اسطوانة الدبرياج .. ازاي تحافظ عليها؟؟

[ahmed643]

معلومات جميله الحقيقه

بس فى سؤال
لو انا ماشى عالخامس على سرعه 100 مثلا وسرعه العربيه هديت وليكن ووصلت 70 فانا طبعا لازم اسقط واجيب الرابع عشان اجدد عزم العربيه ومش ازود الحمل عالفتيس الكلام ده صح ولا غلط؟

ده تععقيب على موضوع التسقيط يعنى

لان فى حالات كتير جدا بتستدى انى اسقط

ولا ايه؟

[asemx1]

معلومات جميله الحقيقه

بس فى سؤال
لو انا ماشى عالخامس على سرعه 100 مثلا وسرعه العربيه هديت وليكن ووصلت 70 فانا طبعا لازم اسقط واجيب الرابع عشان اجدد عزم العربيه ومش ازود الحمل عالفتيس الكلام ده صح ولا غلط؟

ده تععقيب على موضوع التسقيط يعنى

لان فى حالات كتير جدا بتستدى انى اسقط

ولا ايه؟

ياباشا كلامك صح لو تمعنت شويه فى الكلام هتفهم انى بقول على تسقيط النقله علشان تخلى المكنه تزاعق كدا دا معنى تسقيط النقله ان السرعه الرابعه مثلا بتجيب 100 وتسقط على التالت علشان تجيب 120 مثلا دا غلط موووووووت
الى بتقول عليه دا صح جدا ودا بيعمل عدم اجهاد على مجموعه الدبرياج والتروس وكمان المحرك
لانك بكدا بتمنع الكركره والاهتزازات الناتجه من المحرك نتيجه دورانه بسرعه قليله جدا

[ahmed643]

ياباشا كلامك صح لو تمعنت شويه فى الكلام هتفهم انى بقول على تسقيط النقله علشان تخلى المكنه تزاعق كدا دا معنى تسقيط النقله ان السرعه الرابعه مثلا بتجيب 100 وتسقط على التالت علشان تجيب 120 مثلا دا غلط موووووووت
الى بتقول عليه دا صح جدا ودا بيعمل عدم اجهاد على مجموعه الدبرياج والتروس وكمان المحرك
لانك بكدا بتمنع الكركره والاهتزازات الناتجه من المحرك نتيجه دورانه بسرعه قليله جدا

معلومات جميله جدا وفعلا ده الصح

اصل زى منتا ععارف سواقه المانوال دى كل واحد ليه اقتناع بسواقته تبع المدرسه الى اتربى عليها

من الاخر مضمون كلام حضرتك

ان الشد والحرق والتسقيط الغير مببرر والمشى البطىء على نقلات عاليه كل دى بتؤدى الى اتلاف مجموعه الدبرياج

صح كده ؟

[BLOODY_STONE]

طب انا عندي سؤال .. لما تيجي تفرمل ... الاحسن للموتور انك تطغط دبرياج مع الفرامل ولا تهدي شوية و بعدين تفصل التروس؟؟؟
ايه الاحسن بشكل عام للعربية؟؟

[asemx1]

معلومات جميله جدا وفعلا ده الصح

اصل زى منتا ععارف سواقه المانوال دى كل واحد ليه اقتناع بسواقته تبع المدرسه الى اتربى عليها

من الاخر مضمون كلام حضرتك

ان الشد والحرق والتسقيط الغير مببرر والمشى البطىء على نقلات عاليه كل دى بتؤدى الى اتلاف مجموعه الدبرياج

صح كده ؟

اكيد يا معلم على المدى البعيد او القريب كمان

[asemx1]

طب انا عندي سؤال .. لما تيجي تفرمل ... الاحسن للموتور انك تطغط دبرياج مع الفرامل ولا تهدي شوية و بعدين تفصل التروس؟؟؟
ايه الاحسن بشكل عام للعربية؟؟

بص انا لاحظت الاجانب بيعملوا كدا
بس فى رائى انا دى اجهادات رهيبه على مجموعه نقل الحركه اساسا وبالزات انك بتحملها بقدره عكس اتجاه القدره الى متصمم عليها مجموعه الحركه
الى انتا بتتكلم عليه دا اسمه فرمله المحرك من الاخر دى بتنفع فى العربيات النقل الثقيل بس علشان الفرامل لواحدها لاتكفى فى النقل الثقيل وبتسخن جدا جدا جدا فبيستخدم فرمله المحرك كمان علشان يعرف يوقفها
فى العربيه الحاجه الوحده الى بتتحمل عليها لما تفصل وتضغط فرامل ( يعنى تضغط على الدبرياج والفرامل فى نفس الوقت ) هوا التيل والدسك بتاع الفرامل فقط
لكن تعالى بقى للحركه بتاعت فرمله المحرك بتحمل على ايه
1- الكبالن ( جر امامى )
2- الصليبه والكرونه ( جر خلفى )
3- مجموعه الدبرياج
4 - صندوق التروس والاسنان
5- المحرك نفسه لان بكدا بتزود عدد لفاته فى الدقيقه ودا بيزود استهلاك البنزين

