اضحك كركر مع سعر تويوتا افنسيس 2010

[Sharky]

عبد اللطيف جميل اليومين دول عامل خصومات وكاش باك وحاجات من دي....شايل السعوديين فوق دماغه........والله ماقصر.

مش هو بس ت كبيرة على موديلات تويوتا
دا معظم توكيلات تويوتا بره عاملين تخفيصات كبيرة على موديلات تويوتا علشان يبع
مش عندنا هنا لسه عايشين فى الأحلام و الخيال !!!

[Horsepower]

السلام عليكم,
أعتقد السعر ده سببه إن العربية نازلة 1600 و 1800 و 2000 سي سي
شوفو اللينك ده لتويوتا مصر:
Toyota - Avensis
العربية ممتازة فعلا بس عايزين نتأكد إن الأسعار دي أسعار ال 1600 بس مش ال 1800 و ال 2000 ... أنا حاسس إن فيه حاجة مش صح ... أبويا معاه العربية دي موديل 2008 1600 مانيوال بيزلاين و كان جايبها ب 165 ألف مش معقول تبقى ال 2010 ب 205 ألف ... الله أعلم.

[Sharky]

دا سعر الـ 1600 سى سى

[hugan]

مالها السبرانزا ال620 زي الفل لازم تويتا افنسيس انا بهرج لحسن تاخدو المو ضوع جد

[Kareem_A]

طبعا التسعير غبي شوية , و جه في وقت غبي بعد مشكلة للفتيس

بس انا عندي تعليق , موضوع الفتيس المانيوال

الافنسيس ال١٦٠٠ في العالم كله نازلة مانيوال بسسسسسس , زاى السوبيرب و المونديو

بس انا اظن ان العربية مستوردة من انجلترا و ممكن تكون غالية لهذا السبب

[KHALED AYMAN]

طبعا التسعير غبي شوية , و جه في وقت غبي بعد مشكلة للفتيس

بس انا عندي تعليق , موضوع الفتيس المانيوال

الافنسيس ال١٦٠٠ في العالم كله نازلة مانيوال بسسسسسس , زاى السوبيرب و المونديو

بس انا اظن ان العربية مستوردة من انجلترا و ممكن تكون غالية لهذا السبب

لا يا باشا العربيات دى كلها منها اوتو ..
بس اكتر من 1600 ..
السوبيرب منها هنا اوتو ب 490 الف 1800 سى سى ..

[yehia]

حسبي الله ونعم الوكيل في الجمارك وضرائب المبيعات اللي كانت في الأول مخليانا نتكلم عن العربيات الأكتر من 1600 سي سي زي الكائنات الأسطورية وقصص الخيال العلمي ... مع ان كل العربيات اللي عندنا في مصر تكاد تنزل في الخارج بفئات ليس من بينها فئة الـ 1600 سي سي إلا نادرا ....

مثلا الكروز والكارينز والالنترا والسوبيرب والجيتا والاكوتافيا ألخ إلخ ......

أما النهارده فالجمارك والضرائب دول ادت الفرصة لبعض التوكيلات انها تتعامل مع بعض فئات السيارات الـ 1600 سي سي كأنها كائنات من فوق القمر لازم تدفع دم قلبك عشان تنول الرضا السامي وتقتنيها .... كأنها مثلا فيها اكسير الحياة ولا لترين لبن العصفور ......

كل البلاد من حوالينا شرق وغرب وشمال وجنوب بدأت تفهم معنى ان المواطن من حقه يركب عربية بكماليات محترمة مقابل سعرها الحقيقي ... أو أقرب سعر للحقيقي ....

تخيلوا مثلا سوريا .. باعتبارها قريبة لنا اقتصاديا واجتماعيا وسياسيا .... شوفوا كده اللينك ده عشان تعرفوا جمارك السيارات تحت وفوق الـ 1600 سي سي كانت قد ايه ومن سنة 2005 بقت ايه .... http://http://www.shabablek.com/vb/t35939.html


طبعا ممكن رأي يقول لك تخفيض الجمارك حيخنق المرور أكتر وأكتر والدنيا تبوظ أكتر ما هي بايظة ...

