ياريس تقطع 640 الف كم في ثلاث سنوات ونصف ....

[ahmedsadek82]

مرسيدس 200 بتاعة زمان دي في منها كتير في مصر كاسر المليون كم من غير عمرة

موضوع تيل الفرامل ده مستحيل علميا ,الا لو كان بيسوق في الصراء مافيش حاجة قدامه ! لان احتكاك التيل بالديسك بيؤدي لتاكل التيل اما لو كان من ماده اي كلام حياكل فل ديسك ! , يعني لازم حاجة من الاتنين تبوظ ! , و ده طبيعي ! لكن ما وراء الطبيعة ده مش موجود فل ميكانيكا للاسف

[BassamHafez]

يا ترى العربية دي1300 زي اللي بتنزل مصر ولا ايه

اصل ماشاء الله تجميعها مش بتاع 1300 خالص

[mr_sameh]

انا بصراحة مش مصدق خالص

[hero]

يا ترى العربية دي1300 زي اللي بتنزل مصر ولا ايه

اصل ماشاء الله تجميعها مش بتاع 1300 خالص

اغلب الياريس ايلي بينزل اوروبا وامريكا 1500 cc زي ايلي موجودة في الخليج ...

الكويت فيها الاتنين 1300 و 1500 cc

[BassamHafez]

اغلب الياريس ايلي بينزل اوروبا وامريكا 1500 cc زي ايلي موجودة في الخليج ...

الكويت فيها الاتنين 1300 و 1500 cc

ما شاء الله

1500 على عربيه في وزن الياريس تبقى طلقة

[Michael_Lanos]

الواحد بيزداد فخر بالعربيات اليابانى كل يوم عن التانى

[ahmedsadek82]

ما شاء الله

1500 على عربيه في وزن الياريس تبقى طلقة

power in nothing without control & stability !!! , the yaris is verrrrrrry unstable ! ,

[BassamHafez]

power in nothing without control & stability !!! , the yaris is verrrrrrry unstable ! ,

you are completly right but i am just talking about the acceleration from 100 to 180 in the video

[ابوشريف]

رجاء من الاخوه العرب الكتابه بلغتنا العربيه الجميله

[BassamHafez]

رجاء من الاخوه العرب الكتابه بلغتنا العربيه الجميله

انت تأمر يا باشا

[sa3dawy]

power in nothing without control & stability !!! , the yaris is verrrrrrry unstable ! ,

على اى اساس حكمت ان الياريس مش ستيبل للدرجة دى ؟؟؟

وياريت تقولى انت بتقارنها با ايه .؟؟؟
يعنى ايه هى العربيات الثابته من وجهة نظرك ؟؟؟ مقارنة باليارس ؟؟؟

انا ماشى 40 الف كيلو وعمر العربية ما عومت منى ولا حسيت ابدا انها سيئة فى الثبات .


على فكرة مقارنة بالاوبترا والالنترا وشلة الكورى كلها الياريس يعتبر ثباتها ممتاز جدا .

ودا عن تجربة .

لا انا شديد مع العربيات دى ....
تخيل كان السحب بتاعهم احسن (عشان مانوال على 1600 )

لكن فى الملفات كانت العربيات بتعوم منهم وكانوا بيهدوا غصب عنهم

لكن انا كنت باخد ملفات صعبة جدا على سرعات عالية ..

يومها اصحابى كلهم اقتنعوا بثبات الياريس واعترفوا انهم مكنوش يتخيلوا ان ثباتها كده ابدا .


ثانيا احنا فى مصر السرعة القانونية المفروض متعديش اكثر من 120
عشان حالة الطرق وحالة البلد والزحمة

ودا كله فى مصلحة الياريس .

[ahmed2000]

الياريس عربية جميلة واعتمادية جدا

وثباتها حلو مش وحش

[Michael_Lanos]

على اى اساس حكمت ان الياريس مش ستيبل للدرجة دى ؟؟؟

وياريت تقولى انت بتقارنها با ايه .؟؟؟
يعنى ايه هى العربيات الثابته من وجهة نظرك ؟؟؟ مقارنة باليارس ؟؟؟

انا ماشى 40 الف كيلو وعمر العربية ما عومت منى ولا حسيت ابدا انها سيئة فى الثبات .


على فكرة مقارنة بالاوبترا والالنترا وشلة الكورى كلها الياريس يعتبر ثباتها ممتاز جدا .

ودا عن تجربة .

لا انا شديد مع العربيات دى ....
تخيل كان السحب بتاعهم احسن (عشان مانوال على 1600 )

لكن فى الملفات كانت العربيات بتعوم منهم وكانوا بيهدوا غصب عنهم

لكن انا كنت باخد ملفات صعبة جدا على سرعات عالية ..

يومها اصحابى كلهم اقتنعوا بثبات الياريس واعترفوا انهم مكنوش يتخيلوا ان ثباتها كده ابدا .


