تسخين الياريس

[KiNgMaX]

المفروض ان اى عربية لما تكون باردة المفروض تسخنها قبل ماتمشى
بس الغريب ان كتالوج الباريس مكتوب فيه ان عملية التسخين المفروض تتم مع حركة العربية يعنى كاتبين ما معناه وانت بتسخن اديها نقلة وماتسخنش وانت على وضع اللا تعشيق ( المور ) بشرط عدم القرص على العربية لغاية لما اللمبة الخضرا تطفى يعنى دور واطلع على طول حتى لو العربية باردة بس ماتقرص عليها ( كانك بتلين )
ما تعليقكم عل هذا الكلام مع العلم انى فعلا بعمل كده بدور واطلع على طول وامشى على الهادى لحد لما اللمبة الخضرا تطفى

[أبو عبدالله]

أكيد هما صح واي حاجه تانيه غلط
لأن هما اللي عاوزين العربيه تعمر ومش تبوظ بسرعه وهما اللي عاملين المحرك وعارفين ايه الصح له

[memo_hefnawy]

كلام محمد صح

إمشى على الكاتالوج ده أولا

ثانيا الأفضل لكل العربيات إنك تدور و تستنه من 30 ل 50 ثانية حسب درجة حرارة الجو (المدة دى عشان الزييت ياخد دورة كاملة) و تتحرك من غير قرص على العربية يعنى الأر بى إم مايزيدش منك عن 2 لحد ما الموتور يوصل لدرجة الحرارة إللى بيثبت عليها

[حاتم سليم]

فى الالف كيلو الاولى
كنت انتظر حتى تطفئ اللمبة الخضراء

و لكن بعد كده انتظر لمدة دقيقة واحدة فقط
ثم اعشق على D و ابدأ السير

واحده واحده ...

[hazem_khidr]

هو زي ما الكتالوج بيقول كده
لكن لو وقف بالعربيه لحد ما اللمبه تطفي مافيش مشكله طبعا لان زي ما محمود بيقول دوره التزييت بتاخد وقت حوالي 50 ثانيه و انت لو حسبتها تلاقي اللمبه بتنور دقيقتين

[GalaxyMan]

أعتقد إن المقصود إن أنت لو مشيت قبل ما اللمبة تطفي مفيش مشكلة لأن فيه سخانات بتساعد على التسخين

لكن لو أنت انتظرت لما تطفي ومشيت هيبقى أفضل

ودا بديهي لأن انتم بتقولو متقرص وامشي على مهلك يعني المقصود إن الموتور ميتضغطش علية ولو أنت فضلت واقف لحد ما اللمبة أطفت يبقى انت مضغطتش على الموتور ودا أفضل من أنك تمشي

أعتقد لو فيه مشكلة في الوقوف كان قال

دا رأيي

[mohamed ibiza]

kol 3rbya 3la 7sb alli 3amlina altzm b al ktalog homa adra mnna 100 mara w 3arfeen eih ydor al 3rbya w eih y5liha t3mr w kol 3rbya bt5tlf enta 3ndk leiha nzam w ana 3ndi msln leiha nzam tany tmamn al ibiza 3ndi adiha dostin abl ma adwr w b3dha adwr ts5n automatic ala2i al rpm 3la 20 ytl3 shwya bseta awe lw7so automatic yeni l7d ma y2rb mn 3000 tl2i fsl lw7do w al rpm nzl 3la 10 w al 7rara arbt mn 70 b3da keda amshy ana kol 3rbya leiha nzmha altnm afdlk

















IBIIIIIIIIIIIIIIIIIIIIIIIIIIIIIIIIIIIIIIIZZZZZZZZZ ZZZZZZZZZZZZAAAAAAAAAAAAAAAAAAAAAAAA FOR EVER

[hero]

الاحسن تستني لما اللمبة الخضرا دي تطفي....وبعدين تمشي ...ولو العملية دقيقيتن....مش هاتفرق

[أبو عبدالله]

مشكلة الوقوف انها بتسحب بنزين كتير وبتلاقي معدل الأستهلاك علا جامد عن الطبيعي لما تتعود على كده

[WaelSalim]

هو الكاتالوج قايل كده فى صفحة كام ؟

[KiNgMaX]

الكلام ده فى صفحة رقم 185 فى العمود الأول
( يجب ان تتم عملية إحماء المحرك خلال القيادة , وليس فى وضع اللاتعشيق . لإحماء المحرك, إبدأالقيادة بإدارة المحرك ببطء الى ان تصبح درجة حرارة مبرد المحرك ضمن الحدود الطبيعية )

[hazem_khidr]

لسه شايف الكلام دا في صفحه 187 العمود الاول فعلا
لكن دا معناه انك ما توصلش لدرجه الحراره المثلي علي ما اعتقد و انت واقف.
لانه ما قالش مش شرط اللمبه تطفي .
و هيا لو كان مش لازم مكنوش حطو اللمبه من اساسه طالما الموتور بيشتغل و تمشي بيه و اللمبه منوره اخضر عادي.

[KiNgMaX]

ايوه بس اللمبة منوره عشان متقرص على الموتور لحد ماتطفى

[hazem_khidr]

طب و ليه؟؟
ما انا اقف الدقيقه و نص او الدقيقتين دول و خلاص و متهيالي مش حيزودو في معدل استهلاك البنزين و لا حاجه .
و لو مستعجل اطلع بيها يعني نمسك العصايه من النص.
و بعدين الواحد علي ما يدور العربيه و يكمل شياله الغطا و ينضف العربيه من التراب حتكون اللمبه فصلت

[أبو عبدالله]

لا يا حازم بيرفع استهلاك البنزين جامد جدا وهتلاحظه وجرب وقولي
لأن انا كنت بعمل كده بفضل واقف لحد ما اللمبه تطفي
لقيت استهلاك البنزين علا جامد
هو عموما مش علشان التسخين هيا الواقفه بالعربيه كتير بدون ما تمشي وهيا دايره بيستهلك بنزين اكتر من ما هيا ماشيه