اكيد كدا افتكرتوا ان العربيه عباره عن ورق من كلامى
الحاجات الى بتكلم عنها دى بتحصل بعد الاف الكيلومترات وبعد مئات المرات يعنى ماحدش يقلق العربيه مش ورق بس على المدى البعيد تطلب تغييرات واصلاح

[ahmed643]

اكيد يا معلم على المدى البعيد او القريب كمان

حلوه معلم دى اوى

بجد استفدت منك

انت هندسه سيارات ولا ايه ؟

[asemx1]

حلوه معلم دى اوى :e_braces[1]:

بجد استفدت منك

انت هندسه سيارات ولا ايه ؟

لا هندسه المنصوره قسم ميكانيكا باور
بس انا متداس فى العربيات من وانا صغير خالص واعرف كل حته فيها وبتمعن وبجيب وبعدل فيها كمان وبقرا كتب كتير فى العربيات وصيانتها
وجايب كل اجهزه وعدد العربيات بتاعت العربيه وبشتغل فى المواتير بايدى والعفشه الى بتحتاج عضلات بس بروح لعفشجى بس مابخليش حد يمد ايده فى الماتور غيرى :)
ولو عوزت اى حاجه يا معلم انا تحت امرك :d معلم اهم علشان تتبسط ههههههههههههه

[ahmed643]

لا هندسه المنصوره قسم ميكانيكا باور
بس انا متداس فى العربيات من وانا صغير خالص واعرف كل حته فيها وبتمعن وبجيب وبعدل فيها كمان وبقرا كتب كتير فى العربيات وصيانتها
وجايب كل اجهزه وعدد العربيات بتاعت العربيه وبشتغل فى المواتير بايدى والعفشه الى بتحتاج عضلات بس بروح لعفشجى بس مابخليش حد يمد ايده فى الماتور غيرى :)
ولو عوزت اى حاجه يا معلم انا تحت امرك :d معلم اهم علشان تتبسط ههههههههههههه

كويس يا معلم دا احنا كدا شبه بلديات انا نصى منصوره ونصى شرقيه

اكيد هيكون بنا كلام يشرفنا معرفتك بجد

يا معلم ههههه

[asemx1]

كويس يا معلم دا احنا كدا شبه بلديات انا نصى منصوره ونصى شرقيه

اكيد هيكون بنا كلام يشرفنا معرفتك بجد

يا معلم ههههه

تنور يا باشا لو عزت اى حاجه قولى على طول انا فى الخدمه :)
اه وبدام انتا بتيجى المنصوره انا ممكن اوصفلك بتوع العفشه والزوايا النضاف الى فى المنصوره لكن ميكانيكيه لا ماحدش هنا كويس
وبتوع الفرش والاكصدامات الفبر والسمكره :)

[ahmed643]

تنور يا باشا لو عزت اى حاجه قولى على طول انا فى الخدمه :)
اه وبدام انتا بتيجى المنصوره انا ممكن اوصفلك بتوع العفشه والزوايا النضاف الى فى المنصوره لكن ميكانيكيه لا ماحدش هنا كويس
وبتوع الفرش والاكصدامات الفبر والسمكره :)

شكرا ليك يا هندسه اكيد لو احتجت حاجه هسالك

كنت عامل حادثه وكنت بشحت المعومات ومحدش دلنى على حاجه

بس الحمد لله ادبرت

[m_s_azzam]

ربنا يباركلك و يجعله فى ميزان حسناتك

[sigma]

لو العربية اللى كانت معاك اتوماتك يبقى مستحيل تغير الاسطوانة لانه ببساطة لا يوجد اسطوانة دبرياج فى الاتوماتيك ...

