موضوع رهيييييييب وجامد موت

[asemx1]

مش مقتنع أن مفيش فرق بين 80 و 92 !!!!!!!!!!!

اكيد فى فرق يا باشا بس ممكن يتعالج بانك تسوق صح
يعنى ماتسحبش جامد ولا تشد او تطلع امريكانى فجاه
هوا دا الفرق بس واكيد كلنا عايزين نحافظ على عربياتنا باننا مانطلعش فجاه وامريكانى اهو حاجه تحجمنا

[asemx1]

البنزين 80 لونه بمبى وال92 اخضر نفس لون ميرندا تفاح الاخضر و البنزين كل ما الاوكتين بتاعه يزيد تلاقى اللون الاخضر زاد يبقى البنزين ال80 اللى لونه بمبى ازاى يتقارن مع ال90 و ال 92 و مره عن تجربه تم وضع بنزين 80 فى نيسان صنى 2002 اوتوماتيك مش عاوز اقولكم انه بعض 4 تفويلات بس العربيه جابت طرمبه بنزين واتغيرت ب 1200 جنيه

ههههههه وانا كان عندى دايو لانوس 2004 جابت طرمبه بنزين وماكنتش بحط اقل من 92
بوظان الطرميه يا باشا دا استهلاك عادى او عيب عادى الطرمبه ملهاش دعوه بنوع البنزين
الطرمبه المستخدمه فى العربيات اسمها submerged pumb يعنى الطرمبه الغاطسه يعنى بتتحط فى التانك وتتغمر فيه وكون انها تبوظ دا شىء عادى لان الفرش الكربونيه الى فيها على طول مغموره فى البنزين وبيادى الى تاكلها مع الوقت وغير كدا ان شوائب التانك على مر السنين بيخليها تبوظ
ملهاش اى علاقه بابنزين يا باشا وكان حظك كدا انها باظت فى التوقيت دا

[eng_ahmedryad]

يابشمهندس ممكن تقرأ الموضوع ده كويس ، هتلاقي الرد فيه :

http://www.nilemotors.net/Nile/16758-gasoline-octane-number-engine-cr.html

وبعديها نتناقش
تحياتي

[asemx1]

انا نفسى اعمل موضوع كبير اشرحلكم فيه ال فرق بين ال 80 وال92 وتاثيره على العربيه
لو قولته هقعد اكتب كتييييييييييير ومش هيخلص الكلام فيه
بس اكتر حاجه ممكن تلاحظوها مش حوار الكركره دا خلاص قولنا انك ممكن تظبطه برجلك وماتخليهاش تكركر
الحوار الاهم بقى والملحوظ جدا مع الناس الى رجليها تقيله على البنزين وبتحب تسحب جامد بالعربيه
اول حاجه البنزين ال 80 ليه رينج فى الاحصنه وال90 ليه رينج تانى
يعنى الفقد فى الطاقه بيبقى فى رينج معين
وهقولكم انك على سبيل المثال الاكيد والمجرب انى جبت عربيتين ماتريكس وليفادا
واكيد كلكم عارفين الفرق ببين الاتنين
العربيه الليفادا شغاله ببنزين 95 او اعلى وماتور 1500 سىسى بتدى باور 105 حصان
والماتريكس الى شبها بالظبط شغاله ببنزين 90 وماتور 1600 سىسى بتدى 94 حصان
مش متاكد من الارقام اوى بس فى دماغكم طبعا كل ما زاد السىسى يزيد الاحصنه
لا دا الاوكتان ليه تاثير مباشر على الاحصنه ودا للى مش غاوى يسحب ولا غاوى باور مش هيلاحظ الفرق اساسا

[asemx1]

ياجماعه انا اكيد كلامى لواحدى مش مقنع بس انا استنتجته من تجاربى وتدويرى وفحصى وطلع عينى فيه لدرجه انى بقيت بحلم بالمواتير
الى مش مصدق اكيد يفتح جووجل كدا ويكتب ( الفرق بين بنزين 90 و 80)
ويقرا المواضيع الى فيه
ودا واحد ربنا يخليه كاتب موضوع عن الفرق وبصراحه عجبنى ومش مقصر فى الكلام وادى كوبى ليه ونقل :

