بخصوص كورولا 2008 الشكل الجديد

[Ahmed Safan]

أسف قصدى أقول
تمام و بالتالى خامات جنوب أفريقيا غير اليابان

[limo]

اكيد انا اقصد تجميع جنوب افريقى وان الاجزاء المكونه هيه صناعه يابانى
بانسبه للفرق بين التجميع اليابانى والتجميع الجنوب افريقى محدش يقدر يجزم حتى الان بان التجميع اليابانى افضل من التجميع الجنوب افريقى لان ببساطه العربيه لسه منزلش السوق فكيف حضرتك تحكم بان التجميع اليابانى افضل من التجميع الجنوب افريقى والعربيه لسه محدش جربها فى مصر

اينعم التجميع التجميع عمليه مش بسيطه وعايزه خبره ومهاره عاليه بس تيوتا مش شركه صغيره او شركه تحت بير السلم علشان تضحى بسمعتها العالميه -
عندك الرينو ميجان تجميع تركى مكونات فرنساوى ومع ذلك متفرشى العربيه الفرنساوى الهاتش باك عن العربيه التركى السيدان ده شركات كبرى عارفه هيه بتعمل ايه كويس

فالعربيه لسه متجربش جايز تطع زى القديمه فى التفيل جايز تطلع اقل منه وجايز اكثر لسه محدش عارف

[Ahmed Safan]

ياراجل بقى الميجان التركى مكنش فيها مشاكل أنا زوج اختى أشتراها وكان الفتيس بيعمل حاجات غريبة يعنى مثلا كان بيمور و العربية ماشية (هو كان فتيس اتوماتيك) .

لاكن الهاتشيباك الفرنساوى ولالالالالالا كلمة و طبعا انت تعرف ان الهاتشيباك اغلى

[limo]

يا باشا ده حالات فرديه مس حاجه نازله فى كل العربيات
مانا اعرف ناس معاهم كورولا وغيرةا كباس التكيف فى الضمان وغره وغيره
ده بتبقى عيوب صناعه مش اكثر وبتالج فى الوكيل
بامناسبه انا لسه جاى من تويوتا ايجبت وشفت الكورولا الجديده هيه شبه االنترا والتفقيل حلو برضو بس حاسس انها ضيقه شويه

[wawoo]

محدش يقدر يجزم حتى الان بان التجميع اليابانى افضل من التجميع الجنوب افريقى لان ببساطه العربيه لسه منزلش السوق فكيف حضرتك تحكم بان التجميع اليابانى افضل من التجميع الجنوب افريقى والعربيه لسه محدش جربها فى مصر

اينعم التجميع التجميع عمليه مش بسيطه وعايزه خبره ومهاره عاليه بس تيوتا مش شركه صغيره او شركه تحت بير السلم علشان تضحى بسمعتها العالميه -

تمام يا اخ ليمو انا متفق معاك , و على فكرة انا مش بقول على الاطلاق ان تويوتا جنوب افرقيا حتكون اقل من اليابان , دة ممكن جدا تكون العكس , بما ان المصنع اجدد يعنى عن مصنع اليابان , بس طبعا دة مجرد افتراض متافئل جدا , عاوزك بس تفكر معايا شوية , لية تويوتا تعمل مصنع فى جنوب افرقيا , لية مفتحتش مصنع جديد فى اليابان , لية معملتش مصنع فى مصر مثلا و كان حيكون ارخص و ارخص , الموضوع فى الاخر موضوع اقتصادى , يعنى مصنع جنوب افرقيا حيتكلف اقل مثلا , و الجودة مش حتقل كتير , و حيخدم كل الدول الافريقية بما فيهم مصر , و حيوفر فى تمن العمالة اللى اكيد حتكون ارخص من اليابان و حيوفر شوية فى تمن النقل , و فى النهاية الفرق فى الصناعة مش حيكون مؤثر قوى بالنسبة لمعظم للمستهلكين فى افرقيا بما ان السعر حيكون مناسب اكتر , فطبعا فى فرق ,اية هو دة اللى حنعرفة او مش حنعرفة , و على الفكرة الفروق مش حتبان اليوم او غدا ممكن تبان بعد سنة بعد اتنين او خمسة بس اكيد فى فرق , و بعدين لازم تجرب و تشوف كورولا اليابان و جنوب افرقيا و تحطهم جنب بعض كدة , اكيد فى فرق ,
و بعدين عاوز افكرك مثلا بتويوتا افنزا و دى بتجمع فى اندونسيا و كلنا شوفنا مستوى الخمات و التقفيل كانها اتجمعت فى مصر بالضبط , ودة مش معنة ان تويوتا بتعمل سيارت رديئة , كل ما فى الامر انها بتحاول تنزل السيارات التى تناسب المستهلك بالنسبة للبلد اللى هو فيها , يعنى الافنزاة دى مش حتشوفها فى اليابان لان المستهلك اليابانى مش حيقبل عليها باى حال من الاحوال لانة يملك انة يجيب التويوتا الجديدة كاملة و بشهرين تلاتة مرتب مثلا .

