حجز الكورولا 2008

[PRO-DRIVE]

^^^ امممممممممممممممم.
الدهان ممكن نوعا ما اصدق انه حسن و لو برضه مش بالنسبه اللي تخليني ادفع كل دا

المشكله ان كل المصانع اللي بتصنع الشاصي و البودي وااااحده

اللى فهمتة من البوشور بتاع التويوتا الافريقى , ان مصنع جنوب افريقيا حيصنع البودى كمان يعنى , العربية مش حتجى قطع مففكة و تتجمع , دى اقرب لعملية التصنيع من بداية الصلب الخام كمان , يعنى دى مرحلة متطورة جدا مش موجودة فى اى مصانع تجميع , و تكاد تكون تصنيع بالفعل , الله اعلم اعتقد مافيش بقى غير الموتور و الجير بوكس هما اللى حيكونو مستوردين بس

هو فين البرشور دا

بس برضه ابدا مستحيييل يصنعوا بودي او شاسي

[limo]

يا جماعه العربتين موجودين الى عايز يتأكد يروح يشوفها وبعدين يقول رأيه لان رأيه يهمنى
انا لو كانت تويوتا منزله اليابانى والجنوب افريقى مع بعض وبتضمنهم الاثنين وبتعمل اعمال الصيانه عندها مكنتش فكرت لخظه فى الجنوب افريقى
الان الاوبشين الى موجوده فى الموديل الى ب132 الزياده مثل فوج لايت والفتيس الماتى مود والفرامل المانعه للنزلاق كلها كماليات متفرقشى معايا فى مقابل الجوده ماعدا طبعا الفرامل المانعه للانزلاق بس ربنا يستر
وطبعا المتور بس مين عرف لسه اداء المتور الجنوب افريقى واستهلاكه للبنزين عامل
على الاقل ال=المتور vvti متجرب قبل كده ومعروف ان استهلاكه للنزين تحفه سواء فى الكورولا القديمه او الياريس

انا نفسى والله حد يأكد لى ان العربيه الجنوب افريقى احسن من الخليجى لانى بقلق من العربيات الخليجى الى من غير ضمان الوكيل

على فكره الكبوت فى اليابانى فيه فبره من جوه يمكن هيه ده الى مخليله ثقيل شويه :P
وبعدين موضوع الخليجى ده يخلى الواحد يستنى شويه لحد ما العربيه تمشى فى الشارع والناس تقول رأيها عليها هيه والجنوب افريقى

[Karim_Monir]

نقطة نظام يا جماعة
الصاج سهل جدا انه يتعمل في جنوب افريقيا لان الموضوع مش محتاج فنيا اكتر من خط لحام كويس وخط تنيات محترم
وده سهل تصدير المكن من اليابان لجنوب افريقا وبكدة نبرر الوزن
لكن الشاسية اعتقد انه مستحييل عشان الشاسيه لازم يكون من اجود انواع الصلب وده بيتطلب حرارة عالية ونقلة سهل لا هايتعوج ولا يتخبط لكن نقل الصاج بعد التصنيع وقبل الدهان مكلف لانه لازم ليه باكينج معين وهايخد مساحة ووزن جامد على المركب
ولو بنتكلم في اقتصاديات تشغيل يبقي خط اللحاب وخط التصنيع اوفر مع توفير تاني في الايد العاملة اللي هاتصنع الصاج وخامات الصاج اللي اكيد متوفرة افريقيا اكتر من اليابان
احنا في المصنع عندنا كل شركات ABB بتصنع الاكشاك الكهربائية التي تستهلك صاج بغزارة في مصر عشان الايدي العاملة وثمن الصاج وهايدي لرخص المنتج اللي في النهاية بيتحط عليىه Made in ABB
------------
عما عن علاقة الصاج بالامان عشان الصاج الاخف بيعمل نقاط انهيار ذاتي في التصميم وده كل المصممين بيراعوة حاليا
في داهية العربية المهم اللي جواها
والفيديو اصدق دليل

كريم منير

[وائل عطية]

علاقة الصاج بالامان عشان الصاج الاخف بيعمل نقاط انهيار ذاتي في التصميم وده كل المصممين بيراعوة حاليا
في داهية العربية المهم اللي جواها

