ياريس تقطع 640 الف كم في ثلاث سنوات ونصف ....

[ahmedbasto]

صعبة أووى موضوع انه مايغيرش التيل ل640 الف كم

[chip]

أنا عامل ٥٠٠٠٠ كلو بنفس التيل، ما شاء الله.

[محمد ابراهيم 1]

مستحيل ميكونش غير التيل

[al_manara]

ما شاء الله بصراحة انا بحترم الشركة دي جدا جدا ( مع اني مش بحب الياريس)

[Hisham1]

مام يا مايكل باشا

انا بس كنت عاوز اوضح للناس ان السيراتو مش افضل من الياريس بمراحل زى ما الناس متخيلة

الناس بتتكلم عن السيراتو وكانها بى ام دبليو !!!!

العربية السيراتو بعد ال 140 وحياة ربنا خطر وبتعوم

على عكس الياريس عمرها ما عومت منى

انا واخد بيها امبارح منحنى على سرعة 90 لو حضرتك كنت معايا كنت هتشهد وهتبصم بالعشرة بثبات الياريس.

يبقى با اختصار

الياريس كثبات وكتسارع وكعربية بشكل عام

لا تقل ابدا عن الشلة الكورى الى مليناة كماليات واوبشن

وانا عن نفسى مثلا لو امامى ياريس او سيراتوى هختار ياريس تانى
ودا مش تحيز والله دا عن اقتناع
لان العربية الياريس حقيقى من اجمل ما انتجته تويوتا
وشوف فى اميركا بيقولوا عليها ايه

لو التوكيل كان بينزل ال 1500 منها كان زمانها فى الشد والسحب اجمد من كل العربيات ال 1600 .....زى الهوندا سيتى كده .

عموما انا من النوعية الى بحب العربية تكون صغيرة وفى نفس الوقت قوية وسريعة وثابته ومش بحب الحجم الكبير ابدا ....

الياريس بره دلوقتى بتنزل ياباشا بموتور جديد 1.33 105 حصان
وجنوط 17 دا للفئة الرياضية
وتراكشن كنترول
وبرنامج الثبات الالكترونى
دا غير النافيجاشن سيستم

العربية زى ما قلتلك لو وصلت مصر بكل كماليتها زى السيراتوا كده
سعرها هيوصل ل 140 الف مستريح .....

يبقى بالعقل كده لما تكون حاجة صغيرة واوبشنز اقل ورغم كده اغلى
دا معناه ايه

معناه ببساطة جودة الصناعة .

زى الفورد فييستا عربيا ب 120 الف واصغر من الياريس ...
وانا عارف ان المصريين مش هتعجبهم العربية ...
لكن رغم كده العربية واخد 5 من 5 على سايت وات كار ..
وكل التقييمات والريفيوهات بيقولوا فيها شعر ...

الناس بدات تهتم بالعربيات الصغيرة والقوية والواسعة من جوة فى نفس الوقت وتكون مريحة وثابته بقدر الامكان عشان مشكلة الازدحام والانبعاث الكربونى وحاجات كتير .

واحنا محتاجين ننقل الثقافة دى لمصر .

العربيان مش بالحجم والشكل .
ولو كده كانت البريليانس جالينا تبقى بقى عربية الاحلام بالنسبة لسعرها .


ارجع واقول فيات يا جماعة
وفولكس

حقيقى عاملين شغل جامد جدا

وان شاء الله او مايجيلى فلوس هجيب جولف 5 مستعملة او فيات برافو جديدة

كده اكون عملت نقلة تستاهل واكون بجد اشتريت حاجة اثبت واقوى واحسن من الياريس .

لكن مش تقولى سيراتوا او النترا او كروز .....

مهو اساسا الياريس ثمنها زيهم يبقى مفيش فرق ..
بالعكس زى ما قلتلك لما تكون العربية صغيرة وفى نفس الوقت غالية دا معناه ان صناعتها وجودتها مميزة ...

لاحظ ان الياريس ب الاوتو كاملة ب 105 عشان من غير جنط
زود جنط هتلاقيها ب 110 اقل واجب
ودا ال 1300

شوف بقى لو 1500 وكمان جنط اكبر نقول 17 مثلا زى بتاع السيراتو

هتكتشف ان سعر الياريس نفس سعر السيراتوا
والفكرة ان تويوتا جايبة العربية فاضية عشان تحسن سعرها
وعشان متبقاش بسعر الكورولا .

زى الهوندا سيتى
فاكر اول ما نزلت كانت ب 128

بلاش دى

الفيات 500 عربية ب 150 الف
وفى نفس فئة وحجم الياريس

باختصار انا عاوز اقول
ان العربيات مش بالحجم
العربية بالكواليتى وبالاسم وبالصناعة

+1

[HSultan]

المقصود بالفرامل هنا هو الديسكات وليس التيل
لاحظتوا كمية التعديلات فى السيارة
زى السوست الأقصر لتخفيض إرتفاع السيارة
ومأخذ خليط الهواء بالبنزين
وفلتر الهواء وأجزاء من الشكمان stabilizer bar, anti-sway bar, or anti-roll bar,
وجنوط 17" وموازن للتعليق الخلفى
وموازن آخر أمامى (يصل بين المساعدين الأمامين من الأعلى )
+ زينون

[mmffor]

في امريكا بيقطعوا المسافات دي في زمن قياسي. و فعلا بيحبوا الياباني للمسافات الكبيره علشان استهلاك الوقود