[أبو عبدالله]

يا جماعه جنوب افريقيا بتنتج تقريبا كل العربيات بتاعت تويوتا
يعني مثلا تركيا بتنتج الكورولا بس والياريس تقريبا غير كده مفيش
طب ليه
متعرفشي فاكيد الناس دي مش هتجمع في مكان يخسرها اسم عربيه لها سوق كبير هنا او في افريقيا عموما
مش من الساهل التنازل بالطريقه دي عن عدد مبيعات هما مخططين لزيادته علشان المنافسة العالمية
وبعدين انا بصراحه بأثق في اليابانيين عموما في جودة منتجاتهم لني لم ارى في حياتي منتج من متجاتهم مش مظبوط او مش على الوجه الجيد

وهو ده ما يميز اليابانيين

[limo]

والله يا استاذ واو انا انهارده كنت فى توكيل تويوتا ايجبت وشفت عربيه 2007 وعربيه 2008 مش عايز اقلولك ال2008 عاملازاى انا حاسس ان مفيش فرق بينه وال2008
بعكس الافانزا العربيه صحيح تجميع اندونيسى واتق معاك تماما ان تجمعيها يتساوى بشركه النصر مش اكثر من كده بس ده عربيه وده عربيه وانت شايف ان الافانزا محدش اشترها ولاكورولا الجديده الناس عامله ازاى عليها
شوف الكورولا الجديده فى الوكيل وانت اكييد هتصدقنى وحتى لو فى فرق فى التقفيل عن الموديل اليابانى هتبقى فوق طفيفه جدا غير ملاحظه

[wawoo]

يا جماعه جنوب افريقيا بتنتج تقريبا كل العربيات بتاعت تويوتا
يعني مثلا تركيا بتنتج الكورولا بس والياريس تقريبا غير كده مفيش