أكيد أنا مش جاهل للدرجه دى بعد 30 سنه سواقه طبعا العربيه كانت مانيوال لكن ملاحظتى على النقله n بخصوص فتيس mmt اللى هو فتيس مانيوال بدون دواسة دبرياج وفيه اسطوانه وديسك واكتويتور بدل الدواسه

[mo7hamedemad]

بص انا لاحظت الاجانب بيعملوا كدا
بس فى رائى انا دى اجهادات رهيبه على مجموعه نقل الحركه اساسا وبالزات انك بتحملها بقدره عكس اتجاه القدره الى متصمم عليها مجموعه الحركه
الى انتا بتتكلم عليه دا اسمه فرمله المحرك من الاخر دى بتنفع فى العربيات النقل الثقيل بس علشان الفرامل لواحدها لاتكفى فى النقل الثقيل وبتسخن جدا جدا جدا فبيستخدم فرمله المحرك كمان علشان يعرف يوقفها
فى العربيه الحاجه الوحده الى بتتحمل عليها لما تفصل وتضغط فرامل ( يعنى تضغط على الدبرياج والفرامل فى نفس الوقت ) هوا التيل والدسك بتاع الفرامل فقط
لكن تعالى بقى للحركه بتاعت فرمله المحرك بتحمل على ايه
1- الكبالن ( جر امامى )
2- الصليبه والكرونه ( جر خلفى )
3- مجموعه الدبرياج
4 - صندوق التروس والاسنان
5- المحرك نفسه لان بكدا بتزود عدد لفاته فى الدقيقه ودا بيزود استهلاك البنزين

اكيد كدا افتكرتوا ان العربيه عباره عن ورق من كلامى
الحاجات الى بتكلم عنها دى بتحصل بعد الاف الكيلومترات وبعد مئات المرات يعنى ماحدش يقلق العربيه مش ورق بس على المدى البعيد تطلب تغييرات واصلاح

معلش انا مش فاهم حاجة ممكن تبسطهاااااالى
1 يعنى لو انا ماشى ع الطريق ومش عايز ازود سرعة عن كدة ادوس ع الدبرياج ولا مدسشى ع حاجة خالص واسيب العربية تمشى لوحدها وتبطئ بالكسور الذاتى
2 لو هفرمل بعد 100 متر مثلا ادوس ع الدبرياج والفرامل ولا مدسشى على حاجة وقبل ما اقف ادوس ع الدبرياج والفرامل
معلش استحملنى انا اسف
وشكرا جدا لمجهود حضرتك الكبير

[Ahmed Galal]

خطوات المحافظه على اسطوانه الدبرياج وتعيش معاك لحد ماشاء الله
1- عدم ترييح الرجل على الدواسه بتاعت الدبرياج حتى لو ماكنتش ضاغط عليها ماتريحش عليها خالص
2-التفحيط والامريكانى والتخميس والنتش والتسقيط والخ الخ ( الاحمال المفاجاه ) بتاكل الدبرياج بطريقه رهيبه وبتبوظ الاسطوانه والدسك
3-النقل بسلاسه وبدون حركات فجايه اثناء النقل او النتش دا بيحافظ على الدسك من التاكل
4- السقوط فى البلاعات وتوقف المحرك فجاه نتيجه سقوط فى بلاعه او حفره بتبوظ الريش بتاعت الاسطوانه وبالتالى بتؤدى لوجود هزه اثناء الطلوع على الاول
5- اقوى عزم بيحصل عند الطلوع من الثبات للسرعه الاولى فخلى رجلك حنينه وماتنتش
6- المسافه بين النقلات والضغط على الدبرياج تكون قليله بقدر الامكان لتقليل وقت الاحتكاك بين الدسك والاسطوانه والحدافه وفى نفس الوقت يكون سلس
7-كل نقله فى الفتيس تكون ليها سرعه معينه زى ومعظم العربيات بتكون الاول من الصفر الى 20 كم والثانى من 20 الى 40 كم والثالت من 40 الى 60 كم والرابع من 60 الى 90 كم والخامس من 90 الى اعلى اقل من كدا يسبب زياده احتكاك فى الدبرياج وزياده الحمل على الدبرياج واعلى من كدا احتكاك اكتر ونتش
8- فى الزحمه خلى النقله تكون على المتعادله على طول n علشان ماتحملش رجلك والاسطوانه وبلى الدبرياج فى فصل الاسطوانه عن الحدافه
9- دائما اهتم بتشحيم وتزييت مجموعه الدبرياج والنقل ب wd-40 لانه بيسهل حركه الدبرياج ومش هتخلى رجلك توجعك من الضغط
10- ودى اهم حاجه ماتديش العربيه لاصحابك لان كتره الارجل على البرياج بيزيد من استهلاكه وبعدين محدش هيحافظ على عربيتك اد نفسك
اتمنى اكون جمعت خبرتى فى الكام نقطه دول وتكون مفيده للجميع

شرح وافى و ممتاز