كورولا mmt 2009 ام كورولا 6speed 2010

[abo samra]

انا بس فيه حاجة واحدة لاحظتها ان فيه رجرجة خفيفة اوي بتحصل بعد ما العربية بتاخد الغيار التاني بس مش دايما تحصل معرفش ده بيبقي طبيعي في المانيوال ولا لأ وكمان مبحسش بيها لما اكون ماشي علي المانيوال مود وكمان كل مدي بحس ان الغيارات بتنعم عن الأول.
بس انت عندك الفتيس بيهيس ازاي بيبقي فيه وقت كبير مابين الغيارات ولا مثلا بتلقي ال ار بي ام بيعلق وكمان نسيت اقول حاجة اني لما احط بنزبن من بنزبنة نضيفة زي موبيل او توتال بحس ان اداء الفتيس بيفرق.
و انا مش هاحكم علي اي حاجة دلوقت غير لما اعمل صيانة ال45000ك وأشوف الوضع هيبقي ايه لأنها صيانة مهمة في عمر العربية .....هو انت عملتها ولا لسة.

صوت النقلات بقا عالى جدا ومسموع بشده
بالنسبه للرجرجه دى برده زادت عندى لما بهدى بالعربيه خصوصا الانتقال من التانى الى الاول بتبقى فظيعه
بالنسبه للصيانه مش عارف لسه هعملها ولا لا لانى احتمال ابيع العربيه قريب واحتمال تانى ما ابيعهاش لانها جايبه سعر وحش جدا مع انها فابريكه وبحالتها
ربنا يستر بقا
تحياتى

[abo samra]

انا لما سافرت بالعربية بعد ما جبتها على طول .. كنت على 120 الrpm كان 4000 :)

عامة هتأكد لحضرتك تانى

هو معاك لانسر بومه كمان ولا اتباعت؟؟؟؟؟؟؟؟

[kareemhisham]

هو معاك لانسر بومه كمان ولا اتباعت؟؟؟؟؟؟؟؟

لأ لسه معايا

[abo samra]

لأ لسه معايا

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات
ربنا يصبرنا على mmt
تحياتى

[kareemhisham]

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات
ربنا يصبرنا على mmt
تحياتى

انا برده فى حاجات كتيييير بنتقدها فى العربية .. بس بحبها اوى والله :)

و الفتيس فعلا معمول لهواة الراحة المطلقة ..

بس هل حضرتك هتبيع العربية عشان الفتيس ؟؟ وهل هو تعبك للدرجة دى ؟؟

[abo samra]

انا برده فى حاجات كتيييير بنتقدها فى العربية .. بس بحبها اوى والله :)

و الفتيس فعلا معمول لهواة الراحة المطلقة ..

بس هل حضرتك هتبيع العربية عشان الفتيس ؟؟ وهل هو تعبك للدرجة دى ؟؟

لكذا سبب
ان العربيه حتى الان مفيش موديل 2010 نزل منها
سبب تانى ان الفتيس ادائه بقا اقل من الاول
سبب تالت ان اعاده البيع للسياره قليل جدا ولو موديل 2010 ما نزلش منها يبقى احتمال ما تتباعش اصلا
سبب رابع : بمشى فى الزحمه كتير ومحتاج لعربيه نقلاتها مريحه ده حتى المانيوال طلع اريح منها
تحياتى

[محمد محمد]

صوت النقلات بقا عالى جدا ومسموع بشده
بالنسبه للرجرجه دى برده زادت عندى لما بهدى بالعربيه خصوصا الانتقال من التانى الى الاول بتبقى فظيعه:_alshmokh08[1]:
بالنسبه للصيانه مش عارف لسه هعملها ولا لا لانى احتمال ابيع العربيه قريب واحتمال تانى ما ابيعهاش لانها جايبه سعر وحش جدا مع انها فابريكه وبحالتها
ربنا يستر بقا
تحياتى

طب عايز تبيعها ليه وهتجيب بدالها ايه وعلي فكرة السعر الوحش تقريبا في كل الجنوب افريقي السنة اللى فاتت وانا في التوكيل كان واحد معاه مانيوال ادفانسيد بيعملها صيانة ال15000ك كانت ايامها ب150000ج بيقولي كنت عايز ابيعها وكانت عاملة حوالى 2000ك لقيتها جايبالي 120000ج.
انا بالنسبة ليا والدي عايز يبيع بعد مارخصة العربية تخلص في 2011 بس انا مش هاخليه يبيعها غير لما الشكل الجديد في 2013 او2014 ينزل وكمان خلي بالك موضوع سعر اعادة البيع بالنسبة للكورولا هياخد وقت عمال مايرجع زي الأول لما العربية تثبت نفسها في السوق اكتر من دلوقتي وكمان لما الكورولا الخليجي تنزل بعد كده استرالي زي الكامري او تبقي تايلاندي الناس ساعتها هتدور علي الجنوب افريقي.
وعلي اي حال ظروف السوق النايمة دلوقتي متشجعش علي البيع خالص خاصة في وسط موديلات منافسة جديدة زي السيراتو والكروز يعني مثلا لو انت معاك 120000ج دلوقتي تشتري كورولا مستعمل ولا سيراتو او كروز زيرو ده غير موضوع التخفيضات الجمركية ورواج التقسيط وارتفاع سعر السيار عن شريحة ال120000ج اللي بتناسب ناس كتير.........الخ الخ الخ.
يعني لازم اللى يشتري السيارة في الظروف دي يكون زبون كورولا.

