اضحك كركر مع سعر تويوتا افنسيس 2010

[elpacha]

اتصلت بالتوكيل النهاردة البيزلاين ب 205000 مافيهاش حاجة
الهاى لاين ( نفس كماليات هاى لاين القديمة بس من غير فتحة سقف ) ب 235000
وطبعا كله مانيوال واللى مش عاجبه يخبط راسه فى .....
وطبعا حبايبنا الحلويين المغيبين عن الوعى هايسيبوا البى ام الفئة التالتة اللى تقريبا بنفس التمن
وهايجيبوا دى
ماهى تويوتا بقى
للعلم فقط العربيات الاه يانى ( اليابانى ) بقت اغلى من الluxurious brand الاوروبى زى بى ام وفولفو واودى
الحمد لله انى طلقت اليابانى بالتلاتة ....فولكس فاجن فوق الجميع

[Sameh]

بجد ده يبقا تهريج
ده جشع أو إستهبال بمعنى أصح من التوكيل مش عيب فى العربية
الجنيه الإسترلينى أصلاً فى أرخص أسعاره بقاله سنتين تلاتة ، يعنى أى حاجة جاية من إنجلترا (لو هى جاية من هناك) المفروض ترخص مش تغلى !!
وبعدين مين هيحط ربع مليون فى عربية مانيوال بموتور عادى وتجهيزات عادية وموديل متوسط مش عالى أوى يعنى !!
أعتقد سوقها هيقف لو سعرها كدة
يعنى لو السعر ده ومانيوال بمانيوال الواحد يجيب بيجو 407 مثلاً بعزم رهيب وإستهلاك مافيش وشكل جبار
أو باسات ب dsg7 وموتور tsi
ولا حتى سوناتا بتاعت غبور ! أهو اسمها أوتوماتيك وموتور قوى وكماليتها مش هتبقا أقل من الأفينسيس فى حاجة
ثم اللى يسعر عربية بالشكل ده وهو كسبان فيها مش أقل من 50 الف مثلاً ، هيعمل إيه فى أسعار قطع الغيار اللى هى مش منتشرة أوى ، يبقى اللى يجيبها ده لازم يكون مغرم بالأفينسيس أوى أو مش عارف السوق أسعاره إيه

[elpacha]

بجد ده يبقا تهريج
ده جشع أو إستهبال بمعنى أصح من التوكيل مش عيب فى العربية
الجنيه الإسترلينى أصلاً فى أرخص أسعاره بقاله سنتين تلاتة ، يعنى أى حاجة جاية من إنجلترا (لو هى جاية من هناك) المفروض ترخص مش تغلى !!
وبعدين مين هيحط ربع مليون فى عربية مانيوال بموتور عادى وتجهيزات عادية وموديل متوسط مش عالى أوى يعنى !!
أعتقد سوقها هيقف لو سعرها كدة
يعنى لو السعر ده ومانيوال بمانيوال الواحد يجيب بيجو 407 مثلاً بعزم رهيب وإستهلاك مافيش وشكل جبار
أو باسات ب dsg7 وموتور tsi
ولا حتى سوناتا بتاعت غبور ! أهو اسمها أوتوماتيك وموتور قوى وكماليتها مش هتبقا أقل من الأفينسيس فى حاجة
ثم اللى يسعر عربية بالشكل ده وهو كسبان فيها مش أقل من 50 الف مثلاً ، هيعمل إيه فى أسعار قطع الغيار اللى هى مش منتشرة أوى ، يبقى اللى يجيبها ده لازم يكون مغرم بالأفينسيس أوى أو مش عارف السوق أسعاره إيه

استهبال ايه ياسامح ياحبيبى
اصبر بس لما شلة تويوتا يصحوا النوم
هايدخلوا يبهدلونى عشان شتمت تويوتا والعربيات اليابانى ومش بعيد يهدروا دمى ويطالبوا بطردى من المنتدى واقامة الحد على

[محمد محمد]

استهبال ايه ياسامح ياحبيبى
اصبر بس لما شلة تويوتا يصحوا النوم
هايدخلوا يبهدلونى عشان شتمت تويوتا والعربيات اليابانى ومش بعيد يهدروا دمى ويطالبوا بطردى من المنتدى واقامة الحد على

ليه يا عم انت قولت حاجة غلط انا متفق مع كلامك واتوقع انهم هييجوا في اخر السنة هيعرضوها ب180الف ج.

[asd7778]

ليه يا عم انت قولت حاجة غلط انا متفق مع كلامك واتوقع انهم هييجوا في اخر السنة هيعرضوها ب180الف ج.

