزعيين أزيد 10000 للتسليم الفوري - و يقلك لو عايز لون مش موجود عنده تصبر أسبوع و لا 10 أيام وأجيبهالك من الدفعه الجديده، يعتي في دفعات داخله السوق عن طريق الوكيل، بدليل الضمان من الوكيل نفسه على الدفعات دي.
يعني في دفعات دخله السوق عن طريق الوكيل و بتتباع بسعر أعلى و الوكيل قافل الحجز.؟؟؟؟؟!!!!!!!

3) الوكيل بالرغم من إلى عمله في الجرايد و الزياره بتاعت مصنع جنوب أفريقيا، نزل الكورولا الياباني بضمانه بس ب 165000 ؟!!!!!

4) أنا شخصيا لاقيت بعد المقارنه بين الجنوب أفريقي و الياباني أن الجنوب أفريقي تكسب بدليل المتور الجديد فيها، أما الياباني فما هي إلى (على رأي الموزع إلى بعلي) كورولا 2007 بس في شكل جديد.
كمان الفتيس الجديد MMT حسب ما بيتقال في موقع جنوب أفريقيا أن أستهلاك السباره إلى فيها الفتيس دا أقل من أستهلاك السياره إلى فيها فتيس عادي و دي سابقه بحاول أتأكد منها إلى الأن.
أني عارف زي كل الناس أن السياره بالفتيس الأوتوماتيك بتستهلك بنزين أكتر من العادي.

5) على موقع كورولا يوروب
http://www.toyota-europe.com/about/news_and_events/helsinki_corolla_2007.aspx
تجده بيقلك "Production of the 10th generation Corolla for Europe will be based in Japan at the Takaoka plant and the car will go on sale in Europe as of February 2007"
يعني الكورولا 2008 المصدره لأوروبا يتتصنع في اليابان مش في جنوب أفريقيا،و أوروبا بتغطي طبعا كلاً من النمسا والنرويج والدنمارك وأسبانيا وغيرهم و دا للأثبات الحقيقه فقط و لازلت مقتنع بالجنوب أفريقي و أنها تصنيع كويس بدليل أني أشتريتها.

6) لو هانقارن بين الكورولا الجنوب أفريقي 1600 البروفيشينال و الأدفانسيد تجد الفرق 20000 جنيه و لا يعكس أطلاقاً قيمة الأضافات الموجوده في الأدفانسيد و ستثبت الأيام لاحقاٌ ذلك عند البيع في سوق المستعمل أن الفرق بينهم لن يكون كبيراً بل ربما تكون الأدفانسيد أقل في السعر لكثرة مشاكل هاذه الأضافات.

7) أخيراًوأسف لو دا بره الموضوع بس بعد المقارنه بين كلاً من الكورولا 2008 و السيفيك 2008 و التيدا 2008 و اللانسر 2008 شكل قديم و شكل جديد و جدت الأتي:

1/ نظراً لأننا داخلين على أزمة بترول فإن الكورولا تكسب
2/بالنسبه لقطع الغيار وأسعارها، الكورولا برده تكسب بالرغم من أني مقتنع بالعمر الطويل لقطع غيار السيفيك حتى ولو سعرها غالي
3/ القيمه السوقيه والسعر عند البيع كمستعمل و سرعة البيع، الكورولا بردوا

و شكرا

انا معاك التويوتا اللى بيقولو عليها خليجى موتور قديم و فتيس قديم مفيهاش غير الشكل و انا جربت دى و دى الجنوب افريقى مجرمه العربيه ثابته لغايه 215 كم على الساعه انا واخدها من القاهرة ل الغردقه فى 3 ساعات و نص اليابانى معرفتش اعمل بيها الكلام دة مجبتش غير 200 كم بس

[qwertyqwerty]

ماهى مدة الضمان فى السيارة؟
ارجو الافادة

[Sharky]

3 سنوات أو 100 الف كم أيهما أقرب

[qwertyqwerty]