يا ابو عبد الله , تويوتا او اى شركة بتقسم السوق لمستويات و قطعات ,و كل قطاع لة المودلات بتاعة و لة التصميمات بتاعتة و لة المصانع بتاعتة , مثلا يعنى الياريس السيدان مش بتنزل فى اوروبا الغربية , لية لان المستهلك الاوروبى يهتم اكتر بالسيارة الهتشباك , بس بتنزل فى اوروبا الشرقية و تركيا , لان الاسواق دى بتهم بالسيدان اكتر , كل قطاع لة الدراسات بتاعتة و لة الخطة بتاعة , لية مثلا اليارس الهاتش باك منزلتش مصر , لانها ببساطة ببتصنع فى فرنسا و تمنها حيكون اغلى من السيدان و هى اساسا معلهاش اقبال من المصرين مثلا , و هكذا كل سوق لة مودلاتة و لة خطة , مصنع جنوب افرقيا بيصنع مودلات لتويوتا اة , بس كل الانتاج حتلاقى انة بيوجة لاسواق معينة , مش معنى كدة انة مش ممكن يصدر من انتاج جنوب افرقيا لاوروبا مثلا , طبعا تويوتا بتقوم بعمل تغيرات حسب المبيعات و حسب تغيرات السوق و كلة يتوقف على المنافسين و اسعرهم و توجهتم , يعنى الخطط دة مش خطط جامدة , لكن بتتغير حسب المستجدادت و حسب المنافسين بيعملو اية , العملية مرنة جدا بالنسبة ليهم , و هما لما بيتوسعو بمصانع فى بلاد اخرى دة جزء من خطة للمنافسة فى الاسعار و الكميات و الاسواق ,لكن الاكيد ان مش كل انتاج تويوتا فى كل المصانع بنفس المستوى , لان زى ما وضحت كل يتوقف الانتاج دة رايح فين و لمين و باى سعر , دى توزنات بتعملها اى شركة مش تويوتا بس .
لية مثلا مرسيدس و بى ام بتجمع سيارات فى مصر , هل مصانع المانيا حتقفل , لا هى الفكرة بي انهم عاوزين يوفرو سيارة فاخرة للمصرين بسعر مناسب نسبيا و عوزين ينافسو فى السوق دة , يقومو يعملو مصنع صغير يجمع كام موديل لاحتياجات المصرين و لكن طبعا هناك فرق بين المرسيدس الالمانى و المرسيدس المصرى , هى دى بس النقطة اللى حابب اوضحا , و كلنا نكون فهمين دة , مش معنى ان البى ام بتجمع فى مصر انها مش بى ام , لا هى بى ام لكن درجة اقل شوية من بى ام الماينة بس هى دى الفكرة .

[wawoo]

شوف الكورولا الجديده فى الوكيل وانت اكييد هتصدقنى وحتى لو فى فرق فى التقفيل عن الموديل اليابانى هتبقى فوق طفيفه جدا غير ملاحظه

انا نوى اشوفها ان شاء الله و طبعا مصدقك , و عارف انها حتكون ممتازة قبل ما اشوفها , الكورولا سيارة مهمة فى السوق المصرى , و مصنع جنوب افرقيا جيد طبعا مافيش شك .

[أبو عبدالله]

لية مثلا مرسيدس و بى ام بتجمع سيارات فى مصر , هل مصانع المانيا حتقفل , لا هى الفكرة بي انهم عاوزين يوفرو سيارة فاخرة للمصرين بسعر مناسب نسبيا و عوزين ينافسو فى السوق دة , يقومو يعملو مصنع صغير يجمع كام موديل لاحتياجات المصرين و لكن طبعا هناك فرق بين المرسيدس الالمانى و المرسيدس المصرى , هى دى بس النقطة اللى حابب اوضحا , و كلنا نكون فهمين دة , مش معنى ان البى ام بتجمع فى مصر انها مش بى ام , لا هى بى ام لكن درجة اقل شوية من بى ام الماينة بس هى دى الفكرة .

كلام مظبوط
وعلى فكره انا من رايك ومفيش مشكلة
وانا عارف انه طبعا الياباني مش هيبقى مثل الجنوب افريقي
بس انت عارف ساعات الحاجات ممكن تبقى زيادة التكلفة فيها ليس لها فائدة وان التوفير في تكلفتها بيبقى لصالح المستهلك
يعني مثلا في حاجات من الحاجات الصيني اللي مغرقه السوق ممكن تكون انسب لنا في الأستخدام لأنها بتأدي مهمتها كويس مقارنة بسعرها وعمرها الأفتراضي وممكن يكون في منتج منها اصلي من بلده يقعد العمر كله ولكن سعره اعلى في حين انك مش عاوزه طول العمر لأنه هيتغير مع تغيير مطالب الحياه الو التتطور التكنولوجي

يعني مثلا التلفزيونات الياباني بتاعت ايام زمان
لو انا اشتريت ياباني دلوقتي هيبقى اغلى من مثلا اللي متقفل هنا في مصر اضعاف
طيب هو مثلا كل خمس سنين التكنولوجيا هتتغير طيب انا اشتري الياباني صحيح هيقعد طول العمر بس انا مش عاوزه طول العمر