كلام سليم 100%
وفعلاً هو دا الاتجاه السائد في تصنيع السيارات الحديثة ..وهو تامين العنصر البشري بكافةالسُبل بما فيها التضحية بإحداث خسائر كبيرة بالسيارة
بس فعلاً إحنا عندنا مُعتقد راسخ إن الصاج أحد أهم المميزات التي نتحقق منها عند شرائنا لسيارة جديدة، فتجد أحدنا يقول للآخر شايف الصاج بتاعها محمل أد إيه ..ياعم أمال زي العربيات الورق اللي طالعة اليومين دول !!! ..كلام عجيب ويجب أن نتخلص من هذا المفهوم ..ولنا المثل في سيارة مثل اللادا أو حتى الـ 128 بما في هذه السيارة من متانة خارجية ملموسة ..ولكن نعرف جميعاً مايحدث عند الحوادث، فابالفعل كما ذكر أحد الأخوة يكون العنصر البشري هو أضعف أجزاء السيارة (إجمالاً وليس من مكوناتها) في هذه الحالة ويكون هو الأكثر تضرراً..
وقانا الله وإياكم جميع الشرور.

[007]

بالنسبة لموضوع الصاج
في مصر الموضوع يختلف عن باقي العالم عشان احنا معندناش ثقافة سواقه داخل المدينه فتلاقي مفيش تنظيم و حارات و مبالك بالاتوبيس و التاكسي و التوتوك بالتالي فأغلب الحوادث مش علي سرعه يعني جوه البلد حكه او ترييحه عالسريع وده فالسيارات الفيبر زي الميجان و اكسدام الياريس بيتسبب فكسر الفيبر و لازم تغير الرفرف أو الاكسدام

[أبو عبدالله]

بالنسبة لموضوع الصاج
في مصر الموضوع يختلف عن باقي العالم عشان احنا معندناش ثقافة سواقه داخل المدينه فتلاقي مفيش تنظيم و حارات و مبالك بالاتوبيس و التاكسي و التوتوك بالتالي فأغلب الحوادث مش علي سرعه يعني جوه البلد حكه او ترييحه عالسريع وده فالسيارات الفيبر زي الميجان و اكسدام الياريس بيتسبب فكسر الفيبر و لازم تغير الرفرف أو الاكسدام

كلام مظبوط
ولكن ده لا يغني برضه ان الثقافة دي لا تغني عن الحوادث الجامده اللي بيقى الصاج ونقاط الانهيار عامل اساسي فيها

والتجربة اكبر دليل
يعني لو عربيه واخده نقاط عاليه في اختبار تصادم وواحد ياتي يقولي دي عربيه مفيهاش صاج او انها عربيه ضعيفه او ان اللي راكب فيها ممكن يموت في حادثة
يبقى مع احترامي بيتكلم وخلاص

[007]

كلام مظبوط
ولكن ده لا يغني برضه ان الثقافة دي لا تغني عن الحوادث الجامده اللي بيقى الصاج ونقاط الانهيار عامل اساسي فيها

والتجربة اكبر دليل
يعني لو عربيه واخده نقاط عاليه في اختبار تصادم وواحد ياتي يقولي دي عربيه مفيهاش صاج او انها عربيه ضعيفه او ان اللي راكب فيها ممكن يموت في حادثة
يبقى مع احترامي بيتكلم وخلاص

أنا مواقفك
بس مش معنى أني بهاجم العربيات الفيبر أني مع القديم و متخلف
في عربيات جديدة كتير بتجمع بين الأتنين قوة البودي و الأمان ( بس للأسف و بسبب العبقريه التشريعية المصريه مش بتنزل مصر :roll: ) زي الكامري و اللكزس و الجالانت
وزي مقولت للأسف الجمرك ( تخلفنا ) هو اللي بيتسبب فحرمان الشعب من عربيات أمنه و قويه و سعرها مش عالي أوي ( بدون جمرك)

[wawoo]

عما عن علاقة الصاج بالامان عشان الصاج الاخف بيعمل نقاط انهيار ذاتي في التصميم وده كل المصممين بيراعوة حاليا
في داهية العربية المهم اللي جواها
والفيديو اصدق دليل

كريم منير

انت قربت يا كريم الحقيقة من اللى انا عاوز اقولة بس عاوز اقولك شوف كدة الصلب بتاع المرسيدس او الاوبل او الجولف او اى سيارة امريكية , حتلاقى انة اقوى اكيد من السيارات اليابانية , و هو هو الصلب اللى كان بيستعمل زمان فى عربيات زمان ان لم يكن اقوى كمان , فخفة الصلب دى ملهاش علاقة بالامان , بالعكس كل ما كان الصلب سمك اكبر كل ما كانت مقاومتة للتشوة اللى بيحصل اثناء الحادث اكبر .