[محمد محمد]

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات
ربنا يصبرنا على mmt
تحياتى

هي دي اخطر نقطة في الموضوع انك مكنتش راكب مانيوال قبلها وكمان مكنتش حتي راكب الأوتوماتيك الأربع نقلات العادي ده غير انك اصلا زبون اوتوماتيك مش مانيوال ولو التوكيل كان فهم الناس كده من الأول كان الموضوع بقي احسن من كده بكتير وكنت لاقيت ال mmtبيتباع عادي والأوتوماتيك بيتباع عادي والمانيوال بيتباع عادي وكل فتيس وليه زبونه لكن التوكيل ماانتبهش لحاجة زي كده غير بعد ما خربها وبعدين الفتيس مش مزعج لدرجة انك تبيع العربية بسببه ده هما كلهم 5 نقلات مش 50 نقلة.

[محمد محمد]

انا برده فى حاجات كتيييير بنتقدها فى العربية .. بس بحبها اوى والله :)

و الفتيس فعلا معمول لهواة الراحة المطلقة ..

بس هل حضرتك هتبيع العربية عشان الفتيس ؟؟ وهل هو تعبك للدرجة دى ؟؟

هو ساعات بيبقي زهق من العربية مش عشان فتيس لأنه كل يوم الواحد يركب نفس العربية ومافيش تطوير ركوب العربية اصبح روتين وانا نفس اعدل حاجات في العربية (بس ابويا مش راضي)يعني اركب دي في دي وفوانيس ليدات وكلام من ده علشان احس بمتعة متغيرة(واتمنظر علي اللى في المنتدي بتاع تويوتا:POINTI~2[2]:)خاصة اني اكتر واحد بسوق العربية.
علشان كده فيه ناس بتحب تغير العربية كل سنة وانا اعرف واحد من دول كان معاه بروتون2006بعد كده استرا 2007هاتش باك بعد كده فوكاس استيشن2008 ودلوقتي فابيا2009 وعاوز يبيعها ويجيب تيجوان2010 وكل العربيات دي واقعة في سعر اعادة البيع وكل عربية بيخسر فيها من 30 :40 الف جنيه كل سنة.

[kareemhisham]

هو ساعات بيبقي زهق من العربية مش عشان فتيس لأنه كل يوم الواحد يركب نفس العربية ومافيش تطوير ركوب العربية اصبح روتين وانا نفس اعدل حاجات في العربية (بس ابويا مش راضي)يعني اركب دي في دي وفوانيس ليدات وكلام من ده علشان احس بمتعة متغيرة(واتمنظر علي اللى في المنتدي بتاع تويوتا:POINTI~2[2]:)خاصة اني اكتر واحد بسوق العربية.
علشان كده فيه ناس بتحب تغير العربية كل سنة وانا اعرف واحد من دول كان معاه بروتون2006بعد كده استرا 2007هاتش باك بعد كده فوكاس استيشن2008 ودلوقتي فابيا2009 وعاوز يبيعها ويجيب تيجوان2010 وكل العربيات دي واقعة في سعر اعادة البيع وكل عربية بيخسر فيها من 30 :40 الف جنيه كل سنة.

هو اه الواحد يحب التغيير بس كل 3 او 4 سنين .. مش كل سنة !!

و فعلا ولا عربية منهم سعر اعادة بيعها عليه القيمة .. طب ليه كدة ؟؟

حاول تنصحه .. كتير اوى 30 او 40 الف جنيه فى السنة .. لو كان انتفع بيهم كان هيعمل حاجات كتيير اوى ..

ربنا يزيدوا من نعيمه :)

[ashrafE51]

مع انى فى اخر ايامى للانسر انتقدتها بشده عشان تصميم العفشه والعزل لكن حنيت ليها بسبب الفتيس cvt عديم الاحساس بالنقلات
ربنا يصبرنا على mmt
تحياتى

حاجه غريبه مش مصدقها انك تقول كده بعد الجدال الطويل لموضوع الفيتس MMt ( ربنا يصبرنا علي mmt ) ليه !!!

[محمد محمد]

حاجه غريبه مش مصدقها انك تقول كده بعد الجدال الطويل لموضوع الفيتس mmt ( ربنا يصبرنا علي mmt ) ليه !!!

انا فعلا ملاحظ ان ابو سمرة اتغير من ساعة مجرب الأوتوماتيك بتاع الكورولا.

[asa2005eg]

Ya Gam3a el Corolloa Automatic ( South Africa ) 4 speed manual transmission

[asa2005eg]

صوت النقلات بقا عالى جدا ومسموع بشده
بالنسبه للرجرجه دى برده زادت عندى لما بهدى بالعربيه خصوصا الانتقال من التانى الى الاول بتبقى فظيعه
بالنسبه للصيانه مش عارف لسه هعملها ولا لا لانى احتمال ابيع العربيه قريب واحتمال تانى ما ابيعهاش لانها جايبه سعر وحش جدا مع انها فابريكه وبحالتها
ربنا يستر بقا
تحياتى

,

El Corolloa Automatic 2010 is the Best Choice i guess

[id_on_net]

أفضل المانيوال -بالنسبة لك- لسببين

1- طالما انك بتسوق على طريق سريع وبتفادى تريللات يبقى مفيش داعى اطلاقا انك تخلى الآلة تاخد قرارات بدالك، الأفضل ان قراراتك تاخدها بنفسك

2- الفتيس الmmt نسبه تخفيضه قليلة، وبالتالى -بالمقارنة بالغيار السادس فى المانيوال-مش هيكون مريح فى السفر( وبكرر ان كلمة مش مريح هنا هى بالمقارنة بالفتيس المانيوال لنفس ماركة السيارة وليس على الأطلاق ، ارجو انى متفهمش غلط)

طبعا انا السبب الاول ممكن اتحكم فيه بس المشكلة هي فعلا في نسبة التخفيض وده من الحاجات اللي بتخليني افكر في 2010

اشكرك جدا اخ سبعاوي