ارجو ان تكون فهمت مقصدي

في النهاية العربيه جنوب افريقي ولو كويسه وبتأدي مهمتها وبكمالياتها يبقى كويس جدا
وبعدين الناس متكلمتشي على الأسكودا اللي بتتقفل في اوكرانيا زي ما اتلكمت على الكورولا
وعلى فكره الباسات مش الماني برضه بس مش فاكر ايه لأن واحد اكدلي انه شاف ورق الأفراج بتاعها ومكنشي الماني تقريبا اوكراني برضه

[seka]

معلش انا عاوز اوضح شوية نقط هامة
اولا مسألة التجميع بتم ازاى العربية بتجى حتت بيجى الباب مثلا لوحدة بيبقى جى مرشوش بالزجاج بالكهرباء بتعتوا بكل حاجة حتى المسامير بتاعتة الماكنية بتجى بردو نفس الحكاية وهنا بنتقل السيارة من مسألة التجميع للتقفيل و طبعا بتم بأحدث التكنولوجيا الموجودة فى العالم كلة و تحت اشراف كامل من المصنع الام
ثانيا العربية لها معايير قياسية بتطلع من المصنع الام الى اى مصنع بتتفل فيها العربية علشان العربية الى طلعه من اليابان تبقى زى الى طلعه من ج افريقيا - مش تتجمع يلا ارمى و بيع المسألة مش مشية بالبركة زى منتوا فكرين-
ثالثا كلنا عندنا عقدة الجواخة دا العربية دى مش من اليابان دى تقى معرفش ملها و العيب ليس فى المصنع العيب فى انفسنا و المصنع الام عمره لما تنطبق السماء على الارض يخلى السيارة الاكثر مبيعا فى العالم تخرج اى كلام من اى مصنع مش من ج افريقيا بس و كمان المصنع دة هيدى لمصر العربيات و مصر هتدى العربيات لفرنسا ودول اوروبية اخرى
بقى بذمتكم فرنــــــــــــــــــــــــــــــــسا حتروح لها عربية كدة و لا كدة
يا جماعة العربية زى الفول و الله و هاتكسر الدنيا و كفاية اوى ان اسمها تويوتا

[seka]

اه فى حاجة ان نستها ان فعلا العربية الكورولا 1600 ممكن تبقى 142 حصان
بردوا زمان كان ابويا ايام 132 كان بيقول ان اللعماء فى مجال السيارات حتتوصل لان العربية حتبقى دفع امامى قام عم زيزو وقال ياسلام العربية لايمكن تجر من غير كرونة و كردان و بعدها بكام سنة نزلت العربيات اللى بتجر من قدام زى كل العربيات دلوقتى اللى انا عاوز اقولة ان العلم مالوش حدود يقف عندها و فى واحد كتب ان الاتجاة الحديث للعربيات هو تخفيض السعة اللترية للعربيات و تزيد الباور هورس لية لا العلم مالوش حدود بيقف عندها و انا بقيده بشدة و ان شاء الله ممكن العربية cc100 بيقى الباور هورس بتاعها 3000 hp لية لا مش لية وبردوا اقول الله اعلم
شكرا

[wawoo]

معلش انا عاوز اوضح شوية نقط هامة
اولا مسألة التجميع بتم ازاى العربية بتجى حتت بيجى الباب مثلا لوحدة بيبقى جى مرشوش بالزجاج بالكهرباء بتعتوا بكل حاجة حتى المسامير بتاعتة الماكنية بتجى بردو نفس الحكاية وهنا بنتقل السيارة من مسألة التجميع للتقفيل و طبعا بتم بأحدث التكنولوجيا الموجودة فى العالم كلة و تحت اشراف كامل من المصنع الام
ثانيا العربية لها معايير قياسية بتطلع من المصنع الام الى اى مصنع بتتفل فيها العربية علشان العربية الى طلعه من اليابان تبقى زى الى طلعه من ج افريقيا - مش تتجمع يلا ارمى و بيع المسألة مش مشية بالبركة زى منتوا فكرين-
ثالثا كلنا عندنا عقدة الجواخة ا