و طبعا الفيديوهات دى انا شوفت منها كتير , بس احب اوضحلك ان الفرق بين السيارة القديمة و السيارة الجديدة مش الفرق فى خفة الصلب , الفكرة انهم لما توصلو للتصميمات اللى بتقدر تمتص الصدمات , فبعض الشركات بدائت تخفف من الصلب المستخدم فى الهيكل و كانت الشركات اليابانية سباقة فى الموضوع دة عشان توفر شوية و تعمل سيارات ارخص شوية بينما معظم الشركات الاوروبية و الامريكية مازلت بتستعمل صلب قوى جدا فى سيارتها و خصوصا المودلات الغلية لانة اامن .

اية بقى الفرق الحقيقى , شوف يا سيدى
لما بتكون السيارة متحركة بسرعة , فبالميكانيكا فى طاقة حركة , طاقة الحركة بتزيد كل ما السرعة تزيد , تمام , لم يحصل حادث لا قدر اللة بيكون فى رد فعل , حسب قانون كل فعل لة رد فعلا مساوى فى المقدار و مضاد لة فى الاتجاة , فطاقة الحركة اللى فى السيارة و هى متحركة لما تتوقف السيارة فجائة الطاقة دى بتتحول لطاقة وضع و بتخرج ,تخرج تروح فين .
-فى التصميمات السيارات القديمة , الطاقة دى بتقوم بتشوية جسم و هيكل السيارة تماما بشكل عشوائى و يحصل زى ما شوفت كدة فى الفيديو , العربية تطبق على دماغ اللى فيها .
فى التصميمات الجديدة بقى المهندسين عملو اية , قالك احنا عوزين نعمل حاجتين , اولا نبعد الطاقة دى عن الركاب قدر الامكان , ثانيا نخلى كل هيكل السيارة يمتص الطاقة دى و تتوزع علية بانتظام عشان يقدر يقاوم الصدمة دى .
طبعا الموضوع دة اخد سنين عشان يوصلولة بعد تجارب و اختبرات كتير .
شوف يا سيدى , لما استخدمو الكوبيوتر فى محاكاة التصادم و الطاقة اللى خارجة دة , قدرو يتوصل لحاجة اسمها مناطق التهشم ,crash zone اية بقى حكاية مناطق التهشم دى , دى حكايتها كبيرة قوى
هى دى بقى الفرق بين الفديوهين اللى الاخب ابو عبد الله تفضل وحطهم .
عبارة عن ان الصلب اللى مكون من الشاسية و الهيكل فى المناطق الامامية صمم بطريقة انة عند التصادم ينكمش على بعضة بانتظام , عارف الة الاكورديون بتكبر و تصغر ازى نفس الموضوع بالضبط عملو فى المناطق دى .
فبدل ما الصلب يتشوة بشكل عشوائى و الطاقة تروح للركاب فى الاخر , لاء الصلب يطبق على بعضة و يمتص الصدمة , ومش بس كدة كمان يوزع الطاقة الصدمة على باقى اجزاء الهيكل بانتظام عشان مايحصلش تشوه فى الهيكل و يطربق على دماغ الى جواة .
و الموضوع دة مقدروش يتحكمو فية بدقة غير باستخدام اجهزة الكمبيوتر
عشان كدة كل الهيكل دلوقتى بيتصمم و بيتم عمل اختبارات تصادم لة و هو على الكمبيوتر قبل ما يتنفذ بالفعل , والكمبيوتر كمان بيقوم بتصميم مناقط التهشم دى و اضافتها على التصميم .
عاشن كدة دلوقتى بس فى السنتين الاخيرتين بقينا نشوف خمس نجوم فى اختبرات التصادم , و شركة مرسيدس و رينو هما كانو الرواد فى الموضوع دة .
وعاوز كمان اوضحلك ان دى برامج معقدة و فيها كتير من اسرار المهنة زى ما بيقولو , لان هو دة الفرق بين السيارة الحديثة و السيارة الصينى مثلا , يعنى الصينين بيستعملو نفس الصلب المستخدم فى السيارات الاخرى لكن ليسة معندهمش تكنولوجيا مناطق التهشم دى , فانت عرف اية اللى بيحصل فى سيارتهم .