فى مصر 3 سنوات
مثل الخارج ممتاز
هل الضمان على عيوب التصنيع فقط؟؟
هل السيارة الاوتوماتيك العادية بها انذار؟
شكرا

[Sharky]

الضمان ضد عيوب الصناعة فقط

[elkodsy]

للاسف السيارة بدون انذار خالص, ولوعاوز تركبة في التوكيل ممكن بس بكام باة ب 950 جنية ولازم تركبة طبعا في التوكيل علشان العربية متخرجشي برة الضمان زي ما قالولي في التوكيل يا بلاش واللهي ادفع المبلغ دة كلة واكتشف ان العربية مفهاش انذار

[AOMARA]

فى مصر 3 سنوات
مثل الخارج ممتاز
هل الضمان على عيوب التصنيع فقط؟؟
هل السيارة الاوتوماتيك العادية بها انذار؟
شكرا

الجنوب أفريقي إلى معايا مفيهاش أنذار، بس أن سألت في التوكيل على الأنذار إلى بيعمل على نفس ريموت السياره و قالوا لي أنه ب 990 جنيه.

[elkodsy]

يبغي غلوا الانزار 40 جنية معي ذيادة الاسعار , بس هوه طبعا مهم جدا في الايام دة
وانا عن نفسي لو املك الاختيار تاني مكنتش اشتريت العربية دة بالعيب بتاع السحب دة

[Sharky]

هو إنت لسه لحد دلوقتى محدش رد عليك من تويوتا !!!!!

[elkodsy]

للاسف الشديد ومفيش حد رد ولا تويوتا مصر ولا تويوتا جنوب افريقيا اعتقد هما ملأيوش حل لسة اومشعارفين يعملوا اية

[Sharky]

فعلا أكيد لو لها حل كانوا ردوا عليك سريعا

طب حتى ما قلوش لك حنشوف ممكن نعمل إيه او أى حاجة ؟

بصراحة انا رأى تلحق تبيعها ة تجيب كانها سيفيك مثلا قبل ما الموضوع ينتشر و تخسر فيها جامد و ربنا يعينك

[AOMARA]

يبغي غلوا الانزار 40 جنية معي ذيادة الاسعار , بس هوه طبعا مهم جدا في الايام دة
وانا عن نفسي لو املك الاختيار تاني مكنتش اشتريت العربية دة بالعيب بتاع السحب دة
بواسطة elkodsy

عيب أيه في السحب دا، العربيه مفيش فيها عيب، السحب طبيعي بالنسبه لفتيس الستيبترونيك، و لو عايز تجرب السحب بتاعها بصحيح، غير على M و جرب و شوف هاتوصل ل 100 في أد أيه ؟

http://www.nilemotors.net/Nile/showthread.php?t=21569&page=3

[elkodsy]

السلام عليكم
الاستاذ AOMARA احنا مقاناش ان مشكلة السحب دية كبيرة اوي علي الرغم انة ملحوظ جداااااااااااااااا لاي واحد بيسوق اتوماتك واحنا ممكن نرضة بالموضوع دة ونطنش زنتعودعلية وامرنا لله بس الموضوع دلوقتي مشموضوع سحب بس العربية متقبلش اانقل من الاول للتاني بسهولة وال rpm بيعلي لغاية 4000 وممكن اكتر ولازم نغير علي المانول وننقل هو مش دة عيب بردة والا اية
موضوع القيادة عاي ال M هو احنا دفعين الفلوس دة كلها علشان نسوق عربية مانول محنا كنا وفرنا وجبنها مانول من الاول.
العربية ممتازة فوق الخامس وعلي الطريق السريع لكن الاول والتاني والتالت فيه مشكلة ودة باعتراف التوكيل نفسه وكل السادة ملاك العربية
انا واحد صحبي عندة نفس العربية ومكنش بيشتكي من موضوع تاخير النقل من الاول وعلوا ال rpm المهم ابتدي يظهر عندة راح يعمل صيانة ال 5000 واشتكي طلعوا معاه مهندس وجرب العربية وشاف المشكلة وكشف علي العربية بالكوميوتر وبالفعل ظهر كود error ومعرفوش يتعملوا معاه وقالولة هنحاول نشوف حل في الصيانة الي جاية
ايها السادة في مشكلة ودة امر واقع ومشهنخبية لانه باين من اداء العربية ووكيل العربية المهم في الموضوع هو سرعة الحل لذا احنا لازم نتكلم لازم يشوفولنا حل احنا اصحاب حق
انا اقترح اننا كلنا نتفق ونروح في يوم للتوكيل ونقابل المودير المسئول ولو الكلام معجبناش ممكن نشتكي لجمعية حماية المستهلك احنا اصحاب حق والحق معانا فليه نضيع فلوسنا
يا اخونا المشكلة مش مشكلة سحب المشكلة مشكلة اداء وكفائة المحرك. احنا مشجيبين العربية علشان نبها بعد كام شهر وخلاص
اللاستاذ AOMARA ممكن المشكلة متكنشعندك دلوقتي لكن لوظهرت بعد كدة هتعمل اية؟؟؟؟؟؟؟
اية رايكم من فضلكم
شكرا