ثانيا احنا فى مصر السرعة القانونية المفروض متعديش اكثر من 120
عشان حالة الطرق وحالة البلد والزحمة

ودا كله فى مصلحة الياريس .

انا معاك فى كل كلمه وعن تجربه مع صدقيني مالك ياريس 2008 اوتوماتيك
امان، راحه، ثبات معقول جدا ومش هانقول ممتاز، توفير بنزين، عاليا بنسبه عن الارض وده يفيد جدا وسط البلد كعربيه اسره، انا لو بيعت عربيتي اللانوس اجيب ياريس وانا فرحان

[sa3dawy]

مام يا مايكل باشا

انا بس كنت عاوز اوضح للناس ان السيراتو مش افضل من الياريس بمراحل زى ما الناس متخيلة

الناس بتتكلم عن السيراتو وكانها بى ام دبليو !!!!

العربية السيراتو بعد ال 140 وحياة ربنا خطر وبتعوم

على عكس الياريس عمرها ما عومت منى

انا واخد بيها امبارح منحنى على سرعة 90 لو حضرتك كنت معايا كنت هتشهد وهتبصم بالعشرة بثبات الياريس.

يبقى با اختصار

الياريس كثبات وكتسارع وكعربية بشكل عام

لا تقل ابدا عن الشلة الكورى الى مليناة كماليات واوبشن

وانا عن نفسى مثلا لو امامى ياريس او سيراتوى هختار ياريس تانى
ودا مش تحيز والله دا عن اقتناع
لان العربية الياريس حقيقى من اجمل ما انتجته تويوتا
وشوف فى اميركا بيقولوا عليها ايه

لو التوكيل كان بينزل ال 1500 منها كان زمانها فى الشد والسحب اجمد من كل العربيات ال 1600 .....زى الهوندا سيتى كده .

عموما انا من النوعية الى بحب العربية تكون صغيرة وفى نفس الوقت قوية وسريعة وثابته ومش بحب الحجم الكبير ابدا ....

الياريس بره دلوقتى بتنزل ياباشا بموتور جديد 1.33 105 حصان
وجنوط 17 دا للفئة الرياضية
وتراكشن كنترول
وبرنامج الثبات الالكترونى
دا غير النافيجاشن سيستم

العربية زى ما قلتلك لو وصلت مصر بكل كماليتها زى السيراتوا كده
سعرها هيوصل ل 140 الف مستريح .....

يبقى بالعقل كده لما تكون حاجة صغيرة واوبشنز اقل ورغم كده اغلى
دا معناه ايه

معناه ببساطة جودة الصناعة .

زى الفورد فييستا عربيا ب 120 الف واصغر من الياريس ...
وانا عارف ان المصريين مش هتعجبهم العربية ...
لكن رغم كده العربية واخد 5 من 5 على سايت وات كار ..
وكل التقييمات والريفيوهات بيقولوا فيها شعر ...

الناس بدات تهتم بالعربيات الصغيرة والقوية والواسعة من جوة فى نفس الوقت وتكون مريحة وثابته بقدر الامكان عشان مشكلة الازدحام والانبعاث الكربونى وحاجات كتير .

واحنا محتاجين ننقل الثقافة دى لمصر .

العربيان مش بالحجم والشكل .
ولو كده كانت البريليانس جالينا تبقى بقى عربية الاحلام بالنسبة لسعرها .


ارجع واقول فيات يا جماعة
وفولكس

حقيقى عاملين شغل جامد جدا

وان شاء الله او مايجيلى فلوس هجيب جولف 5 مستعملة او فيات برافو جديدة

كده اكون عملت نقلة تستاهل واكون بجد اشتريت حاجة اثبت واقوى واحسن من الياريس .

لكن مش تقولى سيراتوا او النترا او كروز .....

مهو اساسا الياريس ثمنها زيهم يبقى مفيش فرق ..
بالعكس زى ما قلتلك لما تكون العربية صغيرة وفى نفس الوقت غالية دا معناه ان صناعتها وجودتها مميزة ...

لاحظ ان الياريس ب الاوتو كاملة ب 105 عشان من غير جنط
زود جنط هتلاقيها ب 110 اقل واجب
ودا ال 1300

شوف بقى لو 1500 وكمان جنط اكبر نقول 17 مثلا زى بتاع السيراتو

هتكتشف ان سعر الياريس نفس سعر السيراتوا
والفكرة ان تويوتا جايبة العربية فاضية عشان تحسن سعرها
وعشان متبقاش بسعر الكورولا .

زى الهوندا سيتى
فاكر اول ما نزلت كانت ب 128

بلاش دى

الفيات 500 عربية ب 150 الف
وفى نفس فئة وحجم الياريس

باختصار انا عاوز اقول
ان العربيات مش بالحجم
العربية بالكواليتى وبالاسم وبالصناعة

[Hisham1]

بانتظار الفيديوالجديد يا باشا متنساش