أنا ردي على النقطة دي 3 حاجات:
(1) أنا كمواطن دافع للضرائب ومؤدي للرسوم في مختلف المجالات مش مسئول عن التقصير في عدم وجود استراتيجية مرورية وسكانية في تخطيط المجتمعات لأعوام عديدة قادمة في المستقبل والضرب بيد من حديد على مخالفات البناء والمولات والعشوائيات اللي كلها استوعبت ناس كتيرة فوق مقدرة البنية التحتية والطرق في المدن .... ليس من المفترض أن أتحمل أنا كمواطن نتيجتها.
(2) اللي ناوي يشتري عربية أو اتنين أو تلاتة بيقبى مخطط لنفسه هدف من وراء كده .. يعني واحدة ليه والتانية للمدام والتالتة للولد والرابعة للبنت إلخ .... فهو بيبقى عارف انه عايز عدد معين من العربيات ... لو الجمارك والضرائب على السيارات كانت عادلة يبقى هو برده حيجيب نفس العدد اللي حاطه لنفسه ولكن في المقابل الميزانية اللي كانت تجيب عربية تعبانة استعمال 30 سنة ممكن دلوقتي تجيبله عربية زيرو كويسة ... واللي ميزانيته تجيبله عربية زيرو معقولة دلوقتي تجيبله عربية زيرو تانية أحسن .... وهكذا دواليك....
(3) ودي أهم حاجة .. لو خايفين قوي من الزحمة الناجمة عن زيادة السيارات ... طب ما هو الحل موجود للي عايز يحل يعني ..... شيل الجمارك والضرائب ورسوم الترخيص الخيالية من على العربيات وخليهم في الحدود المعقولة ... 5% أو 10% بالكتير كقيمة نهائية ... وساعتها طبق سياسة التكهين على الملاكي وابقى اشنق اللي راكب عربية بقالها أكتر من 10 سنين لو حبيت ( أنا شخصيا عربيتي بقالها أكتر من 20 سنة)... ساعتها تبقى قدمت السبت فتتوقع الأحد والاثنين ... مش يبقى الوضع زي ما هو وتقول لي حنرفع الدعم عن الطاقة (زيادة سعر البنزين) بشكل تدريجي حتى يتساوى مع سعره العالمي .. طب ما تديني السيارات بالسعر العالمي كذلك .. وبالمرة نفس متوسط الدخل العالمي عشان الصورة تبقى كاملة .....

[Kareem_A]

لا يا باشا العربيات دى كلها منها اوتو ..
بس اكتر من 1600 ..
السوبيرب منها هنا اوتو ب 490 الف 1800 سى سى ..

تمام يا باشا كلامك , زاى مانا قلت "ال1600"

[M.Osman]

ميكونش حد حسسهم ان تويوتا جاية من زحل ولا حاجة ؟؟

[Ahmed Samy]

ما هو ده الوكيل اللي بيبيع الكامري أغلى من ال 525

ههههههههههههههههههههههههههههه

[Horsepower]

ما هو ده الوكيل اللي بيبيع الكامري أغلى من ال 525

ههههههههههههههههههههههههههههه

أوباااااااااااااا
متشاورش بس يا باشا ... حاسب على صباعك

[KHALED AYMAN]

ما هو ده الوكيل اللي بيبيع الكامري أغلى من ال 525

ههههههههههههههههههههههههههههه

قبل اى حاجه ..واحشنى ...
بالنسبه للموضوع ..
بتتكلم جد انها اغلى من 525 !!!!
هى فيها كماليات ايه ؟؟
دى طاسات باين
التوكيل اتحسد و عاوز حد يبخره

[محمد محمد]

قبل اى حاجه ..واحشنى ...
بالنسبه للموضوع ..
بتتكلم جد انها اغلى من 525 !!!!
هى فيها كماليات ايه ؟؟
دى طاسات باين
التوكيل اتحسد و عاوز حد يبخره

اخرج يا بني من هنا ....مش انت مش بتحب تويوتا وبتحب الأوبل اللى الكلاكس بتاعها عامل زي بتاع الميكروباص...ايه بقي اللى دخلك هنا.

[KHALED AYMAN]

اخرج يا بني من هنا ....مش انت مش بتحب تويوتا وبتحب الأوبل اللى الكلاكس بتاعها عامل زي بتاع الميكروباص...ايه بقي اللى دخلك هنا.

ههههههههههههه
انت عارف انى مش بدخل تويوتا كتير هههههههههههه
بس ملازم الفراش من امبارح ...
قلت ادخل قسم الحبايب عيب يعنى انا كنت تويوتاوى لمده اسبوع و بعدها رجعت لاصلى
قولى بقى كلاكس ايه الى عامل زى الميكروباص ده زى بتاع ال525
ملحوظه:
مش بحب تويوتا و مش بحب الاوبل "فى مصر" بعد عشره عمر ..طلقتها بالتلاته

[KHALED AYMAN]

تمام يا باشا كلامك , زاى مانا قلت "ال1600" :f_eyeb1[1]:

هههههههههه انا من ساعتها عمال اقرا الرد بتاعك و اقول زى ما قال ازاى بس !!!
ههههههههههه