يا اخ سيكا , هيكل السيارة الخارجة و الفريم الداخلى للسيارة بيجى اجزاء منفصلة و يتم تجمعها و لحامها فى المصنع و يتم دهنها , شوفت فين ان الباب بيجى مرشوش و راكب فية الزجاج دى , طبعا دة غير صحيح بالمرة معلوماتك عن التجميع محتاجة تصويب , العربية بتكون مففككة اجازء كتير جدا و الهيكل بيتم تجميعة و دهانة فى المصنع , فى المرسيدس مثلا فى مصر العملية دى بتم يدوى , فى الشركة الام فى المانيا بتم بواسطة الروبوت , حتى تركبي الزجاج بيتم بواسطة الروبوت , انت محتاج تعمل زيارة لاى مصنع تجميع فى مصر او غيرها عشان تشوف الموضوع بيتم ازى , و محدش قال ان مافيش مواصفات قياسية او اشراف من تويوتا الام ,و اى اجزاء ممكن استعملها من جنوب افرقيا حيتم استعملها , زى الزجاج او الكراسى او الوصلات , و كل دة بيوفر فى الثمن السيارة ,
محدش قال ان كورولا جنوب افرقيا سيئة او مش فى نفس المستوى , كل اللى بقولوة ان فى فرق , و اظن انا وضحت دة بما فية الكفاية , فى فرق لا يمكن باى حال من الاحوال تكون تويوتا جنوب افرقيا زى تويوتا اليابان دة مستحيل , لو دة حصل تويوتا نفسها حتقفل مصنع اليابان تانى يوم , المصنع دة موجود و دة موجود دة بيطلع بضاعة و دة بيطلع بضاعة , الاتنين مش زى بعض , فى زبون للمصنع دة و زبون للمصنع دة , وكلة علية علامة تويوتا , الموصفات اللى بتتكلم عليها دى بتختلف حسب المنتج اللى هما عوزينة , تويوتا دلوقتى عندها مصانع فى كل حتة , البضاعة رقم واحد بتطلع من مصانع انجلترا البضاعة رقم اتنين بتطلع من اليابان و هاكذا حسب احتياجات كل سوق , برضو بكرر دة مش معنة ان تويوتا جنوب افرقيا حتكون مختلفة لما تشوفها بس حيكون فى فرق فى العمالة و الخامات و هكذا الشخص العادى مش حييلاحظ الفرق لاكن فى فرق اى خير على طول حيقولك دى متجمعة فين جنوب افرقيا ولا انجلترا ولا تيالاند ولا اندونسيا , يا رب تكون فهمتنى .

[Karim_Monir]

هيا تويتا طبعا جامدة في موضوع التقفيل ومش هايعدي عليها كدة
بس اللي مقلقني بصراحة اني لما شوفت الافانزا الاندونيسى ما عجبتنيش خالص
التقفيل ماكنش بمستوى تويوتا اللي متعودين علية
دي ملحوظة شفتها بعيني

[seka]

لا يا استاذ wawoo انا والحمد لله متأكد جدا من كلامى لان كلامى من مصدر موثوق منة عشان انا جوز اختى مهندس فى شركة مرسيدس هنا ومن المعرف جدا ان انواع كتير من المرسيدس بتجمع هنا و انا شوفت الحوار دا بنفسى و شوفت كمان قد اية كان فى رقابة شديدة من المهندسين الالمان اللى كانوا فى المصنع و ياريت تروح و تشوف الكلام دا بنفسك وهحد يقدر يقول ان تجميع المرسيدس هنا فى مصر مش ع المستوى و اظن كتير من المصريين اللى بيركبوا مرسيدس بتقى مصرى و ياريت بردوا تسأل الناس اللى عندها عربيات مرسيدس تشوف رأيهم اية