[أبو عبدالله]

انت قربت يا كريم الحقيقة من اللى انا عاوز اقولة بس عاوز اقولك شوف كدة الصلب بتاع المرسيدس او الاوبل او الجولف او اى سيارة امريكية , حتلاقى انة اقوى اكيد من السيارات اليابانية , و هو هو الصلب اللى كان بيستعمل زمان فى عربيات زمان ان لم يكن اقوى كمان , فخفة الصلب دى ملهاش علاقة بالامان , بالعكس كل ما كان الصلب سمك اكبر كل ما كانت مقاومتة للتشوة اللى بيحصل اثناء الحادث اكبر .

و طبعا الفيديوهات دى انا شوفت منها كتير , بس احب اوضحلك ان الفرق بين السيارة القديمة و السيارة الجديدة مش الفرق فى خفة الصلب , الفكرة انهم لما توصلو للتصميمات اللى بتقدر تمتص الصدمات , فبعض الشركات بدائت تخفف من الصلب المستخدم فى الهيكل و كانت الشركات اليابانية سباقة فى الموضوع دة عشان توفر شوية و تعمل سيارات ارخص شوية بينما معظم الشركات الاوروبية و الامريكية مازلت بتستعمل صلب قوى جدا فى سيارتها و خصوصا المودلات الغلية لانة اامن .

اوافقك ولكن مشكلتنا ان احنا لم نرى الياباني الذي يقارن بالمرسيدس والبي ام ويتغلب عليهم كمان
ولما بنقارن الياباني بالالماني بنقارن بالعربيات اللي احنا عايشين وسطها
بنقارن اللانير والكورولا بالبي ام والمرسيديس
وده مش مقياس ابدا
حضرتك لو شوفت اللكزس او الافالون او الكامري حته هتلاقي فيهم صاج
والمسألة مش مسالة توفير زي ما بتقول
المسألة مسالة تخفيف في استهلاك البنزين
وزي ما حانا كلنا عارفين ان رائد حماية البيئة في العالم هيا اليابان
واليابان اول واسبق دولة بتحاول تحافظ على البيئة
يكفي ان اخر سباق فورميلا كانت هوندا شايله من على عربيتها كل الاعلانات وراسمين عليها رسومات طبيعية لأول دعوة في السباقات للحفاظ على البيئة واول دولة تعمل بداخلها السايارت الهيدروجينية
فاليابان بتخفف في العربيات علشان الاداء وتوفير استهلاك البنزين وخفة وزن العربيه

اما العربيات الفارهة فهذا بيكون موجود ايضا ولكن مش بيبقى من اولوياتهم ومع ذلك برضه اليابانيين بيبقى ده عندهم من الاولويات
بدليل ان العربيات الالماني واخده في اروربا اعلى العربيات في خروج الكربون من عوادهم النسبة عاليه في مرسيدس وبي ام
واليابانيين طبعا في المركز الاولى
والأيطاليين تفوقوا ايضا فيها

[wawoo]

اوافقك ولكن مشكلتنا ان احنا لم نرى الياباني الذي يقارن بالمرسيدس والبي ام ويتغلب عليهم كمان
ولما بنقارن الياباني بالالماني بنقارن بالعربيات اللي احنا عايشين وسطها
بنقارن اللانير والكورولا بالبي ام والمرسيديس
وده مش مقياس ابدا
حضرتك لو شوفت اللكزس او الافالون او الكامري حته هتلاقي فيهم صاج
والمسألة مش مسالة توفير زي ما بتقول

تمام يا ابوعبد الله , انا كنت اقصد التوفير فى المودلات الشعبية زى اليارس و ما شبهها يعنى و دة موجود برضو فى المودلات الاوروبية الرخيصة ايضا .
بس النقطة اللى كنت اقصدها اساسا , ان السيارات الغالية مازلت بتستعمل صلب قوى اهة , زى ما انت بتقول , يعنى المودلات الغالية الصلب بيكون فى بسمك ازيد قليلا , و دة لزوم المتانة و الامان و العمر الافتراض الاكثر .