انا حشرح لكم الفرق بين 92 و 90 و 80 شرح علمي عشان تعرفوا ان كلمة انقى وانظف دي كلمة غلط
بصوا ياجماعه البنزين فيه مركبيبين واحد ثماني جزيئات الكربون والثاني سباعي الثماني اغلى وميزته انه بيستحمل ضغط عالي من غير مايتحرق لوحده يعني لما السيليندر بيضغط مزيج البنزين والهواء المركب ثماني الكربونات بيستحمل ومابيولعش الا لما البوجيه يولعه فده يخلي العربيه مظبوطة اما المركب ذي السبع جزيئات على حسب الضغط يعني لو المواتير عفيه وبتضغط جامد مش حيتسحمل ولما السيليندر يطلع عشان يضغط مزيج البنزين والهواء المركب يولع قبل ما البوجيه يولعه فده يخلي الانفجار قبل معاده فالسيليندر يرجع والعربيه ساعتها تحس انها ملغبطه عشان كده لما تحول ل80 لازم تظبط الكهربا عند كهربائي بيفهم فدلوقتي هما عملوا البنزين مزيج من الاتنين (ودي نسبة الاوكتان الثماني الهيبتان السباعي 90و80و92و95 ) عشان يخلو سعره معقول والضغط اللي يتحملوا هو ضغط معظم مواتير العربيات لاحظ ان مافيش في الخليج بنزين 80 لان المواتير معظمها عفيه وضغطها عالي مش غني ولا يحزنون دي حاجات محسوبه يا جدعان سوق وماركت بتتدرس ولو تفتكروا زمان كان البنزين فيه رصاص وكلنا كنا فرحانين باليافطه اللي البنزينه بتحطها بنزينا خالي من الرصاص انتوا عارفين كانوا بيحطوه ليه عشان الرصاص كان بيزود قدرة خليط المركبين ان يتحمل ضغط اعلى دون ان ينفجر قبل الميعاد ولعملكم حتى وقتنا هذا الرصاص لسه بينضاف للوقود المستخدم في محركات الطائرات عشان مافبش مركب لوحده يقدر يستحمل الضغط داخل محرك الطائرة دون ان يحترق
فالموضوع ببساطة ممكن تدور في كتالوج عربيتك او تخش تدور على النت على ضغط الماتور بتاعك Compression ratio
وممكن تلاقي انك حطيت 90 او 92 او 95 زي بعضه لو ان ضغط عربيتك اقل من الضغط اللي بيتحرق عنده البنزين ال90
ساعتها انت اولى بالبريزه لان مالهاش لازمه لا انظف ولا حاجةوحتلاقي عربيات زي البورش ماينفعش تشتغل ب90 الماتور يلغبط عشان الضغط بتاع الماتور عالي جدا
هو فيه حل ممكن الشركات تعمله انها ترجع تحط رصاص تاني للبنزين ساعتها ممكن تحط 80 عادي لانه حيستحمل معاك المشكلة ان الرصاص بيبوظ الماتور على المدى البعيد بس بقولكم ايه من الاخر الماتور حيبوظ كده كده من الحرق اللي احنا بنحرقه قبل ما يبوظ من شوية رصاص واكيد انتوا فاهمين حد حيقول استنى والبيئة حتبوظ حقول البيئة كده كده بايظة والجيل الجاي حيعيش بكمامات
تحياتى

منقول

[hanykoky]

اضافه رائى
مع النصب والغش الى فى البلد دى والسرقات
محدش يقنعنى ان كل حاجه فيها غش ماعادا البنزين
انتم ايش عرفكم ان الى بتحطوه دا 92 او 90 مش ممكن يكون 80 مش ممكن يكون خليط من 80 و90 وبيتباع ليكم على اساس انه 92
انتم لازم تجربوا وهتصدقوا انكم اتضحك عليكم

طب جربوا تحطوا نص التانك 90 والنص التانى 80
هتلاقوا مافيش
فى ناس بتقول ان البنزين بيختلف من بنزينه للتانيه
دا اكيد طبعا على حسب الغش
والى عملوا العربيات دى اكيد مش هيخلوا الموضوع حساس اوى انك تحط 80 فى مره يبوظ الماتور
فى اساله كتير اوى فى دماغى ونفسى حد يجاوبنى صح لان بجد انا الى جربته فعلا نتائج مزهله

أنا معاك فى الكلام ده ١٠٠ فى ال١٠٠ ... بس لى ملحوظة إن بعض العربيات زى اللانسر ٩٩ عايشة لحد دلوقتى من غير مشاكل ... يعنى أكتر من ١٠ سنين أهوه

[cameeron]

طيب ممكن تفهمنى يا اخى ممكن عندنا المسائل سداح مداح و السوق بتاعنا مش فاهم طب لما تلاقى شركة زى فولكس كاتبة فى كتالوج عربيتها استخدم بنزين اكتر من 91 تبقى دى افتكاسة من فولكس و مش فارقة؟؟؟

[asemx1]

طيب ممكن تفهمنى يا اخى ممكن عندنا المسائل سداح مداح و السوق بتاعنا مش فاهم طب لما تلاقى شركة زى فولكس كاتبة فى كتالوج عربيتها استخدم بنزين اكتر من 91 تبقى دى افتكاسة من فولكس و مش فارقة؟؟؟