[qwertyqwerty]

على فكرة موضوع الفتيس Mmt فى الكورولا لا يقتصر على الجنوب افريقى فقط لان هناك فى اوروبا يشتكون من الموضوع ايضا.
ويبدو ان جنوب افريقيا مظلومة .
وسوف احاول ابعث لكم باللنك الخاص بالموضوع فى انجلترا
المهم انهم هناك صلحوا الموضوع هناك بتغيير السوفت وير.
ونأمل فى ان يقوم التوكيل فى مصر بتحرك مماثل والشكوى لمدير التوكيل لن تضر .
والا عليكم التوجه الى جمعية حقوق المستهلك التى فعلا تقوم بدور ممتاز فى فضح المتلاعبين.

[elkodsy]

السلام عليكم
لغاية دلوقتي مفيش حد رد عليا والا من تويوتا مصر والا تويوتا جنوب افريقيا كان الموضوع عندهم عادي اومشلئين حل ودة الي واضح اوي كل الي يعتوة استفتاءعلي اداء وتقيم تويوتاغريبو واللهي
انا واحد صحبي عندة نفس العربية ومكنش بيشتكي من موضوع تاخير النقل من الاول وعلوا ال rpm المهم ابتدي يظهر عندة راح يعمل صيانة ال 5000 واشتكي طلعوا معاه مهندس وجرب العربية وشاف المشكلة وكشف علي العربية بالكوميوتر وبالفعل ظهر كود error ومعرفوش يتعملوا معاه وقالولة هنحاول نشوف حل في الصيانة الي جاية
ايها السادة في مشكلة ودة امر واقع ومشهنخبية لانه باين من اداء العربية ووكيل العربية المهم في الموضوع هو سرعة الحل لذا احنا لازم نتكلم لازم يشوفولنا حل احنا اصحاب حق
انا اقترح اننا كلنا نتفق ونروح في يوم للتوكيل ونقابل المودير المسئول ولو الكلام معجبناش ممكن نشتكي لجمعية حماية المستهلك احنا اصحاب حق والحق معانا فليه نضيع فلوسنا
يا اخونا المشكلة مش مشكلة سحب المشكلة مشكلة اداء وكفائة المحرك. احنا مشجيبين العربية علشان نبعها بعد كام شهر وخلاص
دة رقم تلفوني 0122408700 لو حد عاوز يشارك معانا ممكن يكتب رقم تلفونة ونشوف هنعمل اية ونتفق
الاخوة جزاهم الله خير الي عاوزين يشاركوا معانا ممكن بردة يكتبوا رقم التلفون والهي انا شايف اننا ممكن نعمل حاجة حتي لو معملناش حاجة خالص ومحلوش المشكلة بردة احنا الكسبانين لاننا حزرنا اخونا الي عاوزين يشتروا العربية دة ويدفعوا المبالغ دة
اه رايكم