فعلا اكتر من 180 الف بجنيه يبقى سعرها هطل
نفسى افهم اخواننا بتوع التسويق فى شركات السيارات بيسعروا ايه
اين العقل فى هذا السعر
يعنى الى بيحب يشترى العربيات دى
عنده سكودا سبيريب 190 الف
فيها كماليات بتقول ماما وبابا وتيتا ممتازه وموتور 1400 تربوا ممتاز
لكن 205 الف وفاضيه
يبقى الى يجبها مش دارى بالدنيا

[د.محمود صلاح]

سعرها مبالغ فيه ولم أجدها في الخليج نهائي يمكن عشان مانيوال

[yehia]

خليها تخلل عندهم ....

سمعت انها بالخل والمستردة و شوية مايونيز ... ملهاش حل

[محمد محمد]

خليها تخلل عندهم ....

سمعت انها بالخل والمستردة و شوية مايونيز ... ملهاش حل

دي عربية كومبو بقي.

[M!SHO]

خليها تخلل عندهم ....

سمعت انها بالخل والمستردة و شوية مايونيز ... ملهاش حل :s_thum1[1]:

+11111111111111111

[معتز]

خليها تحمض....خلى توكيل فولكس ياكل جاتوه على حاسبهم......الباسات برقبتها 100 مره....تويوتا افنسيس اوروبى .وملهاش تواجد فى الخليج ....اخونا فى توكيل تويوتا بمصر لسة بيفكروا بشكل خاص بيهم فقط........ يبخت التوكيلات اللى صحيت من النوم....انا حاسس ان توكيل فولكس صحى من النوم من فترة وتوكيل تويوتا دخل للنوم مكانه...

[KHALED AYMAN]

نفسى اقابل "البرنس" الى حط سعر العربيه و اقوله حاجه ...
لو عرف يقنعنى بيها هشترى منه 5 عربيات افينسيس ...
اجيب الافينسيس و مجيبش سوبيرب ليه ؟؟
طيب مجيبش 316 ليه ؟؟
طيب مجيبش فانتازيا كامله ليه ؟؟
طيب مجيبش باسات ليه ؟؟
طيب مجيبش جيتا كامله ليه ؟؟
عاوز سبب واحد يخلينى اجيبها و مجيبش عربيه من العربيات ولاد الحلال دول !!!!!!
اذا كان "الفيكترا" صاحبه السمعه الممتازه فى السوق لما نزلت ب 205 كامله بكماليات ملهاش حل و المانى 100% منصور قعد يدلل عليها و ينادى عليها فى المواقف و الاسواق ...
متحركتش فى السوق غير لما بقت ب 180 ..و انت نازل ....
تيجى الافينسيس بنت اليومين ...
تقولى فاضيه ب 205 ؟؟؟؟؟؟؟؟

[M.Mosaad]

هي الناس دي عبيطة و لا بتستعبط و لا بتستهبل و لا ايه

يعني مين هيشتريها مين البني ادم اللي حتي متهموش الفلوس يروح يشتريها

لا و علي كونتاكت كارز يقولوا الوحيدة في فئتها مش عارف وحيدة في ايه

اللي بيعدي ال 200 الف في عربيه قدامه مليون اختيار و اخرهم السوبيرب لكن دي محدش هيبصلها

المفروض ينزلوا بيها جامد لانها تبقي بديله الكورولا علشان يبتدوا يبيعوا شوية لان الكورولا سوقها مش اد كدة بعد العيوب

اصحاب العقول في راحه

بس سؤال انت قدرت تمسك نفسك ازاي مع بتاع المبيعات لما قالك علي السعر ؟؟؟؟؟؟؟؟؟؟؟؟؟؟؟؟؟

[omar-saad]

لا تعليق
لانى لو علقت هانطرد من المنتدى مدى الحياة.......................

[Sharky]

توكيل تويوتا لسه عايش فى وهم (السيارة دى تويوتا )
و مش حاسين ان الدنيا اتغيرت خلاص

طبعا اروح اجيب 316 أو باسات افضل

[محمد محمد]

توكيل تويوتا لسه عايش فى وهم (السيارة دى تويوتا )
و مش حاسين ان الدنيا اتغيرت خلاص

طبعا اروح اجيب 316 أو باسات افضل

عبد اللطيف جميل اليومين دول عامل خصومات وكاش باك وحاجات من دي....شايل السعوديين فوق دماغه........والله ماقصر.