لا دى مش افتكاسه دا رقم الاوكتان المصمم ليه الموتور الى يديلها اقصى عزم وقدره
لو حطيت فيها خليط مثلا من ال90 وال 80 نص التانك ونص التانك التانى مثلا
ومكركرتش يبقى متلاقمه معاها ومافيش اى مشاكل بس ممكن احتمال ضعيف اوى تحس بضعف فى القدره والسحب وممكن متحسش بيه خالص لو رجلك حلوه على البنزين من زمان وقيادتك هاديه
وممكن تحط 80 على طول ولو رجلك حلوه مش هتكركر بس هتحس بضعف فى القدره اكتر برضو بس دا برضو مش محسوس
وعلى العموم انا نفسى حد يقولى انه كان شغال ب 80 فى عربيه كورولا او ياريس حديثه وحصله تدمير للماتور او راح التوكيل وقالوله انه حط 80 والماتور باظ بسببه
لانى ملاحظ ان الى بيرودوا كلهم مش من اصحاب مواضيع التويوتا
انا حاطط الموضوع دا لاصحاب التويوتا علشان محدش جرب هنا بنزين 80
وبصراحه هقولكم حاجه مضايقانى اوى ازاى يكون البنزين ال 80 من فتره ب 80 قرش وكان ال 90 ب 1 جنيه
وفجاه يغلوا ال 90 ويبقى ب 1.75 جنيه
دا انا بسميه وضع ضريبه على الناس الاغنيه الى معاهم فلوس ودا مش صح لان فى طبقات متوسطه بتجيب عربيات شغاله بننزين 90 يعنى من الاخر الموضوع فيه نصب اوى

[asemx1]

أنا معاك فى الكلام ده ١٠٠ فى ال١٠٠ ... بس لى ملحوظة إن بعض العربيات زى اللانسر ٩٩ عايشة لحد دلوقتى من غير مشاكل ... يعنى أكتر من ١٠ سنين أهوه

يعنى انا نسيت اقول بعدد الكيلومترات برضو وبعدين انا بقول نسبه تقريبيه يعنى انا بتوقع ان الماتور يفوت ويطلب عمره قبل ما يبوظ من البنزين

[asemx1]

يابشمهندس ممكن تقرأ الموضوع ده كويس ، هتلاقي الرد فيه :

http://www.nilemotors.net/nile/16758-gasoline-octane-number-engine-cr.html

وبعديها نتناقش
تحياتي

حلو اوى الموضوع دا ياباشا وهتلاقى فعلا الراجل فى نهايه الموضوع اتنقل للبنزين ال 80 وبقى شغال بيه مع انه معاه جولف 2 ودى عربيه مكنتها شديده انتا اكدت الموضوع مرسى جدا على مساعدتك

[3ateef]

فى مقولة بتقول
I would never die for my beliefs,,because I might be wrong

ارجو ان حضرتك تسمع الرأى الاخر وتفكر فيه...مش حتخسر حاجة...

[atef_sh]

على حد علمى ان كمية الرصاص أعلى فى البنزين 80 ويعتبر شوائب-ونواتج الاحتراق أيضا تتوقف على هذه الشوائب.
ما تفسير حضرتك يا باشمهندس؟

على حسب علمي أن كل البنزين الأن خالي من الرصاص
و قد سمعت معلومه من مهندس ميكانيكا عنده ورشة إصلاح سيارات :
" أن الرصاص مفيد للموتور حيث أنه يعمل طبقه في البساتم "
و من المعروف أن طبيعة الرصاص أنه معدن لين جداً و كانوا يستخدمونه من قبل في مواسير صرف أحواض الحمامات لسهولة تشكيله

[atef_sh]

على فكره أنا جربت هذا التوفير عن طرق زيت الموتور
حيث كنت أستعمل زيت Mobile XHP و أغيره كل 10000كم
وذلك لأن كل شركات الزيوت متفقه فيما بينها أن لا تعلن رسمياً عن معدل تغيير الزيت
طبعاً سيقولون أن الأمر يختلف حسب عمر الموتور و حسب طريقة القياده و حسب ........
و لكني كنت أستخدم السياره في السفر و كانت لانسر جديده بوما 2004 و عملت بها 150000 كم بهذه الطريقه و لم يحدث شيئ للموتور

[ahmedhee]

هو حتي لو بنزين 80 ينفع. المشكلة ستكون في الوقت
انت لو شوفتوا طوابير التاكسي عل بنزين 80 لا يمكن تفكوا تجيبوه

[hero]

ايلي بيعمل كيلومتر عالي ...يعني فوق الـ 6000 كم في الشهر ..يبقي الافضل يقلب العربية غاز..انا باشوف في المنصورة عربيات كتير جدااا حديثة وبتمون غاز...وهو تقريبا اداءة زي اداء البنزين الـ80..وعلاوة علي كدة الموتور بيتظبط علي كهربة الـ 80..

كدة يبقي توفير من كل ناحية...بنزين 80 ...وغاز...الـ 130 كم بيكلفوا حوالي 3 جنية او 4 جنية...كل تاكسيات البلد كدة..وممنوع ترخيص تاكسي مش غاز..