[Karim_Monir]

عشان برضه احنا بنركب من الياباني الفئات المتوسطة
لكن ماحدش بيقدر الكامري والالتيما
بنفس التمن بيجبوا مرسيدس وبي ام

[Nile Heart]

[/quote]

تمام يا ابوعبد الله , انا كنت اقصد التوفير فى المودلات الشعبية زى اليارس و ما شبهها يعنى و دة موجود برضو فى المودلات الاوروبية الرخيصة ايضا .
بس النقطة اللى كنت اقصدها اساسا , ان السيارات الغالية مازلت بتستعمل صلب قوى اهة , زى ما انت بتقول , يعنى المودلات الغالية الصلب بيكون فى بسمك ازيد قليلا , و دة لزوم المتانة و الامان و العمر الافتراض الاكثر .[/quote]

نقطه اخرى وهى ان كلما زاد الموتور زادت الأهتزازات ولزم زياده سمك الصاج لمنع الصوت الصادر منه
وأيضا لزم زياده وزن السياره لأيجاد توازن بين القوه والوزن (ثبات للسياره)

مش بس متانه

[Karim_Monir]

طبعا كلام مظبوط جدا
واكبر دليل الشباب اللي بتسقط مواتير 330 او 335 في عربيه 316 وماتعدلش بقيت الاجزاء
تحس ان العربية حصان من غير لجام
لان شاسية العربيات الاعلي دي مصمم يستحمل الخرج الرهيب للموتور ذو الخمسة الالاف حمار ده
موتور بي ام 3500 سي سي في عربية صغيرة زي دي
الله يرحم صاحبها ويرحم الناس اللي جنبة منه

[hero]

يا جماعه انتوا محسسني انك بتتكلموا عن دبابات او مدرعات....طيب لو الحكاية كدة الواحد يشوفلة حتة نص جنزير...ويريح نفسة...

اغلب مصنعي السيارات في العالم بيتجهوا لتخفيف وزن السيارة....لدرجة ..
ان في سيارات ...اجزاء كبيرة منها فبر...يعني لا هي صلب ولا صاج
ان في سيارات ....وغالية جدااا ومؤمنة جداااا....واغلب هيكلها الومنيوم....
وفي سيارات بملاين...هيكلها كاربون فيبر....بالكامل....

يعني حكاية صاج محمل دي.....ما عادتش تناسب صناعه السيارات...ممكن تتقال حاجة تانية...زي البوتجازات مثلا....!!!!

بالنسبة لتويوتا....دي مش اول مرة عربية تتصنع بالكامل خارج اليابان ...وتكتسح بنفس سمعه الموديل المصنع في اليابان....

الكورولا الامريكي مثلا ....تصنيع امريكي 100% حتي التصميم بيتعمل في امريكا...

وبالمناسبة....الموديل ايلي هاينزل عندنا هنا 2008 ....هو الموديل ايلي هاتفرضة اليابان علي مصنع امريكا تنفذة علشان يبقي موديل 2009.....
يعني الموديل الجنوب افريقي...هو الموديل المعتمد لامريكا السنة الجاية....ودة فلعلا بيشككني في الموديل ايلي بيتقال عنة انة ياباني ....بمحرك قديم ..هو محرك الكورولا الــ1600 العادي..وهونفس محرك الافينسيس ايلي موجودة هنا في مصر....يعني الحكاية مش ماشية ابدا انها 2008....

[wawoo]

يا جماعه انتوا محسسني انك بتتكلموا عن دبابات او مدرعات....طيب لو الحكاية كدة الواحد يشوفلة حتة نص جنزير...ويريح نفسة...

اغلب مصنعي السيارات في العالم بيتجهوا لتخفيف وزن السيارة....لدرجة ..
ان في سيارات ...اجزاء كبيرة منها فبر...يعني لا هي صلب ولا صاج
ان في سيارات ....وغالية جدااا ومؤمنة جداااا....واغلب هيكلها الومنيوم....
وفي سيارات بملاين...هيكلها كاربون فيبر....بالكامل....

السيارات الفرنسية عموما بتستعمل الفيبر فى جوانب الاجزاء الامامية , و دة مش عشان تخفيف الوزن دة عشان تخفيف التكلفة , و مش كل الشركات بتعملة , اليابانين مثلا مش بيستعملو فبر خالص , و قلت مافيش حاجة اسمها صاج , الهيكل بيتعمل من الصلب الصلب , الصاج دة ماينعش للعربيات خالص , و الكاربون فايبر ممكن يتعمل منة الهيكل و الشاسية كمان و دة اقوى من الصلب كمان و اخف و اغلى كتير بييستعمل فى الفرارى و ما شبها و مكلف جدا جدا .